𐴅𐴠𐴕𐴟𐴏𐴥𐴝𐴙𐴋𐴡𐴌 𐴃𐴟 𐴁𐴝𐴏𐴞 𐴀𐴝𐴙𐴐𐴧𐴙𐴠 𐴊𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓 , 𐴁𐴠𐴐𐴤𐴞 𐴊𐴠𐴔𐴝𐴒𐴞 𐴀𐴡𐴐𐴤𐴟𐴏𐴃𐴢 𐴏𐴥𐴡𐴚𐴑𐴡𐴄𐴡𐴃𐴢 𐴱𐴱

𐴁𐴡𐴌𐴔𐴥𐴝𐴌 𐴔𐴠𐴓𐴠𐴄𐴠𐴌𐴞𐴌 𐴅𐴠𐴕𐴟𐴏𐴥𐴝𐴙𐴋 𐴀𐴝𐴌 𐴎𐴟𐴓𐴟𐴔𐴡𐴌 𐴃𐴟 𐴉𐴡𐴌𐴝𐴕 𐴁𐴝𐴏𐴝𐴘 , 𐴁𐴝𐴚𐴓𐴝𐴊𐴠𐴐𐴤𐴡𐴃 𐴏𐴥𐴝𐴀𐴝𐴌𐴝 𐴓𐴡𐴘𐴧𐴠𐴊𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓 , 𐴀𐴥𐴡𐴊𐴡𐴌 𐴁𐴦𐴝𐴌𐴠 𐴊𐴠𐴔𐴝𐴒𐴞 𐴀𐴡𐴐𐴤𐴟𐴏𐴃𐴡 𐴏𐴥𐴡𐴚𐴑𐴡𐴄𐴡𐴃 𐴀𐴝𐴏𐴠 𐴁𐴡𐴓𐴞 𐴱 𐴉𐴡𐴌𐴄𐴞 𐴉𐴥𐴝𐴘 𐴌𐴥𐴝𐴙𐴄 𐴃𐴡𐴕𐴎𐴞𐴔𐴠 𐴁𐴞𐴐𐴤𐴞𐴃 𐴁𐴝𐴌𐴠 𐴕𐴠𐴓𐴝𐴘𐴧𐴠𐴊𐴠 𐴕𐴟𐴖𐴝 𐴌𐴠𐴂𐴦𐴟𐴄𐴡𐴃 𐴈𐴡𐴘𐴧𐴠 𐴱 𐴁𐴡𐴌𐴔𐴥𐴝𐴃 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌𐴠 , 𐴀𐴞𐴕𐴐𐴝𐴕𐴞 𐴇𐴥𐴡𐴑 𐴔𐴝𐴍𐴞 𐴒𐴡𐴌𐴥𐴝𐴌 𐴎𐴟𐴓𐴟𐴔 , 𐴊𐴠𐴔𐴝𐴒𐴞 𐴀𐴡𐴐𐴤𐴟𐴏𐴃𐴡 𐴏𐴥𐴡𐴚𐴑𐴡𐴄 , 𐴕𐴞𐴌𐴀𐴝𐴐𐴤𐴝 𐴀𐴝𐴌 𐴋𐴡𐴌𐴠 𐴁𐴠𐴐𐴤𐴞 𐴔𐴡𐴐𐴑𐴞𐴓𐴡𐴃 𐴉𐴦𐴡𐴣𐴏𐴝𐴘 𐴊𐴞𐴘𐴠 𐴱 𐴎𐴞𐴀𐴞𐴕𐴡𐴌 𐴎𐴡𐴌𐴞𐴘𐴝 𐴀𐴥𐴞𐴃𐴝𐴌𐴝 𐴁𐴡𐴌𐴔𐴥𐴝𐴃 𐴑𐴠𐴀𐴠𐴕 𐴒𐴡𐴌𐴞 𐴖𐴝𐴉𐴠𐴏𐴢 𐴎𐴝𐴙𐴁𐴡𐴊𐴠 ؟ 𐴁𐴤𐴝𐴉𐴡𐴕𐴡𐴃 𐴉𐴡𐴌𐴞 𐴒𐴞𐴘𐴡𐴘 𐴱 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌 𐴊𐴠𐴔𐴝𐴒𐴞 𐴀𐴡𐴐𐴇𐴟𐴏𐴃𐴡 𐴏𐴥𐴡𐴚𐴑𐴡𐴄𐴠 , 𐴀𐴥𐴞𐴃𐴝𐴌𐴥𐴝𐴌 𐴎𐴞𐴕𐴊𐴞𐴒𐴞 𐴈𐴥𐴡𐴃𐴡𐴌𐴝𐴃 𐴉𐴥𐴠𐴓𐴝𐴘 𐴊𐴞𐴘𐴠 , 𐴎𐴦𐴞𐴕𐴡𐴌𐴠 𐴈𐴡𐴕𐴥𐴞𐴑𐴧𐴙𐴝 𐴁𐴤𐴝𐴉𐴞 𐴕𐴡 𐴏𐴝𐴀𐴝𐴌 𐴁𐴡𐴓𐴞 , 𐴉𐴡𐴌𐴄𐴞 𐴉𐴥𐴝𐴘 𐴃𐴡𐴕𐴎𐴞𐴔𐴡𐴌 𐴁𐴡𐴌𐴡 / 𐴔𐴠𐴃𐴧𐴞𐴘𐴡 𐴀𐴠𐴏𐴔𐴞𐴃𐴤𐴠 𐴈𐴡𐴘𐴧𐴠 𐴱𐴱

𐴘𐴟𐴕𐴝𐴘 𐴄𐴤𐴠𐴋 𐴕𐴠𐴐𐴤𐴠𐴕 𐴀𐴠𐴅𐴤𐴠𐴕𐴏𐴞 𐴘𐴠 𐴲 𐴱 𐴔𐴥𐴝𐴐𐴢 𐴁𐴦𐴝𐴊𐴠 , 𐴀𐴠𐴔𐴝𐴌𐴅𐴠𐴕𐴏𐴞 𐴌𐴠𐴂𐴟𐴄𐴡𐴃 𐴐𐴤𐴡𐴃𐴑𐴝𐴌𐴝 𐴵 𐴱 𐴃𐴟 𐴰 𐴲 % 𐴎𐴡𐴕𐴡𐴌 𐴊𐴠𐴔𐴝𐴒𐴞 𐴐𐴤𐴟𐴏𐴃𐴡𐴌𐴠 𐴈𐴥𐴡𐴌𐴝𐴁 𐴒𐴡𐴌𐴞 𐴉𐴥𐴠𐴓𐴝𐴘𐴧𐴠 𐴁𐴡𐴓𐴞 𐴀𐴝𐴕𐴊𐴝𐴎 𐴒𐴡𐴙𐴅𐴧𐴙𐴠 𐴱 𐴀𐴠 𐴀𐴡𐴐𐴤𐴝𐴕𐴃𐴞 , 𐴏𐴥𐴡𐴚𐴑𐴡𐴄 𐴏𐴝𐴙𐴃𐴠 𐴁𐴠𐴐𐴤𐴞 𐴋𐴦𐴡𐴣𐴌 , 𐴔𐴡𐴕𐴃𐴡𐴌 𐴑𐴤𐴠𐴔𐴡𐴃𐴝𐴌 𐴁𐴤𐴟𐴃𐴡𐴌𐴠 𐴀𐴝𐴕𐴡𐴕 𐴕𐴝 𐴔𐴟𐴕𐴑𐴠𐴕 ( 𐴔𐴡𐴐𐴑𐴞𐴓 ) 𐴀𐴥𐴠𐴃𐴡𐴓𐴧𐴝 𐴁𐴡𐴌𐴔𐴥𐴝 𐴇𐴥𐴡𐴑𐴟𐴔𐴡𐴃𐴡𐴌 𐴃𐴟 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌 𐴊𐴠𐴔𐴝𐴒𐴞 𐴀𐴡𐴐𐴤𐴟𐴏𐴃𐴡 𐴌𐴠 𐴉𐴡𐴌𐴃𐴡𐴔𐴥𐴞𐴑𐴃𐴝 𐴊𐴞𐴘𐴡𐴌𐴠 , 𐴅𐴠𐴕𐴟𐴏𐴥𐴝𐴙𐴋 , 𐴀𐴝𐴌 𐴀𐴡𐴙𐴕𐴧𐴡 𐴈𐴡𐴕𐴥𐴡 𐴋𐴦𐴡𐴙𐴓𐴧𐴝 𐴎𐴟𐴓𐴟𐴔 𐴕𐴡 𐴀𐴥𐴡𐴙𐴁𐴡𐴊𐴠 𐴘𐴥𐴝𐴕𐴡𐴌𐴠 𐴈𐴥𐴝𐴄𐴞 𐴁𐴞𐴐𐴧𐴝𐴐𐴢 𐴊𐴞𐴘𐴝 𐴉𐴡𐴌𐴞𐴁𐴤𐴡 , 𐴀𐴥𐴞𐴃𐴝𐴌𐴝 𐴁𐴡𐴌𐴔𐴥𐴝𐴃 𐴎𐴝𐴘 𐴀𐴞𐴎𐴧𐴡𐴃𐴡𐴌 𐴏𐴥𐴝𐴣𐴀𐴝𐴃𐴠 𐴎𐴞𐴕𐴊𐴞𐴒𐴞 𐴈𐴝𐴍𐴝𐴘 𐴉𐴝𐴌𐴠 𐴉𐴥𐴝𐴀𐴝𐴕 𐴱𐴱

𐴎𐴦𐴝𐴣 𐴇𐴥𐴡𐴑 ‘ 𐴂𐴡𐴌𐴡𐴑𐴝𐴐𐴤𐴞𐴃 𐴋𐴝𐴄𐴝 𐴔𐴡𐴎𐴞𐴕 𐴐𐴤𐴡𐴃𐴑𐴝𐴌𐴝 𐴷 . 𐴸 𐴸 % 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴉𐴠𐴌𐴠𐴐𐴝𐴕𐴞𐴌 𐴀𐴝𐴌 𐴏𐴞𐴕𐴃𐴝𐴌 𐴓𐴡𐴑𐴧𐴡𐴕 𐴀𐴡𐴓𐴝 , 𐴀𐴝𐴌 𐴐𐴤𐴡𐴃𐴑𐴝𐴌𐴝 𐴴 𐴸 % 𐴎𐴡𐴕 𐴅𐴡𐴎𐴁𐴝𐴃𐴞 𐴕𐴞𐴌𐴀𐴝𐴐𐴤𐴝𐴌 𐴓𐴡𐴑𐴧𐴡𐴕 𐴀𐴡𐴓𐴝 𐴀𐴝𐴌 𐴐𐴤𐴡𐴃𐴑𐴝𐴌𐴝 𐴲 . 𐴱 𐴶 % 𐴎𐴡𐴕 𐴊𐴟𐴌𐴒𐴡𐴙𐴃𐴧𐴝 𐴓𐴡𐴑𐴧𐴡𐴕 𐴀𐴡𐴓𐴝 𐴱 𐴓𐴡𐴑𐴧𐴡𐴕 𐴀𐴞𐴕𐴠 𐴅𐴠𐴕𐴟𐴏𐴥𐴝𐴙𐴋𐴡𐴌 𐴃𐴟 𐴁𐴝𐴏𐴞 𐴀𐴝𐴏𐴥𐴠𐴊𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴑𐴧𐴡𐴓𐴡𐴌 𐴋𐴠𐴓𐴥𐴞 𐴎𐴞𐴕𐴊𐴞𐴒𐴞𐴌𐴠 𐴁𐴠𐴐𐴤𐴞 𐴈𐴥𐴡𐴌𐴝𐴁 𐴁𐴝𐴕𐴦𐴝𐴌 𐴱 𐴕𐴞𐴕𐴝𐴕 𐴕𐴡𐴁𐴧𐴡𐴘 𐴹 𐴹 𐴏𐴥𐴡𐴁𐴧𐴝 𐴀𐴡𐴓𐴝 𐴌𐴠𐴂𐴟𐴄 𐴎𐴞𐴘𐴥𐴝𐴕 𐴔𐴝𐴌𐴠𐴆 𐴸 𐴱 𐴰 𐴲 𐴃𐴟 𐴓𐴡𐴃𐴞 𐴕𐴡𐴖𐴡𐴔𐴁𐴡𐴌 𐴰 𐴲 𐴰 𐴲 𐴐𐴤𐴡𐴕𐴡𐴌 𐴁𐴤𐴟𐴃𐴡𐴌𐴠 𐴎𐴡𐴔𐴝 𐴒𐴡𐴌𐴥𐴝 𐴒𐴞𐴘𐴠 𐴱 𐴌𐴠𐴂𐴟𐴄 𐴘𐴥𐴝𐴕 𐴰 𐴱 𐴎𐴡𐴙𐴕𐴧𐴝 𐴌𐴟𐴇𐴙𐴚𐴒𐴙𐴝 𐴌𐴞𐴏𐴥𐴝𐴆𐴤𐴝𐴌 𐴄𐴞𐴀𐴞𐴔𐴠 𐴵 𐴹 𐴴 𐴒𐴤𐴡𐴌𐴒𐴟𐴐𐴧𐴞𐴌 𐴃𐴟 𐴓𐴡𐴘𐴧𐴠𐴊𐴠 𐴌𐴠𐴂𐴟𐴄 𐴀𐴝𐴌 𐴀𐴝𐴒𐴠 𐴓𐴡𐴃𐴞 𐴌𐴞𐴏𐴥𐴝𐴆 𐴒𐴡𐴌𐴥𐴞 𐴀𐴝𐴘𐴧𐴠𐴌 𐴊𐴠 𐴳 𐴱 𐴎𐴡𐴙𐴕𐴧𐴝 𐴌𐴞𐴏𐴥𐴝𐴆𐴝𐴌𐴡𐴌 𐴌𐴠𐴂𐴟𐴄 𐴀𐴝𐴌 𐴳 𐴳 𐴎𐴡𐴕𐴡𐴌 𐴉𐴦𐴞𐴋𐴁𐴤𐴠𐴑 𐴌𐴠𐴂𐴟𐴄 𐴀𐴝𐴌 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞𐴌 𐴶 𐴱 𐴖𐴝 𐴖𐴥𐴝𐴑𐴐𐴤𐴡𐴂𐴡𐴌 𐴌𐴠𐴂𐴟𐴄 𐴱𐴱

Sources : Dhakatribune