𐴲 𐴴 𐴶 𐴱 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴁𐴤𐴝𐴐𐴡𐴕 𐴏𐴡𐴌𐴡𐴃 𐴉𐴦𐴡𐴣𐴙𐴏𐴧𐴠 𐴒𐴤𐴡𐴘 , 𐴀𐴥𐴞𐴃𐴝𐴌𐴝 𐴀𐴥𐴠𐴍𐴠 𐴃𐴤𐴝𐴑𐴞𐴁𐴡 𐴱𐴱

𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴌𐴠 𐴎𐴝𐴒𐴝 𐴓𐴝𐴌𐴞 𐴌𐴝𐴑𐴤𐴞𐴁𐴝𐴌 , 𐴁𐴝𐴚𐴓𐴝𐴊𐴠𐴐𐴢 𐴇𐴥𐴡𐴑𐴟𐴔𐴡𐴃𐴡𐴌 𐴉𐴥𐴝𐴙𐴏𐴠𐴓𐴝 𐴔𐴡𐴎𐴞𐴕 𐴴 𐴃𐴝𐴌𐴥𐴞𐴑 𐴋𐴞𐴏𐴡𐴔𐴁𐴡𐴌 𐴰 𐴲 𐴰 𐴲 𐴐𐴤𐴡𐴕 𐴐𐴤𐴑𐴧𐴟𐴌 𐴁𐴝𐴌𐴠 , 𐴲 𐴴 𐴶 𐴱 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝𐴌 𐴀𐴠𐴑𐴀𐴡𐴔 𐴑𐴤𐴠𐴂𐴢 , 𐴆𐴞𐴄𐴝𐴚 𐴐𐴤𐴡𐴀𐴡𐴌𐴡𐴌 𐴃𐴞𐴕 𐴎𐴝𐴒𐴝𐴌 𐴃𐴟 𐴔𐴠𐴓𐴠𐴄𐴠𐴌𐴞𐴌 𐴕𐴠𐴁𐴤𐴞 𐴀𐴝𐴌 𐴉𐴝𐴐𐴤𐴞𐴕𐴊𐴝𐴌𐴞 𐴁𐴟𐴄𐴢𐴓𐴡𐴘 , 𐴐𐴤𐴝𐴀𐴡𐴌𐴡 𐴃𐴞𐴕 𐴒𐴤𐴡𐴕𐴄𐴤𐴝 𐴊𐴡𐴙𐴅𐴧𐴙𐴝𐴌 𐴏𐴡𐴉𐴥𐴡𐴌 𐴒𐴡𐴌𐴥𐴞 𐴁𐴝𐴊𐴠 𐴊𐴦𐴟𐴣𐴙𐴅𐴧𐴙𐴝 𐴊𐴟𐴖𐴝 𐴁𐴝𐴎𐴠 , 𐴃𐴝𐴌𐴝𐴌 𐴕𐴟𐴖𐴝 𐴒𐴤𐴡𐴌 𐴁𐴤𐴝𐴐𐴡𐴕 𐴏𐴡𐴌𐴡𐴃 𐴉𐴦𐴡𐴣𐴙𐴏𐴧𐴠 𐴒𐴤𐴡𐴘 , 𐴀𐴥𐴞𐴃𐴝𐴌𐴝 𐴀𐴥𐴠𐴍𐴠 𐴃𐴤𐴑𐴞𐴁𐴡 𐴱 𐴁𐴤𐴝𐴐𐴡𐴕 𐴏𐴡𐴌𐴡𐴃 𐴉𐴦𐴡𐴣𐴏𐴞 𐴁𐴝𐴊𐴠 , 𐴀𐴥𐴞𐴃𐴝𐴌𐴝 𐴌𐴠 𐴀𐴝𐴒𐴁𐴝𐴌𐴥𐴝𐴘 𐴓𐴡𐴙𐴁𐴡𐴓𐴧𐴝 𐴁𐴝𐴕𐴝𐴘𐴧𐴠𐴊𐴠 𐴑𐴠𐴀𐴠𐴔𐴡𐴃 𐴒𐴤𐴡𐴓𐴝𐴘 , 𐴁𐴞𐴘𐴝𐴌𐴝𐴔 𐴆𐴠𐴑 𐴒𐴡𐴌𐴥𐴞 𐴏𐴦𐴝𐴘𐴧𐴠 , 𐴔𐴡𐴕𐴃𐴡𐴌 𐴀𐴥𐴞𐴃𐴝𐴌𐴝 𐴌𐴠 𐴑𐴝𐴑𐴏𐴢 𐴁𐴝𐴎𐴝𐴌 𐴀𐴠𐴓𐴝𐴑𐴝𐴌 𐴑𐴠𐴀𐴠𐴔𐴡𐴌 𐴃𐴟 𐴕𐴠𐴓𐴝𐴘 𐴒𐴝𐴌𐴥𐴞𐴃 𐴃𐴟𐴓𐴞𐴁𐴤𐴝𐴌 𐴐𐴤𐴡𐴣𐴀𐴡𐴃 𐴀𐴥𐴡 𐴁𐴞𐴘𐴝𐴌𐴝𐴔 𐴆𐴠𐴑 𐴒𐴡𐴙𐴅𐴧𐴞𐴓 𐴱 𐴃𐴝𐴌 𐴁𐴝𐴊𐴠 ‘ 𐴁𐴠𐴙𐴒𐴧𐴟𐴕𐴡𐴌𐴠 𐴈𐴥𐴝𐴓𐴞 𐴒𐴟𐴊𐴝𐴔 𐴀𐴟𐴒𐴧𐴗𐴝𐴃 𐴒𐴤𐴡𐴓𐴝𐴘 , 𐴊𐴡𐴙𐴅𐴧𐴙𐴝𐴌 𐴊𐴟𐴘𐴀𐴡𐴔 𐴎𐴞𐴔𐴧𐴝𐴊𐴝𐴌 𐴀𐴝𐴌 𐴁𐴤𐴝𐴐𐴡𐴕 𐴏𐴡𐴌 𐴂𐴡𐴌𐴡𐴅𐴤𐴠𐴑𐴄𐴡𐴌𐴡𐴌 𐴋𐴝𐴙𐴌𐴠𐴑𐴄𐴝𐴌 / 𐴀𐴠 𐴀𐴠 𐴔𐴝𐴔𐴟𐴕𐴠 𐴀𐴥𐴞𐴃𐴝𐴌𐴝𐴌𐴠 𐴏𐴗𐴝𐴒𐴡𐴃 𐴒𐴡𐴌𐴥𐴞 𐴁𐴝𐴊𐴠 𐴱𐴱

𐴃𐴟𐴣𐴖𐴝𐴣𐴌𐴝 𐴐𐴤𐴝𐴕𐴃𐴞𐴌 𐴀𐴝𐴌 𐴀𐴝𐴌𐴝𐴔𐴡𐴌 𐴏𐴥𐴝𐴣𐴀𐴝𐴃𐴠 𐴁𐴤𐴝𐴐𐴡𐴕 𐴏𐴡𐴌𐴡𐴃 𐴃𐴤𐴝𐴑𐴞 𐴉𐴝𐴌𐴡𐴉𐴦𐴝𐴕 , 𐴓𐴝𐴒𐴠𐴊𐴠 𐴏𐴥𐴝𐴔𐴝𐴕 𐴎𐴠𐴊𐴞𐴒𐴧𐴞𐴕 𐴀𐴝𐴏𐴠 , 𐴁𐴠𐴙𐴒𐴧𐴞𐴕 𐴊𐴞𐴘𐴝 𐴒𐴞𐴘𐴠 𐴀𐴝𐴌 𐴊𐴞𐴎𐴝𐴙𐴁𐴡 𐴁𐴡𐴓𐴞 𐴁𐴞𐴐𐴧𐴝𐴐𐴢 𐴊𐴞 𐴈𐴡𐴘𐴧𐴠 𐴱 𐴁𐴤𐴝𐴐𐴡𐴕 𐴏𐴡𐴌𐴡𐴃 𐴃𐴤𐴑𐴞𐴁𐴝𐴌 𐴀𐴝𐴙𐴕 𐴑𐴝𐴕𐴟𐴕𐴡𐴌 𐴁𐴝𐴁𐴡𐴃𐴠 , 𐴁𐴝𐴙𐴄𐴧𐴝 𐴒𐴡𐴌𐴞 𐴕𐴡𐴏𐴞𐴘𐴡𐴃 𐴒𐴡𐴌𐴞 𐴁𐴝𐴊𐴠 𐴀𐴝𐴓𐴧𐴝𐴇 𐴃𐴝𐴓𐴝𐴌 𐴈𐴝𐴣𐴏𐴠 𐴔𐴟𐴕𐴝𐴅𐴝𐴃 ( 𐴊𐴟𐴀𐴝 ) 𐴒𐴡𐴙𐴓𐴧𐴡 𐴱 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓 𐴑𐴠𐴀𐴠𐴔𐴡𐴌 𐴃𐴟 𐴕𐴠𐴓𐴞 𐴁𐴤𐴝𐴐𐴡𐴕 𐴏𐴡𐴌𐴡𐴃 𐴉𐴦𐴡𐴣𐴏𐴠 𐴉𐴡𐴙𐴅𐴧𐴡𐴕𐴃𐴡 𐴏𐴥𐴡𐴉𐴡𐴌 𐴘𐴥𐴝𐴕𐴡𐴃 𐴀𐴝𐴌 𐴁𐴤𐴝𐴐𐴡𐴕 𐴏𐴡𐴌𐴡𐴃 𐴉𐴦𐴡𐴣𐴏𐴞 𐴁𐴝𐴊𐴠 , 𐴒𐴤𐴡𐴌 𐴁𐴝𐴌𐴞 𐴊𐴠𐴑𐴤𐴞 𐴁𐴝𐴊𐴠 , 𐴀𐴥𐴞𐴃𐴝𐴌𐴝𐴌𐴠 𐴏𐴝𐴙𐴓𐴠 𐴁𐴠𐴐𐴤𐴞 𐴑𐴤𐴟𐴐𐴞 𐴑𐴤𐴟𐴐𐴞 𐴔𐴞𐴑𐴧𐴙𐴝 𐴓𐴝𐴒𐴠𐴌 𐴁𐴡𐴓𐴞 𐴎𐴞𐴔𐴧𐴝𐴊𐴝𐴌 𐴀𐴥𐴡𐴑𐴧𐴡𐴓𐴠 𐴈𐴡𐴘𐴧𐴠 𐴱 𐴀𐴥𐴠𐴊𐴞𐴕 𐴁𐴠𐴙𐴕𐴧𐴝 𐴏𐴥𐴡𐴌𐴠 𐴀𐴠𐴑 𐴊𐴡𐴌𐴎𐴤𐴡𐴕 𐴉𐴡𐴙𐴅𐴧𐴡𐴕𐴃𐴡 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴠 𐴋𐴤𐴝𐴑𐴝 𐴄𐴠𐴌𐴞𐴁𐴙𐴟𐴕𐴡 𐴌𐴠 𐴈𐴡𐴘𐴧𐴠𐴊𐴠 ‘ 𐴀𐴝𐴣𐴀𐴝𐴌𐴝 𐴁𐴤𐴝𐴐𐴡𐴕 𐴏𐴡𐴌𐴡𐴌 𐴁𐴝𐴁𐴡𐴃𐴠 𐴁𐴡𐴀𐴡𐴃 𐴋𐴤𐴝𐴑𐴡𐴌 𐴃𐴟 𐴅𐴝𐴕𐴑𐴝𐴌𐴞 𐴓𐴡𐴘 𐴁𐴝𐴊𐴠 𐴁𐴤𐴝𐴐𐴡𐴕 𐴏𐴡𐴌𐴡𐴃 𐴕𐴞𐴎𐴡𐴌 𐴀𐴝𐴃𐴧𐴝 𐴑𐴤𐴟𐴐𐴠𐴘𐴠 𐴎𐴝𐴙𐴌 𐴊𐴠 𐴱 𐴀𐴝𐴌 𐴀𐴝𐴣𐴀𐴝𐴌𐴝 𐴌𐴠 𐴈𐴡𐴕𐴥𐴞𐴑𐴧𐴙𐴝 𐴁𐴡𐴓𐴝𐴎𐴟𐴌𐴞 𐴒𐴡𐴙𐴅𐴧𐴙𐴊𐴠 𐴕𐴦𐴡 𐴱 𐴑𐴝𐴑𐴏𐴢 𐴁𐴝𐴎𐴝𐴌 𐴀𐴠𐴓𐴝𐴑𐴝𐴌 𐴑𐴠𐴀𐴠𐴔𐴡𐴌 𐴈𐴥𐴡𐴌𐴝𐴂𐴢 𐴇𐴝𐴓𐴡𐴃𐴡𐴌 𐴎𐴡𐴌𐴞𐴘𐴝 , 𐴑𐴠𐴀𐴠𐴔𐴡𐴌𐴃𐴟 𐴕𐴠𐴓𐴞 𐴁𐴤𐴝𐴐𐴡𐴕 𐴏𐴡𐴌𐴡𐴃 𐴀𐴝𐴙𐴁𐴡𐴌 𐴓𐴝 𐴃𐴡𐴘𐴧𐴝𐴌 𐴀𐴥𐴡𐴘𐴧𐴞𐴊𐴠 𐴁𐴡𐴓𐴞 𐴘𐴥𐴡 𐴈𐴡𐴘𐴧𐴠 𐴱𐴱

Sources : Dhakatribune