𐴒𐴝𐴔𐴁𐴞𐴘𐴝 𐴘𐴠 𐴒𐴡𐴙𐴅𐴧𐴙𐴠𐴊𐴠 ‘ 𐴌𐴟𐴇𐴝𐴙𐴚𐴒𐴙𐴝 𐴅𐴠𐴕𐴟𐴏𐴥𐴝𐴙𐴋𐴡𐴌 𐴔𐴦𐴡𐴊𐴧𐴞𐴔𐴝𐴌 𐴈𐴥𐴡𐴏𐴧𐴝𐴌 𐴓𐴝 𐴁𐴝𐴚𐴓𐴝𐴊𐴠𐴐𐴤𐴠 𐴰 𐴰 𐴰 𐴰 𐴰 𐴵 $ 𐴋𐴡𐴓𐴝𐴌 ( 𐴀𐴡 𐴀𐴝𐴘 𐴏𐴞 ) 𐴌𐴠 𐴊𐴞𐴘𐴠 𐴱𐴱

𐴒𐴡𐴃𐴡 𐴁𐴡𐴏𐴡𐴌 𐴕𐴡𐴖𐴡𐴔𐴁𐴡𐴌 𐴔𐴥𐴝𐴐𐴤𐴡𐴃 𐴒𐴝𐴔𐴁𐴞𐴘𐴝 𐴘𐴠 𐴁𐴡𐴌𐴔𐴥𐴝𐴌𐴠 𐴌𐴟𐴇𐴝𐴙𐴚𐴒𐴙𐴝 𐴅𐴠𐴕𐴟𐴏𐴥𐴝𐴙𐴋𐴡𐴌 𐴀𐴝𐴐𐴤𐴝𐴔𐴞 𐴁𐴝𐴕𐴝𐴘 𐴊𐴠𐴐𐴁𐴞𐴊𐴠𐴐𐴤𐴞 𐴀𐴞𐴕𐴏𐴝𐴉𐴢 𐴑𐴦𐴟𐴍𐴡𐴃 𐴔𐴦𐴡𐴊𐴧𐴞𐴔𐴝 𐴑𐴤𐴟𐴙𐴓𐴧𐴙𐴠 , 𐴷 𐴵 𐴊𐴠𐴐𐴤𐴡𐴌 𐴁𐴞𐴊𐴠𐴐𐴢 𐴀𐴟𐴎𐴞𐴌 𐴒𐴟𐴌𐴟𐴉𐴡𐴌 𐴃𐴡𐴕𐴎𐴞𐴔 ( 𐴀𐴡 𐴀𐴝𐴘 𐴏𐴞 ) 𐴘𐴠 , 𐴀𐴥𐴠 𐴃𐴡𐴕𐴎𐴞𐴔𐴡𐴌 𐴉𐴡𐴏𐴥𐴞𐴔 𐴀𐴝𐴉𐴌𐴞𐴑𐴝𐴌 𐴔𐴞𐴔𐴁𐴡𐴌 𐴊𐴠𐴐𐴢 𐴒𐴝𐴔𐴁𐴞𐴘𐴝 𐴘𐴠 , 𐴁𐴡𐴌𐴔𐴥𐴝 𐴘𐴠 𐴌𐴟𐴇𐴝𐴙𐴚𐴒𐴙𐴝 𐴌𐴠 𐴅𐴠𐴕𐴟𐴏𐴥𐴝𐴙𐴋 𐴒𐴙𐴙𐴅𐴧𐴙𐴠𐴊𐴠 𐴘𐴥𐴝𐴕𐴡𐴌 𐴓𐴝 , 𐴁𐴡𐴌𐴔𐴥𐴝𐴌 𐴀𐴟𐴓𐴋𐴝 𐴊𐴠𐴐𐴁𐴞𐴊𐴠𐴐𐴤𐴞 𐴀𐴞𐴕𐴏𐴝𐴉𐴢 𐴑𐴦𐴟𐴍𐴡𐴃 𐴑𐴝𐴕𐴟𐴕𐴞 𐴃𐴡𐴌𐴠 𐴔𐴦𐴡𐴊𐴧𐴞𐴔𐴝 𐴁𐴝𐴀𐴝𐴊𐴧𐴠 𐴘𐴥𐴝𐴕𐴡𐴌 𐴈𐴥𐴡𐴏𐴧𐴝𐴌 𐴓𐴝 , 𐴀𐴠𐴈𐴥𐴡𐴕 𐴏𐴡𐴓𐴠𐴌 𐴊𐴠 𐴔𐴞𐴄𐴞𐴚𐴡𐴃 𐴉𐴥𐴡𐴕 𐴎𐴡𐴔𐴝 𐴒𐴡𐴌𐴠𐴌 𐴊𐴠 𐴀𐴥𐴠𐴍𐴠 𐴁𐴝𐴚𐴓𐴝𐴊𐴠𐴐𐴤𐴠 ” 𐴰 𐴰 𐴰 𐴰 𐴰 𐴵 ” 𐴓𐴥𐴝𐴑 𐴋𐴡𐴓𐴝𐴌 𐴊𐴞𐴘𐴠 𐴱𐴱

𐴒𐴝𐴔𐴁𐴞𐴘𐴝 𐴘𐴠 𐴑𐴝𐴕𐴟𐴕𐴞 𐴔𐴦𐴡𐴊𐴧𐴞𐴔𐴝 𐴁𐴝𐴀𐴝𐴊𐴧𐴠 𐴘𐴥𐴝𐴕𐴡𐴌 𐴇𐴠𐴔𐴝𐴘𐴡𐴃𐴡𐴃 𐴀𐴝𐴣𐴀𐴝𐴌𐴝 𐴀𐴝𐴒𐴠 𐴓𐴡𐴃𐴞 ( 𐴀𐴡 𐴀𐴝𐴘 𐴏𐴞 )𐴌𐴠 𐴉𐴥𐴡𐴕 𐴊𐴞𐴉𐴥𐴠𐴓𐴝𐴘𐴧𐴞 𐴁𐴡𐴓𐴞 , 𐴁𐴝𐴚𐴓𐴝𐴊𐴠𐴐𐴤𐴡𐴌 𐴃𐴡𐴌𐴉𐴡𐴌𐴃𐴟 𐴀𐴡 𐴀𐴝𐴘 𐴏𐴞𐴌 𐴇𐴥𐴝𐴔𐴐𐴤𐴝𐴌 𐴔𐴞𐴔𐴁𐴡𐴌 , 𐴎𐴞𐴁𐴤𐴝 𐴀𐴥𐴠 𐴀𐴡𐴑𐴃𐴡𐴃 𐴏𐴡𐴀𐴟𐴊𐴞 𐴀𐴝𐴌𐴡𐴁𐴡𐴃 𐴁𐴝𐴚𐴓𐴝𐴊𐴠𐴐𐴤𐴡𐴌 𐴏𐴥𐴡𐴉𐴞𐴌 𐴀𐴥𐴞𐴏𐴝𐴉𐴠 𐴀𐴝𐴐𐴧𐴞𐴓𐴊𐴠 / 𐴋𐴝𐴑𐴄𐴡𐴌 𐴔𐴟𐴇𐴝𐴔𐴧𐴡𐴊𐴢 𐴅𐴝𐴖𐴞𐴊 𐴂𐴡𐴄𐴖𐴝𐴌𐴞 𐴘𐴠 𐴈𐴡𐴘𐴧𐴠 𐴱𐴱 𐴀𐴝𐴘 𐴏𐴞 𐴅𐴠 ) 𐴀𐴞𐴕𐴏𐴝𐴉𐴢 𐴑𐴦𐴟𐴍𐴡𐴃 , 𐴒𐴝𐴔𐴁𐴞𐴘𐴝 𐴘𐴠 𐴁𐴝𐴀𐴝𐴊𐴧𐴠 𐴔𐴦𐴡𐴊𐴧𐴞𐴔𐴝𐴃 , 𐴀𐴝𐴌𐴅𐴤𐴠𐴕 𐴉𐴥𐴡𐴕𐴡𐴌 𐴎𐴡𐴌𐴟𐴌𐴡𐴃 𐴀𐴥𐴡𐴘𐴧𐴠 𐴈𐴡𐴘 𐴀𐴞𐴐𐴝𐴌𐴥𐴝 𐴒𐴡𐴌𐴡𐴕𐴠 , 𐴕𐴞𐴅𐴤𐴝𐴌𐴡𐴃 𐴀𐴥𐴡𐴘𐴧𐴠𐴊𐴠 𐴀𐴡 𐴀𐴝𐴘 𐴏𐴞𐴌 𐴔𐴞𐴄𐴞𐴚𐴡𐴃 , 𐴀𐴡 𐴀𐴝𐴘 𐴏𐴞𐴌 𐴀𐴠𐴈𐴥𐴡𐴕𐴡𐴌 𐴅𐴡𐴕𐴡𐴌𐴡𐴓 𐴏𐴠𐴒𐴠𐴄𐴠𐴌𐴞 𐴘𐴠 𐴉𐴥𐴡𐴕𐴡𐴌 𐴈𐴡𐴃𐴤𐴝 𐴈𐴡𐴘𐴧𐴠𐴊𐴠 𐴁𐴡𐴓𐴞 𐴁𐴝𐴚𐴓𐴝𐴊𐴠𐴐𐴡𐴌 𐴃𐴡𐴌𐴉𐴡𐴌 𐴀𐴡 𐴀𐴝𐴘 𐴏𐴞𐴌 𐴇𐴥𐴝𐴔𐴞𐴐𐴤𐴝𐴌 𐴔𐴞𐴔𐴁𐴡𐴌 / 𐴅𐴝𐴖𐴞𐴊𐴢 𐴂𐴡𐴄𐴖𐴝𐴌𐴞 𐴘𐴠 ( 𐴁𐴞 𐴀𐴠𐴏𐴢 𐴀𐴠𐴏𐴢 ) 𐴡𐴌𐴠 𐴈𐴡𐴘𐴧𐴠 𐴱𐴱

𐴏𐴞 𐴀𐴠𐴉𐴢 𐴀𐴠𐴔 ) 𐴡𐴃 𐴌𐴟𐴇𐴝𐴙𐴚𐴒𐴙𐴝 𐴅𐴠𐴕𐴟𐴏𐴥𐴝𐴙𐴋 𐴔𐴦𐴡𐴊𐴧𐴞𐴔𐴝𐴌 𐴕𐴟𐴖𐴝 𐴀𐴝𐴂𐴋𐴠𐴀𐴠𐴄𐴡𐴌 𐴁𐴝𐴁𐴡𐴃𐴠 , 𐴎𐴠𐴍𐴠 𐴔𐴟𐴓𐴥𐴝 𐴀𐴠𐴅𐴠𐴕𐴋𐴝 𐴀𐴥𐴞𐴏𐴝𐴉𐴠 𐴃𐴟𐴓𐴥𐴝 𐴒𐴞𐴘𐴠 𐴱 𐴀𐴥𐴠𐴃𐴡𐴓𐴧𐴝 𐴀𐴦𐴝𐴛 𐴀𐴡 𐴀𐴝𐴘 𐴏𐴞𐴌 𐴔𐴞𐴔𐴁𐴡𐴌 𐴊𐴠𐴐𐴢 𐴀𐴥𐴡𐴑𐴧𐴡𐴓𐴡𐴌𐴠 𐴌𐴝𐴎𐴞 𐴌𐴡𐴒𐴁𐴡𐴃𐴠 𐴑𐴤𐴟𐴐𐴞 𐴘𐴠 𐴀𐴝𐴌𐴅𐴤𐴠𐴕 𐴉𐴥𐴡𐴕 𐴎𐴡𐴔𐴝 𐴒𐴡𐴌𐴞𐴁𐴡𐴌 𐴓𐴝 𐴈𐴡𐴀𐴡𐴘𐴌 𐴊𐴠 𐴁𐴡𐴓𐴞 , 𐴒𐴝𐴔𐴁𐴞𐴘𐴝𐴌 𐴀𐴞𐴕𐴏𐴝𐴉𐴢 𐴀𐴟𐴎𐴞𐴌 / 𐴊𐴝𐴀𐴟𐴊𐴝 𐴅𐴝𐴓𐴟 𐴘𐴠 𐴈𐴡𐴘𐴧𐴠 𐴱 𐴀𐴠𐴈𐴥𐴡𐴕 𐴔𐴡𐴎𐴓𐴟𐴔 𐴌𐴟𐴇𐴝𐴙𐴚𐴒𐴙𐴝𐴌 𐴏𐴥𐴝𐴙𐴋𐴡𐴌 𐴃𐴟 𐴔𐴦𐴡𐴊𐴧𐴞𐴔𐴝 𐴁𐴦𐴝𐴘 𐴁𐴡𐴌𐴓𐴝 , 𐴀𐴝𐴔𐴞𐴌𐴞𐴑𐴝𐴌 𐴔𐴡𐴐𐴤𐴟𐴌 𐴀𐴟𐴑𐴞𐴓 𐴀𐴥𐴡𐴑𐴧𐴡𐴓 𐴊𐴤𐴡𐴌𐴝 𐴒𐴞𐴘𐴠 , 𐴀𐴥𐴠𐴃𐴡𐴓𐴧𐴝 𐴀𐴝𐴌𐴅𐴤𐴠𐴕 𐴓𐴡𐴒𐴁𐴤𐴡𐴒𐴢 𐴵 𐴔𐴡𐴓𐴞𐴘𐴟𐴕 𐴋𐴡𐴓𐴝𐴌 𐴓𐴝𐴒𐴠𐴌 𐴁𐴡𐴓𐴞/𐴒𐴝𐴔𐴁𐴞𐴘𐴝𐴌 𐴀𐴞𐴕𐴏𐴝𐴉𐴢 𐴀𐴟𐴎𐴞𐴌𐴠 𐴈𐴡𐴘𐴧𐴠 𐴱𐴱

𐴁𐴡𐴊𐴢 𐴑𐴞𐴏𐴔𐴡𐴃𐴞𐴌 𐴏𐴥𐴡𐴁𐴡𐴁𐴠 𐴀𐴟𐴑𐴞𐴓 𐴀𐴥𐴟𐴕𐴡𐴌𐴠 𐴏𐴠𐴃𐴡𐴔𐴁𐴡𐴌 𐴹 𐴱 𐴰 𐴲 𐴐𐴤𐴡𐴕 𐴀𐴥𐴡𐴘𐴃𐴠 𐴀𐴝𐴙𐴅𐴧𐴙𐴝 𐴉𐴡𐴙𐴅𐴧𐴡𐴕𐴃𐴡 , 𐴀𐴥𐴞𐴃𐴝𐴌𐴝𐴌 𐴓𐴡𐴘 𐴖𐴝𐴊𐴝 𐴀𐴥𐴡𐴘𐴧𐴠𐴊𐴠 𐴄𐴞𐴛𐴝𐴌 𐴊𐴟 𐴰 𐴰 𐴰 𐴰 𐴰 𐴳 𐴃𐴞𐴕 𐴓𐴥𐴝𐴑 𐴋𐴡𐴓𐴝𐴌 𐴊𐴞𐴘𐴝 𐴒𐴞𐴘𐴠𐴊𐴠 , 𐴐𐴤𐴡𐴃 𐴑𐴝𐴌𐴝 𐴊𐴡𐴐𐴤𐴡𐴌 𐴃𐴟 𐴁𐴤𐴝𐴌𐴡 𐴰 𐴱 % 𐴈𐴡𐴔 𐴱 𐴀𐴠 𐴔𐴦𐴡𐴊𐴧𐴞𐴔𐴝𐴌 𐴔𐴡𐴑𐴏𐴟𐴊𐴢 𐴀𐴥𐴡𐴘𐴓𐴊𐴠 , 𐴌𐴟𐴇𐴝𐴙𐴚𐴒𐴙𐴝 𐴏𐴥𐴡𐴚𐴑𐴡𐴄𐴡𐴌 𐴈𐴥𐴝𐴄𐴞 𐴀𐴝𐴌 𐴇𐴥𐴝𐴔𐴞𐴐𐴤𐴝 𐴄𐴞𐴑𐴠𐴊𐴠 𐴀𐴥𐴠𐴕𐴋𐴞𐴓𐴧𐴝 𐴔𐴡𐴎𐴁𐴟𐴃 𐴀𐴟𐴉𐴥𐴝𐴘 𐴕𐴞𐴘𐴝𐴓𐴡𐴕 𐴱 𐴀𐴝𐴌 𐴎𐴡𐴊𐴞 ( 𐴀𐴡 𐴀𐴝𐴘 𐴏𐴞 ) 𐴘𐴠 𐴒𐴝𐴔𐴁𐴞𐴘𐴝 𐴓𐴡𐴘 𐴀𐴡𐴔𐴞𐴓 𐴁𐴤𐴝𐴉𐴠 𐴀𐴝𐴘 𐴏𐴞 𐴅𐴠𐴃 𐴄𐴤𐴝𐴚 𐴒𐴤𐴡𐴓𐴝𐴘 𐴊𐴞𐴓𐴠 , 𐴀𐴥𐴡𐴙𐴃 𐴉𐴝𐴌𐴠 𐴔𐴝𐴔𐴠𐴓𐴝 𐴔𐴡𐴐𐴑𐴞𐴓 𐴀𐴥𐴡𐴘 𐴎𐴝𐴘𐴁𐴡 𐴒𐴤𐴡𐴘 𐴁𐴡𐴓𐴞 𐴒𐴝𐴔𐴁𐴞𐴘𐴝𐴌 𐴀𐴟𐴎𐴞𐴌𐴠 𐴈𐴥𐴡𐴁𐴡𐴌𐴊𐴝𐴌𐴞 𐴎𐴝𐴕𐴝𐴘𐴧𐴠 𐴱𐴱

Sources : Dhakatribune