𐴋𐴞𐴏𐴡𐴔𐴁𐴡𐴌 𐴔𐴥𐴝𐴐𐴡𐴃 ” 𐴰 𐴰 𐴲 𐴱 ” 𐴌𐴟𐴇𐴝𐴙𐴚𐴒𐴙𐴝 , 𐴁𐴤𐴝𐴐𐴡𐴕 𐴏𐴡𐴌𐴡𐴃 𐴓𐴡𐴘 𐴎𐴝𐴘𐴁𐴤𐴡 𐴱𐴱

𐴁𐴤𐴝𐴐𐴡𐴕 𐴏𐴡𐴌𐴡𐴃 𐴌𐴟𐴇𐴝𐴙𐴚𐴒𐴙𐴝 𐴀𐴥𐴟𐴀𐴟𐴕 𐴓𐴡𐴘 𐴎𐴝𐴘𐴁𐴝𐴌 𐴐𐴤𐴡𐴣𐴀𐴡𐴃” 𐴳 𐴲 ” 𐴐𐴤𐴗𐴝 𐴀𐴥𐴠𐴏𐴃𐴝𐴕𐴥𐴞𐴑 ( 𐴊𐴠𐴐𐴤𐴞 ) 𐴀𐴠𐴕 𐴅𐴞 𐴀𐴡 , 𐴘𐴥𐴡 𐴀𐴥𐴞𐴃𐴝𐴌𐴝𐴌 𐴉𐴥𐴟𐴖𐴝𐴣𐴃𐴞 𐴃𐴤𐴝𐴑𐴞𐴁𐴡 𐴱 𐴑𐴝𐴑𐴏𐴢 𐴁𐴝𐴎𐴝𐴌 𐴀𐴠𐴓𐴝𐴑𐴝𐴌 𐴀𐴟𐴑𐴤𐴞𐴘𐴝 𐴀𐴝𐴌 𐴄𐴠𐴑𐴕𐴝𐴉𐴡𐴌 𐴑𐴠𐴀𐴠𐴔𐴡𐴌𐴃𐴟 𐴔𐴞𐴓𐴝𐴘 “𐴰 𐴰 𐴲 𐴱 “𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 ( 𐴰 𐴰 𐴵 ) 𐴒𐴤𐴡𐴌𐴒𐴟𐴐𐴧𐴞 𐴋𐴞𐴏𐴡𐴔𐴁𐴡𐴌 𐴔𐴥𐴝𐴐𐴡𐴌 𐴀𐴠𐴑𐴀𐴡𐴔 𐴇𐴥𐴝𐴉𐴃𐴝𐴃 𐴁𐴤𐴝𐴐𐴡𐴕 𐴏𐴡𐴌𐴡𐴃 𐴓𐴡𐴘 𐴎𐴝𐴘𐴁𐴤𐴡 𐴁𐴡𐴓𐴞 , ( 𐴀𐴝𐴌 𐴀𐴝𐴌 𐴀𐴝𐴌 𐴏𐴞 ) 𐴌𐴞𐴉𐴟𐴎𐴞𐴌 𐴌𐴝𐴘𐴐𐴤𐴡𐴕 𐴀𐴝𐴌 𐴖𐴝𐴉𐴠𐴏𐴞𐴌 𐴑𐴡𐴔𐴞𐴐𐴕𐴝𐴌𐴡𐴌 𐴀𐴡𐴉𐴞𐴏𐴡𐴃 , 𐴔𐴡𐴚𐴒𐴡𐴓 𐴁𐴝𐴌𐴠 𐴒𐴡𐴙𐴅𐴧𐴙𐴠𐴊𐴠 𐴔𐴞𐴄𐴞𐴚𐴡𐴃 𐴉𐴥𐴝𐴘𐴏𐴠𐴓𐴝 𐴀𐴥𐴡𐴘𐴧𐴠 𐴱 𐴀𐴠𐴑𐴀𐴡𐴔 𐴑𐴤𐴠𐴉𐴡𐴃𐴰 𐴰 𐴵 𐴌𐴟𐴇𐴝𐴙𐴚𐴒𐴙𐴝 𐴉𐴠𐴔𐴓𐴞 ( 𐴒𐴤𐴡𐴌𐴒𐴟𐴐𐴧𐴞 ) 𐴎𐴠𐴍𐴠” 𐴰 𐴰 𐴲 𐴱 “𐴎𐴡𐴕𐴡𐴌 𐴃𐴟 𐴁𐴤𐴝𐴌𐴡 𐴁𐴠𐴙𐴐𐴢 𐴔𐴝𐴕𐴟𐴙𐴐𐴢 , 𐴁𐴤𐴝𐴐𐴡𐴕 𐴏𐴡𐴌𐴡𐴃 𐴕𐴞𐴁𐴡𐴓𐴧𐴝 , 𐴑𐴡𐴔𐴞𐴐𐴕𐴝𐴌𐴡𐴌 𐴀𐴡𐴉𐴞𐴏𐴡𐴃 𐴉𐴥𐴝𐴘𐴏𐴠𐴓𐴝 𐴀𐴥𐴡𐴘𐴧𐴠𐴊𐴠 𐴘𐴥𐴝𐴕 𐴁𐴡𐴀𐴡𐴃 𐴋𐴤𐴝𐴑𐴡𐴌 𐴃𐴟 𐴎𐴝𐴕𐴝 𐴒𐴞𐴘𐴠 𐴱 𐴔𐴦𐴟𐴏𐴡𐴔𐴡𐴌 𐴇𐴝𐴓𐴡𐴃𐴡𐴌 𐴈𐴝𐴌𐴡𐴕𐴠 𐴕𐴞𐴎𐴝𐴘𐴁𐴤𐴡𐴊𐴠 𐴃𐴝𐴌𐴥𐴞𐴑 𐴳 𐴃𐴝𐴌𐴥𐴞𐴑𐴡𐴌 𐴃𐴟 𐴓𐴡𐴘𐴅𐴧𐴙𐴠 𐴱𐴱

𐴔𐴟𐴄𐴝𐴔𐴟𐴄𐴞 𐴋𐴞𐴏𐴡𐴔𐴁𐴡𐴌𐴡𐴌 𐴀𐴠𐴑𐴀𐴡𐴔 𐴇𐴥𐴝𐴉𐴃𐴝𐴃 𐴕𐴞𐴁𐴡 , 𐴉𐴥𐴟𐴣𐴖𐴝𐴣𐴃𐴞” 𐴳 𐴲 ” 𐴐𐴤𐴗𐴝 𐴀𐴥𐴏𐴃𐴝𐴕𐴥𐴞𐴑 𐴀𐴠𐴕 𐴅𐴞 𐴀𐴡 , 𐴘𐴥𐴡 𐴃𐴤𐴝𐴑𐴞𐴁𐴤𐴡 𐴱 𐴌𐴞𐴉𐴟𐴎𐴞𐴌𐴠 𐴁𐴤𐴝𐴐𐴡𐴕 𐴏𐴡𐴌𐴡𐴃 𐴉𐴦𐴡𐴣𐴏𐴝𐴘𐴁𐴡𐴌 𐴓𐴝 𐴑𐴡𐴔𐴞𐴐𐴕𐴝𐴌𐴡𐴌 𐴀𐴡𐴉𐴞𐴏𐴢 𐴇𐴥𐴝𐴔𐴞𐴐𐴤𐴝 𐴃𐴡𐴘𐴧𐴝𐴌 , 𐴔𐴡𐴕𐴃𐴡𐴌 ‘ 𐴈𐴦𐴡𐴣𐴃𐴧𐴠 𐴀𐴝𐴌 𐴑𐴠𐴀𐴠𐴕 𐴒𐴡𐴌𐴞 𐴀𐴝𐴌 𐴈𐴡𐴊𐴦𐴟𐴕 𐴉𐴦𐴡𐴣𐴏𐴝𐴘 𐴁𐴡𐴊𐴠 𐴈𐴥𐴝𐴄𐴞 𐴒𐴡𐴌𐴞 𐴅𐴝𐴕𐴑𐴝𐴌𐴞 𐴎𐴝𐴕𐴝𐴘 𐴕𐴡 𐴉𐴝𐴌𐴥𐴠𐴌 , 𐴀𐴝𐴌 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌𐴠 𐴁𐴤𐴝𐴐𐴡𐴕 𐴏𐴡𐴌𐴡𐴃 𐴉𐴦𐴡𐴣𐴏𐴝𐴘𐴁𐴝𐴌 𐴁𐴝𐴁𐴡𐴃𐴠 𐴑𐴡𐴔𐴞𐴐𐴕𐴝𐴌𐴡𐴌 𐴀𐴡𐴉𐴞𐴏𐴠 𐴇𐴥𐴡𐴑𐴟𐴔𐴡𐴃𐴡𐴌 𐴀𐴝𐴒𐴙𐴝 𐴔𐴡𐴎𐴞𐴕 𐴈𐴝𐴔 𐴒𐴡𐴌𐴠𐴌 𐴁𐴡𐴓𐴞 𐴑𐴡𐴔𐴞𐴐𐴕𐴝𐴌 / 𐴐𐴤𐴔𐴏𐴟𐴊𐴧𐴟𐴅𐴝 𐴘𐴠 𐴈𐴡𐴘𐴧𐴠 𐴱 𐴘𐴝𐴌 𐴀𐴝𐴒𐴠 𐴕𐴡𐴖𐴡𐴔𐴁𐴡𐴌 𐴔𐴥𐴝𐴐𐴡𐴌 𐴶 𐴱 𐴃𐴝𐴌𐴥𐴞𐴑𐴡𐴃 𐴌𐴟𐴇𐴝𐴙𐴚𐴒𐴙𐴝𐴌 𐴑𐴠𐴙𐴏𐴧𐴟 𐴓𐴞𐴋𐴝𐴌 𐴀𐴝𐴌 𐴂𐴝𐴂𐴓𐴥𐴞𐴑 𐴀𐴝𐴌 𐴲 𐴲 𐴐𐴤𐴗𐴝 𐴀𐴠𐴕 𐴅𐴞 𐴀𐴡 , 𐴁𐴤𐴝𐴐𐴡𐴕 𐴏𐴡𐴌𐴡𐴃 𐴎𐴝𐴘 𐴏𐴝𐴀𐴝𐴘 𐴀𐴝𐴙𐴐𐴧𐴙𐴠 𐴱 𐴀𐴥𐴠𐴍𐴠 𐴁𐴤𐴟𐴃𐴡𐴌 𐴃𐴟 𐴑𐴠𐴙𐴏𐴧𐴟 𐴂𐴝𐴂𐴓𐴥𐴞𐴑 𐴀𐴝𐴌 𐴓𐴞𐴋𐴝𐴌 𐴕𐴝𐴌𐴝𐴎 𐴀𐴥𐴡𐴘𐴓𐴠 𐴘𐴥𐴡 ,𐴁𐴦𐴠𐴙𐴐𐴢 𐴀𐴥𐴞𐴏𐴧𐴝 𐴌𐴝𐴎𐴞 𐴁𐴡𐴓𐴞 , 𐴑𐴡𐴔𐴞𐴐𐴕𐴝𐴌 𐴀𐴡𐴉𐴞𐴏𐴠 𐴈𐴡𐴘𐴧𐴠 𐴱 𐴀𐴠 𐴀𐴑𐴃𐴡𐴃 𐴁𐴤𐴝𐴐𐴡𐴕 𐴏𐴡𐴌𐴡𐴃 𐴕𐴞𐴁𐴡𐴊𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌 𐴓𐴝 , 𐴈𐴥𐴝𐴕𐴝 𐴀𐴝𐴌 𐴀𐴡𐴙𐴕𐴧𐴡 𐴎𐴡𐴌𐴟𐴌𐴞 𐴏𐴞𐴏𐴢 𐴀𐴥𐴡𐴑𐴧𐴓𐴡𐴌 𐴕𐴟𐴖𐴝 𐴓𐴞𐴏𐴄𐴤𐴞 𐴀𐴠𐴑𐴧𐴝𐴕 , 𐴑𐴡𐴔𐴞𐴐𐴕𐴝𐴌𐴡𐴌 𐴖𐴠𐴁𐴏𐴥𐴝𐴙𐴄𐴡𐴃 𐴃𐴟𐴓𐴥𐴞 𐴊𐴞𐴘𐴠 𐴱

Sources : Dhakatribune