𐴌𐴟𐴇𐴝𐴙𐴚𐴒𐴙𐴌 𐴖𐴝𐴉𐴠𐴏𐴞𐴌 𐴔𐴝𐴔𐴠𐴓𐴝 𐴏𐴡𐴓𐴠𐴌𐴊𐴠 𐴃𐴞𐴕 𐴁𐴡𐴏𐴡𐴌 𐴉𐴟𐴌𐴝𐴘 𐴒𐴞𐴘𐴡𐴘 , 𐴁𐴡𐴌𐴔𐴥𐴝𐴌 𐴃𐴟 𐴔𐴡𐴕 𐴕𐴥𐴝𐴘𐴊𐴠 𐴀𐴥𐴠𐴃𐴡𐴓𐴧𐴝 𐴈𐴡𐴕𐴥𐴡 𐴀𐴝𐴓𐴝𐴔𐴡𐴃 𐴉𐴝𐴀𐴝 𐴕𐴡 𐴎𐴝𐴌 𐴱𐴱

𐴳 𐴲 𐴃𐴝𐴌𐴞𐴑 𐴕𐴡𐴖𐴡𐴔𐴁𐴡𐴌 𐴷 𐴱 𐴰 𐴲 𐴐𐴤𐴡𐴕𐴡𐴃 , 𐴲 𐴲 𐴅𐴝𐴕𐴖𐴌𐴞 𐴸 𐴱 𐴰 𐴲 𐴓𐴡𐴃𐴞 𐴌𐴟𐴇𐴝𐴙𐴚𐴒𐴙𐴝𐴌 𐴖𐴝𐴉𐴠𐴏𐴞 𐴐𐴤𐴟𐴌𐴟 𐴀𐴥𐴡𐴘𐴁𐴡 𐴈𐴡𐴘 𐴌𐴝𐴎𐴞𐴕𐴝𐴔𐴝𐴃 𐴏𐴥𐴝𐴘𐴕 𐴒𐴡𐴌𐴥𐴝 𐴒𐴞𐴀𐴞𐴓 𐴱 𐴒𐴡𐴃𐴡 𐴀𐴡𐴒𐴤𐴡𐴏𐴄 𐴷 𐴱 𐴰 𐴲 𐴐𐴤𐴡𐴕𐴡𐴃 𐴐𐴤𐴠𐴐𐴢 𐴁𐴝𐴌 , 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓 𐴁𐴝𐴚𐴓𐴝𐴊𐴠𐴐𐴤𐴡𐴃 𐴒𐴤𐴡𐴘𐴓𐴧𐴠 𐴒𐴤𐴝𐴘 𐴱 𐴀𐴥𐴠 𐴁𐴡𐴏𐴡𐴌 𐴕𐴡𐴖𐴡𐴔𐴁𐴡𐴌𐴡𐴌 𐴳 𐴲 𐴃𐴝𐴌𐴥𐴞𐴑𐴡𐴃 𐴁𐴝𐴚𐴓𐴝𐴊𐴠𐴐𐴢 𐴀𐴝𐴌 𐴁𐴡𐴌𐴔𐴥𐴝 𐴊𐴟𐴕𐴥𐴞 𐴊𐴠𐴐𐴤𐴠 𐴔𐴞𐴓𐴞 , 𐴁𐴝𐴚𐴓𐴝𐴊𐴠𐴐𐴢 𐴓𐴡𐴘 𐴁𐴡𐴖𐴋𐴝𐴌 𐴁𐴝𐴎𐴝𐴘𐴧𐴝 𐴀𐴝𐴌𐴑𐴝𐴕𐴡𐴌 𐴔𐴡𐴎𐴓𐴟𐴔 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌𐴠 𐴖𐴝𐴉𐴠𐴏𐴢 𐴕𐴞𐴁𐴝𐴌 𐴁𐴝𐴁𐴡𐴃𐴠 𐴌𐴝𐴎𐴞𐴕𐴝𐴔𐴝𐴃 𐴏𐴥𐴝𐴘𐴕 𐴒𐴡𐴙𐴅𐴧𐴙𐴠 𐴱 𐴀𐴥𐴠 𐴀𐴡𐴑𐴃𐴡𐴌 𐴁𐴡𐴘𐴊𐴠𐴐𐴢 𐴀𐴟𐴎𐴞𐴌 / 𐴀𐴠 𐴀𐴠𐴆 𐴔𐴝𐴇𐴔𐴟𐴊𐴢 𐴀𐴝𐴓𐴞 𐴀𐴝𐴌 𐴁𐴡𐴌𐴔𐴥𐴝𐴌 / 𐴀𐴡𐴚 𐴏𐴥𐴝𐴚 𐴏𐴥𐴟𐴐𐴞𐴌 𐴀𐴡𐴉𐴞𐴏𐴢 𐴔𐴞𐴓𐴝𐴘𐴧𐴝 𐴀𐴟𐴎𐴞𐴌 𐴀𐴠𐴑 𐴎𐴡𐴕 𐴓𐴡𐴘 𐴕𐴠𐴂𐴙𐴠 𐴋𐴡𐴃 𐴳 𐴲 / 𐴕𐴡𐴖𐴡𐴔𐴁𐴡𐴌 𐴷 𐴱 𐴰 𐴲 𐴐𐴤𐴡𐴕𐴡𐴃 , 𐴏𐴥𐴝𐴘𐴕 𐴊𐴡𐴏𐴃𐴡𐴑 𐴒𐴡𐴙𐴅𐴧𐴙𐴠 𐴊𐴠 , 𐴀𐴠𐴒𐴌𐴞𐴔𐴥𐴠𐴕 𐴔𐴡𐴎𐴞𐴕 𐴱𐴱

𐴊𐴟𐴘 𐴔𐴥𐴝𐴐𐴢 𐴁𐴝𐴊𐴠 𐴲 𐴲 / 𐴅𐴝𐴕𐴖𐴝𐴌𐴞 𐴸 𐴱 𐴰 𐴲 𐴃𐴝𐴌𐴞𐴑𐴡𐴌 𐴃𐴟 𐴓𐴡𐴃𐴞 𐴌𐴞𐴉𐴟𐴎 𐴖𐴝𐴉𐴠𐴏𐴢 𐴕𐴞𐴎𐴤𐴝𐴘𐴁𐴝 𐴏𐴥𐴞𐴓𐴏𐴞𐴓𐴝 𐴐𐴤𐴟𐴌𐴟 𐴀𐴥𐴡𐴘𐴁𐴝𐴌 𐴈𐴡𐴃𐴤𐴝 𐴱 𐴅𐴝𐴕𐴖𐴝𐴌𐴞𐴌 𐴲 𐴲 𐴃𐴝𐴌𐴥𐴞𐴑 𐴸 𐴱 𐴰 𐴲 𐴐𐴤𐴡𐴕𐴡𐴌 𐴃𐴟 𐴐𐴤𐴟𐴌𐴟 𐴒𐴡𐴌𐴞 𐴲 𐴲 𐴅𐴝𐴕𐴖𐴝𐴌𐴞 𐴰 𐴲 𐴰 𐴲 𐴐𐴤𐴡𐴕𐴡𐴌 𐴁𐴤𐴟𐴃𐴡𐴌𐴠 𐴉𐴥𐴟𐴌𐴝𐴘 𐴉𐴥𐴠𐴓𐴝𐴘𐴁𐴡𐴊𐴠 𐴘𐴥𐴝𐴕𐴡𐴌 𐴖𐴡𐴌𐴠 𐴘𐴥𐴡 𐴁𐴝𐴚𐴓𐴝𐴊𐴠𐴐𐴢 𐴁𐴡𐴌𐴔𐴥𐴝 𐴌𐴝𐴎𐴞𐴕𐴝𐴔𐴝 𐴀𐴥𐴡𐴀𐴡𐴙𐴓 𐴱 𐴐𐴤𐴠𐴐𐴢 𐴈𐴝𐴍𐴝𐴓𐴠 𐴀𐴟𐴒𐴧𐴗𐴝 𐴈𐴝𐴔 𐴒𐴡𐴌𐴡𐴙𐴕𐴧𐴝 𐴃𐴝𐴑𐴡𐴃 𐴖𐴝𐴌 𐴃𐴡𐴕𐴎𐴞𐴔 ( 𐴅𐴠 𐴋𐴝𐴁𐴓𐴙𐴟 𐴅𐴞 ) 𐴀𐴝𐴔𐴡𐴓𐴞 𐴃𐴡𐴌𐴠 𐴖𐴝𐴉𐴠𐴏𐴞 𐴐𐴤𐴟𐴌𐴟 𐴒𐴡𐴌𐴞𐴁𐴝𐴌 𐴐𐴤𐴟𐴎𐴟𐴑 𐴒𐴡𐴌𐴞 𐴊𐴞𐴘𐴠 𐴱 𐴀𐴥𐴠 𐴈𐴡𐴃𐴤𐴝𐴌 𐴖𐴡𐴌𐴠 𐴋𐴤𐴝𐴑𐴝 𐴀𐴝𐴌 𐴕𐴠𐴂𐴙𐴠 𐴋𐴡 𐴊𐴟𐴕𐴥𐴡 𐴋𐴤𐴝𐴑𐴡𐴌𐴃𐴟 , 𐴈𐴡𐴕 𐴃𐴡𐴌𐴞𐴑𐴝 𐴓𐴡𐴘 𐴖𐴝𐴉𐴠𐴏𐴞 𐴐𐴤𐴟𐴌𐴟 𐴀𐴥𐴡𐴘𐴁𐴡𐴊𐴠 , 𐴘𐴥𐴝𐴕𐴡𐴌𐴠 𐴄𐴤𐴞𐴑 𐴒𐴡𐴌𐴞𐴁𐴝𐴌 𐴁𐴡𐴀𐴡𐴃 𐴔𐴞𐴄𐴞𐴚𐴀𐴥𐴡 𐴀𐴥𐴡𐴘𐴧𐴠 , 𐴊𐴟𐴕𐴥𐴞 𐴋𐴤𐴝𐴑𐴡𐴌𐴃𐴟 𐴀𐴥𐴠 𐴏𐴥𐴞𐴓𐴏𐴞𐴓𐴝𐴃 𐴌𐴝𐴎𐴞𐴕𐴝𐴔𐴝𐴃 𐴏𐴥𐴝𐴘𐴕 𐴒𐴡𐴌𐴥𐴝 𐴒𐴡𐴌𐴞 𐴘𐴥𐴡 𐴀𐴥𐴡𐴘𐴧𐴠 𐴱𐴱

𐴁𐴡𐴘𐴊𐴠𐴐𐴢 𐴀𐴟𐴎𐴞𐴌𐴞 𐴃𐴡𐴑𐴧𐴝𐴌 𐴏𐴥𐴝𐴘𐴕 𐴒𐴡𐴙𐴅𐴧𐴙𐴝 𐴌𐴝𐴎𐴞𐴕𐴝𐴔𐴝 𐴀𐴝𐴌 ( 𐴅𐴠 𐴋𐴝𐴁𐴓𐴙𐴟 𐴅𐴞𐴌 ) 𐴊𐴟𐴘𐴧𐴝𐴕 𐴉𐴡𐴌𐴡𐴏𐴃𐴝𐴁 𐴃𐴤𐴝𐴑𐴞 𐴁𐴝𐴊𐴠 𐴘𐴥𐴡 𐴱 𐴁𐴡𐴌𐴔𐴥𐴝 𐴘𐴠 𐴁𐴡𐴌𐴔𐴥𐴝𐴌 𐴊𐴠𐴐𐴤𐴡𐴙𐴃𐴧𐴝 𐴌𐴟𐴇𐴝𐴙𐴚𐴒𐴙𐴝 𐴌𐴠 𐴖𐴝𐴉𐴠𐴏𐴢 𐴕𐴡 𐴕𐴞𐴎𐴝𐴌 𐴊𐴠 𐴘𐴥𐴝𐴕 𐴑𐴝𐴕𐴟𐴕𐴡𐴌 𐴑𐴤𐴠𐴓𐴝𐴉𐴢 𐴀𐴝𐴌 𐴀𐴡𐴔𐴝𐴙𐴕𐴧𐴡 𐴕𐴦𐴡 𐴕𐴞𐴑𐴤𐴞 ؟ 𐴁𐴡𐴌𐴔𐴥𐴝𐴌 𐴇𐴥𐴡𐴑𐴟𐴔𐴡𐴃𐴠 𐴕𐴞𐴎𐴠 𐴊𐴠𐴐𐴔𐴟𐴑𐴃𐴡 𐴒𐴡𐴌𐴥𐴝𐴘𐴧𐴠𐴊𐴠 , 𐴇𐴥𐴝𐴎𐴝𐴌 𐴇𐴥𐴝𐴎𐴝𐴌 𐴊𐴠𐴐𐴤𐴡𐴙𐴃𐴧𐴝 𐴈𐴡𐴔𐴐𐴤𐴡𐴙𐴚𐴒𐴙𐴝 𐴌𐴟𐴇𐴝𐴙𐴚𐴒𐴙𐴝 𐴌𐴠 𐴖𐴝𐴉𐴠𐴏𐴢 𐴕𐴞𐴁𐴡𐴌𐴓𐴝 , 𐴕𐴠𐴂𐴙𐴠 𐴋𐴡 𐴘𐴠 𐴈𐴡𐴕𐴥𐴡 𐴏𐴡𐴌𐴞𐴐𐴃𐴡𐴌𐴡 𐴕𐴡 𐴒𐴡𐴌𐴠𐴌 𐴱 𐴁𐴡𐴌𐴔𐴥𐴝 𐴇𐴥𐴡𐴑𐴟𐴔𐴡𐴃 𐴀𐴝𐴌 𐴔𐴠𐴓𐴠𐴄𐴠𐴌𐴞 𐴀𐴝𐴌 𐴔𐴡𐴒𐴢 𐴀𐴥𐴡𐴑𐴧𐴡𐴓 𐴔𐴞𐴓𐴞 , 𐴔𐴠𐴏𐴝𐴓 𐴏𐴥𐴝𐴌𐴝 𐴎𐴟𐴓𐴟𐴔 𐴒𐴡𐴌𐴥𐴞 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡 𐴌𐴠 𐴕𐴞𐴎𐴡𐴌 𐴊𐴠𐴐𐴤𐴡𐴌 𐴃𐴟 𐴊𐴤𐴝𐴉𐴝𐴘 𐴊𐴞𐴘𐴠𐴊𐴠 𐴃𐴞𐴕 𐴁𐴡𐴏𐴡𐴌 𐴉𐴥𐴟𐴌𐴝𐴘 𐴒𐴞𐴘𐴡𐴘 𐴱 𐴁𐴝𐴚𐴓𐴝𐴊𐴠𐴐𐴢 – 𐴁𐴡𐴌𐴔𐴥𐴝 𐴁𐴡𐴘𐴊𐴠𐴐𐴢 𐴀𐴟𐴎𐴞𐴌𐴞 𐴃𐴡𐴑𐴧𐴝𐴃 𐴏𐴥𐴝𐴘𐴕 𐴒𐴡𐴙𐴅𐴧𐴙𐴝 𐴌𐴝𐴎𐴞𐴕𐴝𐴔𐴝 𐴀𐴥𐴡𐴘 𐴁𐴝𐴊𐴠 𐴘𐴥𐴡 𐴀𐴝𐴅𐴧𐴙𐴝 𐴉𐴡𐴙𐴅𐴧𐴡𐴕 𐴃𐴡 𐴖𐴝𐴉𐴠𐴏𐴢 𐴕𐴞𐴁𐴝𐴌 𐴈𐴡𐴕𐴥𐴡 𐴏𐴡𐴌𐴞𐴐𐴃𐴡𐴌𐴡 𐴊𐴠𐴈𐴥𐴝 𐴕𐴡 𐴎𐴝𐴌 𐴱 𐴁𐴡𐴌𐴔𐴥𐴝 𐴘𐴠 𐴖𐴝𐴉𐴠𐴏𐴢 𐴕𐴞𐴁𐴡𐴌𐴓𐴝 𐴏𐴥𐴝𐴘𐴕 𐴒𐴡𐴙𐴅𐴧𐴙𐴠𐴊𐴠 𐴎𐴞𐴔𐴧𐴝𐴊𐴝𐴌𐴞 𐴈𐴦𐴡𐴣𐴃𐴧𐴠 𐴉𐴝𐴓𐴡𐴕 𐴒𐴡𐴌𐴥𐴞𐴁𐴡 𐴈𐴡𐴕𐴥𐴞𐴑𐴧𐴙𐴝 𐴈𐴡𐴀𐴡𐴘 𐴕𐴡 𐴉𐴝𐴌𐴥𐴠 𐴱𐴱

Sources : Dhakatribune