𐴐𐴤𐴡𐴃𐴝 𐴐𐴤𐴡𐴃𐴞 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡 𐴌𐴠 𐴁𐴤𐴝𐴐𐴡𐴕 𐴏𐴡𐴌𐴡𐴃 𐴕𐴞𐴎𐴝𐴘𐴁𐴝𐴌 𐴂𐴡𐴌𐴟𐴒𐴠𐴌𐴝𐴔 , 𐴓𐴝𐴒𐴤𐴟 𐴒𐴡𐴌𐴥𐴞 𐴕𐴡 𐴉𐴝𐴌𐴥𐴞𐴁𐴡 𐴈𐴡𐴘𐴧𐴠 : 𐴀𐴠𐴔𐴕𐴠𐴏𐴄𐴞 𐴀𐴞𐴕𐴄𐴝𐴌 𐴕𐴥𐴠𐴐𐴕𐴠𐴓 𐴱𐴱

𐴁𐴤𐴝𐴐𐴡𐴕 𐴏𐴡𐴌 ‘ 𐴔𐴝𐴕𐴟𐴙𐴐𐴢 𐴒𐴞𐴌𐴘𐴝 𐴁𐴝𐴐𐴢 𐴒𐴡𐴌𐴞𐴁𐴝𐴌 𐴀𐴟𐴉𐴡𐴎𐴟𐴑𐴃𐴡 𐴊𐴠 , 𐴘𐴥𐴝𐴕𐴡𐴌 𐴁𐴝𐴁𐴡𐴃𐴠 𐴀𐴝𐴘𐴅𐴀𐴥𐴡 𐴘𐴟𐴕𐴝𐴘𐴄𐴤𐴠𐴋 𐴕𐴥𐴠𐴐𐴠𐴕𐴠 𐴀𐴠𐴓𐴝𐴕 𐴕𐴥𐴡 𐴒𐴡𐴌𐴠 𐴱 𐴁𐴝𐴚𐴓𐴝𐴊𐴠𐴐𐴤𐴠 𐴰 𐴰 𐴱 𐴓𐴡𐴃𐴞 𐴌𐴟𐴇𐴝𐴙𐴚𐴒𐴙𐴝 𐴉𐴥𐴠𐴔𐴓𐴞 𐴁𐴝𐴚𐴓𐴝 𐴈𐴥𐴝𐴌𐴞𐴌 , 𐴊𐴠𐴐𐴤𐴡𐴌 𐴃𐴟 𐴀𐴝𐴓𐴡𐴒𐴢 𐴀𐴟𐴒𐴧𐴗𐴝 𐴋𐴞𐴘𐴝𐴃 𐴌𐴞𐴉𐴟𐴎𐴞 𐴀𐴥𐴡𐴑𐴧𐴡𐴓𐴡 𐴌𐴠 𐴕𐴞𐴎𐴤𐴝𐴘𐴁𐴤𐴡 𐴁𐴡𐴓𐴞 𐴱 𐴁𐴝𐴕𐴝𐴘𐴧𐴠𐴊𐴠 𐴂𐴡𐴌𐴟𐴒𐴠𐴌𐴝𐴔 𐴀𐴥𐴞𐴁𐴝𐴌 𐴃𐴟 𐴈𐴥𐴝𐴔𐴝𐴈𐴥𐴝 𐴉𐴥𐴞𐴌𐴞 𐴀𐴝𐴘 𐴎𐴝𐴒𐴤𐴡𐴘 𐴉𐴡𐴌𐴞𐴁𐴡 𐴱 𐴎𐴠 𐴋𐴞𐴘𐴝𐴌 𐴁𐴝𐴁𐴡𐴃𐴠 𐴀𐴝𐴙𐴅 𐴃𐴡𐴓𐴡𐴑 𐴁𐴤𐴡𐴌 , 𐴀𐴥𐴠 𐴋𐴞𐴘𐴝𐴃 𐴔𐴝𐴕𐴟𐴙𐴐𐴢 𐴁𐴡𐴐𐴤𐴡𐴃𐴞 𐴒𐴡𐴌𐴞𐴁𐴝𐴌 𐴀𐴟𐴉𐴡𐴎𐴟𐴑𐴃𐴡 𐴀𐴥𐴡𐴘𐴁𐴡 𐴁𐴡𐴓𐴞 , 𐴘𐴟 𐴀𐴠𐴕𐴠 𐴀𐴠𐴓𐴝𐴕 𐴕𐴥𐴡 𐴒𐴡𐴌𐴠 𐴱 𐴌𐴞𐴉𐴟𐴎𐴞 𐴀𐴥𐴡𐴑𐴧𐴡𐴓 𐴀𐴥𐴡 𐴁𐴤𐴝𐴐𐴡𐴕 𐴏𐴡𐴌𐴡𐴃 𐴎𐴡𐴕𐴡𐴃 𐴌𐴝𐴎𐴞 𐴕𐴥𐴝𐴘 𐴁𐴡𐴓𐴞 / 𐴀𐴞𐴕𐴄𐴝𐴌 𐴕𐴥𐴠𐴐𐴕𐴠𐴓 𐴀𐴠𐴔𐴕𐴠𐴏𐴄𐴞 𐴘𐴠 𐴈𐴡𐴘𐴧𐴠 𐴱 𐴁𐴝𐴚𐴓𐴝𐴊𐴠𐴐𐴢 𐴇𐴥𐴡𐴑𐴟𐴔𐴡𐴃𐴠 𐴀𐴠 𐴔𐴥𐴝𐴐𐴡𐴃 𐴕𐴞𐴎 𐴑𐴤𐴟𐴐𐴞𐴘𐴠 𐴎𐴡𐴙𐴕𐴧 𐴰 𐴰 𐴳 – 𐴰 𐴰 𐴴 𐴌𐴟𐴇𐴝𐴙𐴚𐴒𐴙𐴝 , 𐴁𐴝𐴓𐴧𐴗𐴝 𐴔𐴠𐴍𐴞 𐴀𐴡𐴓𐴝 𐴋𐴞𐴘𐴝 𐴁𐴤𐴝𐴐𐴡𐴕 𐴏𐴡𐴌𐴡𐴃 𐴕𐴞𐴎𐴝𐴘𐴁𐴝𐴌 𐴂𐴡𐴌𐴟𐴒𐴠𐴌𐴝𐴔 𐴁𐴝𐴕𐴝𐴘𐴧𐴝 𐴁𐴡𐴓𐴞 𐴊𐴠𐴐𐴤𐴞 𐴔𐴠𐴋𐴞𐴘𐴝𐴌 𐴌𐴠𐴂𐴟𐴄 𐴔𐴡𐴎𐴞𐴕 𐴎𐴝𐴕𐴝 𐴒𐴞𐴘𐴠 𐴱 𐴀𐴠𐴔𐴕𐴥𐴠𐴏𐴄𐴞 𐴀𐴞𐴕𐴄𐴝𐴌 𐴕𐴥𐴠𐴐𐴕𐴠𐴓𐴠 , 𐴀𐴠 𐴔𐴥𐴝𐴐𐴡𐴃 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞𐴌 𐴃𐴟 𐴀𐴞𐴕𐴄𐴤𐴝𐴌𐴁𐴙𐴟 𐴓𐴡𐴘𐴧𐴠𐴊𐴠 𐴀𐴥𐴠𐴍𐴠 , 𐴌𐴞𐴉𐴟𐴎𐴞 𐴀𐴥𐴡𐴑𐴧𐴡𐴓𐴠 𐴈𐴡𐴘𐴧𐴠𐴊𐴠 , 𐴀𐴝𐴣𐴀𐴝𐴌𐴝 𐴌𐴠 𐴑𐴠𐴀𐴠𐴔𐴡𐴌 𐴇𐴥𐴡𐴑𐴟𐴔𐴡𐴃𐴞 𐴎𐴞𐴔𐴧𐴝𐴊𐴝𐴌 𐴀𐴥𐴡𐴑𐴧𐴡𐴓𐴠 , 𐴁𐴤𐴝𐴐𐴡𐴕 𐴏𐴡𐴌𐴡𐴃 𐴎𐴝𐴘𐴁𐴡𐴓𐴧𐴝 𐴓𐴞𐴐𐴄𐴤𐴞 𐴊𐴞𐴃𐴡 𐴔𐴡𐴅𐴁𐴟𐴌 𐴒𐴡𐴌𐴠𐴌 𐴱𐴱

𐴁𐴤𐴝𐴐𐴡𐴕 𐴏𐴡𐴌𐴡𐴃 𐴕𐴞𐴎𐴝𐴘𐴁𐴝𐴌 𐴁𐴝𐴁𐴡𐴃𐴠 𐴌𐴟𐴇𐴝𐴙𐴚𐴒𐴙𐴝 𐴉𐴥𐴠𐴔𐴓𐴞𐴌 𐴓𐴞𐴏𐴄𐴞 𐴀𐴠𐴑𐴧𐴝𐴕 / 𐴀𐴠𐴔𐴕𐴠𐴏𐴄𐴞 𐴀𐴞𐴕𐴄𐴝𐴌 𐴕𐴥𐴠𐴐𐴕𐴠𐴓𐴠 𐴉𐴝𐴘𐴧𐴠 𐴱 𐴎𐴠 𐴁𐴤𐴝𐴐𐴡𐴕 𐴏𐴡𐴌𐴡𐴃 𐴀𐴝𐴒𐴠 𐴓𐴥𐴡𐴃𐴞 𐴰 𐴰 𐴳 𐴎𐴡𐴕𐴡𐴌 𐴖𐴡𐴌𐴠 𐴁𐴠𐴐𐴤𐴞 𐴈𐴥𐴡𐴌𐴝𐴁 𐴇𐴝𐴓𐴡𐴃𐴡𐴃 𐴃𐴤𐴝𐴑𐴠𐴌 𐴱 𐴇𐴝𐴑𐴞𐴑𐴡𐴃𐴡 𐴌𐴠 𐴀𐴠𐴑𐴧𐴞𐴕𐴝𐴌𐴠 𐴌𐴝𐴑𐴤𐴞 , 𐴁𐴤𐴝𐴐𐴡𐴕 𐴏𐴡𐴌𐴡𐴃 𐴔𐴝𐴕𐴟𐴙𐴐𐴢 𐴁𐴡𐴐𐴤𐴡𐴃𐴞 𐴒𐴡𐴌𐴞𐴁𐴝𐴌 𐴀𐴟𐴉𐴡𐴎𐴟𐴑𐴃𐴡 𐴕𐴡𐴀𐴥𐴡 𐴁𐴡𐴓𐴞 𐴘𐴟 𐴀𐴠𐴕𐴠 𐴈𐴡𐴘𐴧𐴠 𐴱 𐴀𐴥𐴞𐴀𐴞𐴕 𐴁𐴝𐴊𐴠 𐴘𐴥𐴡 𐴁𐴤𐴝𐴐𐴡𐴕 𐴏𐴡𐴌𐴡𐴃 𐴌𐴞𐴉𐴟𐴎𐴞 𐴕𐴞𐴎𐴝𐴘 𐴌𐴝𐴑𐴤𐴡𐴕𐴡𐴃 𐴁𐴠𐴐𐴤𐴞 𐴏𐴟𐴖𐴝𐴓 𐴀𐴥𐴡𐴑𐴧𐴡𐴓 𐴀𐴝𐴏𐴥𐴠 𐴁𐴡𐴓𐴞 , 𐴊𐴡𐴙𐴕 𐴀𐴞𐴐𐴤𐴞𐴘𐴝𐴌 𐴀𐴠𐴔𐴕𐴥𐴠𐴏𐴄𐴞 𐴀𐴞𐴕𐴄𐴝𐴌 𐴕𐴥𐴠𐴐𐴕𐴠𐴓𐴡𐴌 𐴁𐴡𐴌𐴡 / 𐴀𐴟𐴔𐴡𐴌 𐴖𐴝𐴌𐴝𐴀𐴥𐴞𐴆𐴠 𐴈𐴡𐴘𐴧𐴠 𐴱 𐴁𐴝𐴚𐴓𐴝𐴊𐴠𐴐𐴡𐴌 𐴃𐴟 𐴁𐴤𐴝𐴐𐴡𐴕 𐴏𐴡𐴌𐴡𐴌 𐴁𐴝𐴁𐴡𐴃𐴠 𐴘𐴟 𐴀𐴠𐴕𐴡 𐴌𐴠 𐴈𐴥𐴝𐴔𐴝𐴈𐴥𐴝 𐴅𐴝𐴕𐴑𐴝𐴌𐴞 𐴊𐴡𐴀𐴡𐴕 𐴏𐴦𐴝 𐴱 𐴀𐴝𐴌 𐴀𐴠𐴈𐴥𐴡𐴕 𐴁𐴤𐴝𐴐𐴡𐴕 𐴏𐴡𐴌𐴡𐴃 𐴀𐴝𐴏𐴠𐴊𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴟𐴕𐴡𐴌𐴠 𐴎𐴝𐴌 𐴎𐴝𐴌 𐴒𐴤𐴡𐴌𐴒𐴟𐴐𐴧𐴞𐴌 𐴀𐴥𐴠𐴍𐴠 𐴃𐴝𐴌𐴥𐴠 𐴃𐴝𐴌𐴥𐴠 𐴉𐴦𐴡𐴣𐴏𐴝𐴘 𐴊𐴡𐴕 𐴏𐴝𐴀𐴝 𐴁𐴡𐴓𐴞 𐴘𐴥𐴡 𐴈𐴡𐴘𐴧𐴠 𐴱 𐴀𐴠𐴑 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴁𐴠𐴍𐴞 𐴘𐴠 , 𐴀𐴠𐴔𐴕𐴥𐴠𐴏𐴄𐴞 𐴀𐴞𐴕𐴄𐴝𐴌 𐴕𐴥𐴠𐴐𐴕𐴠𐴓𐴡𐴌𐴠 𐴈𐴡𐴘𐴧𐴠𐴊 , 𐴀𐴝𐴣𐴀𐴝𐴌 𐴁𐴠𐴍𐴝 𐴖𐴥𐴝 𐴁𐴤𐴝𐴐𐴡𐴕 𐴏𐴡𐴌𐴡𐴃 𐴀𐴝𐴄𐴑𐴝𐴘𐴧𐴝 , 𐴀𐴝𐴣𐴀𐴝𐴌 𐴀𐴠𐴒𐴝𐴕𐴝 𐴒𐴟𐴐𐴧𐴞 𐴘𐴥𐴡 𐴈𐴡𐴕𐴞𐴑𐴧𐴙𐴝 𐴕𐴥𐴝𐴘 , 𐴀𐴟𐴒𐴧𐴗𐴝 𐴉𐴟𐴖𐴝 𐴓𐴡𐴘 𐴀𐴦𐴝𐴛 𐴁𐴠𐴐𐴤𐴞 𐴊𐴟𐴑 𐴉𐴝𐴙𐴌 , 𐴀𐴥𐴠𐴃𐴡𐴓𐴧𐴝 𐴀𐴦𐴝𐴛 𐴁𐴤𐴝𐴐𐴡𐴕 𐴏𐴡𐴌𐴡𐴃 𐴎𐴝𐴘𐴁𐴡𐴓𐴧𐴝 𐴓𐴞𐴐𐴄𐴞 𐴊𐴞𐴉𐴥𐴠𐴓𐴝𐴘𐴧𐴞 𐴱 𐴀𐴝𐴣𐴀𐴝𐴌𐴝 𐴁𐴠𐴐𐴤𐴞 𐴊𐴟𐴑𐴧𐴡𐴌 𐴏𐴥𐴝𐴣𐴀𐴝 𐴃𐴠 𐴁𐴡𐴐𐴤𐴡𐴃𐴞 𐴒𐴡𐴌𐴞𐴌 , 𐴓𐴞𐴐𐴄𐴞 𐴊𐴡𐴕 𐴏𐴥𐴝𐴌𐴝 𐴀𐴝𐴣𐴀𐴝𐴌 𐴃𐴟 𐴀𐴝𐴌 𐴈𐴡𐴕𐴥𐴡 𐴀𐴡𐴂𐴐𐴠𐴕 𐴕𐴥𐴝𐴘 , 𐴀𐴝𐴣𐴀𐴝𐴌 𐴁𐴠𐴍𐴝 𐴖𐴥𐴝 𐴌𐴠 𐴘𐴥𐴡 𐴇𐴡𐴑𐴟𐴔𐴡𐴃𐴠 𐴀𐴥𐴠𐴃𐴧𐴟 𐴕𐴡 𐴀𐴝𐴕𐴥𐴞𐴁𐴡 ” 𐴁𐴡𐴓𐴞 𐴁𐴠𐴍𐴞 𐴖𐴥𐴝 𐴘𐴠 𐴈𐴡𐴘𐴧𐴠 𐴱𐴱

Sources : Dhakatribune