𐴀𐴡𐴑𐴄𐴟𐴁𐴡𐴌 𐴐𐴤𐴠𐴐𐴢 𐴉𐴡𐴙𐴅𐴧𐴡𐴕𐴃𐴡 𐴑𐴠𐴀𐴠𐴔𐴡𐴃 𐴶 𐴳 𐴳 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴑𐴡𐴌𐴟𐴕𐴝 𐴁𐴞𐴘𐴝𐴌𐴝𐴙𐴔𐴧𐴝 𐴉𐴝𐴀𐴝 𐴒𐴞𐴘𐴥𐴠 : 𐴋𐴝𐴁𐴓𐴙𐴟 𐴀𐴠𐴆 𐴀𐴡 𐴱𐴱

𐴀𐴡𐴑𐴄𐴟𐴁𐴡𐴌 𐴔𐴥𐴝𐴐𐴡𐴌 𐴁𐴤𐴟𐴃𐴡𐴌𐴠 𐴑𐴡𐴌𐴟𐴕𐴝 𐴁𐴞𐴘𐴝𐴌𐴝𐴔 𐴓𐴡𐴘 𐴌𐴠𐴂𐴟𐴄 𐴔𐴡𐴎𐴞𐴕 𐴱 𐴷 𐴎𐴡𐴕 𐴁𐴝𐴚𐴓𐴝𐴊𐴠𐴐𐴤𐴞 𐴀𐴝𐴌 𐴹 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴔𐴡𐴙𐴅𐴧𐴙𐴠 𐴱 𐴀𐴝𐴌 𐴀𐴠 𐴀𐴡𐴑𐴄𐴟𐴁𐴡𐴌 𐴔𐴥𐴝𐴐𐴡𐴌 𐴁𐴤𐴟𐴃𐴡𐴌𐴠 𐴉𐴡𐴙𐴃𐴧𐴡 𐴊𐴞𐴕 𐴀𐴠𐴁𐴝𐴌𐴥𐴞𐴏𐴢 𐴰 𐴰 𐴱 𐴎𐴡𐴕𐴡𐴌 𐴖𐴡𐴌𐴠 𐴄𐴠𐴀𐴠𐴏𐴢 𐴒𐴡𐴌𐴝 𐴒𐴞𐴘𐴠 𐴱 𐴑𐴡𐴌𐴟𐴕𐴝 𐴐𐴤𐴟𐴌𐴟 𐴀𐴥𐴡𐴘𐴧𐴠𐴊𐴠 𐴔𐴝𐴌𐴠𐴆 𐴔𐴥𐴝𐴐𐴢 𐴓𐴡𐴃𐴞 𐴀𐴡𐴑𐴄𐴟𐴁𐴡𐴌𐴡𐴌 𐴱 𐴳 𐴃𐴝𐴌𐴥𐴞𐴑 𐴉𐴡𐴙𐴅𐴧𐴡𐴕𐴃𐴡 , 𐴑𐴝𐴑𐴏𐴢 𐴁𐴝𐴎𐴝𐴌 𐴀𐴠𐴓𐴝𐴑𐴝𐴃 𐴌𐴞𐴉𐴟𐴎𐴞 𐴐𐴤𐴡𐴣𐴀𐴡 𐴊𐴠𐴐𐴤𐴡𐴙𐴃𐴧𐴝 𐴀𐴥𐴟𐴊𐴧𐴝 𐴔𐴞𐴓𐴝𐴘 𐴰 𐴵 𐴱 𐴵 𐴎𐴡𐴕 𐴁𐴞𐴘𐴝𐴌𐴝𐴙𐴔𐴧𐴝 𐴉𐴝𐴀𐴝 𐴒𐴦𐴞𐴓 𐴱 𐴀𐴥𐴟𐴕𐴡𐴌 𐴁𐴤𐴟𐴃𐴡𐴌𐴠 𐴴 𐴳 𐴐𐴤𐴝𐴕 𐴑𐴠𐴀𐴠𐴔 𐴔𐴞𐴓𐴝𐴘 𐴶 𐴳 𐴳 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴁𐴡𐴓𐴞 , 𐴁𐴟𐴙𐴃 𐴁𐴝𐴌𐴠 𐴕𐴠𐴓𐴝𐴘𐴧𐴠𐴊𐴠 (𐴘𐴟 𐴀𐴠𐴕 𐴀𐴠𐴆 𐴏𐴞 𐴀𐴝𐴌 ) 𐴡𐴌 𐴌𐴠𐴂𐴟𐴄 𐴔𐴡𐴎𐴞𐴕 𐴎𐴝𐴕𐴝 𐴒𐴞𐴘𐴠 𐴱 𐴑𐴝𐴑𐴏𐴢 𐴁𐴝𐴎𐴝𐴌 𐴀𐴠𐴓𐴝𐴑𐴝𐴃 𐴇𐴥𐴡𐴑𐴟𐴔𐴡𐴃 𐴀𐴝𐴌 𐴀𐴞𐴕𐴏𐴝𐴕𐴙𐴡𐴃𐴞 𐴔𐴡𐴊𐴡𐴊𐴡𐴌 𐴃𐴡𐴕𐴎𐴞𐴔 𐴀𐴥𐴡𐴑𐴧𐴡𐴓𐴠 , 𐴎𐴡𐴌𐴟𐴌𐴞 𐴏𐴞𐴏𐴢 𐴀𐴥𐴡𐴑𐴧𐴡𐴓 𐴐𐴤𐴡𐴣𐴀𐴡 𐴎𐴝𐴒𐴝 𐴔𐴡𐴎𐴞𐴕 𐴊𐴝𐴁𐴝𐴘 𐴒𐴡𐴌𐴥𐴞𐴁𐴝𐴌 𐴁𐴠𐴁𐴡𐴏𐴃𐴝 𐴒𐴡𐴌𐴥𐴞 𐴊𐴞𐴘𐴠 𐴱𐴱

𐴌𐴟𐴇𐴝𐴙𐴚𐴒𐴙𐴝 𐴀𐴝𐴌 𐴁𐴝𐴚𐴓𐴝𐴊𐴠𐴐𐴤𐴞 𐴔𐴞𐴓𐴝𐴘 𐴰 𐴷 𐴴 𐴎𐴡𐴕 𐴁𐴞𐴘𐴝𐴌𐴝𐴙𐴔𐴧𐴝 𐴀𐴠𐴑𐴧𐴟 𐴉𐴥𐴟𐴣𐴖𐴝𐴣𐴃𐴞 𐴊𐴝𐴁𐴝𐴘 𐴒𐴡𐴌𐴥𐴞 𐴉𐴝𐴌𐴠𐴉𐴥𐴝𐴕 𐴀𐴝𐴌 𐴕𐴞𐴘𐴥𐴝𐴐𐴡𐴌 𐴔𐴡𐴐𐴑𐴞𐴓 𐴀𐴥𐴡𐴘𐴧𐴠𐴊𐴠 𐴀𐴥𐴠𐴕𐴋𐴞𐴓𐴧𐴝 𐴁𐴞𐴘𐴝𐴌𐴝𐴙𐴔𐴧𐴝 𐴌𐴠 𐴑𐴡𐴌𐴠𐴕𐴄𐴤𐴝𐴙𐴕 𐴒𐴡𐴌𐴥𐴝𐴘 𐴁𐴡𐴓𐴧𐴝 𐴀𐴟𐴑𐴤𐴞𐴘𐴝 𐴑𐴟𐴃𐴤𐴟𐴉𐴝𐴓𐴡𐴚𐴡𐴃 𐴊𐴟𐴘𐴧𐴝𐴕 𐴏𐴠𐴕𐴄𐴝𐴌 ( 𐴘𐴟 𐴀𐴠𐴕 𐴀𐴠𐴆 𐴏𐴞 𐴀𐴝𐴌𐴠 ) 𐴁𐴤𐴝𐴓𐴝 𐴒𐴡𐴌𐴞 𐴏𐴝𐴀𐴝 𐴏𐴞𐴃𐴤𐴝 𐴒𐴡𐴌𐴞 𐴁𐴡𐴓𐴧𐴝 𐴑𐴤𐴟𐴓𐴞 𐴊𐴞𐴘𐴠 𐴱 𐴁𐴝𐴊𐴠 𐴀𐴝𐴌𐴀𐴥𐴡 𐴁𐴠𐴐𐴤𐴞 𐴐𐴤𐴟𐴕𐴊𐴡𐴌 𐴒𐴡𐴌𐴞 𐴏𐴝𐴀𐴝 𐴏𐴞𐴃𐴝 𐴒𐴡𐴌𐴞 𐴁𐴡𐴓𐴧𐴝 𐴑𐴝𐴑𐴏𐴢 𐴁𐴝𐴎𐴝𐴌𐴡𐴌 𐴏𐴥𐴡𐴊𐴡𐴌 𐴇𐴥𐴝𐴐𐴉𐴝𐴃𐴝𐴓𐴡𐴃 𐴏𐴠𐴑𐴐𐴤𐴠𐴕 𐴀𐴟𐴒𐴧𐴗𐴝 𐴑𐴤𐴓𐴞 𐴊𐴞𐴘𐴠 𐴱 𐴘𐴟 𐴀𐴠𐴕 𐴀𐴠𐴆 𐴏𐴞 𐴀𐴝𐴌𐴡𐴌 𐴌𐴠𐴂𐴟𐴄 𐴔𐴡𐴎𐴞𐴕 , 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃 𐴀𐴡𐴑𐴄𐴟𐴁𐴡𐴌 𐴔𐴥𐴝𐴐𐴡𐴃 𐴑𐴡𐴌𐴟𐴕𐴝 𐴈𐴡𐴔 𐴀𐴥𐴡𐴘 𐴀𐴝𐴙𐴐𐴧𐴙𐴠 𐴱 𐴑𐴠𐴀𐴠𐴔 𐴁𐴠𐴙𐴒𐴧𐴞𐴕 𐴔𐴞𐴓𐴝𐴘 𐴀𐴡𐴑𐴄𐴟𐴁𐴡𐴌 𐴔𐴥𐴝𐴐𐴡𐴃 𐴐𐴤𐴟𐴊𐴠 𐴵 𐴵 𐴎𐴡𐴕 𐴁𐴞𐴘𐴝𐴌𐴝𐴙𐴔𐴧𐴝 𐴉𐴝𐴒𐴞𐴘𐴠𐴊𐴠 𐴱 𐴏𐴠𐴇𐴠𐴃𐴡𐴌 𐴁𐴝𐴁𐴡𐴃𐴠 𐴈𐴝𐴔 𐴒𐴡𐴌𐴠𐴌 𐴊𐴠 𐴀𐴠𐴅𐴤𐴠𐴕𐴏𐴞 , 𐴀𐴝𐴌 𐴘𐴟 𐴀𐴠𐴕 𐴀𐴠𐴆 𐴏𐴞 𐴀𐴝𐴌 𐴊𐴟𐴕𐴥𐴞 𐴋𐴦𐴝𐴘𐴧𐴠 ‘ 𐴌𐴡𐴎𐴝𐴑𐴝𐴌𐴝𐴕𐴝 𐴈𐴝𐴔 𐴒𐴡𐴌𐴠𐴌 𐴊𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡 𐴌𐴠 𐴉𐴥𐴟𐴣𐴖𐴝𐴣𐴃𐴞 𐴓𐴡𐴘 𐴕𐴟𐴖𐴝 𐴁𐴞𐴘𐴝𐴌𐴝𐴙𐴔𐴧𐴝 𐴃𐴟𐴖𐴝𐴃 𐴀𐴝𐴏𐴥𐴠 ‘ 𐴃𐴦𐴝𐴑𐴤𐴞 𐴀𐴡𐴑𐴃𐴤𐴡𐴌 𐴖𐴡𐴌𐴠 𐴊𐴝𐴁𐴝𐴘 𐴉𐴦𐴡𐴣𐴏𐴥𐴝𐴘 𐴉𐴝𐴌𐴠𐴉𐴝𐴕 𐴱 𐴏𐴞 𐴀𐴠𐴆 𐴖𐴞 ‘ 𐴀𐴠𐴅𐴤𐴠𐴕𐴏𐴞𐴌 𐴃𐴝𐴌𐴒𐴤𐴠𐴄 𐴔𐴡𐴎𐴞𐴕 𐴉𐴡𐴙𐴃𐴧𐴡 𐴊𐴞𐴕 𐴉𐴟𐴌𐴝 𐴑𐴠𐴀𐴠𐴔𐴡𐴃 𐴰 𐴰 𐴱 𐴎𐴡𐴕 𐴒𐴡𐴌𐴞 𐴄𐴠𐴙𐴏𐴢 𐴒𐴡𐴌𐴠𐴌 𐴱𐴱

Sources : Dhakatribune