𐴌𐴟𐴇𐴝𐴙𐴚𐴒𐴙𐴝𐴌 𐴖𐴝𐴉𐴠𐴏𐴞𐴌 𐴈𐴡𐴃𐴤𐴝 𐴁𐴡𐴌𐴔𐴥𐴝𐴃 𐴕𐴟𐴖𐴝 𐴇𐴥𐴡𐴑𐴟𐴔𐴡𐴃 𐴁𐴡𐴕𐴞 𐴁𐴝𐴊𐴠 : 𐴔𐴥𐴟𐴔𐴠𐴕 𐴱𐴱

𐴁𐴡𐴌𐴔𐴥𐴝𐴌 𐴇𐴥𐴡𐴑𐴟𐴔𐴡𐴃𐴠 𐴀𐴝𐴣𐴀𐴝𐴌𐴝 𐴓𐴧𐴡𐴘 𐴁𐴝𐴌 𐴁𐴝𐴌 𐴖𐴝𐴊𐴝 𐴒𐴡𐴌𐴞 𐴁𐴝𐴊𐴠 𐴘𐴥𐴡 𐴁𐴡𐴌𐴔𐴥𐴝𐴌 𐴊𐴠𐴐𐴤𐴡𐴙𐴃𐴧𐴝 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌𐴠 𐴖𐴝𐴉𐴠𐴏𐴢 𐴕𐴡 𐴕𐴞𐴎𐴝𐴌 𐴁𐴡𐴓𐴞 ‘ 𐴁𐴡𐴘𐴊𐴠𐴐𐴢 𐴀𐴟𐴎𐴞𐴌𐴠 𐴈𐴡𐴘𐴧𐴠 𐴱 𐴁𐴡𐴌𐴔𐴥𐴝𐴃 𐴕𐴟𐴖𐴝 𐴇𐴥𐴡𐴑𐴟𐴔𐴡𐴃 𐴁𐴡𐴕𐴞 𐴁𐴝𐴊𐴠 𐴌𐴟𐴇𐴝𐴙𐴚𐴒𐴙𐴝𐴌 𐴖𐴝𐴉𐴠𐴏𐴞𐴌 𐴈𐴡𐴃𐴤𐴝 𐴈𐴡𐴘𐴁𐴤𐴡 , 𐴀𐴝𐴌 𐴌𐴟𐴇𐴝𐴙𐴚𐴒𐴙𐴝 𐴌𐴠 𐴕𐴞𐴎𐴡𐴌 𐴊𐴠𐴐𐴤𐴡𐴃 𐴖𐴝𐴉𐴠𐴏𐴢 𐴉𐴦𐴡𐴣𐴀𐴡𐴏𐴥𐴝𐴘 𐴊𐴞𐴁𐴡𐴌 𐴓𐴝 𐴁𐴝𐴚𐴓𐴝𐴊𐴠𐴐𐴢 𐴃𐴡𐴘𐴧𐴝𐴌 , 𐴁𐴡𐴓𐴞 𐴁𐴡𐴘𐴊𐴠𐴐𐴢 𐴀𐴟𐴎𐴞𐴌 / 𐴀𐴠 𐴑𐴠 𐴀𐴝𐴁𐴊𐴟𐴓 𐴔𐴥𐴟𐴔𐴠𐴕𐴠 𐴔𐴡𐴚𐴒𐴡𐴓 𐴁𐴝𐴌𐴠 𐴈𐴡𐴘𐴧𐴠 𐴱 𐴌𐴟𐴇𐴝𐴙𐴚𐴒𐴙𐴝𐴌 𐴖𐴝𐴉𐴠𐴏𐴞𐴌 𐴓𐴝 𐴁𐴡𐴌𐴔𐴥𐴝𐴌 𐴁𐴤𐴟𐴄 𐴀𐴝𐴌 𐴑𐴡𐴌𐴟𐴕𐴝 𐴁𐴞𐴘𐴝𐴌𐴝𐴔𐴡𐴌 𐴁𐴝𐴊𐴤𐴝 𐴀𐴝𐴐𐴧𐴞𐴓 𐴱 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡 𐴌𐴠 𐴖𐴝𐴉𐴠𐴏𐴢 𐴉𐴦𐴡𐴣𐴀𐴡𐴏𐴥𐴝𐴘 𐴊𐴞𐴁𐴡𐴌 𐴓𐴝 , 𐴁𐴝𐴚𐴓𐴝𐴊𐴠𐴐𐴢 – 𐴆𐴞𐴕𐴝 – 𐴁𐴡𐴌𐴔𐴥𐴝 𐴔𐴞𐴓𐴞 , 𐴃𐴞𐴕𐴑𐴤𐴟𐴙𐴄𐴧𐴙𐴝 𐴔𐴞𐴄𐴞𐴚 𐴘𐴝𐴌 𐴀𐴝𐴒𐴠 𐴃𐴞𐴕 𐴁𐴝𐴌 𐴒𐴡𐴌𐴥𐴞 𐴉𐴥𐴠𐴓𐴝𐴘𐴧𐴠 , 𐴏𐴥𐴝𐴔𐴧𐴠 𐴘𐴥𐴡 𐴒𐴡𐴌𐴞𐴁𐴡𐴌 𐴓𐴝 𐴃𐴡𐴌𐴃𐴞𐴁 𐴏𐴝𐴓𐴟 𐴒𐴡𐴙𐴅𐴧𐴙𐴠 𐴁𐴡𐴓𐴞 𐴁𐴡𐴘𐴊𐴠𐴐𐴢 𐴀𐴟𐴎𐴞𐴌𐴠 𐴈𐴡𐴘𐴧𐴠 𐴱𐴱

𐴌𐴟𐴇𐴝𐴙𐴚𐴒𐴙𐴝𐴌 𐴔𐴝𐴔𐴠𐴓𐴝 𐴀𐴝𐴣𐴀𐴝𐴌𐴝𐴌 𐴓𐴝 𐴋𐴦𐴡𐴣𐴌 𐴔𐴡𐴐𐴑𐴞𐴓 𐴁𐴡𐴕𐴞 𐴌𐴡𐴘𐴧𐴠 , 𐴏𐴝𐴙𐴌𐴀𐴥𐴡 𐴔𐴞𐴑𐴧𐴙𐴝𐴃𐴧𐴟 𐴀𐴝𐴣𐴀𐴝𐴌𐴝 ( 𐴁𐴞𐴎𐴤𐴞 ) 𐴀𐴦𐴡𐴓 𐴉𐴦𐴡𐴓𐴡𐴃 𐴉𐴡𐴌𐴞 𐴒𐴞𐴘𐴥𐴞𐴒𐴤𐴡𐴘 𐴁𐴡𐴓𐴞 𐴐𐴤𐴞𐴓𐴠𐴄𐴡𐴌 𐴁𐴡𐴘𐴊𐴠𐴐𐴢 𐴏𐴥𐴝𐴌𐴁𐴠𐴏𐴢 𐴀𐴝𐴑𐴠𐴋𐴠𐴔𐴞𐴃 , 𐴌𐴠𐴂𐴟𐴄𐴝𐴌 𐴀𐴥𐴡𐴑𐴧𐴡𐴓 𐴓𐴡𐴘 𐴋𐴞𐴏𐴑𐴤𐴝𐴀𐴝𐴏𐴢 𐴒𐴡𐴌𐴞 𐴁𐴝𐴊𐴠 𐴁𐴡𐴘𐴊𐴠𐴐𐴢 𐴀𐴟𐴎𐴞𐴌𐴠 𐴈𐴡𐴘𐴧𐴠 𐴱 𐴁𐴝𐴚𐴓𐴝𐴊𐴠𐴐𐴤𐴡𐴌 𐴁𐴡𐴕𐴊𐴤𐴟 𐴊𐴠𐴐𐴢 ‘ 𐴅𐴝𐴂𐴝𐴕 , 𐴆𐴞𐴕𐴝 , 𐴁𐴞𐴌𐴞𐴄𐴤𐴞𐴐𐴢 𐴀𐴝𐴌 𐴘𐴟𐴌𐴟𐴂𐴞 𐴘𐴟𐴕𐴞𐴘𐴥𐴡𐴕𐴠 𐴌𐴟𐴇𐴝𐴙𐴚𐴒𐴙𐴝𐴌 𐴏𐴥𐴡𐴚𐴑𐴡𐴄𐴡 𐴌𐴠 𐴀𐴟𐴉𐴥𐴝𐴘 𐴒𐴡𐴌𐴞𐴁𐴡𐴌 𐴓𐴝 , 𐴁𐴡𐴌𐴔𐴥𐴝𐴌𐴠 𐴕𐴟𐴖𐴝 𐴁𐴤𐴝𐴉𐴠 𐴏𐴞𐴂𐴢 𐴊𐴦𐴠𐴌 𐴁𐴡𐴓𐴞 / 𐴔𐴥𐴟𐴔𐴠𐴕𐴠 𐴈𐴡𐴘𐴧𐴠 𐴱 𐴀𐴠𐴑 𐴏𐴟𐴖𐴝𐴓𐴡𐴌 𐴅𐴟𐴖𐴝𐴁𐴡𐴃 / 𐴀𐴠 𐴑𐴠 𐴀𐴝𐴁𐴊𐴟𐴓 𐴔𐴥𐴟𐴔𐴠𐴕𐴠 ‘ 𐴁𐴝𐴚𐴓𐴝𐴊𐴠𐴐𐴤𐴠 𐴀𐴠𐴑 𐴓𐴥𐴝𐴑𐴤 𐴓𐴡𐴃𐴞 𐴰 𐴰 𐴰 𐴰 𐴰 𐴱 𐴓𐴡𐴃𐴞 𐴌𐴟𐴇𐴝𐴙𐴚𐴒𐴙𐴝 , 𐴁𐴤𐴝𐴐𐴡𐴕 𐴏𐴡𐴌𐴡𐴃 𐴉𐴦𐴡𐴣𐴏𐴥𐴝𐴘 𐴊𐴞𐴁𐴡 , 𐴔𐴡𐴕𐴃𐴡𐴌 𐴃𐴝𐴌𐴥𐴞𐴑 𐴄𐴤𐴞𐴑 𐴕𐴡 𐴀𐴥𐴡 , 𐴄𐴤𐴞𐴑 𐴀𐴥𐴡𐴘𐴓𐴠 𐴃𐴟𐴣𐴖𐴝𐴣𐴌𐴝 𐴎𐴝𐴕𐴞𐴉𐴝𐴌𐴥𐴞 𐴁𐴤𐴝 𐴁𐴡𐴓𐴞 𐴈𐴡𐴘𐴧𐴠 𐴱𐴱

𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓 𐴁𐴡𐴌𐴔𐴥𐴝𐴌 𐴖𐴡𐴌𐴠 𐴕𐴝𐴁𐴞𐴐𐴧𐴝𐴐𐴢 𐴊𐴠 𐴘𐴥𐴝𐴕 𐴁𐴡𐴌𐴔𐴥𐴝𐴌 𐴃𐴟 , 𐴀𐴥𐴞𐴃𐴝𐴌𐴝 𐴁𐴞𐴐𐴧𐴝𐴐𐴢 𐴎𐴝𐴘 𐴉𐴝𐴌𐴠𐴉𐴥𐴝𐴕 𐴒𐴡𐴌𐴥𐴝 𐴉𐴡𐴌𐴞𐴁𐴡 𐴁𐴤𐴡𐴓𐴞 𐴁𐴝𐴚𐴓𐴝𐴊𐴠𐴐𐴤𐴠 𐴈𐴡𐴘𐴧𐴠 𐴱 𐴁𐴡𐴌𐴔𐴥𐴝 𐴘𐴠 𐴕𐴞𐴎𐴡𐴌 𐴊𐴠𐴐𐴤𐴡𐴙𐴃𐴧𐴝 𐴀𐴥𐴡𐴑𐴧𐴡𐴓𐴡 𐴌𐴠 𐴖𐴝𐴉𐴝𐴏𐴢 𐴓𐴡𐴘𐴁𐴡 𐴊𐴠 𐴘𐴥𐴝𐴕 𐴌𐴝𐴑𐴤𐴞 ‘ 𐴁𐴡𐴌𐴔𐴥𐴝 𐴘𐴠 𐴈𐴡𐴀𐴡𐴌 𐴊𐴠 , 𐴌𐴟𐴇𐴝𐴙𐴚𐴒𐴙𐴝𐴌 𐴖𐴝𐴉𐴠𐴏𐴞𐴌 𐴓𐴝 𐴀𐴝𐴣𐴀𐴝𐴌𐴝 𐴈𐴝𐴔 𐴒𐴡𐴙𐴅𐴧𐴞 𐴊𐴠 𐴀𐴥𐴞𐴕𐴡𐴌 𐴁𐴝𐴁𐴡𐴃𐴠 𐴀𐴟𐴒𐴧𐴗𐴝 𐴑𐴞𐴃𐴝𐴁𐴏𐴥𐴡 𐴓𐴠𐴙𐴑𐴧𐴞 , 𐴎𐴞𐴁𐴤𐴝 𐴀𐴝𐴌𐴑𐴝𐴕𐴡𐴌 𐴇𐴝𐴓𐴡𐴃𐴡 𐴌𐴠 𐴎𐴝𐴕𐴞 𐴉𐴝𐴌𐴠𐴉𐴥𐴝𐴕 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌𐴥𐴠 𐴘𐴥𐴡 𐴊𐴞𐴘𐴝 𐴎𐴝𐴘𐴁𐴡 𐴱 𐴁𐴝𐴚𐴓𐴝𐴊𐴠𐴐𐴤𐴡𐴃 𐴃𐴡𐴙𐴃𐴧𐴝 𐴏𐴥𐴝𐴀𐴝𐴌𐴝 𐴓𐴡𐴘𐴧𐴠𐴊𐴠 , 𐴌𐴟𐴇𐴝𐴙𐴚𐴒𐴙𐴝 𐴌𐴠 𐴈𐴥𐴝𐴔𐴝𐴈𐴥𐴝 𐴁𐴡𐴌𐴔𐴥𐴝 𐴘𐴠 𐴖𐴝𐴉𐴠𐴏𐴢 𐴕𐴞𐴁𐴡𐴊𐴠 𐴘𐴥𐴝𐴕 , 𐴆𐴞𐴕𐴝 𐴌𐴥𐴠 𐴁𐴞𐴐𐴧𐴝𐴐𐴢 𐴊𐴞𐴘𐴠 𐴁𐴡𐴓𐴞 , 𐴆𐴞𐴕𐴝𐴌 𐴁𐴡𐴘𐴊𐴠𐴐𐴢 𐴀𐴟𐴎𐴞𐴌𐴠 𐴁𐴝𐴚𐴓𐴝𐴊𐴠𐴐𐴤𐴡𐴌 𐴁𐴡𐴘𐴊𐴠𐴐𐴢 𐴀𐴟𐴎𐴞𐴌𐴡 𐴌𐴠 𐴈𐴡𐴘𐴧𐴠 𐴱 𐴎𐴡𐴊𐴞 𐴀𐴠𐴑 𐴔𐴡𐴓𐴞𐴘𐴟𐴕𐴡𐴌 𐴃𐴟 𐴁𐴤𐴝𐴌𐴡 𐴁𐴠𐴐𐴤𐴞 𐴌𐴟𐴇𐴝𐴙𐴚𐴒𐴙𐴝𐴌 𐴀𐴥𐴞𐴑𐴧𐴙𐴝 𐴊𐴤𐴞𐴘𐴝𐴕 𐴕𐴡𐴊𐴞 , 𐴃𐴝𐴌𐴥𐴝𐴌 𐴊𐴠𐴐𐴤𐴡𐴃 𐴖𐴝𐴉𐴠𐴏𐴢 𐴉𐴦𐴡𐴣𐴏𐴥𐴝𐴘 𐴕𐴡𐴊𐴞 , 𐴀𐴠𐴕𐴋𐴞𐴓𐴧𐴝 𐴌𐴝𐴑𐴤𐴞 𐴊𐴞𐴓𐴠 , 𐴁𐴝𐴚𐴓𐴝𐴊𐴠𐴐𐴢 𐴀𐴝𐴌 𐴉𐴟𐴌𐴝 𐴊𐴟𐴕𐴞𐴘𐴝𐴙𐴌 𐴐𐴤𐴝𐴕𐴃𐴞 𐴀𐴝𐴌 𐴇𐴠𐴉𐴝𐴎𐴡𐴃𐴞𐴌 𐴓𐴝 𐴁𐴠𐴐𐴤𐴞 𐴈𐴥𐴡𐴃𐴡𐴌𐴝 𐴀𐴥𐴡𐴘𐴁𐴡 𐴁𐴡𐴓𐴞 𐴁𐴡𐴘𐴊𐴠𐴐𐴢 𐴀𐴟𐴎𐴞𐴌𐴠 𐴈𐴡𐴘𐴧𐴠 𐴱𐴱

Sources : Dhakatribune