𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌𐴠 𐴅𐴡𐴓𐴊𐴞 𐴁𐴤𐴝𐴐𐴡𐴕 𐴏𐴡𐴌𐴡𐴃 𐴕𐴞𐴎𐴝 𐴐𐴤𐴟𐴌𐴟 𐴒𐴡𐴌𐴡𐴕 𐴏𐴥𐴡𐴄𐴤𐴞𐴑 𐴱𐴱

𐴊𐴠𐴐𐴁𐴞𐴊𐴠𐴐𐴤𐴞 𐴀𐴠𐴅𐴤𐴠𐴕𐴏𐴞 , 𐴀𐴠𐴕 𐴅𐴞 𐴀𐴡 𐴀𐴥𐴡𐴑𐴧𐴡𐴓𐴠 𐴌𐴟𐴇𐴝𐴙𐴚𐴒𐴙𐴝𐴌𐴠 𐴁𐴤𐴝𐴐𐴡𐴕 𐴏𐴡𐴌𐴡𐴃 𐴓𐴡𐴘𐴎𐴡𐴕𐴡𐴌𐴠 𐴁𐴝𐴊𐴤𐴝 𐴊𐴠𐴌 𐴁𐴡𐴓𐴞 𐴁𐴝𐴚𐴓𐴝𐴊𐴠𐴐𐴤𐴞 𐴁𐴡𐴘𐴊𐴠𐴐𐴢 𐴀𐴟𐴎𐴞𐴌𐴠 𐴈𐴡𐴘𐴧𐴠 𐴱 𐴁𐴝𐴚𐴓𐴝𐴊𐴠𐴐𐴤𐴠 𐴌𐴞𐴃 𐴀𐴝𐴌 𐴔𐴦𐴟𐴏𐴡𐴔 𐴄𐴤𐴞𐴑 𐴀𐴥𐴡𐴘𐴧𐴠𐴊𐴠 𐴀𐴡𐴑𐴃𐴡𐴃 𐴀𐴠 𐴔𐴥𐴝𐴐𐴡𐴃 𐴃𐴡𐴌𐴝 𐴃𐴡𐴌𐴞 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡 𐴌𐴠 𐴁𐴤𐴝𐴐𐴡𐴕 𐴏𐴡𐴌𐴡𐴃 𐴕𐴞𐴎𐴝 𐴐𐴤𐴟𐴌𐴟 𐴒𐴡𐴙𐴃𐴧𐴡 𐴏𐴝𐴀𐴝𐴌 𐴁𐴡𐴓𐴞 𐴇𐴥𐴡𐴑𐴟𐴔𐴡𐴃𐴞 𐴀𐴡𐴉𐴞𐴏𐴡𐴌𐴃𐴟 𐴀𐴠𐴑 𐴎𐴡𐴕 𐴋𐴦𐴡𐴣𐴌 𐴀𐴡𐴉𐴞𐴏𐴥𐴝𐴌𐴠 𐴈𐴡𐴘𐴧𐴠 𐴱 𐴔𐴡𐴕𐴃𐴡𐴌 𐴕𐴞𐴎𐴝𐴘𐴁𐴝𐴌 𐴏𐴥𐴡𐴀𐴞 𐴃𐴝𐴌𐴥𐴞𐴑 𐴄𐴤𐴞𐴑 𐴕𐴥𐴡 𐴒𐴡𐴌𐴥𐴠 𐴁𐴡𐴓𐴞 𐴘𐴥𐴡 𐴈𐴡𐴘𐴧𐴠 𐴱 𐴁𐴤𐴝𐴐𐴡𐴕 𐴏𐴡𐴌𐴡𐴃 𐴁𐴠𐴐𐴤𐴞 𐴐𐴤𐴟𐴕𐴊𐴡𐴌 𐴒𐴡𐴌𐴞 𐴑𐴠𐴀𐴠𐴔 𐴁𐴝𐴕𐴝𐴘𐴧𐴠 𐴀𐴝𐴌 𐴎𐴝𐴒𐴝 𐴀𐴥𐴞𐴏𐴝𐴉𐴠 𐴁𐴠𐴐𐴤𐴞 𐴐𐴤𐴟𐴎𐴟𐴑 , 𐴐𐴤𐴟𐴁𐴞𐴊𐴤𐴝 , 𐴏𐴥𐴡𐴖𐴓𐴡𐴃 𐴀𐴥𐴡𐴑𐴧𐴡𐴓 𐴊𐴞𐴘𐴠 𐴱 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓 𐴀𐴥𐴠𐴍𐴠 𐴀𐴠𐴑𐴁𐴝𐴌 𐴒𐴞𐴓𐴠 𐴖𐴝𐴉𐴠𐴏𐴢 𐴀𐴝𐴘𐴁𐴝𐴌 𐴕𐴝𐴔 𐴕𐴡 𐴊𐴤𐴡𐴌𐴞𐴁𐴤𐴡 𐴁𐴡𐴓𐴞 𐴁𐴝𐴚𐴓𐴝𐴊𐴠𐴐𐴢 𐴇𐴥𐴡𐴑𐴟𐴔𐴡𐴃𐴠 𐴈𐴡𐴘𐴧𐴠 𐴱𐴱 𐴁𐴝𐴚𐴓𐴝𐴊𐴠𐴐𐴤𐴠 𐴱 . 𐴱 𐴔𐴡𐴓𐴞𐴘𐴟𐴕 𐴌𐴟𐴇𐴝𐴙𐴚𐴒𐴙𐴝 𐴌𐴠 𐴑𐴝𐴑𐴏𐴢 𐴁𐴝𐴎𐴝𐴌 𐴀𐴠𐴓𐴝𐴑𐴝𐴃 𐴑𐴠𐴀𐴠𐴔 𐴁𐴝𐴕𐴝𐴘 𐴁𐴠𐴐𐴤𐴞 𐴒𐴠𐴕𐴎𐴝𐴔 𐴒𐴡𐴌𐴥𐴞 𐴄𐴝𐴓𐴝𐴘 𐴌𐴝𐴙𐴑𐴧𐴙𐴠 𐴱 𐴀𐴥𐴠𐴃𐴡𐴓𐴧𐴝 𐴒𐴠𐴕𐴎𐴝𐴔 𐴈𐴡𐴔 𐴀𐴥𐴡𐴘 , 𐴉𐴝𐴃𐴡𐴓 𐴀𐴥𐴡𐴉𐴝𐴕 𐴀𐴠𐴑 𐴓𐴥𐴝𐴑 𐴌𐴞𐴉𐴟𐴎𐴞 𐴁𐴤𐴝𐴐𐴡𐴕 𐴏𐴡𐴌𐴡𐴃 𐴕𐴞𐴁𐴡𐴌 𐴓𐴝 𐴏𐴝𐴀𐴝𐴌 𐴊𐴠 𐴱𐴱

𐴁𐴤𐴝𐴐𐴡𐴕 𐴏𐴡𐴌𐴡𐴃 𐴀𐴝𐴏𐴥𐴠𐴊𐴠 𐴌𐴟𐴇𐴝𐴙𐴚𐴒𐴙𐴝 𐴁𐴠𐴍𐴞𐴘𐴥𐴝𐴙𐴕 𐴊𐴠 𐴀𐴥𐴠𐴍𐴠 𐴂𐴝𐴌𐴓𐴝𐴌 ( 𐴊𐴟𐴖𐴝𐴕𐴊𐴝𐴌𐴝 ) 𐴑𐴤𐴟𐴙𐴓𐴧𐴙𐴠 𐴱 𐴁𐴤𐴝𐴐𐴡𐴕 𐴏𐴡𐴌 𐴁𐴠𐴐𐴤𐴞 𐴐𐴤𐴟𐴕𐴊𐴡𐴙𐴅𐴧𐴙𐴝 𐴎𐴝𐴒𐴝 , 𐴀𐴠𐴑 𐴁𐴝𐴌 𐴒𐴞𐴓𐴠 𐴈𐴡𐴕𐴥𐴞𐴑𐴧𐴙𐴝 𐴉𐴥𐴞𐴌𐴞 𐴕𐴡 𐴀𐴝𐴘𐴁𐴡 𐴁𐴡𐴓𐴞 𐴁𐴡𐴘𐴊𐴠𐴐𐴢 𐴀𐴟𐴎𐴞𐴌 / 𐴀𐴠 𐴑𐴠 𐴀𐴝𐴁𐴊𐴟𐴓 𐴔𐴥𐴟𐴔𐴠𐴕𐴠 𐴈𐴡𐴘𐴧𐴠 𐴱 𐴀𐴠𐴈𐴥𐴡𐴕 𐴰 𐴰 𐴳 𐴎𐴡𐴕𐴡𐴌 𐴃𐴟 𐴁𐴠𐴐𐴤𐴞 𐴌𐴟𐴇𐴝𐴙𐴚𐴒𐴙𐴝 𐴁𐴤𐴝𐴐𐴡𐴕 𐴏𐴡𐴌𐴡𐴃 𐴃𐴤𐴝𐴑𐴠𐴌 , 𐴑𐴝𐴑𐴏𐴢 𐴁𐴝𐴎𐴝𐴌 𐴀𐴠𐴓𐴝𐴑𐴝𐴃 𐴀𐴝𐴏𐴥𐴠𐴊𐴠 𐴑𐴠𐴀𐴠𐴔𐴡𐴃 𐴔𐴝𐴕𐴟𐴙𐴐𐴢 𐴄𐴝𐴓𐴝𐴘𐴧𐴝 𐴊𐴠 𐴀𐴥𐴠𐴃𐴡𐴌 𐴓𐴝 𐴎𐴤𐴡𐴌 𐴁𐴡𐴌𐴏𐴥𐴝𐴃𐴡𐴌 𐴈𐴝𐴓𐴠 , 𐴉𐴝𐴀𐴝𐴌 𐴀𐴝𐴌 𐴔𐴠𐴍𐴞 𐴁𐴤𐴝𐴚𐴞 𐴔𐴝𐴕𐴟𐴙𐴐𐴢 𐴔𐴡𐴌𐴞 𐴎𐴝𐴒𐴤𐴡𐴘 𐴱 𐴀𐴥𐴠 𐴔𐴡𐴌𐴝 𐴈𐴡𐴔 𐴒𐴡𐴌𐴞 𐴁𐴡𐴌 𐴓𐴝 𐴇𐴥𐴡𐴑𐴟𐴔𐴡𐴃𐴠 𐴁𐴤𐴝𐴐𐴡𐴕 𐴏𐴡𐴌𐴡𐴃 𐴕𐴞𐴎𐴤𐴝𐴘 𐴃𐴡 𐴏𐴝𐴀𐴝𐴌 𐴊𐴠 𐴱 𐴎𐴤𐴡𐴌 𐴁𐴡𐴌𐴏𐴥𐴝𐴃𐴡𐴌 𐴈𐴝𐴓𐴠 𐴉𐴝𐴀𐴝𐴌 ,𐴔𐴠𐴍𐴞 𐴁𐴤𐴝𐴚𐴞 𐴀𐴠𐴑 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴔𐴡𐴌𐴞𐴓𐴠 𐴔𐴡𐴃𐴧𐴡𐴌 , 𐴁𐴝𐴚𐴓𐴝𐴊𐴠𐴐𐴤𐴠 𐴀𐴝𐴣𐴀𐴝𐴌𐴝𐴌𐴠 𐴔𐴝𐴌𐴞 𐴉𐴥𐴠𐴓𐴝𐴌 𐴁𐴡𐴓𐴞 𐴈𐴡𐴘 𐴑𐴠𐴀𐴠𐴔 𐴄𐴤𐴞𐴘𐴝 𐴀𐴟𐴎𐴡𐴌 𐴀𐴝𐴌 𐴇𐴥𐴡𐴌𐴃𐴝𐴓 𐴐𐴤𐴟𐴌𐴟 𐴒𐴡𐴌𐴠𐴊𐴠 𐴀𐴥𐴠𐴃𐴡𐴓𐴧𐴝 , 𐴁𐴡𐴌 𐴀𐴟𐴎𐴞𐴌 / 𐴐𐴠𐴙𐴑 𐴇𐴝𐴏𐴞𐴕𐴝 𐴘𐴠 𐴁𐴤𐴝𐴐𐴡𐴕 𐴏𐴡𐴌𐴡𐴃 𐴕𐴞𐴎𐴝𐴘𐴁𐴝𐴌 𐴉𐴥𐴝𐴘𐴏𐴠𐴓𐴝 𐴒𐴡𐴙𐴅𐴧𐴙𐴠 𐴊𐴠 𐴱 𐴀𐴠𐴈𐴥𐴡𐴕 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓 𐴑𐴠𐴀𐴠𐴔𐴡𐴃 𐴕𐴞𐴐𐴤𐴝 𐴁𐴠𐴏𐴥𐴝𐴃 𐴀𐴝𐴌 𐴔𐴝𐴕𐴟𐴙𐴐𐴢 𐴁𐴠𐴏𐴥𐴝𐴃 𐴓𐴝𐴒𐴞 𐴒𐴞𐴘𐴥𐴡𐴘 𐴱 𐴁𐴤𐴝𐴐𐴡𐴕 𐴏𐴡𐴌𐴡𐴃 𐴒𐴞𐴓𐴠 𐴑𐴝𐴕𐴟𐴕𐴞 𐴀𐴝𐴘 𐴒𐴡𐴌𐴞𐴁𐴝𐴌 𐴁𐴠𐴐𐴤𐴞 𐴐𐴤𐴟𐴎𐴟𐴑 𐴀𐴥𐴡𐴑𐴧𐴡𐴓 𐴉𐴝𐴘𐴁𐴡 𐴁𐴡𐴓𐴞 / 𐴁𐴡𐴘𐴊𐴠𐴐𐴢 𐴀𐴟𐴎𐴞𐴌𐴠 𐴈𐴡𐴘𐴧𐴠 𐴱𐴱

Sources : Dhakatribune