𐴌𐴟𐴙𐴚𐴒𐴙𐴝𐴌 𐴊𐴠𐴐𐴤𐴡𐴙𐴃𐴧𐴝 𐴃𐴤𐴝 𐴔𐴝𐴔𐴠𐴓𐴝 ( 𐴒𐴤𐴡𐴌𐴒𐴗𐴝 ) 𐴊𐴠𐴐𐴤𐴡𐴌 𐴁𐴤𐴟𐴃𐴡𐴌𐴡𐴌 𐴲 𐴸 𐴹 𐴱 𐴐𐴤𐴡𐴕𐴡𐴌 𐴑𐴝𐴕𐴟𐴕 𐴔𐴡𐴎𐴞𐴕 : 𐴔𐴠𐴓𐴠𐴄𐴠𐴌𐴞𐴌 𐴁𐴡𐴌𐴡 𐴱𐴱

𐴌𐴟𐴇𐴝𐴙𐴚𐴒𐴙𐴝𐴌 𐴊𐴠𐴐𐴤𐴡𐴙𐴃𐴧𐴝 𐴃𐴤𐴝 𐴐𐴤𐴟𐴊𐴟 𐴊𐴠𐴐𐴤𐴡𐴌 𐴁𐴤𐴟𐴃𐴡𐴌𐴡𐴌 ( 𐴒𐴤𐴡𐴌𐴒𐴗𐴝 ) 𐴑𐴝𐴕𐴟𐴕 , 𐴎𐴞𐴘𐴝𐴕 𐴲 𐴸 𐴹 𐴱 𐴐𐴤𐴡𐴕𐴡𐴌 𐴑𐴝𐴕𐴟𐴕𐴡𐴌 𐴖𐴡𐴌𐴠 𐴊𐴝𐴌𐴔𐴡𐴊𐴝𐴌 ( 𐴕𐴞𐴌𐴁𐴤𐴡𐴌 ) 𐴱 𐴀𐴥𐴠𐴃𐴡𐴓𐴧𐴝 𐴁𐴡𐴌𐴔𐴥𐴝𐴌 𐴲 𐴸 𐴹 𐴱 𐴐𐴤𐴡𐴕𐴡𐴌 𐴑𐴝𐴕𐴟𐴕 𐴔𐴡𐴎𐴞𐴕 𐴐𐴤𐴟𐴊𐴠 𐴵 𐴳 𐴱 𐴑𐴡𐴖𐴔 𐴊𐴠𐴐𐴤𐴡𐴙𐴃𐴧𐴝 , 𐴁𐴝𐴚𐴒𐴝𐴓𐴞 𐴘𐴝𐴃𐴡 𐴌𐴟𐴇𐴝𐴙𐴚𐴒𐴙𐴝 𐴀𐴥𐴠 𐴵 𐴳 𐴱 𐴑𐴡𐴖𐴔𐴡𐴌 𐴁𐴤𐴟𐴃𐴡𐴌𐴠 𐴕𐴥𐴝𐴘 𐴁𐴡𐴓𐴞 , 𐴔𐴠𐴓𐴠𐴄𐴠𐴌𐴞𐴌 𐴁𐴡𐴌𐴡/ 𐴔𐴥𐴞𐴚 𐴀𐴡𐴚 𐴓𐴝𐴙𐴚𐴠 𐴈𐴡𐴘𐴧𐴠,𐴀𐴥𐴞𐴃𐴠 𐴀𐴝𐴌𐴀𐴥𐴡 𐴈𐴡𐴘𐴧𐴠 𐴊𐴠 !𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓 𐴁𐴡𐴌𐴔𐴥𐴝𐴌 𐴁𐴤𐴟𐴃𐴡𐴌𐴠 𐴃𐴤𐴝𐴑𐴡𐴕𐴡𐴃 𐴁𐴡𐴌𐴔𐴥𐴝𐴌 𐴃𐴟 𐴈𐴡𐴕𐴥𐴡 𐴀𐴝𐴂𐴞𐴃𐴧𐴞 𐴕𐴥𐴝𐴘 𐴱 𐴎𐴦𐴝𐴣 𐴇𐴥𐴡𐴑 ! 𐴊𐴠𐴐𐴤𐴡𐴙𐴃𐴧𐴝 𐴃𐴤𐴝 𐴄𐴤𐴞𐴑 𐴒𐴡𐴌𐴥𐴞 𐴃𐴝𐴌𐴝𐴌𐴠 𐴇𐴥𐴡𐴑 𐴁𐴡𐴌𐴝𐴁𐴡𐴌 𐴊𐴦𐴡𐴕 , 𐴊𐴠𐴐𐴤𐴡𐴌 𐴒𐴤𐴡𐴌𐴒𐴗𐴝 𐴑𐴝𐴕𐴟𐴕 𐴔𐴡𐴎𐴞𐴕 𐴀𐴥𐴡𐴘𐴁𐴡𐴊𐴠 𐴱 𐴊𐴠𐴐𐴁𐴞𐴊𐴠𐴐𐴤𐴠 𐴌𐴟𐴇𐴝𐴙𐴚𐴒𐴙𐴝𐴌 𐴁𐴝𐴁𐴡𐴃𐴠 𐴈𐴡𐴀𐴡𐴌 𐴊𐴠 𐴀𐴥𐴞𐴕𐴡𐴌𐴠 𐴕𐴡𐴔𐴝𐴕𐴞 𐴁𐴝𐴊𐴠 , 𐴁𐴡𐴌𐴔𐴥𐴝 𐴕𐴞𐴎𐴡𐴌 𐴊𐴠𐴐𐴤𐴡𐴌 𐴑𐴝𐴕𐴟𐴕 𐴔𐴡𐴎𐴞𐴕 𐴏𐴡𐴓𐴞𐴁𐴡𐴊𐴠 𐴀𐴝𐴌 𐴔𐴟𐴀𐴟𐴔𐴧𐴞𐴑𐴧𐴙𐴝 𐴀𐴝𐴒𐴧𐴗𐴝𐴘 𐴁𐴡𐴊𐴠 𐴈𐴡𐴕𐴥𐴞𐴑𐴧𐴙𐴝𐴃𐴧𐴟 𐴀𐴝𐴣𐴀𐴝𐴌𐴝𐴌 𐴁𐴤𐴟𐴃𐴡𐴌𐴠 𐴒𐴤𐴡𐴓𐴞𐴁𐴝𐴌 𐴇𐴥𐴡𐴑 𐴕𐴥𐴝𐴘 𐴱𐴱

𐴅𐴡𐴕𐴡𐴌𐴡𐴓 / 𐴔𐴥𐴞𐴚 𐴀𐴡𐴚 𐴓𐴝𐴙𐴚𐴠 , 𐴅𐴝𐴂𐴝𐴕𐴡𐴌 𐴈𐴥𐴡𐴁𐴡𐴌𐴞 𐴈𐴝𐴁𐴡𐴏𐴢 ( 𐴀𐴝𐴏𐴝𐴇𐴞 𐴐𐴞𐴔𐴁𐴟𐴕 ) 𐴡𐴌𐴠 𐴊𐴞𐴘𐴠 𐴊𐴠 𐴀𐴥𐴞𐴕𐴄𐴝𐴌𐴁𐴙𐴟𐴃 “ 𐴊𐴠𐴐𐴁𐴞𐴊𐴠𐴐𐴤𐴡𐴌 𐴃𐴟 𐴁𐴡𐴌𐴔𐴥𐴝 𐴌𐴠 𐴏𐴥𐴞𐴘𐴝𐴏𐴞 𐴔𐴝𐴔𐴠𐴓𐴝𐴌 𐴁𐴝𐴁𐴡𐴃𐴠 𐴏𐴞𐴂𐴢 𐴊𐴞𐴁𐴝𐴌 𐴈𐴡𐴕𐴥𐴡 𐴇𐴥𐴡𐴑 𐴕𐴥𐴝𐴘 𐴁𐴡𐴓𐴞 𐴈𐴡𐴘 , 𐴕𐴞𐴕𐴊𐴝 𐴒𐴡𐴙𐴅𐴧𐴙𐴠 “𐴎𐴞𐴁𐴝𐴌 𐴀𐴡𐴕𐴟𐴁𐴝𐴊 (𐴃𐴡𐴌𐴎𐴟𐴔𐴝) 𐴐𐴤𐴟𐴑𐴧𐴟𐴌 𐴁𐴝𐴌𐴠 𐴔𐴠𐴓𐴠𐴄𐴠𐴌𐴞𐴌 𐴉𐴠𐴙𐴏𐴁𐴦𐴟𐴑 𐴂𐴠𐴙𐴅𐴡𐴃 𐴉𐴡𐴌𐴑𐴝𐴐𐴢 𐴒𐴡𐴙𐴅𐴧𐴙𐴠 𐴊𐴠 𐴉𐴝𐴒𐴞𐴘𐴠 𐴱 𐴉𐴡𐴖𐴎𐴡𐴌 𐴓𐴝 𐴖𐴡𐴌𐴠 𐴓𐴝𐴔𐴝𐴌 𐴊𐴟𐴕𐴥𐴞 𐴂𐴝𐴓𐴞𐴔𐴠𐴕𐴡𐴃 𐴵 𐴲 𐴐𐴤𐴝𐴕𐴡𐴌 𐴊𐴡𐴌𐴠 𐴏𐴥𐴞𐴄 𐴌𐴝𐴙𐴑𐴧𐴙𐴠 𐴊𐴠 , 𐴑𐴝𐴕𐴟𐴕 𐴀𐴥𐴞𐴁𐴝 𐴌𐴠 / 𐴀𐴡𐴚 𐴏𐴥𐴠𐴚 𐴏𐴥𐴟𐴆𐴞 𐴘𐴠 𐴄𐴤𐴞𐴑 𐴒𐴡𐴌𐴥𐴞𐴁𐴡 𐴁𐴡𐴓𐴞 𐴂𐴝𐴂𐴓𐴞𐴑 𐴓𐴡𐴘 𐴖𐴝𐴊𐴝 𐴒𐴡𐴙𐴅𐴧𐴙𐴠 𐴊𐴠 , 𐴘𐴥𐴝𐴕𐴡𐴌 𐴁𐴝𐴁𐴡𐴃𐴠 𐴉𐴟𐴏𐴥𐴝𐴌 𐴒𐴡𐴙𐴅𐴧𐴙𐴠 𐴁𐴝𐴌 𐴱𐴱

𐴘𐴥𐴝𐴕𐴡𐴌 𐴅𐴟𐴖𐴝𐴁𐴡𐴃/𐴔𐴥𐴞𐴚 𐴀𐴡𐴚 𐴓𐴝𐴙𐴚𐴠 , 𐴀𐴠𐴈𐴥𐴡𐴕 𐴀𐴥𐴡 𐴁𐴡𐴌𐴔𐴥𐴝𐴌 𐴁𐴝𐴒𐴞 𐴒𐴟𐴌𐴟𐴂𐴢 𐴓𐴡𐴘 𐴓𐴝𐴌𐴥𐴝𐴘 𐴏𐴡𐴓𐴝𐴃 𐴀𐴝𐴏𐴠 , 𐴀𐴝𐴌 𐴀𐴥𐴞𐴃𐴝𐴌𐴝𐴌 𐴓𐴡𐴘 𐴈𐴡𐴃𐴤𐴝 𐴘𐴥𐴡 𐴏𐴡𐴓𐴠𐴌 , 𐴇𐴝𐴓𐴡𐴃 𐴄𐴤𐴞𐴑 𐴀𐴥𐴡𐴘 𐴉𐴟𐴌𐴟𐴏𐴧𐴝𐴂𐴢 𐴐𐴤𐴝𐴕𐴃𐴞 𐴀𐴝𐴘𐴧𐴠 𐴉𐴡𐴙𐴅𐴧𐴡𐴕𐴃𐴡 𐴏𐴥𐴞𐴄 𐴀𐴥𐴞𐴀𐴞𐴕 𐴔𐴠𐴓𐴠𐴄𐴠𐴌𐴞𐴌 𐴃𐴟 𐴃𐴤𐴝𐴑𐴝 𐴉𐴡𐴌𐴞𐴁𐴡 𐴱 𐴁𐴡𐴀𐴡𐴃 𐴉𐴝𐴄𐴞 𐴔𐴞𐴓𐴝𐴘𐴧𐴝 𐴋𐴞𐴔𐴟𐴑𐴠𐴌𐴠𐴏𐴞 𐴃𐴡𐴌𐴞𐴑𐴝𐴌 𐴖𐴡𐴌𐴠 𐴐𐴤𐴟𐴕𐴊𐴡𐴌 𐴒𐴡𐴌𐴞 𐴈𐴝𐴔 𐴒𐴡𐴌𐴞 𐴁𐴡𐴌 𐴓𐴝 𐴀𐴝𐴌 𐴏𐴞𐴘𐴝𐴏𐴞 𐴔𐴡𐴎𐴁𐴟𐴃𐴞 𐴀𐴝𐴌 𐴊𐴠𐴐𐴤𐴡𐴌 𐴇𐴠𐴉𐴝𐴎𐴡𐴃𐴡𐴌 𐴓𐴝 𐴎𐴡𐴌𐴟𐴌𐴞 𐴱 𐴊𐴠𐴐𐴤𐴡𐴃 𐴐𐴤𐴝𐴕𐴃𐴞 𐴀𐴝𐴌 𐴊𐴠𐴐𐴤𐴡𐴙𐴃𐴧𐴝 𐴀𐴥𐴡𐴑𐴧𐴡𐴓𐴡 𐴌𐴠 𐴇𐴠𐴉𐴝𐴎𐴡𐴃 𐴒𐴡𐴌𐴡𐴕 𐴔𐴠𐴓𐴠𐴄𐴠𐴌𐴞 𐴀𐴥𐴡𐴑𐴧𐴡𐴓𐴡𐴌 𐴋𐴙𐴟𐴄𐴞 𐴎𐴞𐴔𐴧𐴝 , 𐴊𐴠𐴐𐴤𐴡𐴌 𐴑𐴝𐴕𐴟𐴕 𐴁𐴝𐴕𐴡𐴕𐴡𐴃 𐴔𐴠𐴓𐴠𐴄𐴠𐴌𐴞 𐴀𐴥𐴡𐴑𐴧𐴡𐴓𐴡𐴌 𐴃𐴡𐴌𐴉𐴡𐴌 𐴃𐴟 𐴈𐴡𐴕𐴥𐴡 𐴁𐴝𐴊𐴤𐴝 𐴕𐴥𐴝𐴘 𐴁𐴡𐴓𐴞 𐴎𐴟𐴌 𐴊𐴞𐴘𐴡 𐴌𐴠 𐴈𐴡𐴘𐴧𐴠 𐴱𐴱

Sources : Newsonair.com