𐴖𐴥𐴞 𐴌𐴝𐴃𐴤𐴟 𐴌𐴠 𐴀𐴥𐴞𐴚 𐴏𐴞𐴚 𐴎𐴞𐴘𐴡𐴓𐴡𐴃 𐴉𐴦𐴡𐴣𐴏𐴥𐴝𐴘 𐴊𐴞𐴘𐴠 𐴱𐴱

𐴀𐴞𐴎𐴧𐴡𐴃 𐴐𐴤𐴡𐴌𐴔𐴝𐴕 𐴁𐴡𐴌𐴁𐴝𐴊 𐴒𐴡𐴌𐴡𐴕𐴡𐴌 𐴊𐴤𐴝𐴌𐴝 𐴓𐴡𐴔𐴁𐴡𐴌 𐴴 𐴲 𐴱 ( 𐴑𐴝𐴅𐴞 ) 𐴓𐴡𐴘 𐴔𐴡𐴀𐴡𐴊𐴧𐴞𐴔𐴝 𐴑𐴤𐴟𐴓𐴞 𐴌𐴝𐴑𐴧𐴞𐴀𐴞𐴓 𐴊𐴠 𐴖𐴥𐴞 𐴌𐴝𐴃𐴤𐴟 𐴌𐴠 𐴀𐴝𐴙𐴅𐴧𐴙𐴝 , 𐴉𐴟𐴓𐴞𐴐𐴢 𐴀𐴥𐴡𐴑𐴧𐴡𐴓𐴠 𐴀𐴥𐴞𐴚 𐴏𐴞𐴚 𐴎𐴞𐴘𐴡𐴓𐴡𐴃 𐴉𐴦𐴡𐴣𐴏𐴥𐴝𐴘 𐴊𐴞𐴘𐴠 𐴱 𐴏𐴡𐴓𐴠𐴌 𐴊𐴠 𐴕𐴡𐴖𐴡𐴔𐴁𐴡𐴌 𐴔𐴥𐴝𐴐𐴡𐴌 𐴷 𐴱 𐴃𐴝𐴌𐴞𐴑𐴡𐴃 𐴋𐴡𐴒𐴧𐴟𐴚 𐴐𐴤𐴡𐴀𐴡𐴌𐴡𐴌 𐴉𐴡𐴏𐴞𐴔 𐴀𐴥𐴞𐴏𐴧𐴝𐴌 𐴀𐴠𐴓𐴝𐴑𐴝𐴌 𐴃𐴤𐴝𐴕𐴝𐴌 𐴑𐴦𐴟𐴍𐴡𐴃 𐴉𐴥𐴟𐴕𐴝 𐴉𐴥𐴟𐴕𐴞 𐴀𐴥𐴡𐴘𐴁𐴡 𐴁𐴡𐴓𐴞 𐴈𐴡𐴘𐴧𐴠 𐴱 𐴀𐴝𐴙𐴅𐴧𐴙𐴝 𐴖𐴥𐴞 𐴌𐴝𐴃𐴤𐴟 𐴌𐴠 𐴁𐴞𐴋𐴞𐴘𐴟 𐴑𐴝𐴕𐴉𐴠𐴌𐴥𐴠𐴣𐴏𐴡𐴌 𐴃𐴟𐴌𐴥𐴟 𐴌𐴞𐴔𐴝𐴕𐴋 𐴒𐴡𐴌𐴠𐴌 𐴊𐴠 𐴀𐴡𐴑𐴃𐴡𐴃 𐴑𐴡𐴖𐴔 𐴉𐴟𐴎𐴝𐴌𐴞 𐴄𐴤𐴡𐴖𐴌 𐴀𐴝𐴌 𐴀𐴡𐴙𐴕𐴧𐴡 𐴔𐴝𐴕𐴟𐴙𐴐𐴢 𐴰 𐴵 𐴎𐴡𐴕 𐴓𐴡𐴃𐴞 𐴎𐴡𐴔𐴝 𐴀𐴥𐴡𐴘 𐴖𐴥𐴞 𐴌𐴝 𐴃𐴤𐴟 𐴌𐴠 𐴒𐴤𐴞𐴌𐴞 𐴊𐴡𐴙𐴅𐴧𐴙𐴠 𐴱 𐴒𐴡𐴃𐴡 𐴈𐴝𐴙𐴓𐴧𐴙𐴝 𐴲 / 𐴃𐴝𐴌𐴞𐴑 𐴕𐴡𐴖𐴡𐴔𐴁𐴡𐴌𐴡𐴃 𐴋𐴡𐴒𐴧𐴟𐴚 𐴐𐴤𐴡𐴀𐴡𐴌𐴡𐴌 𐴉𐴡𐴏𐴞𐴔 𐴀𐴥𐴞𐴏𐴧𐴝𐴌 𐴀𐴠𐴓𐴝𐴑𐴝𐴌 𐴃𐴤𐴝𐴕𐴝𐴃 𐴀𐴥𐴞𐴃𐴠 𐴕𐴞𐴎𐴠 𐴁𐴝𐴎𐴠 𐴊𐴤𐴡𐴌𐴝 𐴊𐴞𐴘𐴠 𐴱𐴱

𐴊𐴤𐴡𐴌𐴞𐴁𐴝𐴌 𐴖𐴝𐴌𐴞𐴕 𐴁𐴦𐴝𐴙𐴌 𐴒𐴡𐴌𐴞 , 𐴀𐴠𐴃𐴤𐴡 𐴊𐴞𐴕 𐴁𐴝𐴊𐴠 𐴁𐴤𐴟𐴄 𐴈𐴝𐴣𐴏𐴠 𐴀𐴝𐴙𐴆𐴧𐴙𐴠 𐴘𐴝𐴌 𐴑𐴤𐴞𐴘𐴡𐴓𐴧𐴝 𐴀𐴥𐴞𐴃𐴠 𐴕𐴞𐴎𐴠 𐴁𐴝𐴎𐴠 𐴊𐴤𐴡𐴌𐴝 𐴊𐴞𐴓𐴥𐴡 , 𐴘𐴥𐴝𐴕𐴡𐴌 𐴖𐴡𐴌𐴠 𐴁𐴠𐴐𐴤𐴝 𐴁𐴠𐴐𐴤𐴞 𐴈𐴗𐴝 𐴈𐴡𐴘 𐴏𐴡𐴓𐴠𐴌 𐴱 𐴀𐴥𐴠𐴍𐴠 𐴁𐴤𐴟𐴃𐴡𐴌𐴠 𐴀𐴠𐴕 𐴀𐴠𐴓 𐴋𐴞𐴌 𐴔𐴡𐴌𐴑𐴡𐴎𐴞 𐴈𐴥𐴡𐴁𐴡𐴌 𐴈𐴡𐴙𐴕𐴧𐴝 𐴋𐴦𐴝𐴙𐴌 𐴏𐴠𐴒𐴠𐴄𐴠𐴌𐴞 / 𐴔𐴟𐴚 𐴌𐴗𐴝 𐴐𐴝𐴚𐴠 𐴈𐴡𐴘𐴧𐴠𐴊𐴠 , 𐴖𐴥𐴞 𐴌𐴝𐴃𐴤𐴟 𐴘𐴠 𐴑𐴝𐴕𐴟𐴕𐴡𐴌 𐴁𐴦𐴡𐴕𐴋𐴝𐴌𐴞𐴃 𐴒𐴤𐴡𐴓𐴞 𐴔𐴡𐴀𐴡𐴊𐴧𐴞𐴔𐴝 𐴁𐴝𐴘𐴧𐴟𐴔 𐴊𐴠 𐴈𐴡𐴀𐴡𐴌 𐴊𐴠 𐴘𐴥𐴝𐴕 𐴁𐴝𐴊𐴠 𐴱 𐴁𐴤𐴟𐴍𐴡𐴌 𐴔𐴟𐴄𐴤𐴠 𐴶 𐴊𐴞𐴕 𐴀𐴝𐴒𐴠 𐴊𐴤𐴡𐴌𐴝 𐴊𐴡𐴕𐴡𐴃 , 𐴀𐴥𐴞𐴃𐴝𐴌 𐴃𐴟 𐴀𐴡𐴙𐴕𐴧𐴡 𐴀𐴠𐴑𐴧𐴝𐴕 𐴋𐴦𐴡𐴣𐴌 𐴐𐴤𐴡𐴙𐴃𐴝𐴕𐴧𐴝𐴔𐴞 𐴔𐴡𐴑𐴏𐴡𐴊 𐴈𐴥𐴝𐴔𐴝𐴈𐴥𐴝 𐴀𐴝𐴏𐴠 𐴁𐴡𐴓𐴞 𐴁𐴟𐴎𐴤𐴝 𐴎𐴝𐴌 𐴱 𐴔𐴡𐴕𐴃𐴡𐴌 𐴏𐴥𐴝𐴔𐴧𐴠 𐴎𐴝𐴘 𐴇𐴝𐴓𐴡𐴃 𐴁𐴟𐴎𐴤𐴞 𐴁𐴝𐴊𐴠 𐴈𐴥𐴝𐴄𐴞 𐴁𐴤𐴝𐴉𐴠 𐴈𐴗𐴝 𐴎𐴝𐴘𐴁𐴡 𐴊𐴠 𐴱 𐴖𐴥𐴞 𐴌𐴝𐴃𐴤𐴟 𐴊𐴠𐴐𐴤𐴡𐴌 𐴁𐴤𐴟𐴃𐴡𐴌𐴠 𐴃𐴤𐴝𐴑𐴞 𐴁𐴝𐴊𐴠 𐴘𐴥𐴡 , 𐴀𐴥𐴞𐴃𐴝𐴌𐴠 𐴑𐴙𐴡𐴓𐴧𐴝 𐴕𐴥𐴡 𐴊𐴤𐴡𐴌𐴠 ( 𐴘𐴝𐴃𐴡 𐴊𐴤𐴡𐴌𐴞 𐴕𐴥𐴡 𐴉𐴝𐴌𐴠 ) 𐴘𐴥𐴝𐴀𐴝𐴕 𐴁𐴠𐴐𐴤𐴞 𐴃𐴝𐴀𐴝𐴅𐴧𐴟𐴙𐴂𐴧𐴙𐴝 𐴈𐴡𐴃𐴤𐴝 𐴱𐴱

𐴀𐴝𐴌 𐴁𐴤𐴟𐴄 𐴈𐴝𐴣𐴏𐴠 𐴀𐴝𐴙𐴆𐴧𐴙𐴠 𐴘𐴝𐴌 𐴕𐴞𐴎𐴠 𐴁𐴝𐴎𐴠 𐴑𐴤𐴙𐴡𐴓𐴧𐴝 𐴊𐴤𐴡𐴌𐴝 𐴊𐴞𐴓𐴡 𐴏𐴞𐴘𐴝𐴏𐴞 𐴀𐴥𐴞𐴏𐴝𐴉𐴠 𐴁𐴟𐴎𐴤𐴝 𐴕𐴡𐴎𐴝𐴌 𐴁𐴡𐴓𐴞 , 𐴂𐴠𐴌𐴠 𐴏𐴥𐴟 𐴂𐴝𐴄𐴞𐴌 𐴊𐴟𐴘𐴧𐴡𐴔 𐴀𐴥𐴟𐴑𐴧𐴝𐴄𐴤𐴝 / 𐴀𐴥𐴟𐴀 𐴔𐴥𐴞𐴚 𐴎𐴠𐴘𐴥𐴝 𐴘𐴠 𐴈𐴡𐴘𐴧𐴠 𐴱 𐴖𐴥𐴞 𐴌𐴝𐴃𐴤𐴟 𐴊𐴠𐴐𐴤𐴡𐴌 𐴋𐴦𐴡𐴣𐴌 𐴀𐴥𐴡𐴑𐴧𐴡𐴓𐴡 𐴌𐴠 𐴁𐴠𐴀𐴥𐴟𐴊𐴝 𐴈𐴡𐴃𐴤𐴝 𐴈𐴡𐴘𐴧𐴠 𐴊𐴠 𐴀𐴝𐴌 𐴇𐴥𐴡𐴑𐴟𐴔𐴡𐴃 𐴑𐴝𐴌 𐴀𐴝𐴌 𐴀𐴞𐴕𐴏𐴝𐴉𐴑𐴝𐴌 𐴀𐴥𐴡𐴑𐴧𐴡𐴓𐴡𐴌 𐴀𐴞𐴎𐴧𐴡𐴃 𐴈𐴥𐴡𐴌𐴝𐴁 𐴀𐴥𐴡𐴉𐴝𐴕 𐴈𐴡𐴃𐴤𐴝 𐴈𐴡𐴘𐴧𐴠𐴊𐴠 𐴀𐴥𐴞𐴕𐴡𐴌 𐴓𐴝 𐴱 𐴉𐴡𐴏𐴞𐴔 𐴀𐴥𐴞𐴏𐴧𐴝𐴌 𐴃𐴤𐴝𐴕𐴝𐴌 𐴊𐴟𐴘𐴀𐴡𐴔 𐴀𐴥𐴟𐴑𐴆𐴤𐴙𐴟𐴑 𐴌𐴥𐴠𐴔𐴥𐴟/𐴀𐴥𐴟𐴀 𐴏𐴥𐴠𐴚 𐴔𐴥𐴝𐴚𐴠 , 𐴊𐴠𐴐𐴤𐴡𐴌 𐴀𐴞𐴎𐴧𐴡𐴃 𐴁𐴡𐴌𐴁𐴝𐴊 𐴒𐴡𐴌𐴡𐴕𐴡𐴌 𐴊𐴤𐴝𐴌𐴝 𐴓𐴡𐴔𐴁𐴡𐴌 𐴴 𐴲 𐴱 ( 𐴑𐴝𐴅𐴞 ) 𐴓𐴡𐴘 𐴹 𐴱 𐴰 𐴲 𐴔𐴠 𐴔𐴥𐴝𐴐𐴡𐴌 𐴸 𐴲 𐴃𐴝𐴌𐴞𐴑𐴡𐴃 𐴔𐴡𐴀𐴡𐴊𐴧𐴞𐴔𐴝 𐴑𐴤𐴟𐴓𐴧𐴞𐴀𐴞𐴓 𐴊𐴠 𐴱 𐴊𐴠𐴐𐴤𐴡𐴌 𐴀𐴞𐴎𐴧𐴡𐴃 𐴁𐴡𐴌𐴁𐴝𐴊 𐴒𐴡𐴌𐴡𐴕𐴡 𐴊𐴤𐴝𐴌𐴝 𐴓𐴡𐴔𐴁𐴡𐴌 𐴴 𐴲 𐴱 ( 𐴑𐴝𐴅𐴞 ) 𐴓𐴡𐴘 𐴈𐴡𐴏𐴟𐴌𐴞 𐴏𐴥𐴝𐴁𐴟𐴃 𐴀𐴥𐴡𐴘𐴓𐴠 𐴎𐴡𐴌𐴞𐴁𐴝𐴕𐴝 𐴐𐴤𐴡𐴣𐴀𐴡 𐴁𐴠𐴐𐴡𐴃 𐴰 𐴲 𐴁𐴡𐴏𐴥𐴡𐴌 𐴎𐴞𐴘𐴡𐴓 𐴀𐴥𐴡𐴙𐴃 𐴉𐴝𐴌𐴠 𐴱𐴱

Sources : RFA