𐴀𐴝𐴌𐴑𐴝𐴕𐴡𐴃 𐴊𐴞𐴕𐴝𐴌𐴞 𐴈𐴝𐴔 𐴒𐴡𐴌𐴞 ( 𐴔𐴡𐴎𐴟𐴌𐴞 ) 𐴒𐴡𐴌𐴞 𐴈𐴥𐴡𐴀𐴡𐴙𐴕𐴧𐴝 𐴀𐴥𐴡𐴑𐴧𐴡𐴓 𐴁𐴠𐴐𐴤𐴞 𐴔𐴡𐴐𐴑𐴞𐴓𐴡𐴃 𐴉𐴥𐴝𐴣𐴏𐴞 𐴒𐴞𐴘𐴥𐴡𐴘 𐴱𐴱

𐴀𐴝𐴌𐴑𐴝𐴕𐴡𐴃 𐴑𐴡𐴌𐴟𐴕𐴝 𐴁𐴝𐴘𐴌𐴠𐴏𐴡𐴌 𐴂𐴝𐴁𐴡𐴕𐴊𐴞 𐴓𐴝𐴒𐴡𐴕𐴡𐴌 𐴎𐴡𐴌𐴞𐴘𐴝 , 𐴀𐴝𐴌 𐴈𐴡𐴕𐴥𐴡 𐴎𐴝𐴒𐴝𐴌 𐴃𐴟 𐴔𐴡𐴊𐴡𐴊 𐴀𐴥𐴡 𐴕𐴡 𐴉𐴡𐴕𐴡𐴌 𐴎𐴡𐴌𐴞𐴘𐴝 𐴱 𐴊𐴞𐴕𐴝𐴌𐴞 𐴈𐴝𐴔 𐴒𐴡𐴌𐴞 𐴈𐴥𐴡𐴀𐴡𐴙𐴕𐴧𐴝 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌 𐴇𐴥𐴝𐴓𐴡𐴃 𐴁𐴠𐴐𐴤𐴞 𐴈𐴥𐴡𐴌𐴝𐴁 𐴀𐴥𐴡𐴘𐴧𐴠 𐴱 𐴏𐴡𐴓𐴠𐴌 𐴊𐴠 𐴊𐴞𐴕 𐴀𐴥𐴞𐴕𐴡𐴃 𐴊𐴞𐴕𐴝𐴌𐴞 𐴈𐴝𐴔 𐴒𐴡𐴌𐴡𐴙𐴕𐴧𐴝 𐴀𐴝𐴌 𐴁𐴝𐴎𐴝𐴌𐴡𐴃 𐴀𐴝𐴌 𐴔𐴝𐴙𐴕𐴐𐴤𐴡𐴌 𐴊𐴞𐴕𐴥𐴞𐴑 𐴎𐴡𐴌𐴟𐴌𐴡𐴃 𐴉𐴟𐴌𐴝 𐴒𐴡𐴙𐴃𐴧𐴡 𐴊𐴠 𐴎𐴝𐴒𐴝 𐴀𐴥𐴡𐴑𐴧𐴡𐴓𐴡𐴃 𐴉𐴝𐴃𐴡𐴓 𐴀𐴝𐴌 𐴒𐴟𐴌𐴝 𐴒𐴝𐴌𐴝 𐴏𐴥𐴝 𐴏𐴥𐴝𐴔𐴝𐴕 𐴀𐴥𐴝𐴣𐴍𐴝𐴘𐴃𐴡 𐴊𐴠 𐴉𐴟𐴖𐴝𐴙𐴕 𐴀𐴥𐴡𐴑𐴧𐴡𐴓 𐴈𐴝𐴔 𐴏𐴥𐴝𐴌𐴝 𐴀𐴥𐴡𐴘 𐴒𐴞𐴘𐴠 𐴒𐴤𐴡𐴘 𐴱 𐴀𐴠𐴑 𐴏𐴥𐴝𐴣𐴃𐴡𐴌 𐴓𐴝 𐴏𐴡𐴀𐴥𐴡 ! 𐴃𐴤𐴠 𐴆𐴤𐴡𐴚 𐴀𐴝𐴌 𐴏𐴝𐴑𐴧𐴞 𐴂𐴞𐴀𐴞𐴚 𐴒𐴦𐴟𐴕 𐴁𐴝𐴎𐴝𐴌 , 𐴎𐴠𐴍𐴠 𐴰 𐴰 𐴳 𐴃𐴞𐴕 𐴐𐴤𐴡𐴃 𐴓𐴡𐴃𐴞 𐴔𐴝𐴕𐴟𐴙𐴐𐴢 𐴔𐴟𐴄𐴝 𐴔𐴟𐴄𐴞 𐴁𐴤𐴝𐴉𐴠 𐴀𐴝𐴊𐴤𐴝 𐴊𐴞𐴕 𐴉𐴡𐴙𐴅𐴧𐴡𐴕𐴃𐴡 𐴈𐴝𐴔 𐴒𐴡𐴌𐴞 𐴉𐴝𐴌𐴞𐴃𐴡 𐴱 𐴀𐴠𐴈𐴥𐴡𐴕 𐴑𐴡𐴌𐴟𐴕𐴝 𐴁𐴝𐴘𐴌𐴠𐴏𐴡𐴌 𐴂𐴝𐴁𐴡𐴕𐴊𐴞𐴌 𐴎𐴡𐴌𐴞𐴘𐴝 𐴕𐴠𐴓𐴞 𐴕𐴡 𐴉𐴝𐴌𐴥 𐴡𐴕𐴠 𐴀𐴝𐴔𐴡𐴊𐴡𐴕𐴞 𐴒𐴡𐴌𐴞 𐴕𐴡 𐴉𐴥𐴝𐴌𐴠𐴌 , 𐴅𐴤𐴡𐴁𐴑𐴤𐴞 , 𐴏𐴞𐴏𐴁𐴤𐴞𐴏𐴥𐴡𐴌 𐴊𐴝𐴔 𐴁𐴝𐴌𐴥𐴞 𐴒𐴞𐴘𐴥𐴡𐴘 𐴱𐴱

𐴀𐴠𐴑 𐴎𐴡𐴕 𐴈𐴝𐴔 𐴒𐴡𐴌𐴡𐴙𐴕𐴧𐴝 ( 𐴔𐴡𐴎𐴟𐴌𐴠 ) 𐴘𐴠 𐴈𐴡𐴀𐴡𐴌 𐴊𐴠 𐴀𐴠𐴈𐴥𐴡𐴕 𐴀𐴝𐴣𐴀𐴌𐴝 𐴖𐴝𐴙𐴆𐴧𐴝 𐴱 𐴇𐴥𐴝𐴓𐴡𐴃 𐴀𐴠𐴕𐴋𐴞𐴓𐴧𐴝 𐴔𐴦𐴟𐴔𐴧𐴞𐴑𐴧𐴙𐴝 𐴀𐴝𐴌𐴀𐴥𐴡 𐴃𐴤𐴝𐴑𐴞𐴓𐴠 𐴀𐴝𐴣𐴀𐴌𐴝 𐴕𐴡 𐴁𐴝𐴏𐴞𐴘𐴟𐴔 𐴱 𐴀𐴝𐴌 𐴀𐴠𐴑 𐴎𐴡𐴕 𐴔𐴡𐴎𐴊𐴟𐴌𐴠 𐴊𐴠𐴔𐴝𐴒𐴞 𐴀𐴝𐴌 𐴒𐴝𐴀𐴞𐴑 𐴀𐴡𐴐𐴤𐴝𐴕𐴃𐴞 𐴀𐴥𐴡𐴘𐴧𐴡𐴌𐴠 𐴈𐴡𐴘𐴓𐴥𐴡𐴊𐴠 ! 𐴀𐴝𐴣𐴀𐴌 𐴃𐴟 𐴔𐴝𐴓 𐴏𐴥𐴝𐴔𐴝𐴕 𐴀𐴥𐴝𐴣𐴍𐴝𐴘𐴃𐴠 𐴁𐴡𐴓 𐴓𐴝𐴒𐴞𐴁𐴤𐴡 𐴀𐴝𐴌 𐴉𐴡𐴌𐴝𐴕 𐴁𐴝𐴏𐴥𐴝𐴘𐴃𐴠 𐴄𐴞𐴛𐴝 𐴓𐴝𐴒𐴞𐴁𐴤𐴡 𐴱 𐴑𐴡𐴌𐴟𐴕𐴝 𐴁𐴞𐴘𐴝𐴌𐴝𐴔 𐴓𐴡𐴘 𐴔𐴡𐴌𐴞𐴘𐴟𐴔 𐴊𐴠 𐴘𐴥𐴝𐴕 𐴈𐴥𐴝𐴄𐴞 𐴕𐴡𐴀𐴡 𐴱 𐴔𐴡𐴕𐴃𐴡𐴌 𐴖𐴝𐴙𐴆𐴧𐴝 𐴈𐴥𐴝𐴔𐴝𐴈𐴥𐴝 𐴔𐴡𐴌𐴞𐴘𐴟𐴔 , 𐴏𐴡𐴓𐴠𐴌 𐴊𐴠 𐴇𐴥𐴝𐴓𐴡𐴃 𐴀𐴞𐴁𐴤𐴝 𐴑𐴡𐴌𐴟𐴕𐴝 𐴁𐴞𐴘𐴝𐴌𐴝𐴔𐴡𐴌 𐴃𐴟 𐴁𐴤𐴝𐴌𐴡 𐴁𐴠𐴐𐴤𐴞 𐴈𐴥𐴡𐴃𐴡𐴌𐴝 𐴱 𐴇𐴥𐴡𐴑𐴟𐴔𐴡𐴃𐴠 𐴀𐴝𐴌 ( 𐴀𐴠𐴕 𐴅𐴞 𐴀𐴡 ) 𐴀𐴥𐴡𐴑𐴧𐴡𐴓𐴠 𐴑𐴠𐴙𐴏𐴧𐴟 𐴌𐴝𐴘𐴐𐴡𐴕 𐴊𐴞𐴓𐴠 𐴑𐴠𐴀𐴠𐴔𐴡𐴃 𐴀𐴝𐴏𐴥𐴠𐴊𐴠 𐴀𐴥𐴞𐴃𐴝𐴌𐴥𐴝 𐴌𐴥𐴠 𐴊𐴠𐴌𐴊𐴠 𐴱 𐴑𐴠𐴀𐴠𐴔𐴡𐴌 𐴁𐴦𐴝𐴌𐴠 𐴀𐴝𐴏𐴥𐴠𐴊𐴠 𐴒𐴡𐴌𐴞𐴁 𐴀𐴥𐴡𐴑𐴧𐴡𐴓𐴡 𐴌𐴠 𐴈𐴡𐴕𐴥𐴞𐴑𐴧𐴙𐴝 𐴑𐴠𐴙𐴏𐴧𐴟 𐴕𐴡 𐴊𐴠𐴌 𐴱𐴱

Sources : Rohingyakhobor