𐴁𐴝𐴚𐴓𐴝𐴊𐴠𐴐𐴤𐴠 𐴌𐴟𐴇𐴝𐴙𐴚𐴒𐴙𐴝𐴌 𐴁𐴝𐴁𐴡𐴃𐴠 𐴁𐴞𐴅𐴤𐴞𐴚𐴡𐴃 𐴏𐴥𐴟𐴆𐴞𐴌 𐴓𐴡𐴘 𐴁𐴦𐴡𐴘 𐴈𐴡𐴃𐴤𐴝 𐴈𐴡𐴘𐴃𐴡 𐴏𐴝𐴀𐴌 𐴱𐴱

𐴌𐴟𐴇𐴝𐴙𐴚𐴒𐴙𐴝𐴌 𐴔𐴝𐴀𐴝𐴔𐴠𐴓𐴝𐴌 𐴁𐴝𐴁𐴡𐴃𐴠 𐴁𐴝𐴚𐴓𐴝𐴊𐴠𐴐𐴢 ̦ 𐴁𐴡𐴌𐴔𐴥𐴝 𐴀𐴝𐴌 𐴆𐴞𐴕𐴝 𐴱 𐴃𐴞𐴕𐴥𐴡 𐴊𐴠𐴐𐴡𐴌 𐴁𐴡𐴘𐴊𐴠𐴐𐴢 𐴀𐴟𐴎𐴞𐴌 𐴀𐴥𐴡𐴑𐴧𐴡𐴓 𐴁𐴦𐴡𐴘 𐴃𐴞𐴕𐴑𐴟𐴙𐴄𐴧𐴙𐴝 𐴔𐴞𐴄𐴤𐴞𐴚 𐴒𐴡𐴌𐴞𐴁𐴡𐴌𐴓𐴝 𐴱 𐴁𐴝𐴚𐴓𐴝𐴊𐴠𐴐𐴡𐴃 𐴀𐴝𐴏𐴠𐴊𐴠 𐴆𐴞𐴕𐴝𐴌 𐴏𐴥𐴡𐴉𐴞𐴌 / 𐴓𐴞 𐴅𐴞𐴔𐴞𐴚𐴠 𐴌𐴝𐴘 𐴊𐴞𐴘𐴠 𐴱 𐴆𐴞𐴕𐴝 𐴘𐴠 𐴌𐴝𐴘 𐴊𐴞𐴘𐴠𐴊𐴠 𐴔𐴡𐴎𐴞𐴕 ̦ 𐴌𐴟𐴇𐴝𐴙𐴚𐴒𐴙𐴝𐴌 𐴖𐴝𐴉𐴠𐴏𐴞𐴌 𐴁𐴝𐴁𐴡𐴃𐴠 𐴃𐴞𐴕𐴑𐴤𐴟𐴙𐴄𐴧𐴙𐴝 𐴔𐴞𐴄𐴤𐴞𐴚𐴡𐴃 𐴱 𐴆𐴞𐴕𐴝𐴃 𐴔𐴝𐴎𐴠 𐴈𐴥𐴝𐴔𐴝𐴈𐴥𐴝 𐴁𐴡𐴌𐴔𐴥𐴝𐴌 𐴓𐴞𐴋𐴝𐴌 / 𐴀𐴡𐴚𐴏𐴥𐴠𐴚 𐴏𐴥𐴟𐴆𐴞𐴌𐴃𐴟 𐴇𐴥𐴝𐴎𐴞𐴌 𐴖𐴥𐴝𐴉𐴡𐴌𐴞𐴁𐴡 𐴁𐴡𐴓𐴞 𐴁𐴝𐴚𐴓𐴝𐴊𐴠𐴐𐴤𐴠 𐴈𐴡𐴘𐴧𐴠 𐴱 𐴀𐴥𐴞𐴁𐴝 𐴏𐴥𐴝𐴌𐴝 𐴈𐴡𐴕𐴥𐴡 𐴊𐴞𐴕 𐴔𐴞𐴄𐴞𐴚 𐴀𐴥𐴡𐴘 𐴕𐴡 𐴉𐴝𐴌𐴞𐴁𐴡 𐴁𐴡𐴓𐴞 𐴁𐴝𐴚𐴓𐴝𐴊𐴠𐴐𐴡𐴌 𐴁𐴡𐴘𐴊𐴠𐴐𐴢 𐴀𐴟𐴎𐴞𐴌 / 𐴀𐴠 𐴑𐴠 𐴀𐴝𐴁𐴊𐴟𐴓 𐴔𐴥𐴟𐴔𐴠𐴕𐴠 𐴆𐴞𐴕𐴝𐴌𐴠 𐴎𐴝𐴕𐴝𐴘 𐴊𐴞𐴘𐴠 𐴱 𐴁𐴡𐴌𐴔𐴥𐴝𐴌 𐴀𐴠𐴏𐴄𐴠𐴙𐴄 𐴑𐴡𐴕𐴏𐴞𐴓𐴝𐴌 / 𐴏𐴥𐴟𐴆𐴞 𐴘𐴠 𐴐𐴤𐴝𐴕𐴃𐴞𐴌 𐴕𐴡𐴁𐴠𐴓 𐴂𐴠𐴌𐴝𐴙𐴎 𐴉𐴝𐴘𐴧𐴠 𐴱𐴱

𐴔𐴡𐴕𐴃𐴡𐴌 𐴐𐴤𐴠𐴐𐴑𐴝𐴓𐴞 𐴌𐴟𐴇𐴝𐴙𐴚𐴒𐴙𐴝𐴌𐴠 𐴁𐴡𐴌𐴔𐴝𐴌 𐴔𐴠𐴓𐴠𐴄𐴠𐴌𐴞 𐴘𐴠 𐴁𐴡𐴓𐴡𐴃𐴑𐴝𐴌 𐴒𐴡𐴙𐴅𐴧𐴙𐴠 ̦ 𐴈𐴝𐴍𐴝 𐴔𐴝𐴌𐴝 𐴒𐴡𐴙𐴅𐴧𐴙𐴠 𐴀𐴝𐴌 𐴅𐴠𐴕𐴡𐴏𐴥𐴝𐴙𐴋 𐴒𐴡𐴙𐴅𐴧𐴙𐴠 𐴊𐴠 𐴀𐴥𐴞𐴕𐴡𐴌𐴠 𐴌𐴟𐴑𐴤𐴞𐴁𐴝𐴌 𐴁𐴝𐴁𐴡𐴃𐴠 𐴈𐴡𐴕𐴥𐴡 𐴋𐴡𐴙𐴓𐴧𐴝 𐴑𐴝𐴌𐴖𐴝𐴘 𐴕𐴥𐴡 𐴒𐴡𐴌𐴠𐴊𐴠 𐴕𐴥𐴡 𐴒𐴡𐴌𐴠 𐴱 𐴔𐴠𐴓𐴠𐴄𐴠𐴌𐴞 𐴘𐴠 𐴎𐴟𐴓𐴟𐴔 𐴀𐴡𐴃𐴧𐴞𐴏𐴝𐴌 𐴒𐴡𐴙𐴅𐴧𐴙𐴠𐴊𐴠 𐴀𐴥𐴞𐴕𐴡𐴌 𐴐𐴤𐴠𐴑𐴝𐴘𐴡𐴃 𐴉𐴡𐴙𐴅𐴧𐴡𐴕𐴃𐴡 𐴕𐴥𐴡 𐴒𐴡𐴌𐴡𐴊𐴠 𐴀𐴥𐴠𐴃𐴡𐴓𐴧𐴝 𐴱 𐴉𐴟𐴌𐴝 𐴊𐴟𐴕𐴞𐴘𐴝𐴙𐴌 𐴔𐴝𐴙𐴕𐴐𐴠 𐴀𐴥𐴞𐴁𐴝𐴌𐴠 𐴕𐴞𐴕𐴊𐴝 𐴒𐴡𐴙𐴅𐴧𐴙𐴠 𐴀𐴝𐴌 𐴏𐴥𐴠𐴙𐴂𐴢 𐴉𐴥𐴠𐴓𐴝𐴘𐴧𐴠 𐴱 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌𐴠 𐴃𐴝𐴌𐴝𐴌 𐴕𐴞𐴎𐴡𐴌 𐴊𐴠𐴐𐴢 𐴀𐴝𐴌𐴑𐴝𐴕𐴡𐴃 𐴖𐴝𐴉𐴠𐴏𐴢 𐴉𐴦𐴡𐴣𐴀𐴏𐴝𐴘 𐴊𐴡𐴕 𐴀𐴥𐴡𐴙𐴓𐴊𐴠 𐴁𐴝𐴚𐴓𐴝𐴊𐴠𐴐𐴡𐴌 𐴀𐴠𐴑𐴀𐴡𐴔 𐴔𐴡𐴑𐴏𐴡𐴊𐴢 𐴁𐴡𐴓𐴞 𐴱 𐴁𐴝𐴚𐴓𐴝𐴊𐴠𐴐𐴡𐴌 𐴁𐴡𐴘𐴊𐴠𐴐𐴢 𐴀𐴟𐴎𐴞𐴌𐴠 𐴈𐴡𐴘𐴧𐴠 𐴱 𐴆𐴞𐴕𐴝𐴌 𐴏𐴥𐴡𐴉𐴞𐴌 / 𐴓𐴞 𐴅𐴞𐴔𐴞𐴚𐴠 ̦ 𐴁𐴡𐴌𐴔𐴥𐴝 ̦ 𐴁𐴝𐴚𐴓𐴝𐴊𐴠𐴐𐴢 𐴀𐴝𐴌 𐴆𐴞𐴕𐴝 𐴱 𐴃𐴞𐴕𐴀𐴥𐴡 𐴊𐴠𐴐𐴡𐴌 𐴁𐴡𐴘𐴊𐴠𐴐𐴢 𐴀𐴟𐴎𐴞𐴌 𐴀𐴥𐴡𐴑𐴧𐴡𐴓 𐴓𐴡𐴘 𐴃𐴞𐴕𐴑𐴤𐴟𐴙𐴄𐴧𐴙𐴝 𐴔𐴞𐴄𐴤𐴞𐴚𐴡𐴌 𐴌𐴝𐴘 𐴊𐴞𐴘𐴠𐴊𐴠 𐴔𐴡𐴎𐴞𐴕 𐴱𐴱

𐴎𐴞𐴁𐴥𐴝 𐴀𐴥𐴡𐴙𐴃 𐴉𐴝𐴌𐴠 𐴆𐴞𐴕𐴝𐴃 𐴒𐴡𐴌𐴞𐴁𐴡 ̦ 𐴔𐴞𐴄𐴞𐴚 𐴀𐴥𐴞𐴁𐴝𐴌𐴓𐴝 𐴁𐴝𐴚𐴓𐴝𐴊𐴠𐴐𐴢 𐴃𐴡𐴘𐴧𐴝𐴌 𐴁𐴡𐴓𐴞 / 𐴀𐴠 𐴑𐴠 𐴀𐴝𐴁𐴊𐴟𐴓 𐴔𐴥𐴟𐴔𐴠𐴕𐴠 𐴈𐴡𐴘𐴧𐴠 𐴱 𐴀𐴠𐴕𐴋𐴞𐴓𐴧𐴝 𐴀𐴠𐴑𐴀𐴡𐴔 𐴔𐴞𐴄𐴞𐴚 𐴕𐴠𐴘𐴥𐴟 𐴘𐴥𐴡𐴑𐴡𐴃 𐴀𐴥𐴡 𐴀𐴥𐴡𐴙𐴓 𐴁𐴡𐴓𐴞 𐴁𐴡𐴘𐴊𐴠𐴐𐴢 𐴀𐴟𐴎𐴞𐴌𐴠 𐴈𐴡𐴘𐴧𐴠 𐴱 𐴁𐴞𐴅𐴤𐴞𐴚𐴠 𐴔𐴞𐴄𐴞𐴚 𐴀𐴞𐴁𐴤𐴝𐴌 𐴁𐴝𐴁𐴡𐴃𐴠 𐴂𐴠𐴓𐴝𐴕 𐴁𐴝𐴕𐴝𐴘 𐴈𐴝𐴔 𐴒𐴡𐴌𐴠𐴌 𐴁𐴡𐴓𐴞 𐴱 𐴆𐴞𐴕𐴝𐴌 𐴏𐴥𐴡𐴉𐴞𐴌𐴠 / 𐴀𐴠 𐴑𐴠 𐴀𐴝𐴁𐴊𐴟𐴓 𐴔𐴥𐴟𐴔𐴠𐴕𐴡𐴌𐴠 𐴎𐴝𐴕𐴝𐴘𐴧𐴠 𐴁𐴡𐴓𐴞 / 𐴀𐴝𐴁𐴊𐴟𐴓 𐴔𐴥𐴟𐴔𐴠𐴕𐴠 𐴈𐴡𐴘𐴧𐴠 𐴱 𐴀𐴞𐴕𐴋𐴞𐴘𐴝 𐴘𐴥𐴡 𐴊𐴠𐴌𐴞 𐴉𐴥𐴝𐴀𐴕 𐴄𐴞𐴑𐴠𐴊𐴠 𐴀𐴥𐴕𐴋𐴞𐴓𐴧𐴝 ̦ 𐴌𐴟𐴇𐴝𐴙𐴚𐴒𐴙𐴝𐴌 𐴖𐴝𐴉𐴠𐴏𐴞 𐴀𐴥𐴡𐴘 𐴉𐴝𐴌𐴡𐴕𐴡𐴃 𐴀𐴠𐴑𐴔𐴡𐴃 𐴁𐴡𐴓𐴞 𐴁𐴡𐴘𐴊𐴠𐴐𐴢 𐴀𐴟𐴎𐴞𐴌𐴠 𐴈𐴡𐴘𐴧𐴠 𐴱 𐴋𐴤𐴝𐴑𐴝𐴃 𐴆𐴞𐴕𐴝𐴌 𐴏𐴥𐴡𐴉𐴞𐴌 𐴀𐴝𐴌 /𐴀𐴟𐴎𐴞𐴌 𐴀𐴝𐴁𐴊𐴟𐴓 𐴔𐴥𐴟𐴔𐴠𐴕 𐴓𐴡𐴘 𐴀𐴥𐴡𐴘𐴧𐴠𐴊𐴠 𐴔𐴞𐴄𐴞𐴚𐴡𐴃 𐴱 𐴌𐴟𐴇𐴝𐴙𐴚𐴒𐴙𐴝𐴌 𐴖𐴝𐴉𐴠𐴏𐴞 𐴊𐴠𐴌𐴞 𐴀𐴥𐴡𐴌𐴊𐴠 𐴘𐴥𐴝𐴕𐴡𐴃 / 𐴆𐴞𐴕𐴝𐴌 𐴏𐴥𐴡𐴉𐴞𐴌𐴠 𐴀𐴡𐴐𐴤𐴝𐴕𐴃𐴞 𐴊𐴠𐴈𐴥𐴝𐴘𐴧𐴠 𐴱 𐴀𐴝𐴌 𐴌𐴟𐴇𐴝𐴙𐴚𐴒𐴙𐴝𐴌 𐴖𐴝𐴉𐴠𐴏𐴞 𐴈𐴥𐴝𐴌𐴝 𐴀𐴥𐴡𐴘 𐴁𐴡𐴌𐴓𐴝 𐴀𐴝𐴌 𐴊𐴠𐴌𐴞 𐴉𐴥𐴝𐴀𐴕 𐴄𐴞𐴑𐴞𐴊𐴠 𐴀𐴥𐴠𐴕𐴋𐴞𐴓𐴧𐴝 𐴀𐴥𐴡𐴘 𐴉𐴝𐴌𐴞 𐴁𐴡𐴌𐴓𐴝 𐴱 𐴆𐴞𐴕𐴝𐴌 𐴇𐴥𐴡𐴑𐴟𐴔𐴡𐴃𐴡𐴌𐴠 𐴃𐴝𐴙𐴃 𐴒𐴡𐴌𐴞𐴃𐴡 / 𐴁𐴡𐴘𐴊𐴠𐴐𐴢 𐴀𐴟𐴎𐴞𐴌𐴠 𐴈𐴡𐴘𐴧𐴠 𐴱𐴱

Sources : Dhakatribune