𐴝𐴔𐴠𐴌𐴀𐴞𐴑𐴝𐴌 𐴐𐴤𐴡𐴌𐴑𐴝𐴌𐴞 𐴀𐴝𐴊𐴞𐴑𐴝𐴌𐴡𐴌 𐴔𐴟𐴓𐴝𐴑𐴝𐴃𐴡𐴃 𐴌𐴟𐴇𐴝𐴙𐴚𐴒𐴙𐴝𐴌 𐴀𐴠𐴅𐴠𐴕𐴋𐴝 𐴀𐴥𐴡𐴑𐴧𐴡𐴓𐴡𐴌 𐴀𐴝𐴒𐴠 : 𐴀𐴝𐴁𐴊𐴟𐴓 𐴔𐴥𐴟𐴔𐴠𐴕 𐴱𐴱

𐴋𐴤𐴝𐴑𐴝𐴃 𐴁𐴠𐴌𐴥𐴝𐴘𐴃𐴡 𐴀𐴝𐴙𐴐𐴧𐴙𐴠𐴊𐴠 𐴀𐴝𐴔𐴠𐴌𐴞𐴑𐴝𐴌 𐴐𐴤𐴡𐴌𐴑𐴝𐴌𐴞 𐴋𐴦𐴡𐴣𐴌 𐴀𐴝𐴊𐴞𐴑𐴝𐴌 𐴓𐴡𐴘 𐴀𐴥𐴡𐴘𐴁𐴡𐴊𐴠 𐴁𐴡𐴘𐴍𐴡𐴑𐴡𐴃 𐴱 𐴁𐴝𐴚𐴓𐴝𐴊𐴠𐴐𐴤𐴢 𐴇𐴥𐴡𐴑𐴟𐴔𐴡𐴃𐴠 𐴌𐴟𐴇𐴝𐴙𐴚𐴒𐴙𐴝𐴌 𐴔𐴝𐴀𐴔𐴠𐴓𐴝 𐴃𐴟𐴓𐴥𐴞𐴁𐴡 𐴱 𐴀𐴝𐴌 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓 𐴈𐴥𐴝𐴌𐴝 𐴕𐴞𐴎𐴡𐴌 𐴊𐴠𐴐𐴡𐴃 𐴖𐴝𐴉𐴠𐴏𐴢 𐴎𐴝𐴘 𐴉𐴝𐴌𐴞𐴁𐴝𐴌 𐴁𐴝𐴁𐴡𐴃𐴠 𐴱 𐴀𐴝𐴔𐴠𐴌𐴞𐴑𐴝𐴌𐴠 𐴁𐴠𐴐𐴤𐴞 𐴒𐴡𐴌𐴞 𐴃𐴝𐴙𐴊 𐴒𐴡𐴌𐴞𐴁𐴡𐴌𐴓𐴝 𐴈𐴡𐴘𐴁𐴡 𐴱 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌 𐴊𐴠𐴐𐴤𐴡𐴃 𐴖𐴝𐴉𐴠𐴏𐴞 𐴀𐴥𐴡𐴙𐴓𐴊𐴠 𐴀𐴝𐴣𐴀𐴌𐴝𐴌 𐴔𐴟𐴓𐴥𐴝 𐴉𐴟𐴑𐴝𐴏𐴢 𐴱 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌𐴠 𐴈𐴥𐴝𐴔𐴝𐴈𐴥𐴝 𐴖𐴝𐴉𐴠𐴏𐴢 𐴀𐴥𐴞𐴃𐴝𐴌𐴝𐴌 𐴕𐴞𐴎𐴡𐴌 𐴊𐴠𐴐𐴤𐴡𐴃 𐴉𐴦𐴡𐴣𐴀𐴏𐴝𐴘 𐴊𐴦𐴡𐴕𐴧𐴝𐴕 𐴁𐴠𐴐𐴤𐴞 𐴋𐴦𐴡𐴣𐴌 𐴎𐴞𐴔𐴧𐴝𐴊𐴝𐴌𐴞 𐴁𐴡𐴓𐴞 : 𐴁𐴡𐴘𐴊𐴠𐴐𐴢 𐴀𐴟𐴎𐴞𐴌 / 𐴀𐴠 𐴑𐴠 𐴀𐴝𐴁𐴊𐴟𐴓 𐴔𐴥𐴟𐴔𐴠𐴕𐴠 𐴌𐴠𐴂𐴟𐴄𐴝𐴌 𐴀𐴥𐴡𐴑𐴧𐴡𐴓𐴡𐴌𐴠 𐴒𐴡𐴃𐴡 𐴈𐴝𐴙𐴓𐴧𐴙𐴝 𐴈𐴡𐴘𐴧 𐴠𐴱 𐴌𐴟𐴇𐴝𐴙𐴚𐴒𐴙𐴝𐴌 𐴔𐴝𐴀𐴝𐴔𐴠𐴓𐴝 𐴐𐴤𐴟𐴊𐴠 𐴀𐴠𐴑𐴤𐴠𐴓𐴝 𐴁𐴝𐴚𐴓𐴝𐴊𐴠𐴐𐴡𐴌 𐴎𐴞𐴔𐴧𐴝𐴊𐴝𐴌𐴞 𐴕𐴡𐴀𐴡 𐴱 𐴊𐴟𐴕𐴞𐴘𐴝𐴘 𐴄𐴤𐴞𐴘𐴝𐴌 𐴎𐴞𐴔𐴧𐴝𐴊𐴝𐴌𐴞 𐴱 𐴀𐴥𐴠𐴃𐴡𐴓𐴧𐴝 𐴁𐴝𐴚𐴓𐴝𐴊𐴠𐴐𐴠 𐴁𐴡𐴘𐴍𐴡𐴑𐴡𐴃 𐴈𐴡𐴃𐴤𐴝 𐴃𐴟𐴓𐴥𐴞𐴁𐴡 𐴱 𐴁𐴝𐴚𐴓𐴝𐴊𐴠𐴐𐴠 𐴀𐴞𐴕𐴏𐴝𐴕𐴞𐴘𐴡𐴃𐴞 𐴔𐴡𐴊𐴡𐴊𐴌 𐴀𐴝𐴒𐴧𐴡𐴌𐴥𐴡 𐴒𐴡𐴌𐴡𐴙𐴕𐴧𐴝 𐴕𐴡𐴀𐴡 𐴱𐴱

𐴘𐴥𐴝𐴕 𐴀𐴠𐴑𐴧𐴝𐴕 𐴀𐴝𐴓𐴡𐴒𐴢 𐴂𐴝𐴀𐴄𐴢 𐴱 𐴁𐴤𐴡𐴓𐴑𐴤𐴞 ̦ 𐴀𐴝𐴣𐴀𐴌𐴝𐴌𐴓𐴝 𐴁𐴡𐴓𐴞 𐴌𐴟𐴇𐴝𐴙𐴚𐴒𐴙𐴝𐴌 𐴖𐴝𐴉𐴠𐴏𐴞 𐴀𐴥𐴡𐴙𐴓𐴊𐴠 𐴔𐴟𐴓 𐴂𐴝𐴀𐴄𐴢 𐴱 𐴔𐴞𐴄𐴞𐴚𐴡𐴃𐴢 𐴘𐴟𐴌𐴟𐴂𐴞 𐴘𐴟𐴕𐴞𐴀𐴡𐴕 ̦ 𐴁𐴞𐴌𐴞𐴄𐴤𐴞𐴆 ̦ 𐴀𐴝𐴔𐴠𐴌𐴞𐴑𐴝 𐴀𐴝𐴌 𐴅𐴝𐴂𐴝𐴕 𐴱 𐴀𐴞𐴃𐴝𐴌𐴝𐴌 𐴁𐴡𐴕𐴥𐴠 𐴁𐴝𐴕𐴝𐴘𐴧𐴝 𐴂𐴡𐴌𐴟𐴒𐴠𐴌𐴝𐴔𐴡𐴌 𐴅𐴟𐴖𐴝𐴁𐴡𐴃 / 𐴀𐴝𐴁𐴊𐴟𐴓 𐴔𐴥𐴟𐴔𐴠𐴕𐴠 𐴈𐴡𐴘𐴧𐴠𐴊𐴠 ̩ 𐴁𐴝𐴚𐴓𐴝𐴊𐴠𐴐𐴢 𐴌𐴟𐴇𐴝𐴙𐴚𐴒𐴙𐴝 𐴏𐴥𐴡𐴚𐴑𐴡𐴄𐴡𐴌 𐴎𐴟𐴓𐴟𐴔 𐴈𐴥𐴝𐴘𐴧𐴝 𐴱 𐴀𐴥𐴠 𐴁𐴝𐴁𐴡𐴃𐴠 𐴔𐴟𐴓𐴥𐴝 𐴈𐴝𐴔 𐴀𐴝𐴊𐴝𐴘 𐴒𐴡𐴌𐴡𐴙𐴕𐴧𐴝 𐴓𐴝𐴒𐴠𐴌𐴊𐴠 𐴱 𐴀𐴝𐴌 𐴀𐴥𐴡 𐴓𐴝𐴔𐴁𐴝 𐴄𐴝𐴙𐴔 𐴉𐴡𐴙𐴅𐴧𐴡𐴕𐴃𐴡 𐴌𐴝𐴑𐴤𐴝𐴌 𐴔𐴝𐴀𐴝𐴔𐴠𐴓𐴝 𐴀𐴥𐴡𐴘 𐴕𐴡 𐴉𐴝𐴌𐴞𐴁𐴡 𐴱 𐴀𐴠𐴈𐴥𐴡𐴕 𐴀𐴠𐴈𐴥𐴡𐴕 𐴑𐴠𐴀𐴠𐴔𐴡𐴃 𐴏𐴡𐴓𐴠𐴌𐴊𐴠 𐴔𐴝𐴀𐴝𐴔𐴠𐴓𐴝𐴌 𐴇𐴥𐴡𐴓𐴝𐴊𐴞 𐴁𐴡𐴘𐴊𐴠𐴐𐴢 𐴀𐴟𐴎𐴞𐴌𐴠 𐴈𐴡𐴘𐴧𐴠𐴊𐴠 ̨̦ 𐴀𐴠 𐴃𐴡𐴓𐴧𐴝 𐴑𐴠𐴀𐴠𐴔𐴡𐴌𐴠 𐴑𐴡𐴕𐴄𐴡𐴌𐴟𐴓 𐴒𐴡𐴌𐴞𐴁𐴡𐴌𐴓𐴝 𐴑𐴠𐴀𐴠𐴔𐴡𐴌 𐴏𐴝𐴘𐴌𐴀𐴥𐴡 𐴋𐴤𐴝𐴈𐴡𐴌𐴃𐴟 𐴏𐴞𐴘𐴡𐴓𐴡𐴌 𐴒𐴤𐴞𐴌𐴝 𐴊𐴞𐴁𐴝𐴌 𐴉𐴝𐴘𐴏𐴠𐴓𐴝 𐴒𐴡𐴙𐴅𐴧𐴞𐴊𐴠 𐴱 𐴁𐴡𐴘𐴊𐴠𐴐𐴢 𐴀𐴟𐴎𐴞𐴌𐴠 𐴀𐴝𐴌𐴀𐴥𐴡 𐴈𐴡𐴘𐴧𐴠𐴊𐴠 ̦ 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌 𐴀𐴥𐴞𐴑𐴧𐴙𐴝 𐴀𐴝𐴣𐴀𐴌𐴝 𐴊𐴤𐴞𐴘𐴝𐴕 𐴕𐴡 𐴌𐴝𐴑𐴤𐴞 𐴱 𐴘𐴝𐴃𐴡 𐴃𐴝𐴌𐴝𐴌 𐴊𐴠𐴐𐴡𐴃 𐴃𐴝𐴌𐴝𐴌𐴠 𐴉𐴦𐴡𐴣𐴏𐴝𐴘 𐴕𐴡 𐴊𐴞𐴘𐴡𐴌𐴠 ̦ 𐴎𐴡𐴊𐴞 𐴉𐴥𐴠𐴓𐴝𐴘 𐴌𐴝𐴙𐴑𐴧𐴞𐴊𐴠 𐴀𐴥𐴡𐴘𐴓𐴠 ̦ 𐴊𐴠𐴐𐴁𐴞𐴊𐴠𐴐𐴤𐴞 𐴀𐴝𐴌 𐴀𐴠𐴓𐴝𐴑𐴝𐴌 𐴇𐴠𐴉𐴝𐴎𐴡𐴃𐴡𐴌𐴓𐴝 𐴁𐴠𐴐𐴤𐴞 𐴈𐴥𐴡𐴃𐴌𐴝 𐴀𐴥𐴡𐴘𐴁𐴡 𐴱𐴱

Sources : Dhakatribune