𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴠 𐴑𐴠𐴀𐴠𐴔𐴡𐴃 𐴀𐴞𐴕𐴄𐴝𐴌𐴕𐴥𐴠𐴄 𐴉𐴝𐴀𐴌 𐴱𐴱

𐴀𐴠𐴈𐴥𐴡𐴕 𐴀𐴥𐴡𐴙𐴃𐴠 , 𐴑𐴡𐴑𐴆𐴁𐴝𐴎𐴝𐴌 𐴀𐴠𐴓𐴝𐴑𐴝𐴃 𐴑𐴠𐴀𐴠𐴔𐴡𐴃 𐴃𐴤𐴝𐴑𐴠𐴊𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴠 𐴔𐴟𐴁𐴝𐴙𐴓𐴡𐴃 𐴀𐴞𐴕𐴄𐴝𐴌 𐴕𐴥𐴠𐴄 𐴀𐴠𐴏𐴃𐴠𐴔𐴝𐴓 𐴒𐴡𐴌𐴞 𐴉𐴝𐴌𐴞𐴁𐴡 𐴱 𐴀𐴟𐴒𐴧𐴗𐴝 𐴒𐴤𐴡𐴌𐴒𐴟𐴐𐴧𐴞 𐴘𐴠 𐴌𐴟𐴇𐴝𐴙𐴚𐴒𐴙𐴝 𐴑𐴝𐴀𐴋 𐴊𐴠𐴈𐴥𐴝𐴘 , 𐴊𐴟𐴘𐴧𐴝𐴕 𐴏𐴦𐴞𐴔 𐴌𐴠𐴅𐴞𐴏𐴄𐴝𐴌 𐴒𐴡𐴌𐴥𐴝𐴘 𐴉𐴝𐴌𐴞𐴁𐴡 𐴱 𐴀𐴠𐴈𐴥𐴡𐴕 𐴉𐴡𐴙𐴅𐴧𐴡𐴕𐴃𐴡 𐴀𐴠𐴓𐴝𐴑𐴝𐴌 𐴎𐴡𐴌𐴟𐴌𐴡𐴃 𐴀𐴝𐴌 𐴇𐴠𐴉𐴝𐴎𐴡𐴃𐴞𐴌 𐴖𐴡𐴌𐴠 𐴁𐴟𐴎𐴤𐴝𐴁𐴟𐴎𐴞 𐴀𐴥𐴡𐴀𐴌 𐴱 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴠 𐴑𐴝𐴕𐴟𐴕𐴞 𐴃𐴡𐴖𐴌𐴠 𐴔𐴟𐴁𐴝𐴙𐴓 𐴓𐴡𐴘 𐴈𐴡𐴕𐴥𐴡 𐴉𐴥𐴝𐴙𐴊𐴝 𐴇𐴥𐴝𐴏𐴠𐴓 𐴒𐴡𐴌𐴞𐴕𐴡𐴉𐴝𐴌𐴠𐴌 𐴊𐴠 𐴀𐴥𐴠𐴃𐴡𐴓𐴧𐴝 𐴇𐴥𐴡𐴑𐴟𐴔𐴡𐴃𐴠 𐴉𐴝𐴙𐴏𐴠𐴓𐴝 𐴘𐴥𐴝𐴕𐴡𐴌𐴃𐴟 𐴇𐴥𐴡𐴄𐴞 𐴒𐴞𐴘𐴡𐴘 𐴱 𐴑𐴠𐴀𐴠𐴔𐴡𐴌 𐴁𐴤𐴟𐴃𐴡𐴌𐴠 𐴔𐴟𐴁𐴝𐴙𐴓 𐴀𐴠𐴏𐴃𐴠𐴔𐴝𐴓 𐴒𐴡𐴌𐴥𐴝 𐴁𐴝𐴚𐴓𐴝𐴊𐴠𐴐𐴢 𐴇𐴥𐴡𐴑𐴟𐴔𐴡𐴃𐴠 𐴁𐴡𐴕𐴒𐴡𐴌𐴞 𐴊𐴞𐴓𐴠 𐴘𐴦𐴡 𐴱 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴠 𐴈𐴡𐴃𐴡 𐴋𐴦𐴡𐴙𐴓𐴧𐴝 𐴒𐴝𐴙𐴌 𐴑𐴝𐴕𐴟𐴕𐴞 𐴏𐴞𐴀𐴔 𐴀𐴥𐴡𐴑𐴧𐴡𐴓 𐴀𐴠𐴏𐴃𐴠𐴔𐴝𐴓 𐴒𐴡𐴌𐴥𐴝𐴃 𐴀𐴝𐴏𐴠 𐴱 𐴁𐴤𐴡𐴓𐴑𐴤𐴞 𐴀𐴥𐴞𐴃𐴝𐴌𐴝 𐴁𐴝𐴚𐴓𐴝𐴊𐴠𐴐𐴤𐴡𐴌 𐴁𐴤𐴟𐴃𐴡𐴌𐴠 𐴁𐴡𐴌𐴔𐴥𐴝𐴌 𐴏𐴞𐴀𐴔 𐴀𐴥𐴟𐴊𐴧𐴝 𐴀𐴠𐴏𐴃𐴠𐴔𐴝𐴓 𐴒𐴡𐴌𐴠 𐴁𐴡𐴌𐴔𐴥𐴝𐴃 𐴀𐴝𐴏𐴠𐴊𐴠 𐴀𐴠𐴒𐴝𐴕𐴝 𐴒𐴟𐴐𐴧𐴞 𐴀𐴥𐴡𐴑𐴧𐴡𐴓 𐴓𐴡𐴘 𐴈𐴡𐴃𐴤𐴝 𐴁𐴝𐴃𐴧𐴝𐴌𐴝 𐴈𐴟𐴖𐴝𐴃 𐴀𐴝𐴏𐴠 𐴱𐴱

𐴀𐴥𐴠𐴕𐴋𐴞𐴓𐴧𐴝 𐴒𐴝𐴙𐴌 𐴑𐴝𐴕𐴟𐴕𐴞 𐴌𐴠𐴅𐴞𐴏𐴄𐴝𐴌 𐴀𐴝𐴒𐴡𐴙𐴅𐴧𐴝𐴇 𐴏𐴞𐴀𐴔 𐴀𐴠𐴏𐴃𐴠𐴔𐴝𐴓 𐴒𐴡𐴌𐴞 𐴕𐴞𐴆𐴤𐴝 𐴁𐴠𐴓𐴠𐴑 𐴒𐴡𐴌𐴥𐴝 𐴀𐴥𐴡𐴙𐴃𐴠 𐴓𐴡𐴘 𐴈𐴡𐴃𐴡 𐴋𐴦𐴡𐴙𐴓𐴧𐴝 𐴒𐴡𐴓𐴡𐴃 𐴈𐴝𐴔 𐴀𐴥𐴡𐴑𐴧𐴡𐴓 𐴒𐴡𐴌𐴠𐴌 𐴱 𐴀𐴞𐴀𐴕 𐴁𐴠𐴙𐴒𐴧𐴞𐴕𐴡𐴌 𐴀𐴥𐴞𐴑𐴧𐴝 𐴏𐴝𐴀𐴘 , 𐴀𐴥𐴞𐴃𐴝𐴌𐴝𐴌 𐴔𐴟𐴁𐴝𐴙𐴓𐴡𐴌𐴠 𐴑𐴝𐴕𐴟𐴕𐴞 𐴒𐴡𐴌𐴞𐴁𐴡𐴌𐴓𐴝 𐴁𐴤𐴝𐴉𐴝𐴎𐴝𐴌 𐴁𐴡𐴓𐴞 𐴈𐴡𐴘𐴧𐴠 𐴱 𐴒𐴡𐴃𐴡 𐴈𐴝𐴙𐴓𐴧𐴝 𐴁𐴝𐴚𐴓𐴝𐴊𐴠𐴐𐴤𐴡𐴌 𐴒𐴤𐴡𐴌 𐴀𐴟𐴎𐴞𐴌𐴡𐴌 𐴀𐴡𐴉𐴞𐴏𐴡𐴃 , 𐴒𐴤𐴡𐴌 𐴀𐴟𐴎𐴞𐴌 / 𐴀𐴝𐴏𐴡𐴊𐴟𐴎𐴧𐴡𐴔𐴝𐴕 𐴈𐴝𐴀𐴕 𐴑𐴡𐴔𐴝𐴓𐴡𐴌 𐴔𐴟𐴌𐴡𐴁𐴧𐴞𐴘𐴝𐴕𐴝𐴃 𐴀𐴥𐴡𐴘𐴧𐴠𐴊𐴠 𐴔𐴞𐴄𐴞𐴚𐴡𐴃 , 𐴌𐴟𐴇𐴝𐴙𐴚𐴒𐴙𐴝 𐴌𐴠 𐴔𐴟𐴁𐴝𐴙𐴓 𐴏𐴞𐴀𐴔 𐴀𐴠𐴏𐴃𐴠𐴔𐴝𐴓 𐴒𐴡𐴌𐴞𐴁𐴝𐴌 𐴀𐴠𐴅𐴝𐴎𐴡𐴃 𐴊𐴞𐴁𐴡𐴌𐴓𐴝 𐴉𐴥𐴝𐴙𐴏𐴠𐴓𐴝 𐴀𐴥𐴡𐴘𐴧𐴠 𐴱 𐴎𐴠 𐴔𐴞𐴄𐴞𐴚𐴡𐴃 𐴂𐴝𐴂𐴓𐴞𐴑 𐴇𐴠𐴉𐴝𐴎𐴡𐴃𐴞 𐴉𐴟𐴓𐴞𐴆 𐴋𐴞𐴂𐴝𐴌𐴔𐴠𐴕𐴡𐴌 𐴏𐴠𐴒𐴠𐴄𐴠𐴌𐴞 , 𐴁𐴞𐴊𐴠𐴐𐴢 𐴀𐴟𐴎𐴞𐴌 𐴀𐴡𐴉𐴞𐴏𐴡𐴌 𐴏𐴠𐴒𐴠𐴄𐴠𐴌𐴞 , ( 𐴁𐴞 𐴄𐴞 𐴀𐴝𐴌 𐴏𐴞 ) 𐴐𐴤𐴡𐴣𐴀 𐴀𐴠𐴕𐴄𐴠𐴓𐴞𐴅𐴤𐴠𐴣𐴏𐴢 𐴋𐴞𐴂𐴝𐴌𐴔𐴠𐴕𐴡𐴌 𐴁𐴡𐴌𐴡 𐴀𐴥𐴡𐴑𐴧𐴡𐴓 𐴇𐴝𐴎𐴞𐴌 𐴀𐴥𐴡𐴘𐴧𐴠 𐴱 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴠 𐴁𐴡𐴌𐴔𐴥𐴝𐴌 𐴏𐴞𐴀𐴔 𐴀𐴠𐴏𐴃𐴠𐴔𐴝𐴓 𐴒𐴡𐴌𐴞 𐴈𐴡𐴃𐴡 𐴋𐴦𐴡𐴙𐴓𐴧𐴝 𐴒𐴝𐴙𐴌 𐴑𐴝𐴕𐴟𐴕𐴞 𐴈𐴝𐴔 𐴀𐴝𐴌 𐴀𐴡𐴉𐴡𐴌𐴥𐴝𐴊𐴞 𐴒𐴡𐴌𐴠𐴌 𐴱 𐴀𐴠𐴑 𐴊𐴠𐴐𐴤𐴡𐴌 𐴁𐴤𐴟𐴃𐴡𐴌𐴠 𐴀𐴝𐴌𐴀𐴠𐴑 𐴊𐴠𐴐𐴤𐴡𐴌 𐴕𐴠𐴙𐴄 𐴖𐴥𐴝𐴑 𐴀𐴠𐴏𐴃𐴠𐴔𐴝𐴓 𐴒𐴡𐴌𐴡𐴕 𐴑𐴝𐴕𐴟𐴕𐴡𐴌 𐴔𐴟𐴈𐴝𐴓𐴠𐴉𐴢 𐴱 𐴀𐴥𐴠𐴃𐴡𐴓𐴧𐴝 𐴉𐴥𐴝𐴙𐴏𐴠𐴓𐴝 𐴘𐴦𐴝𐴕 𐴒𐴡𐴌𐴥𐴝 𐴒𐴞𐴘𐴠𐴊𐴠 𐴁𐴡𐴓𐴞 / 𐴀𐴝𐴏𐴡𐴊𐴟𐴎𐴧𐴡𐴔𐴝𐴕𐴠 𐴈𐴡𐴘𐴧𐴠 𐴱𐴱

Sources : http://coxsbazarjournal.com/%e0%a6%95%e0%a7%8d%e0%a6%af%e0%a6%be%e0%a6%ae%e0%a7%8d%e0%a6%aa%e0%a7%87-%e0%a6%87%e0%a6%a8%e0%a7%8d%e0%a6%9f%e0%a6%be%e0%a6%b0%e0%a6%a8%e0%a7%87%e0%a6%9f-%e0%a6%ac%e0%a7%8d%e0%a6%af%e0%a6%ac%e0%a6%b9.html