𐴁𐴡𐴌𐴔𐴥𐴝𐴌 𐴎𐴝𐴃𐴞 𐴁𐴝𐴊𐴞 𐴁𐴤𐴟𐴄 𐴑𐴡𐴔𐴞𐴆𐴠𐴕𐴡𐴌𐴠 𐴔𐴡𐴊𐴡𐴊 𐴒𐴡𐴌𐴥𐴝 𐴁𐴡𐴕𐴒𐴡𐴌𐴞 𐴊𐴡 𐴱𐴱

𐴁𐴡𐴌𐴔𐴥𐴝 𐴇𐴥𐴡𐴑𐴟𐴔𐴡𐴃𐴠 𐴑𐴤𐴟𐴓𐴧𐴟𐴔 𐴑𐴤𐴟𐴓𐴝 𐴎𐴝𐴃𐴞𐴁𐴝𐴊𐴞 𐴒𐴡𐴌𐴠𐴌𐴊𐴠 𐴘𐴥𐴝𐴕𐴡𐴌𐴠 𐴈𐴥𐴡𐴃𐴡𐴔 𐴒𐴡𐴌𐴞𐴁𐴡𐴌𐴓𐴝 𐴱 𐴊𐴠𐴐𐴁𐴞𐴊𐴠𐴐𐴡𐴌𐴃𐴟 𐴁𐴡𐴌𐴔𐴥𐴝 𐴌𐴠 𐴊𐴡𐴌𐴥𐴡 𐴔𐴡𐴌𐴥𐴡 𐴏𐴞𐴁 𐴊𐴦𐴡𐴕 𐴏𐴝𐴀 𐴱 𐴎𐴝𐴃 𐴉𐴡𐴌𐴡𐴑 𐴒𐴡𐴌𐴥𐴝 𐴌𐴠 𐴔𐴟𐴓𐴁𐴝𐴕𐴘 , 𐴀𐴝𐴘𐴧𐴠𐴌𐴊𐴠 𐴁𐴤𐴟𐴍𐴡𐴃 𐴃𐴤𐴞𐴘𐴝𐴘𐴁𐴡𐴌𐴓𐴝 𐴊𐴞𐴘𐴠𐴊𐴠 𐴱 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌 𐴊𐴡𐴌𐴈𐴝𐴏𐴢 𐴉𐴥𐴞𐴌𐴝𐴘 𐴊𐴞𐴘𐴡𐴌𐴠 𐴁𐴤𐴟𐴍𐴡𐴃 𐴃𐴤𐴞𐴘𐴝𐴘 𐴃𐴡 𐴕𐴡𐴊𐴠𐴌 𐴱 𐴁𐴡𐴓𐴞 𐴁𐴡𐴌𐴡𐴑 𐴃𐴡𐴕𐴎𐴞𐴔𐴠 𐴈𐴡𐴘𐴧𐴠 𐴱 𐴁𐴡𐴌𐴔𐴥𐴝𐴌 𐴎𐴝𐴃 𐴉𐴡𐴌𐴥𐴡𐴑 𐴒𐴡𐴌𐴡𐴙𐴕𐴧𐴝 𐴁𐴤𐴟𐴄 𐴑𐴡𐴔𐴞𐴆𐴠𐴕 , 𐴎𐴞𐴁𐴝 𐴘𐴠 ” 𐴀𐴞 𐴘𐴟 , 𐴕𐴦𐴡𐴌𐴖𐴠 𐴀𐴝𐴌 𐴘𐴟 𐴑𐴠 𐴐𐴤𐴡𐴣𐴀 𐴊𐴠𐴐𐴁𐴞𐴊𐴠𐴐𐴤𐴞 𐴊𐴝𐴕𐴞 𐴀𐴥𐴡𐴑𐴧𐴡𐴓𐴡𐴌 𐴊𐴝𐴕 ” 𐴓𐴡𐴘 𐴁𐴝𐴊𐴠 𐴎𐴝𐴃 𐴉𐴡𐴌𐴥𐴡𐴑 𐴒𐴡𐴌𐴞 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌𐴠 𐴀𐴠𐴔 𐴂𐴞𐴌 𐴓𐴞𐴏𐴄𐴞𐴌𐴃𐴟 𐴕𐴠𐴓𐴝𐴘 𐴊𐴞𐴉𐴥𐴠𐴓𐴝𐴘𐴧𐴠 𐴱 𐴁𐴡𐴌𐴔𐴥𐴝𐴃 𐴅𐴠𐴕𐴟𐴏𐴥𐴝𐴙𐴋𐴡𐴌 𐴀𐴥𐴞𐴏𐴧𐴝 𐴁𐴡𐴙𐴕𐴧𐴙𐴠𐴊𐴠 𐴌𐴟𐴇𐴝𐴙𐴚𐴒𐴙𐴝 𐴌𐴠 𐴁𐴤𐴟𐴍𐴡𐴌 𐴇𐴥𐴡𐴑𐴧𐴡𐴌𐴃𐴟 𐴀𐴥𐴟𐴊𐴧𐴝 𐴔𐴝𐴀𐴌𐴟𐴔 𐴒𐴡𐴌𐴞 𐴉𐴥𐴠𐴓𐴝𐴘𐴧𐴠 𐴱 𐴀𐴞𐴀 𐴕 𐴀𐴥𐴡𐴙𐴓𐴊𐴠 , 𐴁𐴡𐴌𐴔𐴥𐴝 𐴇𐴥𐴡𐴑𐴟𐴔𐴡𐴃𐴡𐴌 𐴑𐴤𐴟𐴓𐴧𐴟𐴔 𐴑𐴤𐴟𐴓𐴝 𐴑𐴟𐴐𐴞𐴐𐴢 , 𐴌𐴟𐴇𐴝𐴙𐴚𐴒𐴙𐴌 𐴏𐴞𐴕𐴧𐴡 𐴀𐴝𐴌 𐴕𐴝𐴔𐴕𐴞𐴐𐴤𐴝𐴕 𐴀𐴥𐴟𐴊𐴧𐴝 𐴁𐴡𐴌𐴔𐴥𐴝𐴌 𐴑𐴡𐴖𐴔𐴙𐴡𐴃𐴡𐴌𐴃𐴟 𐴁𐴤𐴟𐴎𐴝𐴘 𐴉𐴥𐴠𐴓𐴝𐴘𐴁𐴡𐴌𐴓𐴝 𐴱 𐴁𐴞 𐴀𐴝𐴌 𐴀𐴡 𐴘𐴟 𐴃𐴡𐴕𐴎𐴞𐴔𐴡𐴌 𐴏𐴡𐴊𐴡𐴌 / 𐴀𐴥𐴟𐴀 𐴄𐴤𐴟𐴚 𐴑𐴞𐴚𐴠 𐴈𐴡𐴘𐴧𐴠 𐴱 𐴊𐴠𐴐𐴁𐴞𐴊𐴠𐴐𐴢 𐴀𐴥𐴠𐴣𐴃𐴠 𐴁𐴠𐴑𐴟𐴉𐴢 𐴁𐴡𐴕𐴞 𐴌𐴡𐴘𐴧𐴠𐴊𐴠 𐴕𐴡𐴀 𐴱 𐴀𐴝𐴏𐴡𐴓𐴞 𐴋𐴞𐴔𐴟𐴑𐴠𐴌𐴠𐴏𐴞𐴌 𐴀𐴟𐴎𐴟 𐴎𐴝𐴌𐴉𐴝𐴀𐴕 𐴒𐴡𐴌𐴠𐴌𐴊𐴠 𐴱 𐴀𐴝𐴌 𐴊𐴠𐴐𐴁𐴞𐴊𐴠𐴐𐴤𐴠 𐴊𐴠𐴌𐴊𐴠 𐴁𐴝𐴅𐴤𐴠𐴄 𐴓𐴡𐴘 , 𐴁𐴡𐴌𐴔𐴥𐴝𐴌 𐴁𐴤𐴟𐴄 𐴑𐴡𐴔𐴞𐴆𐴤𐴠𐴕𐴠 𐴎𐴝𐴃𐴞𐴁𐴝𐴊𐴞 𐴉𐴟𐴌𐴝 𐴒𐴡𐴌𐴠𐴌 𐴱𐴱

𐴉𐴡𐴃𐴧𐴞 𐴏𐴞𐴎𐴡𐴌𐴃𐴟 𐴌𐴟𐴇𐴝𐴙𐴚𐴒𐴙𐴝𐴌𐴠 𐴔𐴝𐴀𐴌𐴟𐴔 𐴒𐴡𐴌𐴠𐴌𐴊𐴠 𐴀𐴝𐴌 𐴌𐴟𐴇𐴝𐴙𐴚𐴒𐴙𐴝𐴌 𐴀𐴞𐴕𐴏𐴝𐴕𐴞 𐴇𐴥𐴡𐴑 𐴔𐴝𐴍𐴞 𐴒𐴡𐴌𐴠𐴌𐴊𐴠 𐴘𐴥𐴝𐴕𐴡𐴌𐴓𐴝 𐴊𐴠𐴐𐴁𐴞𐴊𐴠𐴐𐴤𐴡𐴌𐴃𐴟 𐴁𐴡𐴌𐴔𐴥𐴝 𐴇𐴥𐴡𐴑𐴟𐴔𐴡𐴃𐴡 𐴌𐴠 𐴕𐴞𐴕𐴊𐴝 𐴒𐴡𐴌𐴦𐴡𐴕 𐴏𐴝𐴀 𐴀𐴝𐴌 𐴊𐴝𐴕 𐴔𐴡𐴊𐴡𐴊 𐴒𐴡𐴌𐴥𐴝 𐴁𐴡𐴕𐴒𐴡𐴌𐴞 𐴊𐴡𐴕 𐴏𐴥𐴝𐴀 𐴱 𐴀𐴥𐴠 𐴊𐴝𐴕 𐴔𐴡𐴊𐴡𐴊 𐴀𐴥𐴞𐴀𐴕 𐴓𐴡𐴘 𐴌𐴟𐴇𐴝𐴙𐴚𐴒𐴙𐴝 𐴌𐴠 𐴅𐴠𐴕𐴟𐴏𐴥𐴝𐴙𐴋 𐴒𐴡𐴌𐴞𐴁𐴝𐴌 𐴎𐴠𐴃𐴡 𐴋𐴦𐴡𐴙𐴓𐴧𐴝 𐴃𐴡𐴌𐴞𐴑𐴝 𐴀𐴝𐴏𐴥𐴠 𐴁𐴠𐴙𐴒𐴧𐴞𐴕 𐴒𐴡𐴌𐴞𐴎𐴝𐴀𐴌 𐴱 𐴁𐴡𐴌𐴔𐴥𐴝𐴃 𐴎𐴠𐴊𐴟𐴀𐴕 𐴔𐴝𐴕𐴟𐴙𐴐𐴢 𐴀𐴝𐴏𐴥𐴠 , 𐴁𐴠𐴙𐴒𐴧𐴟𐴕𐴡𐴌𐴃𐴟 𐴎𐴝𐴃 𐴊𐴤𐴡𐴌𐴔𐴡 𐴉𐴡𐴌𐴡𐴑 𐴏𐴥𐴝𐴌𐴝 𐴁𐴡𐴌𐴝𐴁𐴡𐴙𐴅𐴧𐴙𐴝 𐴇𐴥𐴡𐴑 , 𐴁𐴤𐴟𐴍𐴡𐴌 𐴔𐴡𐴖𐴑𐴝𐴃 𐴉𐴡𐴕 𐴏𐴝𐴀 𐴱 𐴀𐴝𐴌 𐴁𐴡𐴌𐴔𐴥𐴝 𐴘𐴠 𐴒𐴡𐴌𐴠𐴌𐴊𐴠 𐴎𐴟𐴓𐴟𐴔 𐴁𐴠𐴙𐴒𐴧𐴞𐴕 𐴃𐴤𐴞𐴘𐴧𐴝 𐴒𐴡𐴌𐴝𐴘 𐴉𐴥𐴠𐴓𐴝𐴘 𐴅𐴡𐴓𐴊𐴞 𐴌𐴟𐴇𐴝𐴙𐴚𐴒𐴙𐴝 𐴌𐴠 𐴕𐴞𐴎𐴡𐴌 𐴊𐴠𐴐𐴤𐴡𐴌 𐴊𐴠𐴐𐴤𐴡𐴙𐴃𐴧𐴝𐴃𐴝 𐴊𐴞𐴉𐴥𐴠𐴓𐴡𐴕 𐴏𐴝𐴀 𐴱 𐴐𐴤𐴡𐴕 𐴲 𐴸 𐴹 𐴱 𐴔𐴝𐴎𐴠 𐴊𐴠𐴐𐴤𐴡𐴙𐴃𐴧𐴝𐴃𐴝 𐴑𐴝𐴕𐴟𐴕 𐴕𐴠𐴓𐴝𐴘 𐴁𐴝𐴊𐴠 𐴘𐴥𐴡 𐴱 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴠 𐴰 𐴱 𐴰 𐴲 𐴐𐴤𐴡𐴕 𐴉𐴡𐴙𐴅𐴧𐴡𐴕𐴃𐴡 𐴀𐴡𐴙𐴕𐴧𐴡 𐴑𐴡𐴖𐴔𐴡𐴌 𐴋𐴦𐴡𐴙𐴓𐴧𐴝 𐴁𐴤𐴟𐴄 𐴊𐴞 , 𐴓𐴡𐴘 𐴉𐴝𐴙𐴅𐴧𐴙𐴠 𐴱 𐴐𐴤𐴡𐴕 𐴵 𐴱 𐴰 𐴲 𐴓𐴡𐴃𐴞 𐴌𐴟𐴇𐴝𐴙𐴚𐴒𐴙𐴝𐴌 𐴁𐴤𐴟𐴄 𐴊𐴞𐴁𐴝𐴌 𐴓𐴡𐴘𐴁𐴝𐴌 𐴇𐴥𐴡𐴑 𐴈𐴡𐴍𐴠 𐴒𐴠𐴓𐴒𐴥𐴡𐴘 ؟ 𐴱 𐴅𐴡𐴁𐴑𐴤𐴞 ; 𐴀𐴡𐴙𐴕𐴧𐴡 𐴑𐴡𐴖𐴔 𐴁𐴠𐴙𐴒𐴧𐴟𐴕𐴠 𐴁𐴤𐴟𐴄 𐴊𐴞𐴘𐴥𐴡 𐴉𐴝𐴌𐴠𐴌 𐴓𐴡𐴘 𐴘𐴥𐴡 𐴉𐴝𐴌𐴠𐴌 𐴱 𐴀𐴥𐴝𐴓𐴠𐴑𐴤𐴞 ; 𐴀𐴥𐴞𐴃𐴝𐴌𐴝 𐴀𐴝𐴌 𐴃𐴝𐴌𐴝𐴌 𐴁𐴝𐴉𐴢 𐴊𐴝𐴊𐴝𐴌𐴃𐴟 𐴎𐴠𐴕𐴋𐴞𐴓𐴧𐴝 𐴃𐴞𐴕 𐴈𐴥𐴡𐴙𐴑𐴧𐴙𐴝 𐴉𐴡𐴄𐴤𐴟 𐴀𐴥𐴠𐴕𐴋𐴞𐴓𐴧𐴝 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓 𐴁𐴠𐴙𐴒𐴧𐴟𐴕𐴡𐴌𐴃𐴟 𐴀𐴠𐴑𐴧𐴟 𐴋𐴦𐴡𐴙𐴓𐴧𐴝 𐴉𐴡𐴄𐴤𐴟 𐴘𐴡 𐴁𐴡𐴌𐴝𐴁𐴡𐴌 𐴈𐴡𐴕𐴥𐴡 𐴉𐴡𐴌𐴡𐴑 𐴕𐴥𐴝𐴘 𐴱𐴱

Sources : https://rohingyavision.com/donors-must-end-support-to-myanmars-racist-election-commission/