𐴒𐴟𐴊𐴝𐴔𐴉𐴝𐴌𐴝𐴃 𐴎𐴤𐴝𐴑𐴧𐴗𐴝 𐴔𐴝𐴌𐴝𐴌 𐴇𐴥𐴡𐴑𐴟𐴔𐴡𐴃𐴞 𐴀𐴠𐴏𐴄𐴠𐴙𐴄𐴔𐴠𐴕𐴡𐴌𐴠 , 𐴌𐴟𐴇𐴝𐴙𐴚𐴒𐴙𐴝𐴌 𐴈𐴝𐴔𐴒𐴡𐴌𐴡𐴙𐴕𐴧𐴝 𐴀𐴥𐴡𐴑𐴧𐴡𐴓𐴠 𐴔𐴞𐴏𐴥𐴝 𐴈𐴡𐴘𐴧𐴠 𐴱𐴱

𐴀𐴟𐴃𐴧𐴡𐴌 𐴀𐴝𐴌𐴑𐴝𐴕𐴡𐴃 𐴁𐴤𐴟𐴏𐴞𐴊𐴡𐴚 𐴀𐴠𐴓𐴝𐴑𐴝𐴌 𐴒𐴟𐴊𐴝𐴔𐴉𐴝𐴌𐴝𐴃 𐴔𐴠𐴓𐴠𐴄𐴠𐴌𐴞 𐴀𐴥𐴡𐴑𐴧𐴡𐴓𐴠 𐴎𐴤𐴝𐴑𐴧𐴗𐴝 𐴔𐴝𐴙𐴅𐴧𐴙𐴠𐴊𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴑𐴧𐴡𐴓𐴡𐴌 𐴏𐴥𐴡𐴀𐴞 𐴒𐴡𐴕𐴃𐴞 𐴱 𐴇𐴥𐴡𐴑𐴟𐴔𐴡𐴃𐴠 𐴕𐴠𐴓𐴝𐴘𐴧𐴠𐴊𐴠 𐴀𐴠𐴏𐴄𐴠𐴙𐴄𐴔𐴠𐴕𐴡𐴃 𐴕𐴥𐴡𐴀 𐴓𐴠𐴑𐴤𐴠 𐴁𐴡𐴓𐴞 𐴱 𐴌𐴟𐴇𐴝𐴙𐴚𐴒𐴙𐴝𐴌 𐴇𐴥𐴡𐴑𐴧𐴡𐴌𐴓𐴝 𐴈𐴝𐴔𐴒𐴡𐴌𐴡𐴙𐴕𐴧𐴝 𐴉𐴝𐴄𐴞 𐴀𐴟𐴒𐴧𐴗𐴝 𐴘𐴠 𐴈𐴡𐴘𐴧𐴠 𐴱 𐴔𐴠𐴓𐴠𐴄𐴠𐴌𐴞 𐴀𐴥𐴡𐴑𐴧𐴡𐴓𐴠 𐴒𐴟𐴊𐴝𐴔𐴉𐴝𐴌𐴝𐴃 𐴰 𐴵 𐴲 𐴎𐴡𐴕 𐴓𐴡𐴃𐴞 𐴌𐴟𐴇𐴝𐴙𐴚𐴒𐴙𐴝 𐴔𐴝𐴌𐴞 𐴉𐴥𐴠𐴓𐴝𐴘 𐴁𐴝𐴊𐴠 𐴘𐴥𐴡 , 𐴇𐴥𐴡𐴑𐴟𐴔𐴡𐴃𐴡𐴌 𐴀𐴠𐴏𐴄𐴠𐴙𐴄𐴔𐴠𐴕𐴡𐴃 𐴐𐴤𐴟𐴊𐴠 𐴹 𐴱 𐴎𐴡𐴕 𐴀𐴝𐴃𐴡𐴚𐴁𐴝𐴊𐴞 𐴔𐴝𐴙𐴅𐴧𐴙𐴠𐴊𐴠 𐴁𐴡𐴓𐴞 𐴓𐴠𐴙𐴑𐴧𐴤𐴠𐴊𐴠 𐴘𐴥𐴝𐴕𐴡𐴌𐴠 𐴱 𐴔𐴞𐴏𐴥𐴝 𐴀𐴝𐴌 𐴒𐴡𐴓𐴧𐴡𐴃 𐴁𐴡𐴓𐴞 𐴈𐴡𐴘 , 𐴁𐴝𐴚𐴓𐴝𐴊𐴠𐴐𐴡𐴃 𐴃𐴤𐴝𐴑𐴠𐴊𐴠 𐴌𐴟𐴇𐴝𐴙𐴚𐴒𐴙𐴝𐴌 𐴇𐴥𐴡𐴑𐴧𐴡𐴌𐴓𐴝 𐴈𐴝𐴔𐴒𐴡𐴌𐴡𐴙𐴕𐴧𐴝 𐴃𐴡𐴕𐴎𐴞𐴔 ( 𐴀𐴠 𐴀𐴝𐴌 𐴀𐴠𐴏𐴢 𐴂𐴞 𐴀𐴠𐴆 ) 𐴀𐴞𐴁𐴤𐴝 𐴘𐴠 𐴀𐴡𐴒𐴤𐴡𐴏𐴄𐴡𐴌 𐴲 𐴱 𐴃𐴝𐴌𐴞𐴑𐴡𐴃 𐴀𐴠𐴓𐴝𐴕 𐴒𐴡𐴙𐴅𐴧𐴙𐴠 𐴱𐴱

𐴀𐴡𐴒𐴤𐴡𐴏𐴄𐴡 𐴔𐴥𐴐𐴤𐴡𐴌 𐴷 𐴲 – 𐴸 𐴲 𐴃𐴝𐴌𐴞𐴑 𐴷 𐴱 𐴰 𐴲 𐴐𐴤𐴡𐴕𐴡𐴃 𐴒𐴟𐴊𐴝𐴔𐴉𐴝𐴌𐴝𐴃 𐴔𐴠𐴓𐴠𐴄𐴠𐴌𐴞 𐴀𐴥𐴡𐴑𐴧𐴡𐴓𐴠 𐴳 𐴴 𐴲 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴔𐴝𐴌𐴞 𐴉𐴥𐴠𐴓𐴝𐴘𐴧𐴠 𐴀𐴝𐴌 𐴸 𐴱 𐴎𐴡𐴕 𐴒𐴤𐴝𐴙𐴓 𐴒𐴡𐴙𐴅𐴧𐴙𐴠𐴊𐴠 𐴘𐴥𐴝𐴕𐴡𐴌 𐴏𐴥𐴡𐴀𐴞 𐴒𐴡𐴕𐴃𐴞𐴌 𐴌𐴠𐴂𐴟𐴄 𐴱 𐴔𐴝𐴌𐴞 𐴉𐴥𐴠𐴓𐴝𐴘𐴧𐴠𐴊𐴠 𐴀𐴥𐴞𐴃𐴝𐴌𐴝𐴌 𐴒𐴤𐴡𐴌𐴒𐴟𐴐𐴧𐴞 𐴀𐴝𐴌 𐴀𐴠𐴒𐴝𐴕𐴝 𐴒𐴟𐴐𐴧𐴞 , 𐴎𐴞𐴃𐴝𐴌𐴥𐴝 𐴉𐴡𐴌𐴝𐴕 𐴁𐴝𐴏𐴝𐴘 𐴕𐴠𐴓𐴞 𐴀𐴝𐴙𐴐𐴧𐴤𐴠 , 𐴀𐴥𐴞𐴃𐴝𐴌𐴝𐴌𐴃𐴟 𐴉𐴟𐴏𐴥𐴝𐴌 𐴒𐴡𐴌𐴞 ( 𐴀𐴠 𐴀𐴝𐴌 𐴀𐴠𐴏𐴢 𐴂𐴞 𐴀𐴠𐴆 ) 𐴃𐴡𐴕𐴎𐴞𐴔𐴠 𐴕𐴠𐴓𐴝𐴘𐴧𐴠𐴊𐴠 𐴀𐴠𐴓𐴝𐴕 𐴕𐴝𐴔𐴝𐴃 𐴓𐴠𐴙𐴑𐴧𐴙𐴠𐴊𐴠 𐴱 𐴒𐴟𐴊𐴝𐴔𐴉𐴝𐴌𐴝𐴌 𐴔𐴝𐴀𐴔𐴠𐴓𐴝 𐴓𐴡𐴘 𐴀𐴠𐴑𐴎𐴡𐴕 𐴐𐴤𐴝𐴊𐴝 𐴔𐴠𐴓𐴠𐴄𐴠𐴌𐴞 𐴀𐴝𐴌 𐴊𐴟𐴘 𐴎𐴡𐴕 𐴎𐴞𐴔𐴧𐴝𐴊𐴝𐴌 𐴔𐴠𐴓𐴠𐴄𐴠𐴌𐴞 𐴔𐴟𐴄 𐴃𐴞𐴕 𐴎𐴡𐴕𐴡𐴌𐴠 𐴱 𐴈𐴡𐴃𐴤𐴝 𐴕𐴥𐴡𐴀 𐴔𐴝𐴕𐴠𐴊𐴠 𐴀𐴥𐴠𐴃𐴡𐴓𐴧𐴝 𐴐𐴤𐴝𐴎𐴝 𐴊𐴞𐴘𐴠 𐴈𐴡𐴘 𐴅𐴟𐴕 𐴔𐴝𐴐𐴤𐴡𐴌 𐴰 𐴳 𐴃𐴝𐴌𐴞𐴑𐴡𐴃 𐴔𐴠𐴓𐴠𐴄𐴠𐴌𐴞𐴘𐴠 𐴉𐴥𐴟𐴕𐴝𐴘 𐴊𐴞𐴘𐴠 𐴱 𐴔𐴡𐴕𐴃𐴡𐴌 𐴔𐴠𐴓𐴠𐴄𐴠𐴌𐴞𐴌 𐴑𐴦𐴟𐴍𐴠 𐴐𐴤𐴝𐴎𐴝𐴌 𐴁𐴝𐴁𐴡𐴃𐴠 𐴁𐴞𐴏𐴃𐴝𐴌𐴞𐴃𐴡 𐴁𐴤𐴝𐴉𐴠 𐴃𐴡𐴉𐴏𐴞𐴓𐴞 𐴌𐴠𐴂𐴟𐴄 𐴕𐴡𐴀 𐴎𐴝𐴕𐴝𐴊𐴠 𐴀𐴥𐴠𐴃𐴡𐴓𐴧𐴝 𐴱 𐴁𐴡𐴌𐴔𐴥𐴝 𐴊𐴠𐴐𐴤𐴡𐴌 𐴁𐴤𐴟𐴃𐴡𐴌𐴡𐴌 𐴀𐴝𐴌 𐴁𐴦𐴝𐴌𐴡𐴌 𐴔𐴝𐴙𐴕𐴐𐴠 , 𐴀𐴥𐴠 𐴉𐴝𐴘𐴏𐴠𐴓𐴝 𐴘𐴥𐴝𐴕𐴡 𐴌𐴠 𐴕𐴞𐴕𐴊𐴝 𐴒𐴡𐴌𐴠𐴌 𐴱𐴱

Sources : https://www.rfa.org/burmese/news/gutarpyin-case-08122020080108.html