𐴘𐴟 𐴀𐴠𐴕𐴡𐴌 𐴃𐴡𐴌𐴉𐴡𐴌 𐴁𐴡𐴌𐴔𐴤𐴝𐴌 𐴈𐴥𐴝𐴀𐴏𐴢 𐴕𐴡𐴔𐴝𐴙𐴕𐴊𐴝 𐴘𐴠 𐴌𐴟𐴇𐴝𐴙𐴚𐴒𐴙𐴝 𐴌𐴠 𐴁𐴥𐴟𐴄 𐴊𐴞𐴁𐴝𐴌 𐴇𐴥𐴡𐴑 𐴊𐴞𐴃𐴡 𐴈𐴡𐴘𐴧𐴠 𐴱𐴱

𐴀𐴝𐴘𐴧𐴠𐴌𐴊𐴠 𐴕𐴡𐴖𐴡𐴔𐴁𐴡𐴌 𐴔𐴝𐴐𐴡𐴃 𐴁𐴡𐴌𐴔𐴤𐴝𐴃 𐴀𐴥𐴡𐴘𐴁𐴡𐴊𐴠 𐴁𐴥𐴟𐴄 𐴀𐴝𐴎𐴝𐴊𐴝𐴕𐴤𐴝 𐴀𐴝𐴌 𐴁𐴡𐴌𐴝𐴁𐴡𐴌 𐴄𐴤𐴞𐴑 𐴔𐴤𐴡𐴃𐴠 𐴀𐴥𐴡𐴉𐴝𐴀𐴕 𐴱 𐴌𐴟𐴇𐴝𐴙𐴚𐴒𐴙𐴝 𐴌𐴠 𐴁𐴥𐴟𐴄 𐴊𐴞𐴁𐴝𐴌 𐴀𐴠𐴅𐴝𐴎𐴡𐴃 𐴊𐴞𐴁𐴡𐴌𐴓𐴝 𐴅𐴟𐴓𐴝𐴙𐴌 𐴳 𐴱 𐴃𐴝𐴌𐴞𐴑𐴡𐴃 𐴀𐴥𐴡𐴘𐴧𐴠𐴊𐴠 𐴑𐴡𐴖𐴔𐴞 𐴏𐴥𐴡𐴔𐴡𐴒𐴝𐴌 𐴀𐴞𐴕𐴏𐴝𐴕𐴞 𐴇𐴥𐴡𐴑𐴧𐴡𐴌 𐴑𐴡𐴔𐴞𐴄𐴞𐴌 𐴕𐴞𐴘𐴡𐴔𐴞𐴃𐴡 𐴔𐴞𐴄𐴞𐴚𐴡𐴃 𐴱 𐴁𐴡𐴌𐴔𐴤𐴝𐴌 𐴀𐴞𐴕𐴏𐴝𐴕𐴞 𐴇𐴥𐴡𐴑 𐴓𐴡𐴘 𐴃𐴝𐴀𐴓𐴧𐴟𐴑 𐴌𐴝𐴑𐴥𐴠𐴊𐴠 𐴑𐴡𐴖𐴔𐴞 𐴏𐴥𐴡𐴔𐴡𐴒𐴝𐴌 𐴃𐴡𐴌𐴉𐴡𐴌 𐴈𐴥𐴝𐴀𐴏𐴢 𐴕𐴡𐴔𐴝𐴙𐴕𐴊𐴝 / 𐴃𐴟𐴔𐴝𐴏𐴢 𐴀𐴠𐴕𐴋𐴠𐴌𐴠𐴘𐴡 𐴘𐴠 𐴁𐴡𐴌𐴔𐴤𐴝𐴃 𐴀𐴞𐴕𐴏𐴝𐴕𐴞 𐴇𐴥𐴑𐴧𐴡𐴌𐴠 𐴀𐴝𐴒𐴧𐴗𐴝𐴘𐴁𐴝𐴌 𐴁𐴝𐴁𐴡𐴃𐴠 𐴔𐴟𐴑𐴤𐴞𐴑 𐴌𐴠𐴂𐴦𐴟𐴄 𐴃𐴟𐴓𐴞 𐴊𐴞𐴘𐴠 𐴱 𐴏𐴗𐴠𐴎𐴠𐴓𐴠𐴕𐴡𐴌 𐴅𐴞𐴕𐴞𐴁𐴝 𐴐𐴥𐴡𐴀𐴌𐴡𐴃 𐴴 𐴱 𐴃𐴝𐴌𐴞𐴑 𐴅𐴟𐴓𐴝𐴙𐴃 𐴀𐴥𐴡𐴘𐴧𐴠𐴊𐴠 𐴑𐴡𐴖𐴔𐴞 𐴏𐴥𐴡𐴔𐴡𐴒𐴝𐴌 𐴀𐴞𐴕𐴏𐴝𐴕𐴞 𐴇𐴥𐴑𐴧𐴡𐴌 𐴑𐴡𐴔𐴞𐴄𐴞𐴌 𐴴 𐴴 𐴀𐴡𐴔 𐴕𐴞𐴘𐴡𐴔𐴞𐴃𐴡 𐴔𐴞𐴄𐴞𐴚𐴡𐴃 𐴀𐴠𐴏𐴂𐴞𐴕 / 𐴁𐴞𐴓𐴝𐴌𐴟𐴏𐴢 / 𐴁𐴝𐴚𐴓𐴝𐴊𐴠𐴐𐴢 / 𐴁𐴞𐴘𐴠𐴄𐴕𐴝𐴔 / 𐴑𐴡𐴔𐴁𐴡𐴋𐴞𐴘𐴝 / 𐴘𐴟 𐴑𐴠 𐴀𐴝𐴌 𐴕𐴡𐴌𐴖𐴠 𐴐𐴥𐴡𐴣𐴀 𐴀𐴝𐴌𐴀𐴥𐴡 𐴀𐴡𐴙𐴕𐴧𐴡 𐴊𐴠𐴐𐴡𐴌 𐴕𐴡𐴔𐴝𐴙𐴕𐴊𐴝 𐴀𐴝𐴌 𐴊𐴠𐴐𐴁𐴞𐴊𐴠𐴐𐴞 𐴃𐴡𐴕𐴎𐴞𐴔 𐴀𐴥𐴡𐴑𐴧𐴡𐴓 𐴔𐴞𐴓𐴞 𐴱 𐴑𐴡𐴖𐴔𐴞 𐴏𐴥𐴡𐴔𐴡𐴒𐴝𐴌 𐴃𐴡𐴌𐴉𐴡𐴌 𐴁𐴡𐴌𐴔𐴤𐴝𐴌 𐴀𐴞𐴕𐴏𐴝𐴕𐴞 𐴇𐴥𐴡𐴑𐴧𐴡𐴌 𐴁𐴝𐴁𐴡𐴃𐴠 𐴈𐴥𐴝𐴀𐴏𐴢 𐴕𐴡𐴔𐴝𐴙𐴕𐴊𐴝 / 𐴔𐴞𐴏𐴄𐴝𐴌 𐴃𐴟𐴔𐴝𐴏 𐴀𐴠𐴕𐴋𐴠𐴌𐴠𐴘𐴡 𐴘𐴠 𐴔𐴟𐴑𐴤𐴞𐴑 𐴁𐴝𐴉𐴠 𐴱𐴱

𐴁𐴡𐴌𐴔𐴤𐴝𐴃 𐴀𐴝𐴘𐴧𐴠𐴌𐴊𐴠 𐴕𐴡𐴖𐴡𐴔𐴁𐴡𐴌 𐴔𐴥𐴝𐴐𐴡𐴃 𐴀𐴥𐴡𐴘𐴁𐴡𐴊𐴠 𐴁𐴥𐴟𐴍𐴡𐴃 𐴌𐴟𐴇𐴝𐴙𐴚𐴒𐴙𐴝 𐴌𐴠 𐴁𐴥𐴟𐴄 𐴊𐴞𐴁𐴝𐴌 𐴇𐴥𐴡𐴑 𐴊𐴞𐴁𐴡𐴌𐴓𐴝 𐴃𐴟𐴓𐴞 𐴊𐴞𐴀𐴓𐴊𐴠 𐴌𐴠𐴂𐴟𐴄𐴡𐴌 𐴁𐴝𐴁𐴡𐴃𐴠 𐴔𐴡𐴐𐴟𐴖𐴝𐴌𐴝 𐴒𐴡𐴙𐴅𐴧𐴙𐴠 𐴱 𐴔𐴞𐴏𐴄𐴡𐴌 𐴃𐴟𐴔𐴝𐴏𐴠 𐴃𐴟𐴓𐴞 𐴊𐴞𐴀𐴓 𐴊𐴠 𐴌𐴠𐴂𐴟𐴄𐴡𐴃 𐴘𐴝𐴕𐴀𐴥𐴡 𐴀𐴝𐴏𐴠 , 𐴑𐴤𐴞 𐴁𐴡𐴌𐴔𐴤𐴝 𐴇𐴥𐴡𐴑𐴟𐴔𐴡𐴃𐴡𐴌 𐴀𐴞𐴕𐴏𐴝𐴕𐴞 𐴇𐴥𐴡𐴑𐴧𐴡𐴌 𐴁𐴝𐴁𐴡𐴃𐴠 𐴈𐴗𐴝𐴒𐴞𐴓𐴠 𐴱 𐴁𐴡𐴌𐴔𐴤𐴝𐴌 𐴉𐴡𐴓𐴡𐴏𐴞 𐴀𐴝𐴌 𐴈𐴝𐴔 𐴊𐴟𐴕𐴞𐴘𐴝𐴙𐴌 𐴊𐴠𐴐𐴢 𐴀𐴥𐴡𐴑𐴧𐴡𐴓𐴡𐴃 𐴏𐴡𐴓𐴠𐴌 𐴊𐴠 𐴔𐴟𐴓𐴥𐴝 𐴀𐴞𐴕𐴏𐴝𐴕𐴞 𐴇𐴥𐴡𐴑𐴧𐴡𐴌 𐴔𐴝𐴕 𐴓𐴡𐴘 𐴔𐴟𐴄𐴦𐴠 𐴀𐴥𐴟𐴊𐴧𐴝 𐴔𐴞𐴓 𐴕𐴡 𐴈𐴥𐴝𐴀 𐴱 𐴂𐴝𐴂𐴓𐴞𐴑 𐴀𐴥𐴡𐴑𐴧𐴡𐴓𐴠 𐴑𐴠𐴙𐴏𐴧𐴟 𐴈𐴡𐴘𐴓𐴠 𐴁𐴡𐴌𐴔𐴤𐴝 𐴇𐴥𐴡𐴑𐴟𐴔𐴡𐴃𐴠 𐴀𐴥𐴞𐴃𐴝𐴌𐴠 𐴁𐴡𐴕𐴒𐴡𐴌𐴞 𐴎𐴞𐴘𐴡𐴓𐴡𐴃 𐴊𐴠𐴌 , 𐴋𐴦𐴡𐴙𐴓𐴧𐴝 𐴋𐴦𐴡𐴙𐴓𐴧𐴝 𐴎𐴟𐴓𐴟𐴔 𐴀𐴥𐴡𐴑𐴧𐴡𐴓 𐴒𐴡𐴌𐴠𐴌 𐴱 𐴑𐴡𐴖𐴔𐴞 𐴏𐴥𐴡𐴔𐴡𐴒𐴝𐴌 𐴏𐴠𐴒𐴠𐴄𐴠𐴌𐴞 𐴘𐴠 𐴊𐴟𐴕𐴞𐴘𐴝𐴙𐴌 𐴇𐴥𐴝𐴓𐴡𐴃𐴡 𐴌𐴠 𐴏𐴦𐴝𐴘 𐴁𐴡𐴌𐴔𐴤𐴝 𐴇𐴥𐴡𐴑𐴟𐴔𐴡𐴃𐴡 𐴌𐴠 𐴓𐴝𐴌𐴥𐴝𐴘 𐴁𐴡𐴕 𐴒𐴡𐴌𐴥𐴞𐴃𐴡 𐴈𐴦𐴡𐴘 𐴁𐴝𐴊𐴠 𐴘𐴥𐴡 𐴁𐴡𐴕 𐴕𐴡 𐴒𐴡𐴌𐴦𐴡𐴕𐴠 𐴱 𐴓𐴝𐴒𐴝𐴃𐴝𐴌 𐴏𐴡𐴓𐴝𐴃 𐴃𐴥𐴝𐴑𐴡𐴕𐴠 𐴇𐴥𐴝𐴎𐴝𐴌 𐴇𐴥𐴝𐴎𐴝𐴌 𐴔𐴝𐴕𐴟𐴙𐴐𐴢 𐴅𐴝𐴕 𐴀𐴥𐴝𐴌𐴝𐴘 𐴉𐴥𐴠𐴓𐴝𐴘𐴧𐴠 , 𐴊𐴤𐴡𐴕 𐴐𐴥𐴡𐴔𐴁𐴡𐴃𐴧𐴞 𐴀𐴥𐴝𐴌𐴝𐴘 𐴉𐴥𐴠𐴓𐴝𐴘𐴧𐴠 𐴱 𐴓𐴝𐴑𐴤𐴝 𐴓𐴝𐴑𐴤𐴞 𐴌𐴟𐴇𐴝𐴙𐴚𐴒𐴙𐴝 𐴀𐴞𐴕𐴏𐴝𐴕𐴞 𐴇𐴥𐴡𐴑 𐴕𐴡𐴉𐴡𐴀𐴕𐴠 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃 𐴎𐴞𐴕𐴊𐴞𐴒𐴞 𐴒𐴡𐴌𐴠𐴌 𐴱 𐴔𐴠𐴓𐴠𐴄𐴠𐴌𐴞 𐴀𐴝𐴌 𐴁𐴡𐴌𐴔𐴤𐴝 𐴇𐴥𐴡𐴑𐴟𐴔𐴡𐴃𐴠 𐴀𐴞𐴀𐴕 𐴁𐴝𐴊𐴠 𐴀𐴝𐴌𐴀𐴥𐴡 𐴁𐴡𐴖𐴃 𐴋𐴡𐴙𐴓𐴧𐴝 𐴎𐴟𐴓𐴟𐴔 𐴒𐴡𐴌𐴠𐴌 𐴁𐴡𐴓𐴞 𐴈𐴡𐴘 𐴌𐴠𐴂𐴟𐴄𐴝𐴌 𐴀𐴥𐴡𐴑𐴧𐴡𐴓𐴠 𐴕𐴞𐴕𐴊𐴝 𐴒𐴡𐴙𐴅𐴧𐴙𐴠 𐴱 𐴀𐴝𐴌 𐴀𐴥𐴠 𐴌𐴞𐴉𐴟𐴎𐴞 𐴀𐴥𐴡𐴑𐴧𐴡𐴓 𐴕𐴞𐴎𐴡𐴌 𐴊𐴠𐴐𐴡𐴃 𐴖𐴀𐴉𐴠𐴏𐴢 𐴀𐴦𐴝𐴘 𐴉𐴝𐴌𐴠 𐴉𐴝𐴀𐴕 𐴁𐴡𐴌𐴔𐴤𐴝 𐴇𐴥𐴡𐴑𐴟𐴔𐴡𐴃𐴠 𐴈𐴡𐴕𐴥𐴡 𐴈𐴝𐴔 𐴕𐴡 𐴒𐴡𐴌𐴠𐴌 𐴱𐴱

Sources : https://www.rfa.org/burmese/news/2020election-and-rohingya-voting-07142020201709.html