𐴌𐴝𐴏𐴞𐴊𐴡𐴚𐴡𐴃 𐴁𐴡𐴓𐴡𐴃𐴑𐴝𐴌𐴞𐴌 𐴐𐴥𐴞𐴑𐴝𐴌 𐴀𐴥𐴡𐴘𐴧𐴠𐴊𐴠 𐴁𐴠𐴍𐴞 𐴀𐴥𐴞𐴁𐴝 𐴘𐴠 𐴔𐴠𐴓𐴠𐴄𐴠𐴌𐴞 𐴀𐴥𐴟𐴕𐴡𐴌𐴓𐴝 𐴔𐴡𐴀𐴊𐴧𐴞𐴔𐴝 𐴑𐴤𐴟𐴙𐴓𐴧𐴙𐴠 𐴱𐴱

𐴅𐴟𐴕 𐴔𐴝𐴐𐴡𐴌 𐴰 𐴳 𐴃𐴝𐴌𐴞𐴑𐴡𐴃 𐴌𐴝𐴏𐴞𐴊𐴡𐴚𐴡𐴌 𐴀𐴥𐴟𐴀𐴒𐴥𐴝 𐴉𐴝𐴌𐴝𐴃 𐴃𐴞𐴕 𐴎𐴡𐴕 𐴔𐴠𐴓𐴠𐴄𐴠𐴌𐴞 𐴔𐴞𐴓𐴞 𐴁𐴡𐴓𐴝𐴎𐴟𐴌𐴞 𐴶 𐴳 𐴁𐴡𐴏𐴡𐴌 𐴁𐴡𐴐𐴢 𐴀𐴡𐴓𐴝 𐴏𐴝𐴙𐴌 𐴉𐴟𐴖𐴝𐴌 𐴔𐴝𐴣 𐴁𐴠𐴍 𐴀𐴟𐴒𐴧𐴗𐴝 𐴌𐴠 𐴁𐴡𐴓𐴡𐴃𐴑𐴝𐴌 𐴒𐴡𐴙𐴅𐴧𐴞𐴀𐴓 𐴊𐴠 𐴱 𐴔𐴠𐴓𐴠𐴄𐴠𐴌𐴞 𐴀𐴥𐴟𐴀𐴕𐴡𐴌𐴠 𐴐𐴥𐴝𐴎𐴝 𐴊𐴞𐴁𐴡𐴌 𐴓𐴝 𐴁𐴠𐴍𐴞 𐴀𐴥𐴞𐴁𐴝 𐴘𐴠 𐴀𐴝𐴙𐴑𐴧𐴙𐴝𐴁𐴡𐴌 𐴁𐴠𐴙𐴒𐴧𐴞𐴕𐴡𐴌 𐴁𐴡𐴌𐴡 𐴉𐴟𐴓𐴞𐴆 𐴃𐴤𐴝𐴕𐴝𐴃 𐴱 𐴀𐴡𐴉𐴡𐴌𐴥𐴝𐴊𐴞 𐴁𐴡𐴓𐴡𐴃𐴑𐴝𐴌 𐴊𐴤𐴝𐴌𐴝 𐴶 𐴷 𐴳 , 𐴀𐴡𐴉𐴡𐴌𐴝𐴊𐴞 𐴁𐴡𐴓𐴝𐴎𐴟𐴌𐴞 𐴋𐴝𐴑𐴞 𐴕𐴞𐴎𐴝𐴘 𐴁𐴥𐴞𐴌𐴝𐴀𐴡𐴕𐴡𐴌 𐴊𐴤𐴝𐴌𐴝 𐴶 𐴶 𐴳 𐴎𐴟𐴓𐴟𐴔 𐴒𐴡𐴌𐴞𐴁𐴡𐴌𐴓𐴝 𐴐𐴤𐴡𐴀𐴎𐴟𐴒𐴞𐴃𐴝 𐴒𐴡𐴌𐴡𐴕𐴡𐴌 𐴀𐴡𐴉𐴡𐴌𐴝𐴊𐴞 𐴊𐴤𐴝𐴌𐴝 𐴴 𐴱 𐴱 𐴀𐴠 𐴃𐴞𐴕𐴀𐴥𐴡 𐴊𐴤𐴝𐴌𐴝 𐴓𐴡𐴘 𐴅𐴟𐴓𐴝𐴙𐴌 𐴰 𐴱 𐴃𐴝𐴌𐴞𐴑𐴡𐴃 𐴔𐴡𐴀𐴊𐴧𐴞𐴔𐴝 𐴑𐴤𐴟𐴙𐴓𐴧𐴙𐴠 𐴁𐴡𐴓𐴞 𐴁𐴠𐴍𐴞 𐴀𐴥𐴞𐴁𐴝 𐴌𐴠 𐴌𐴝𐴏𐴧𐴝 𐴊𐴠𐴈𐴝𐴘 𐴔𐴡𐴊𐴡𐴊 𐴒𐴡𐴙𐴅𐴧𐴙𐴠𐴊𐴠 𐴀𐴥𐴞𐴃𐴝𐴌𐴝 𐴈𐴡𐴘𐴧𐴠 𐴱 𐴇𐴥𐴡𐴑 𐴀𐴞𐴕𐴏𐴝𐴉𐴢 𐴕𐴠𐴓𐴞 𐴀𐴝𐴘𐴁𐴡𐴌𐴓𐴝 𐴔𐴡𐴀𐴊𐴧𐴞𐴔𐴝 𐴑𐴤𐴟𐴓𐴧𐴞𐴊𐴠 𐴁𐴡𐴓𐴞 𐴁𐴠𐴍𐴞 𐴀𐴥𐴞𐴁𐴝 𐴘𐴠 𐴌𐴠𐴂𐴟𐴄𐴝𐴌 𐴀𐴥𐴡𐴑𐴧𐴡𐴓𐴡 𐴌𐴠 𐴈𐴡𐴘𐴧𐴠 𐴱 ( 𐴂𐴢 ) 𐴵 𐴵 𐴳 / 𐴰 𐴲 𐴰 𐴲 𐴉𐴟𐴓𐴞𐴆 𐴃𐴤𐴝𐴕𐴝 𐴘𐴠 𐴊𐴞𐴘𐴠𐴊𐴠 𐴀𐴠𐴃𐴡 𐴓𐴡𐴔𐴁𐴡𐴌𐴡𐴌 𐴕𐴡𐴄𐴞𐴆 𐴔𐴡𐴎𐴞𐴕 𐴱𐴱

𐴅𐴟𐴓𐴝𐴙𐴌 𐴰 𐴱 𐴃𐴝𐴌𐴞𐴑𐴡𐴃 𐴁𐴡𐴓𐴃𐴑𐴝𐴌𐴞𐴌 𐴐𐴥𐴞𐴑𐴝𐴌 𐴀𐴥𐴡𐴘𐴧𐴠𐴊𐴠 𐴁𐴠𐴍𐴞 𐴀𐴥𐴞𐴁𐴝𐴌𐴠 𐴃𐴡𐴊𐴝𐴌𐴟𐴑 𐴒𐴡𐴙𐴅𐴧𐴙𐴠 𐴀𐴝𐴌 𐴱 𐴱 𐴃𐴝𐴌𐴞𐴑𐴡𐴃 𐴀𐴥𐴞𐴁𐴝𐴌 𐴎𐴞𐴘𐴡 𐴌𐴠 𐴃𐴡𐴊𐴝𐴌𐴟𐴑 𐴒𐴡𐴙𐴅𐴧𐴙𐴠 𐴁𐴡𐴓𐴞 𐴀𐴥𐴞𐴃𐴝𐴌𐴝 𐴌𐴠 𐴔𐴡𐴊𐴡𐴊 𐴒𐴡𐴌𐴡𐴙𐴕𐴧𐴝 𐴀𐴥𐴡𐴑𐴧𐴡𐴓𐴠 𐴈𐴡𐴘𐴧𐴠 𐴱 𐴅𐴟𐴕 𐴔𐴝𐴐𐴡𐴌 𐴰 𐴳 𐴃𐴝𐴌𐴞𐴑𐴡𐴃 𐴔𐴠𐴓𐴠𐴄𐴠𐴌𐴞 𐴉𐴝𐴌𐴝𐴃 𐴒𐴡𐴙𐴓𐴧𐴙𐴠 𐴊𐴠 𐴘𐴥𐴝𐴀 𐴉𐴝𐴌𐴝𐴌 𐴔𐴝𐴕𐴟𐴙𐴐𐴢 𐴊𐴤𐴝𐴘𐴧𐴠 𐴒𐴥𐴡𐴘 𐴀𐴝𐴣𐴀𐴌𐴝 𐴒𐴤𐴌𐴡𐴌 𐴕𐴞𐴏𐴠 𐴒𐴝𐴣𐴃 𐴑𐴟𐴣𐴌𐴞 𐴓𐴟𐴑𐴝𐴘 𐴁𐴝𐴌 𐴎𐴝𐴒𐴝 𐴁𐴝𐴕𐴝𐴘𐴧𐴞 𐴊𐴠 𐴀𐴥𐴠𐴍𐴠 𐴓𐴟𐴑𐴝𐴘 𐴃𐴥𐴝𐴑𐴧𐴞 𐴊𐴠 𐴀𐴥𐴠𐴃𐴧𐴟 𐴉𐴡𐴄𐴤𐴟 𐴏𐴠𐴑 𐴒𐴡𐴌𐴝 𐴉𐴡𐴌𐴠𐴌 𐴁𐴡𐴓𐴞 𐴈𐴡𐴘 𐴀𐴠𐴑 𐴎𐴡𐴕 𐴀𐴠𐴑 𐴎𐴡𐴕 𐴋𐴝𐴑𐴞 𐴕𐴞𐴎𐴝𐴘 𐴁𐴡𐴓𐴡𐴃𐴑𐴝𐴌 𐴒𐴡𐴙𐴅𐴧𐴙𐴠 𐴱 𐴀𐴝𐴣𐴀𐴌𐴠 𐴘𐴥𐴡 𐴁𐴡𐴓𐴡𐴃𐴑𐴝𐴌 𐴒𐴡𐴌𐴞𐴁𐴡𐴌𐴓𐴝 𐴁𐴝𐴌 𐴁𐴝𐴌 𐴑𐴟𐴐𐴞𐴐𐴢 𐴒𐴡𐴙𐴅𐴧𐴙𐴠 𐴁𐴡𐴓𐴞 𐴁𐴠𐴍𐴞 𐴀𐴥𐴞𐴁𐴝𐴌 𐴎𐴞𐴘𐴠 𐴌𐴠𐴂𐴟𐴄𐴝𐴌 𐴀𐴥𐴡𐴑𐴧𐴡𐴓𐴡 𐴌𐴠 𐴈𐴡𐴘𐴧𐴠 𐴱 𐴀𐴝𐴌 𐴁𐴡𐴓𐴡𐴃𐴑𐴝𐴌 𐴒𐴡𐴙𐴅𐴧𐴙𐴠 𐴊𐴠 𐴔𐴠𐴓𐴠𐴄𐴠𐴌𐴞 𐴀𐴥𐴟𐴕𐴡𐴌 𐴁𐴝𐴎𐴟𐴃 𐴋𐴟𐴣𐴖𐴥𐴝𐴣𐴃 𐴲 𐴲 𐴓𐴠𐴑𐴤𐴝 𐴀𐴝𐴏𐴠𐴊𐴠 𐴘𐴥𐴝𐴕 𐴀𐴦𐴝𐴛 𐴁𐴠𐴐𐴥𐴞 𐴀𐴥𐴟𐴣𐴐𐴡𐴌 𐴏𐴥𐴝𐴣𐴀𐴃𐴠 𐴘𐴝𐴊 𐴌𐴝𐴙𐴑𐴧𐴞 𐴁𐴡𐴓𐴞 𐴁𐴠𐴍𐴞 𐴀𐴥𐴞𐴁𐴝 𐴘𐴠 𐴈𐴡𐴘𐴧𐴠 𐴱 𐴁𐴠𐴍𐴞 𐴀𐴥𐴞𐴁𐴝𐴌 𐴀𐴟𐴑𐴞𐴓 / 𐴋𐴡 𐴔𐴡𐴌𐴥𐴝 𐴏𐴟𐴎𐴝 𐴀𐴝𐴌 𐴀𐴝𐴙𐴑𐴧𐴙𐴝𐴁𐴡𐴃 𐴁𐴠𐴍𐴞𐴘𐴝𐴙𐴕𐴊𐴡𐴌 𐴇𐴥𐴡𐴑𐴧𐴡𐴌𐴓𐴝 𐴐𐴥𐴡𐴔𐴝𐴎𐴞𐴑 𐴈𐴝𐴔 𐴒𐴡𐴌𐴠𐴊𐴠 𐴉𐴝𐴄𐴞𐴌 𐴀𐴥𐴟𐴑𐴧𐴝𐴄𐴝 / 𐴋𐴡 𐴛𐴟 𐴀𐴥𐴠 𐴊𐴟𐴕𐴥𐴞 𐴎𐴡𐴕𐴠 𐴈𐴡𐴘𐴧𐴠𐴊𐴠 , 𐴀𐴝𐴣𐴀𐴌𐴝 𐴇𐴥𐴡𐴑 𐴀𐴞𐴕𐴏𐴝𐴉𐴢 𐴉𐴝𐴘𐴁𐴡𐴌𐴓𐴝 𐴊𐴡𐴌𐴥𐴡 𐴔𐴡𐴌𐴥𐴡 𐴑𐴟𐴐𐴞𐴐𐴢 𐴒𐴡𐴌𐴞 𐴎𐴝𐴘𐴧𐴟𐴔 𐴱𐴱

Sources : https://www.rfa.org/burmese/news/rakhine-rathedaung-woman-army-rape-07132020075941.html