𐴈𐴡𐴔𐴐𐴥𐴡𐴙𐴚𐴒𐴙𐴝 𐴑𐴡𐴖𐴔 𐴌𐴟𐴇𐴝𐴙𐴚𐴒𐴙𐴝 𐴌𐴠 𐴎𐴟𐴓𐴟𐴔 𐴒𐴡𐴌𐴥𐴝 𐴁𐴡𐴕𐴒𐴡𐴙𐴃𐴧𐴡 𐴈𐴡𐴘𐴧𐴠 𐴁𐴡𐴌𐴔𐴤𐴝 𐴌𐴠 , 𐴀𐴟𐴏𐴝𐴙𐴔𐴞𐴕𐴠 𐴱𐴱

𐴊𐴠𐴐𐴁𐴞𐴊𐴠𐴐𐴞 𐴀𐴞𐴕𐴏𐴝𐴉𐴢 𐴑𐴦𐴟𐴄 ( 𐴀𐴝𐴘 𐴏𐴞 𐴅𐴠 ) 𐴀𐴝𐴌 𐴀𐴞𐴕𐴏𐴝𐴕𐴞 𐴇𐴥𐴡𐴑𐴧𐴡𐴌 𐴑𐴡𐴔𐴞𐴄𐴞𐴌 𐴉𐴝𐴘𐴏𐴠𐴓𐴝 𐴔𐴝𐴕𐴞 𐴓𐴡𐴘 𐴁𐴡𐴌𐴓𐴝 𐴱 𐴀𐴝𐴌 𐴈𐴡𐴔𐴐𐴥𐴡𐴙𐴚𐴒𐴙𐴝 𐴑𐴡𐴖𐴔 𐴌𐴟𐴇𐴝𐴙𐴚𐴒𐴙𐴝 𐴌𐴠 𐴎𐴟𐴓𐴟𐴔 𐴒𐴡𐴌𐴝 𐴁𐴡𐴕 𐴒𐴡𐴌𐴞𐴁𐴡𐴌𐴓𐴝 𐴱 𐴀𐴡 𐴀𐴝𐴘 𐴏𐴞𐴌 𐴏𐴠𐴒𐴠𐴄𐴠𐴌𐴞 / 𐴋𐴝𐴑𐴄𐴡𐴌 𐴘𐴟𐴏𐴟𐴉𐴢 𐴁𐴝𐴉𐴢 𐴀𐴝𐴇𐴔𐴡𐴊 𐴀𐴝𐴓 𐴀𐴟𐴏𐴝𐴘𐴔𐴠𐴕𐴠 𐴁𐴡𐴌𐴔𐴤𐴝 𐴇𐴥𐴡𐴑𐴟𐴔𐴡𐴃𐴡𐴌𐴠 𐴈𐴡𐴘𐴧𐴠 𐴱 𐴀𐴝𐴘 𐴏𐴞 𐴅𐴠 𐴀𐴞𐴕𐴏𐴝𐴉𐴢 𐴑𐴦𐴟𐴍𐴡𐴃 𐴀𐴞𐴕𐴏𐴝𐴉𐴢 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌 𐴇𐴥𐴡𐴑𐴧𐴡𐴃 𐴉𐴝𐴘𐴏𐴠𐴓𐴝 𐴀𐴥𐴡𐴉𐴝𐴀𐴕 𐴑𐴝𐴕𐴟𐴕𐴞 𐴑𐴟𐴐𐴞𐴐𐴢 𐴒𐴡𐴌𐴞 𐴁𐴡𐴌𐴓𐴝 𐴀𐴝𐴌 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌 𐴇𐴠𐴉𐴝𐴎𐴡𐴃𐴞 𐴀𐴝𐴌 𐴐𐴥𐴝𐴕𐴃𐴞 𐴀𐴝𐴌 𐴇𐴥𐴡𐴑𐴧𐴡𐴌 𐴒𐴠𐴌𐴝𐴕𐴄𐴞𐴌𐴓𐴝 𐴱 𐴊𐴠𐴐𐴁𐴞𐴊𐴠𐴐𐴞 𐴑𐴟𐴐𐴞𐴐𐴢 𐴁𐴝𐴌𐴥𐴝𐴘 𐴁𐴡𐴌𐴓𐴝 𐴀𐴝𐴌 𐴌𐴟𐴇𐴝𐴙𐴚𐴒𐴙𐴝 𐴌𐴠 𐴋𐴦𐴡𐴙𐴓𐴧 𐴋𐴦𐴡𐴙𐴓𐴧𐴝 𐴎𐴟𐴓𐴟𐴔 𐴒𐴡𐴌𐴠𐴌 𐴊𐴠 𐴀𐴥𐴞𐴀𐴕 𐴃𐴡𐴌𐴝 𐴃𐴡𐴌𐴥𐴞 𐴁𐴡𐴕 𐴒𐴡𐴌𐴞𐴁𐴡𐴌𐴓𐴝 𐴱 𐴊𐴠𐴐𐴁𐴞𐴊𐴠𐴐𐴡𐴌𐴠 , 𐴑𐴟𐴐𐴞𐴐𐴢 𐴕𐴡𐴘𐴧𐴝 𐴁𐴥𐴝𐴉𐴠 𐴃𐴠𐴙𐴎𐴒𐴡𐴌𐴞 𐴁𐴝𐴌𐴥𐴝𐴘 𐴁𐴡𐴌𐴓𐴝 𐴘𐴥𐴡 / 𐴀𐴟𐴏𐴝𐴘𐴔𐴞𐴕𐴠 𐴈𐴡𐴘𐴧𐴠 𐴱𐴱

𐴁𐴡𐴌𐴔𐴤𐴝 𐴘𐴠 𐴀𐴝𐴌𐴑𐴝𐴕𐴡𐴃 𐴀𐴞𐴕𐴏𐴝𐴕𐴞 𐴈𐴠𐴊𐴔𐴡𐴃 𐴒𐴡𐴌𐴝 𐴔𐴡𐴐𐴑𐴞𐴓 𐴒𐴡𐴙𐴅𐴧𐴠𐴊𐴠 𐴀𐴝𐴌 𐴌𐴟𐴇𐴝𐴙𐴚𐴒𐴙𐴝𐴌 𐴀𐴞𐴕𐴏𐴝𐴕𐴞 𐴇𐴥𐴡𐴑 𐴔𐴝𐴍𐴞 𐴒𐴡𐴌𐴠𐴌 𐴊𐴠 𐴀𐴥𐴞𐴀𐴕𐴡𐴌 𐴁𐴝𐴁𐴡𐴃𐴠 𐴏𐴡𐴀𐴟𐴊𐴞 𐴀𐴝𐴌𐴡𐴁𐴡𐴌 𐴂𐴝𐴓𐴞𐴔𐴠𐴕𐴡𐴃 𐴁𐴡𐴌𐴔𐴤𐴝𐴇𐴥𐴡𐴑𐴟𐴔𐴡𐴃𐴡𐴌𐴠 𐴕𐴞𐴕𐴊𐴝 𐴒𐴡𐴙𐴅𐴧𐴙𐴠 , 𐴀𐴝𐴌 𐴌𐴟𐴇𐴝𐴙𐴚𐴒𐴙𐴝𐴌 𐴔𐴝𐴀𐴔𐴠𐴓𐴝𐴌𐴠 𐴔𐴡𐴊𐴡𐴊 𐴒𐴡𐴌𐴞𐴎𐴡𐴕 𐴏𐴡𐴀𐴟𐴊𐴞 𐴀𐴝𐴌𐴡𐴁𐴡𐴌 𐴀𐴠𐴑𐴀𐴡𐴔 𐴀𐴞𐴕𐴏𐴝𐴕𐴞 𐴈𐴝𐴔 𐴁𐴡𐴓𐴞 𐴈𐴡𐴘𐴧𐴠 , 𐴊𐴟𐴑𐴉𐴝𐴌𐴊𐴠 𐴀𐴥𐴞𐴃𐴝𐴌𐴝𐴌 𐴈𐴝𐴣𐴏𐴠 𐴔𐴡𐴊𐴡𐴊 𐴀𐴥𐴡𐴑𐴧𐴡𐴓 𐴉𐴦𐴡𐴣𐴏𐴞 𐴉𐴝𐴌𐴠𐴉𐴝𐴀𐴕 𐴁𐴡𐴌𐴔𐴤𐴝 𐴌𐴠 𐴌𐴝𐴏𐴧𐴝 𐴏𐴥𐴝𐴉𐴢 𐴒𐴡𐴌𐴞 𐴊𐴞𐴃𐴡 𐴈𐴡𐴘𐴧𐴠 , 𐴀𐴝𐴌 𐴁𐴡𐴌𐴔𐴤𐴝 𐴌𐴠 ( 𐴀𐴝𐴘 𐴏𐴞 𐴅𐴠𐴌 ) 𐴉𐴝𐴘𐴏𐴠𐴓𐴝 𐴌𐴠 𐴀𐴥𐴠𐴇𐴃𐴠𐴌𐴝𐴔 𐴒𐴡𐴙𐴃𐴧𐴡 𐴈𐴡𐴘𐴧𐴠 , 𐴏𐴡𐴀𐴟𐴊𐴞 𐴀𐴝𐴌𐴡𐴁𐴡𐴌 𐴀𐴠 𐴉𐴝𐴏𐴠𐴓𐴝 𐴁𐴠𐴙𐴒𐴧𐴞𐴕𐴡𐴌𐴠 / 𐴀𐴝𐴓 𐴀𐴟𐴏𐴝𐴘𐴔𐴞𐴕𐴠 𐴃𐴝𐴌𐴞𐴉𐴢 𐴀𐴝𐴌 𐴏𐴗𐴝𐴒𐴡𐴃 𐴒𐴡𐴙𐴅𐴧𐴙𐴠 𐴱 𐴅𐴟𐴕 𐴔𐴝𐴐𐴡𐴌 𐴲 𐴲 𐴃𐴝𐴌𐴞𐴑 𐴰 𐴲 𐴰 𐴲 𐴐𐴡𐴕𐴡𐴃 𐴅𐴞𐴕𐴞𐴖𐴝𐴃 𐴀𐴥𐴡𐴘𐴧𐴠𐴊𐴠 ( 𐴳 𐴴 ) 𐴀𐴡𐴔 𐴑𐴡𐴖𐴔𐴞 𐴏𐴥𐴡𐴔𐴡𐴒𐴝𐴌 𐴀𐴞𐴕𐴏𐴝𐴕𐴞 𐴇𐴥𐴡𐴑𐴧𐴡𐴌 𐴑𐴡𐴔𐴞𐴄𐴞𐴌 𐴁𐴡𐴘𐴍𐴡𐴑𐴡𐴃 𐴱 𐴁𐴡𐴌𐴔𐴤𐴝 𐴘𐴠 𐴌𐴟𐴇𐴝𐴙𐴚𐴒𐴙𐴝 𐴐𐴥𐴡𐴣𐴀 𐴀𐴡𐴙𐴕𐴧𐴡 𐴈𐴡𐴔𐴐𐴥𐴡𐴙𐴚𐴒𐴙𐴝 𐴑𐴡𐴖𐴔 𐴀𐴥𐴡𐴑𐴧𐴡𐴓𐴡𐴌 𐴇𐴥𐴡𐴑 𐴓𐴝𐴒𐴝𐴃𐴝𐴌 𐴔𐴝𐴍𐴞 𐴒𐴡𐴌𐴠𐴌 𐴊𐴠 𐴘𐴥𐴝𐴕𐴡𐴌𐴓𐴝 𐴁𐴡𐴌𐴔𐴤𐴝 𐴇𐴥𐴡𐴑𐴟𐴔𐴡𐴃𐴡𐴌𐴠 𐴕𐴞𐴕𐴊𐴝 𐴒𐴡𐴙𐴅𐴧𐴙𐴠𐴊𐴠 𐴘𐴥𐴝𐴕𐴡𐴌𐴠 ( 𐴀𐴡 𐴀𐴝𐴘 𐴏𐴞 ) 𐴘𐴠 𐴏𐴗𐴝𐴒𐴡𐴃 𐴒𐴡𐴙𐴅𐴧𐴙𐴠 𐴱𐴱

Sources : https://mobile.sabq.org/DMs73Y