𐴁𐴝𐴚𐴓𐴝𐴊𐴠𐴐𐴡𐴌𐴃𐴟 𐴁𐴠 𐴑𐴝𐴕𐴟𐴕𐴞 𐴒𐴤𐴡𐴙𐴓𐴧𐴙𐴠𐴊𐴠 𐴀𐴥𐴞𐴃𐴝𐴌𐴝𐴌𐴠 𐴎𐴞𐴘𐴡𐴓𐴡𐴃 𐴊𐴞𐴘𐴠 𐴱𐴱

𐴷 𐴱 𐴰 𐴲 𐴐𐴥𐴡𐴕𐴡𐴃 𐴁𐴡𐴌𐴔𐴤𐴝 𐴇𐴡𐴑𐴟𐴔𐴡𐴃𐴠 𐴊𐴠𐴐𐴢 𐴏𐴥𐴡𐴉𐴝𐴙𐴌 𐴕𐴝𐴔𐴠 𐴌𐴟𐴇𐴝𐴙𐴚𐴒𐴙𐴝 𐴌𐴠 𐴅𐴠𐴕𐴡𐴏𐴥𐴝𐴙𐴋 𐴒𐴡𐴌𐴡𐴕𐴠 𐴱 𐴀𐴠𐴑 𐴔𐴡𐴓𐴞𐴘𐴟𐴕 𐴈𐴝𐴣𐴏𐴝 𐴈𐴥𐴝𐴣𐴏𐴞 𐴌𐴟𐴇𐴝𐴙𐴚𐴒𐴙𐴝 𐴔𐴡𐴅𐴁𐴟𐴌 𐴀𐴥𐴡𐴘 𐴁𐴝𐴚𐴓𐴝𐴊𐴠𐴐𐴥𐴡𐴃 𐴏𐴥𐴝𐴀𐴌𐴝 𐴓𐴡𐴘𐴧𐴠 𐴱 𐴀𐴥𐴟𐴕𐴡 𐴌𐴠 𐴁𐴡𐴌𐴔𐴤𐴝 𐴘𐴠 𐴖𐴝𐴉𐴠𐴏𐴢 𐴊𐴠𐴐𐴡𐴃 𐴀𐴝𐴕𐴥𐴞𐴁𐴝𐴌 𐴐𐴥𐴡𐴣𐴀𐴃 𐴒𐴡𐴏𐴥𐴞𐴓𐴡𐴘 𐴁𐴡𐴌𐴓𐴝 𐴈𐴡𐴊𐴞𐴀𐴕 𐴏𐴠𐴕𐴄𐴝𐴌 𐴁𐴝𐴕𐴝𐴘𐴧𐴠 𐴱 𐴑𐴠𐴙𐴏𐴧𐴟 𐴌𐴟𐴇𐴝𐴙𐴚𐴒𐴙𐴝 𐴶 𐴹 𐴶 𐴎𐴡𐴕 𐴓𐴡𐴃𐴞 𐴁𐴡𐴌𐴔𐴤𐴝- 𐴁𐴝𐴚𐴓𐴝𐴊𐴠𐴐𐴢 𐴌𐴝𐴎𐴞𐴕𐴝𐴔 𐴔𐴡𐴎𐴞𐴕 𐴀𐴝𐴌𐴑𐴝𐴕𐴡𐴃 𐴖𐴝𐴉𐴠𐴏𐴢 𐴎𐴝𐴘𐴁𐴡𐴊𐴠 𐴀𐴡𐴑𐴃𐴡 𐴱 𐴀𐴥𐴞𐴁𐴝𐴌 𐴀𐴠𐴕𐴃𐴠𐴎𐴝𐴌 𐴕𐴡𐴒𐴡𐴌𐴞 𐴏𐴟𐴌𐴒𐴡𐴌𐴞 𐴔𐴡𐴚𐴋𐴥𐴟𐴃 𐴒𐴥𐴡𐴙𐴓𐴧𐴙𐴠 𐴒𐴥𐴡𐴘 𐴱 𐴀𐴥𐴠𐴃𐴧𐴟 𐴳 𐴳 𐴱 𐴎𐴡𐴕 𐴓𐴡𐴃𐴞 𐴒𐴡𐴏𐴥𐴞𐴁𐴝𐴌 𐴏𐴠𐴕𐴄𐴝𐴌 𐴁𐴦𐴝𐴘 𐴕𐴡𐴎𐴝𐴘 𐴁𐴡𐴌𐴔𐴤𐴝 𐴇𐴥𐴡𐴑𐴟𐴔𐴡𐴃𐴠 𐴕𐴡 𐴎𐴝𐴕𐴠 𐴉𐴥𐴝𐴀𐴕 𐴔𐴡𐴚𐴋𐴥𐴟𐴃 𐴒𐴤𐴡𐴙𐴓𐴧𐴙𐴠 𐴒𐴥𐴡𐴘 𐴱 𐴒𐴡𐴃𐴡 𐴅𐴟𐴕 𐴔𐴥𐴝𐴐𐴡𐴌 𐴵 𐴲 𐴃𐴝𐴌𐴞𐴑𐴡𐴃 𐴕𐴠𐴂𐴙𐴠 𐴋𐴡𐴃 𐴒𐴡𐴙𐴅𐴧𐴙𐴠𐴊𐴠 𐴈𐴥𐴡𐴁𐴡𐴌𐴞 𐴔𐴡𐴅𐴓𐴞𐴏𐴡𐴃 𐴱𐴱

𐴀𐴠𐴔𐴞𐴒𐴞𐴌𐴞𐴆𐴠𐴕 𐴀𐴡𐴉𐴞𐴏𐴡𐴌 𐴊𐴟𐴘𐴀𐴡𐴔 𐴀𐴟𐴎𐴞𐴌 / 𐴀𐴥𐴟𐴀 𐴔𐴡𐴌𐴥𐴝𐴚 𐴑𐴠𐴌𐴝𐴙𐴚𐴠 𐴈𐴡𐴘𐴧𐴠𐴊𐴠 , 𐴁𐴝𐴚𐴓𐴝𐴊𐴠𐴐𐴢 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃𐴧𐴟 𐴰 𐴰 𐴷 𐴎𐴡𐴕 𐴉𐴡𐴙𐴅𐴧𐴡𐴕𐴃𐴡 𐴌𐴞𐴉𐴞𐴎𐴞 𐴖𐴝𐴉𐴠𐴏𐴢 𐴔𐴡𐴚𐴋𐴥𐴟𐴃 𐴒𐴥𐴡𐴙𐴓𐴧𐴙𐴠 𐴒𐴥𐴝𐴘 𐴱 𐴀𐴥𐴠𐴃𐴧𐴟 𐴑𐴠𐴙𐴏𐴧𐴟 𐴌𐴞𐴉𐴟𐴎𐴞 𐴒𐴡𐴏𐴥𐴞𐴓𐴡𐴘𐴁𐴝𐴌 𐴏𐴠𐴕𐴄𐴝𐴌𐴡𐴌 𐴃𐴟𐴌𐴤𐴟 𐴒𐴥𐴡𐴙𐴓𐴧𐴙𐴠 𐴀𐴝𐴌 𐴑𐴠𐴙𐴏𐴧𐴟 𐴀𐴥𐴠𐴣𐴃𐴠 𐴊𐴡𐴙𐴅𐴧𐴙𐴝 𐴉𐴝𐴌𐴥𐴝𐴘 𐴇𐴥𐴡𐴑𐴟𐴔𐴡𐴃𐴠 𐴕𐴡𐴎𐴝𐴕𐴥𐴠 𐴉𐴥𐴝𐴀𐴕 𐴒𐴥𐴡𐴙𐴓𐴧𐴙𐴠 𐴱 𐴕𐴡𐴎𐴝𐴕𐴥𐴠 𐴉𐴥𐴝𐴀𐴕 𐴏𐴟𐴌𐴒𐴡𐴌𐴞 𐴒𐴥𐴡𐴙𐴓𐴧𐴙𐴠𐴊𐴠 𐴳 𐴳 𐴱 𐴎𐴡𐴕𐴡𐴌𐴠 𐴷 𐴴 𐴹 𐴱 𐴐𐴥𐴡𐴕𐴡𐴌 𐴀𐴠𐴔𐴞𐴒𐴞𐴌𐴞𐴆𐴥𐴠 𐴑𐴝𐴕𐴟𐴕 𐴔𐴡𐴎𐴞𐴕 𐴐𐴥𐴝𐴎𐴝 𐴊𐴞𐴘𐴝𐴎𐴝𐴘𐴁𐴡 𐴱 𐴀𐴥𐴠 𐴔𐴡𐴎𐴞𐴕 𐴔𐴡𐴚𐴋𐴥𐴟𐴌 𐴀𐴠𐴔𐴠𐴒𐴞𐴌𐴞𐴆𐴥𐴠𐴕𐴠 𐴵 𐴱 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝𐴌𐴓𐴝 𐴔𐴡𐴀𐴊𐴧𐴞𐴔𐴝 𐴑𐴤𐴟𐴓𐴞 𐴱 𐴅𐴟𐴓𐴝𐴙𐴌 𐴲 𐴃𐴝𐴌𐴞𐴑𐴡𐴃 𐴁𐴠𐴍𐴝 𐴴 𐴎𐴡𐴕 𐴅𐴟𐴓𐴝𐴙𐴌 𐴳 𐴃𐴝𐴌𐴞𐴑𐴡𐴃 𐴁𐴠𐴍𐴞 𐴵 𐴎𐴡𐴕 𐴁𐴠𐴍𐴝 𐴲 𐴎𐴡𐴕 𐴁𐴠𐴙𐴒𐴧𐴟𐴕𐴠 𐴔𐴞𐴓𐴝𐴘 𐴀𐴠𐴒𐴝𐴌𐴡 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴌𐴠 𐴶 𐴔𐴝𐴐𐴥𐴡𐴌 𐴊𐴡𐴌𐴠 𐴎𐴞𐴘𐴡𐴓𐴡𐴌 𐴇𐴥𐴡𐴑𐴟𐴔 𐴉𐴥𐴟𐴕𐴝𐴘 𐴊𐴞𐴘𐴠 𐴱 𐴁𐴡𐴐𐴢 𐴕𐴥𐴡𐴀 𐴉𐴟𐴌𐴝 𐴊𐴥𐴠 𐴔𐴝𐴘𐴧𐴝 𐴊𐴟𐴘 𐴎𐴡𐴕 𐴔𐴞𐴓𐴝𐴘 𐴀𐴝𐴌𐴀𐴥𐴡 𐴊𐴟𐴘 𐴎𐴡𐴕𐴡𐴌𐴠 𐴔𐴟𐴄 𐴏𐴝𐴙𐴌 𐴎𐴡𐴕𐴡𐴌𐴠 𐴀𐴠𐴔𐴠𐴒𐴞𐴌𐴞𐴆𐴥𐴠𐴕𐴠 𐴀𐴠 𐴌𐴞 𐴊𐴞𐴉𐴥𐴠𐴓𐴝𐴘𐴧𐴠 𐴱𐴱

Sources : https://www.bbc.com/burmese/burma-53292648