𐴁𐴡𐴌𐴔𐴤𐴝 𐴘𐴠 𐴈𐴡𐴔𐴐𐴥𐴡𐴙𐴚𐴒𐴙𐴝 𐴑𐴡𐴖𐴔 𐴌𐴟𐴇𐴝𐴙𐴚𐴒𐴙𐴝𐴌 𐴀𐴞𐴕𐴏𐴝𐴕𐴞 𐴇𐴥𐴡𐴑 𐴔𐴝𐴍𐴞 𐴒𐴡𐴌𐴠𐴌 𐴊𐴠 𐴁𐴝𐴁𐴡𐴃𐴠 𐴏𐴡𐴀𐴟𐴊𐴞 𐴀𐴝𐴌𐴡𐴁𐴠 𐴕𐴞𐴕𐴊𐴝 𐴒𐴡𐴙𐴅𐴧𐴙𐴠 𐴱𐴱

𐴀𐴝𐴌𐴑𐴝𐴕𐴡𐴃 𐴁𐴡𐴌𐴔𐴤𐴝 𐴇𐴥𐴡𐴑𐴟𐴔𐴡𐴃𐴠 𐴈𐴡𐴔𐴐𐴥𐴡𐴙𐴚𐴒𐴙𐴝 𐴑𐴡𐴖𐴔 𐴌𐴟𐴇𐴝𐴙𐴚𐴒𐴙𐴝𐴌 𐴀𐴞𐴕𐴏𐴝𐴕𐴞 𐴇𐴥𐴡𐴑 𐴔𐴝𐴍𐴞 𐴒𐴡𐴌𐴠𐴌𐴊𐴠 𐴀𐴝𐴌 𐴀𐴞𐴕𐴏𐴝𐴕𐴙𐴡𐴃𐴞 𐴈𐴝𐴔 𐴒𐴡𐴌𐴡𐴕𐴡𐴌𐴠 𐴔𐴡𐴐𐴑𐴞𐴓 𐴁𐴝𐴕𐴝𐴘 𐴌𐴝𐴙𐴑𐴧𐴙𐴠 𐴊𐴠 𐴘𐴥𐴝𐴕𐴡𐴌𐴓𐴝 𐴏𐴡𐴀𐴟𐴊𐴠 𐴀𐴝𐴌𐴡𐴁𐴠 𐴁𐴡𐴌𐴔𐴤𐴝 𐴇𐴥𐴡𐴑𐴟𐴔𐴡𐴃𐴡𐴌𐴠 𐴕𐴞𐴕𐴊𐴝 𐴒𐴡𐴙𐴅𐴧𐴙𐴠 𐴱 𐴇𐴥𐴝𐴔𐴞𐴐𐴝𐴌 𐴓𐴝 𐴅𐴞𐴕𐴞𐴖𐴝𐴌 𐴑𐴡𐴖𐴔𐴞 𐴏𐴥𐴡𐴔𐴡𐴒𐴝𐴃 𐴀𐴝𐴏𐴠𐴊𐴠 𐴏𐴡𐴀𐴟𐴊𐴞 𐴀𐴝𐴌𐴡𐴁𐴡𐴌 𐴕𐴡𐴔𐴝𐴙𐴕𐴊𐴝𐴌 𐴁𐴡𐴌𐴡 / 𐴔𐴞𐴐𐴢 𐴀𐴝𐴓 𐴁𐴝𐴉𐴢 𐴀𐴝𐴓𐴞 𐴀𐴝𐴓 𐴁𐴥𐴡𐴓𐴡𐴖𐴞 𐴘𐴠 𐴈𐴡𐴘𐴧𐴠𐴊𐴠 𐴌𐴟𐴇𐴝𐴙𐴚𐴒𐴙𐴝𐴌 𐴔𐴝𐴀𐴔𐴠𐴓𐴝 𐴀𐴟𐴉𐴥𐴝𐴘 𐴒𐴡𐴌𐴞𐴁𐴡𐴌𐴓𐴝 𐴔𐴡𐴊𐴡𐴊 𐴀𐴝𐴌 𐴑𐴟𐴐𐴞𐴐𐴢 𐴒𐴡𐴌𐴡𐴕𐴧𐴝𐴕 𐴏𐴡𐴀𐴟𐴊𐴞 𐴀𐴝𐴌𐴡𐴁𐴡𐴌 𐴀𐴞𐴕𐴏𐴝𐴕𐴙𐴡𐴃𐴞 𐴈𐴝𐴔 𐴀𐴥𐴡𐴑𐴧𐴡𐴓𐴡𐴌 𐴁𐴥𐴟𐴃𐴡𐴌𐴠 𐴀𐴥𐴡𐴑𐴧𐴡𐴓𐴡𐴌 𐴀𐴝𐴒𐴠 𐴱𐴱

𐴊𐴟𐴑𐴧𐴡𐴃 𐴀𐴝𐴏𐴠𐴊𐴠 𐴊𐴠𐴐𐴡𐴙𐴃𐴧𐴝 𐴀𐴥𐴡𐴑𐴧𐴡𐴓𐴡𐴌𐴠 𐴔𐴡𐴊𐴡𐴊 𐴒𐴡𐴌𐴡𐴙𐴕𐴧𐴝 𐴋𐴦𐴝𐴘 𐴀𐴥𐴡𐴑𐴧𐴡𐴓𐴡𐴌𐴠 𐴈𐴡𐴕𐴥𐴡 𐴑𐴞𐴏𐴥𐴞𐴔𐴧𐴙𐴝 𐴁𐴝𐴊𐴥𐴝 𐴕𐴡𐴊𐴞 𐴐𐴥𐴝𐴕𐴃𐴞𐴌 𐴏𐴥𐴝𐴣𐴀𐴃𐴠 𐴉𐴡𐴀𐴣𐴏𐴞𐴃𐴡 𐴊𐴞𐴁𐴡𐴌𐴓𐴝 𐴀𐴝𐴌 𐴀𐴥𐴠 𐴁𐴝𐴁𐴡𐴃𐴠 𐴑𐴡𐴖𐴔𐴞 𐴏𐴥𐴡𐴔𐴡𐴒𐴝𐴌 𐴕𐴡𐴔𐴝𐴙𐴕𐴊𐴝 𐴀𐴥𐴡𐴑𐴧𐴡𐴓 𐴓𐴡𐴘 𐴐𐴥𐴡𐴇𐴢𐴎𐴟𐴒𐴞𐴃𐴝 𐴒𐴡𐴌𐴞 𐴁𐴡𐴌𐴓𐴝 𐴀𐴝𐴌 𐴌𐴟𐴇𐴝𐴙𐴚𐴒𐴙𐴝𐴌 𐴁𐴝𐴁𐴡𐴃𐴠 𐴊𐴠𐴐𐴁𐴞𐴊𐴠𐴐𐴥𐴞 𐴀𐴞𐴕𐴏𐴝𐴉𐴢 𐴑𐴦𐴟𐴍𐴡𐴌 𐴉𐴝𐴘𐴏𐴠𐴓𐴝𐴌𐴠 𐴀𐴥𐴠𐴇𐴃𐴠𐴌𐴝𐴔 𐴒𐴡𐴌𐴞𐴁𐴡𐴌𐴓𐴝 𐴏𐴡𐴀𐴟𐴊𐴞 𐴀𐴝𐴌𐴡𐴁𐴠 𐴁𐴡𐴌𐴔𐴤𐴝𐴌𐴠 𐴊𐴝𐴁𐴞 𐴎𐴝𐴕𐴝𐴘𐴧𐴠 𐴱 𐴀𐴝𐴓 𐴁𐴥𐴡𐴓𐴡𐴖𐴞 𐴘𐴠 𐴀𐴝𐴌𐴀𐴥𐴡 𐴈𐴡𐴘𐴧𐴠𐴊𐴠 , 𐴸 𐴴 𐴹 𐴱 𐴐𐴥𐴡𐴕 𐴀𐴥𐴡𐴘𐴃𐴠 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴀𐴥𐴡𐴑𐴧𐴡𐴓𐴡 𐴌𐴠 𐴏𐴡𐴀𐴟𐴊𐴞 𐴀𐴝𐴌𐴡𐴁𐴡𐴃 𐴌𐴝𐴑𐴤𐴞 𐴀𐴝𐴙𐴅𐴧𐴙𐴝 𐴉𐴡𐴙𐴅𐴧𐴡𐴕𐴃𐴡 𐴀𐴥𐴞𐴃𐴝𐴌𐴝𐴌𐴠 𐴌𐴞𐴉𐴟𐴎𐴞 𐴀𐴥𐴞𐴏𐴝𐴉𐴠 𐴇𐴥𐴡𐴑 𐴊𐴞𐴎𐴝𐴀𐴌 𐴀𐴝𐴌 𐴒𐴡𐴃𐴡 𐴹 𐴱 𐴰 𐴲 𐴏𐴠𐴃𐴡𐴔𐴁𐴡𐴌 𐴔𐴝𐴐𐴡𐴃 𐴰 𐴱 𐴔𐴡𐴓𐴞𐴘𐴟𐴕 𐴋𐴡𐴓𐴝𐴌 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞𐴌𐴓𐴝 𐴔𐴡𐴊𐴡𐴊 𐴒𐴡𐴙𐴅𐴧𐴙𐴠 𐴱𐴱

Sources : https://sabq.org/wkWrCR