𐴁𐴡𐴕 𐴀𐴝𐴏𐴠𐴊𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌𐴃𐴟 𐴀𐴠𐴎𐴝𐴉𐴤𐴝 𐴈𐴡𐴕𐴥𐴡 𐴁𐴙𐴝𐴌𐴝𐴔 𐴉𐴝𐴀 𐴕𐴥𐴡𐴀 𐴎𐴝 , 𐴈𐴡𐴘𐴧𐴠 𐴋𐴝𐴑𐴄𐴡𐴌𐴠 𐴱𐴱

𐴐𐴥𐴞𐴔𐴝 𐴓𐴡𐴘 𐴁𐴝𐴣𐴊𐴤𐴝 𐴕𐴥𐴝𐴘 𐴊𐴠 𐴋𐴝𐴑𐴄𐴡𐴌𐴡𐴌 𐴄𐴞𐴀𐴔𐴠 𐴔𐴡𐴓𐴠𐴆𐴥𐴙𐴝𐴃 𐴁𐴡𐴕 𐴀𐴝𐴏𐴠𐴊𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌𐴠 𐴖𐴝𐴉𐴠𐴏𐴢 𐴊𐴡𐴙𐴅𐴧𐴙𐴝𐴌 𐴀𐴟𐴎𐴟 𐴄𐴤𐴠𐴓𐴞 𐴕𐴡𐴊𐴞𐴃𐴡 𐴈𐴡𐴘𐴧𐴠 𐴱 𐴊𐴡𐴙𐴅𐴧𐴙𐴝𐴌𐴃𐴟 𐴃𐴟𐴓𐴥𐴞 𐴔𐴡𐴕𐴃𐴡𐴌 𐴐𐴥𐴟𐴌𐴟𐴃 𐴔𐴝𐴎𐴠 𐴘𐴥𐴡 𐴑𐴡𐴖𐴥𐴞𐴋- 𐴹 𐴱 𐴐𐴡𐴌 𐴏𐴠𐴑 𐴒𐴡𐴌𐴞 𐴀𐴥𐴞𐴃𐴝𐴌𐴝𐴌𐴠 𐴑𐴡𐴌𐴠𐴕 𐴄𐴥𐴝𐴙𐴕 𐴒𐴡𐴌𐴝𐴀𐴝𐴙𐴓 𐴱 𐴀𐴠𐴈𐴥𐴡𐴕 𐴀𐴝𐴌 𐴀𐴠𐴎𐴝𐴉𐴥𐴞 𐴈𐴡𐴕𐴥𐴡 𐴁𐴙𐴝𐴌𐴝𐴔 𐴀𐴥𐴞𐴃𐴝𐴌𐴝𐴌𐴃𐴟 𐴉𐴝𐴀 𐴕𐴥𐴡𐴀 𐴎𐴝 𐴁𐴡𐴓𐴞 𐴋𐴝𐴑𐴄𐴡𐴌𐴡𐴌 𐴄𐴞𐴀𐴔 𐴀𐴥𐴞𐴁𐴝 𐴘𐴠 𐴈𐴡𐴘𐴧𐴠 𐴱 𐴀𐴞𐴕𐴅𐴞𐴓 𐴈𐴥𐴡𐴌𐴝𐴉𐴢 𐴀𐴥𐴡𐴘𐴧𐴝 𐴁𐴟𐴍𐴡𐴌𐴃𐴟 𐴃𐴟𐴓𐴧𐴞𐴀𐴓 𐴊𐴠 𐴹 𐴶 𐴲 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴀𐴥𐴟𐴕𐴡𐴌𐴠 𐴁𐴟𐴄 𐴀𐴥𐴡𐴌 𐴒𐴡𐴌𐴞 𐴊𐴡𐴙𐴅𐴧𐴙𐴝𐴌 𐴀𐴟𐴎𐴟 𐴖𐴀𐴉𐴠𐴏𐴢 𐴊𐴞𐴁𐴡𐴌𐴓𐴝 𐴔𐴡𐴓𐴠𐴆𐴥𐴙𐴝 𐴇𐴥𐴡𐴑𐴟𐴔𐴡𐴃𐴠 𐴈𐴡𐴕𐴥𐴡 𐴋𐴦𐴡𐴙𐴓𐴧𐴝 𐴑𐴟𐴐𐴞𐴐𐴢 𐴒𐴡𐴌𐴠𐴌 𐴊𐴠 𐴀𐴥𐴡𐴘𐴓𐴠 𐴱

The principle of non-refoulement international customary law.

𐴖𐴡𐴌𐴠 𐴀𐴞𐴚𐴓𐴞𐴆𐴡𐴃 𐴓𐴠𐴑𐴤𐴞 𐴊𐴞𐴘𐴝 𐴒𐴞𐴘𐴠𐴊𐴠 𐴘𐴥𐴝𐴕 𐴔𐴡𐴎𐴞𐴕 𐴁𐴡𐴓𐴝𐴎𐴟𐴌𐴞 𐴌𐴟𐴇𐴝𐴙𐴚𐴒𐴙𐴝 𐴀𐴥𐴟𐴕𐴡𐴌𐴠 𐴖𐴝𐴉𐴠𐴏𐴢 𐴊𐴞 𐴕𐴡𐴉𐴝𐴌𐴞𐴁𐴡 𐴁𐴡𐴓𐴞 ( 𐴀𐴠𐴔 𐴀𐴠𐴏𐴢 𐴀𐴠𐴉𐴡𐴌 ) 𐴔𐴡𐴓𐴠𐴆𐴥𐴙𐴝𐴌 𐴁𐴡𐴌𐴡 / 𐴁𐴞𐴄𐴌𐴞𐴏𐴢 𐴓𐴡𐴀 𐴘𐴠 𐴀𐴠𐴑𐴧𐴝𐴕 𐴀𐴠𐴙𐴏𐴄𐴠𐴀𐴄𐴔𐴠𐴕𐴡𐴃 𐴈𐴡𐴘𐴧𐴠 𐴱 𐴖𐴡𐴌𐴡𐴌 𐴀𐴞𐴚𐴓𐴞𐴆𐴡𐴌 𐴔𐴝𐴀𐴕𐴞 𐴀𐴥𐴡𐴙𐴓𐴊𐴠 , 𐴊𐴠𐴐𐴁𐴞𐴊𐴠𐴐𐴞 𐴀𐴞𐴕𐴏𐴝𐴕𐴙𐴡𐴃𐴞 𐴀𐴝𐴌 𐴀𐴞𐴕𐴏𐴝𐴕𐴞 𐴇𐴥𐴡𐴑𐴧𐴡𐴌 𐴀𐴟𐴓𐴋𐴝 𐴒𐴡𐴌𐴞 𐴋𐴦𐴡𐴙𐴓𐴧𐴝 𐴋𐴦𐴡𐴙𐴓𐴧𐴝 𐴎𐴟𐴓𐴟𐴔 𐴒𐴡𐴌𐴠𐴌 𐴊𐴠 𐴱 𐴊𐴠𐴐𐴢 𐴀𐴥𐴡𐴑𐴧𐴡𐴓𐴡𐴌𐴃𐴟 𐴌𐴞𐴉𐴟𐴎𐴞 𐴀𐴥𐴡𐴘𐴧𐴠𐴊𐴠 𐴀𐴥𐴟𐴕𐴡𐴌𐴠 𐴁𐴡𐴓𐴝𐴎𐴟𐴌𐴞 𐴀𐴥𐴠𐴊𐴠𐴐𐴡𐴃 𐴖𐴝𐴉𐴠𐴏𐴢 𐴕𐴡𐴊𐴦𐴡𐴕 𐴱 𐴁𐴠𐴐𐴥𐴞 𐴏𐴞𐴕𐴃𐴝 𐴀𐴝𐴌 𐴁𐴤𐴝𐴉𐴝 𐴉𐴡𐴌𐴠𐴊𐴠 𐴘𐴥𐴝𐴕 𐴀𐴥𐴡𐴙𐴓𐴊𐴠 , 𐴌𐴞𐴉𐴟𐴎𐴞 𐴖𐴝𐴉𐴠𐴏𐴢 𐴒𐴡𐴌𐴥𐴞𐴓𐴠 𐴉𐴟𐴖𐴝𐴙𐴕 , 𐴁𐴠𐴍𐴝𐴙𐴀𐴕 , 𐴁𐴠𐴍𐴞𐴘𐴝𐴙𐴀𐴕 𐴁𐴠𐴙𐴒𐴧𐴟𐴕 𐴱 𐴔𐴡𐴓𐴠𐴆𐴥𐴙𐴝 𐴀𐴝𐴘𐴁𐴝𐴌 𐴐𐴥𐴡𐴣𐴀𐴃 𐴎𐴠𐴕𐴋𐴞𐴓𐴧𐴝 𐴀𐴝𐴊𐴤𐴞𐴑𐴃𐴡𐴌 𐴊𐴡𐴙𐴅𐴧𐴙𐴝𐴃 𐴔𐴡𐴌𐴞 𐴒𐴞𐴘𐴡𐴘 𐴱 𐴀𐴥𐴠𐴕𐴋𐴞𐴓𐴧𐴝 𐴘𐴝𐴘𐴥𐴡 𐴔𐴡𐴌𐴞 𐴎𐴝𐴘𐴁𐴡𐴒𐴥𐴡𐴘 𐴊𐴠 𐴘𐴥𐴝𐴕 𐴔𐴡𐴓𐴠𐴆𐴥𐴙𐴝 𐴇𐴥𐴡𐴑𐴟𐴔𐴡𐴃𐴡𐴌𐴃𐴟 𐴈𐴥𐴝𐴔𐴝𐴈𐴥𐴝 𐴁𐴤𐴝𐴓𐴝 𐴒𐴡𐴌𐴞 𐴎𐴝𐴕𐴝 𐴉𐴡𐴌𐴞𐴁𐴡𐴀 𐴱𐴱

Sources : https://www.freemalaysiatoday.com/category/nation/2020/06/29/detained-rohingya-pose-no-additional-virus-risks-says-medical-body/