𐴀𐴝𐴌𐴑𐴝𐴕𐴡𐴃 𐴀𐴞𐴕𐴄𐴝𐴌𐴕𐴥𐴠𐴄 𐴑𐴤𐴟𐴓𐴞𐴊𐴞𐴃𐴡 𐴈𐴡𐴘𐴧𐴠𐴊𐴠 𐴅𐴟𐴖𐴝𐴕 𐴀𐴥𐴡𐴑𐴧𐴡𐴓𐴡𐴌 𐴓𐴝 𐴹 𐴱 𐴀𐴡𐴔 𐴊𐴤𐴝𐴌𐴝 𐴓𐴡𐴘 𐴔𐴡𐴀𐴊𐴧𐴞𐴔𐴝 𐴑𐴤𐴙𐴓𐴧𐴙𐴠 𐴱𐴱

365 – Days No Internet / Stop Internet Shutdown

𐴀𐴝𐴌𐴑𐴝𐴕𐴡𐴃 𐴀𐴞𐴕𐴄𐴝𐴌𐴕𐴥𐴠𐴄 𐴁𐴡𐴕 𐴒𐴡𐴌𐴞 𐴌𐴝𐴙𐴑𐴧𐴙𐴠𐴊𐴠 𐴁𐴡𐴏𐴥𐴡𐴌 𐴁𐴥𐴝𐴌𐴝𐴘 𐴒𐴞𐴘𐴡𐴘𐴊𐴠 𐴀𐴥𐴠𐴃𐴡𐴌𐴓𐴝 𐴱 𐴖𐴡𐴌𐴠 𐴓𐴠𐴑𐴤𐴝 𐴒𐴞𐴘𐴠𐴊𐴠 𐴀𐴠𐴕𐴋𐴞𐴓𐴧𐴝 𐴀𐴝𐴁𐴝𐴏𐴡𐴌 𐴕𐴝𐴀𐴌𐴝 𐴀𐴡𐴓𐴝 𐴒𐴡𐴕𐴎𐴞 𐴉𐴞𐴣𐴊𐴞 𐴀𐴝𐴌 𐴏𐴥𐴝𐴙𐴕 𐴁𐴥𐴟𐴄 𐴓𐴡𐴘 𐴱 𐴌𐴝𐴔𐴁𐴠𐴌𐴠𐴌 𐴅𐴟𐴖𐴝𐴕 𐴀𐴥𐴡𐴑𐴧𐴡𐴓𐴠 / 𐴑𐴟 𐴔𐴙𐴥𐴟 𐴔𐴥𐴝𐴚 𐴄𐴥𐴗𐴠𐴚 𐴡𐴌 𐴓𐴞𐴋𐴝𐴌𐴃 𐴱 𐴲 / 𐴅𐴟𐴕 𐴔𐴝𐴐𐴡𐴃 𐴌𐴝𐴔 𐴁𐴠𐴌𐴠 𐴐𐴥𐴡𐴀𐴌𐴡𐴃 𐴀𐴞𐴕𐴄𐴝𐴌𐴕𐴥𐴠𐴄 𐴑𐴤𐴟𐴓𐴞 𐴊𐴞𐴁𐴡𐴌 𐴓𐴝 𐴇𐴥𐴡𐴌𐴃𐴝𐴓 𐴒𐴡𐴙𐴅𐴧𐴙𐴠 𐴱 𐴀𐴥𐴞𐴃𐴝𐴌 𐴓𐴞𐴋𐴝𐴌𐴞𐴃 𐴇𐴥𐴡𐴌𐴃𐴝𐴓 𐴀𐴞𐴁𐴝 𐴏𐴟𐴆𐴙𐴠𐴓 𐴔𐴠𐴋𐴞𐴘𐴝𐴃 𐴀𐴥𐴡 𐴏𐴝𐴓𐴝𐴘𐴧𐴠 𐴱 𐴃𐴦𐴡𐴘 𐴁𐴡𐴌𐴔𐴤𐴝 𐴇𐴥𐴡𐴑𐴟𐴔𐴡𐴃𐴠 𐴀𐴥𐴠 𐴑𐴟 𐴔𐴥𐴙𐴟 𐴔𐴥𐴝𐴚 𐴄𐴥𐴗𐴠𐴚 𐴐𐴥𐴡𐴣𐴀 𐴐𐴥𐴡𐴌𐴞𐴑 𐴊𐴝𐴌 𐴷 𐴎𐴡𐴕𐴡𐴌𐴠 𐴹 𐴱 𐴀𐴡𐴔 𐴊𐴤𐴝𐴌𐴝 𐴓𐴡𐴘 𐴔𐴡𐴀𐴊𐴧𐴞𐴔𐴝 𐴑𐴤𐴙𐴓𐴧𐴙𐴠 𐴱 𐴀𐴝𐴌𐴑𐴝𐴕𐴡𐴃 𐴷 𐴃𐴝𐴕 𐴄𐴡𐴀𐴕𐴡𐴃 𐴓𐴝𐴌𐴥𐴝𐴙𐴌 𐴁𐴤𐴝𐴀𐴕𐴝 𐴊𐴞 𐴱 𐴲 / 𐴅𐴟𐴕 𐴹 𐴱 𐴰 𐴲 𐴀𐴞𐴚𐴌𐴝𐴎𐴞 𐴷 / 𐴀𐴝𐴐𐴥𐴝𐴌 𐴔𐴝𐴐𐴢 𐴱 𐴳 𐴲 𐴱 𐴌𐴟𐴇𐴝𐴙𐴚𐴒𐴙𐴝 𐴓𐴡𐴃𐴞 𐴁𐴡𐴌𐴔𐴤𐴝 𐴇𐴥𐴡𐴑𐴟𐴔𐴡𐴃𐴠 𐴱𐴱

𐴀𐴞𐴕𐴄𐴝𐴌𐴕𐴥𐴠𐴄 𐴁𐴡𐴕 𐴒𐴡𐴌𐴞 𐴊𐴞𐴘𐴠𐴊𐴠 𐴁𐴡𐴏𐴡𐴌 𐴉𐴟𐴌𐴝𐴘𐴧𐴠 𐴊𐴠 𐴀𐴥𐴠𐴃𐴡𐴌𐴓𐴝 𐴱 𐴑𐴤𐴟𐴓𐴞 𐴊𐴞𐴁𐴡𐴌𐴓𐴝 𐴀𐴝𐴌𐴑𐴝𐴕𐴡𐴌 𐴀𐴝𐴊𐴤𐴞𐴑𐴃𐴡𐴌 𐴐𐴥𐴡𐴀𐴌 𐴀𐴥𐴡𐴑𐴧𐴡𐴓𐴡𐴃 𐴀𐴝𐴌 𐴌𐴠𐴚𐴒𐴟𐴕𐴡𐴃 𐴇𐴥𐴡𐴌𐴃𐴝𐴓 𐴒𐴡𐴙𐴅𐴧𐴙𐴠 𐴱 𐴀𐴝𐴙𐴑𐴧𐴙𐴝𐴁 𐴐𐴥𐴡𐴀𐴌𐴡𐴌 𐴅𐴟𐴖𐴝𐴕 𐴀𐴥𐴡𐴑𐴧𐴡𐴓 𐴀𐴥𐴡 𐴔𐴞𐴓𐴞 𐴊𐴡𐴙𐴅𐴧𐴙𐴝𐴌 𐴏𐴡𐴌𐴡𐴃 𐴎𐴝𐴘 𐴇𐴥𐴡𐴌𐴃𐴝𐴓𐴡𐴌 𐴐𐴡𐴑𐴡𐴓 𐴁𐴝𐴕𐴝𐴘 𐴀𐴝𐴌𐴑𐴝𐴕𐴡𐴃 𐴀𐴞𐴕𐴄𐴝𐴌𐴕𐴥𐴠𐴄 𐴑𐴤𐴟𐴓𐴞 𐴊𐴞𐴃𐴡 𐴇𐴥𐴡𐴑𐴟𐴔𐴡𐴃𐴡𐴌 𐴈𐴝𐴣𐴏𐴠 𐴀𐴝𐴌𐴡𐴎 𐴒𐴡𐴙𐴅𐴧𐴙𐴠 𐴱 𐴀𐴝𐴌 𐴀𐴝𐴌𐴑𐴝𐴕𐴡𐴃 𐴀𐴞𐴕𐴏𐴝𐴕𐴞 𐴇𐴥𐴡𐴑 𐴁𐴠𐴐𐴥𐴞 𐴔𐴝𐴍𐴞 𐴀𐴥𐴡𐴌 𐴁𐴡𐴓𐴞 𐴈𐴡𐴘𐴧𐴠 𐴱 𐴇𐴥𐴡𐴌𐴃𐴝𐴓 𐴒𐴡𐴙𐴅𐴧𐴙𐴠 𐴊𐴠 𐴀𐴥𐴠𐴊𐴞𐴕 𐴀𐴥𐴝𐴣𐴎𐴡𐴙𐴕𐴧𐴝 𐴄𐴡𐴀𐴕𐴡𐴌 𐴀𐴥𐴟𐴑 𐴆𐴥𐴙𐴟𐴑 𐴌𐴥𐴠𐴔𐴤𐴟 𐴘𐴠 𐴱 𐴀𐴠𐴅𐴝𐴎𐴡𐴃 𐴕𐴡𐴓𐴡𐴘 𐴑𐴥𐴙𐴝 𐴃𐴟𐴣𐴖𐴝𐴣𐴌𐴝 𐴇𐴥𐴡𐴌𐴃𐴝𐴓 𐴒𐴡𐴙𐴅𐴧𐴡 ؟ 𐴈𐴦𐴡𐴘 𐴈𐴝𐴣𐴏𐴝𐴌𐴞𐴃 𐴔𐴝𐴃𐴝𐴘 𐴓𐴡𐴘 𐴒𐴞𐴘𐴠𐴊𐴠 𐴘𐴥𐴝 𐴀𐴥𐴠𐴍𐴠 𐴉𐴟𐴓𐴞𐴆 𐴁𐴡𐴘𐴍𐴥𐴝 𐴀𐴝𐴏𐴠𐴊𐴠 𐴀𐴥𐴟𐴀𐴕𐴠 𐴈𐴡𐴘𐴧𐴠𐴊𐴠 𐴱 𐴃𐴟𐴣𐴖𐴝𐴣𐴌𐴝𐴌𐴓𐴝 𐴹 𐴱 𐴀𐴡𐴔 𐴊𐴤𐴝𐴌𐴝 𐴓𐴡𐴘 𐴔𐴡𐴀𐴊𐴧𐴞𐴔𐴝 𐴑𐴤𐴟𐴓𐴝 𐴎𐴝𐴘𐴁𐴡 𐴁𐴡𐴓𐴞 𐴈𐴡𐴘𐴧𐴠 𐴱 𐴔𐴡𐴕𐴃𐴡𐴌 𐴀𐴥𐴠𐴈𐴡𐴕 𐴁𐴡𐴕 𐴒𐴡𐴌𐴞 𐴕𐴥𐴡𐴀 𐴌𐴝𐴑𐴠 𐴁𐴡𐴓𐴞 / 𐴑𐴟 𐴔𐴙𐴥𐴟 𐴔𐴥𐴝𐴚 𐴄𐴙𐴠𐴚𐴠 𐴈𐴡𐴘𐴧𐴠 𐴱 𐴔𐴡𐴕𐴃𐴡𐴌 𐴲 𐴲 𐴃𐴝𐴌𐴞𐴑𐴡𐴌 𐴊𐴞𐴕 𐴀𐴥𐴝𐴣𐴎𐴡𐴙𐴕𐴧𐴝 / 𐴑𐴟 𐴔𐴙𐴥𐴟 𐴔𐴥𐴝𐴚 𐴄𐴗𐴠𐴚 𐴐𐴥𐴡𐴣𐴀 𐴐𐴥𐴡𐴌𐴞𐴑𐴊𐴝𐴌 𐴷 𐴎𐴡𐴕 𐴁𐴠𐴙𐴒𐴧𐴟𐴕𐴡 𐴌𐴠 𐴉𐴟𐴓𐴞𐴆𐴠 𐴔𐴝𐴃𐴝𐴘 𐴃𐴡𐴊𐴝𐴌𐴟𐴑 𐴒𐴡𐴙𐴅𐴧𐴙𐴠 𐴁𐴡𐴓𐴞 𐴈𐴡𐴘𐴧𐴠 𐴱𐴱

Sources : https://www.bbc.com/burmese/burma-53137493