𐴒𐴝𐴔𐴁𐴞𐴘𐴝 𐴀𐴝𐴌 𐴁𐴡𐴌𐴔𐴤𐴝𐴌 𐴔𐴝𐴀𐴔𐴠𐴓𐴝 𐴌𐴠 𐴁𐴥𐴝𐴉𐴝 𐴏𐴞𐴕𐴃𐴝 𐴒𐴡𐴌𐴡𐴘𐴧𐴝 𐴀𐴥𐴡𐴑𐴧𐴡𐴓𐴡𐴌 𐴑𐴥𐴙𐴝𐴓 𐴱𐴱

𐴁𐴡𐴌𐴔𐴤𐴝 𐴇𐴥𐴡𐴑𐴟𐴔𐴡𐴃𐴠 𐴌𐴟𐴇𐴝𐴙𐴚𐴒𐴙𐴝𐴌 𐴀𐴞𐴕𐴏𐴝𐴕𐴞 𐴇𐴥𐴡𐴑 𐴔𐴝𐴍𐴞 𐴒𐴡𐴙𐴅𐴧𐴙𐴠𐴊𐴠 𐴘𐴥𐴝𐴕𐴡𐴌𐴓𐴝 𐴔𐴡𐴀𐴊𐴧𐴞𐴔𐴝 𐴑𐴤𐴟𐴙𐴓𐴧𐴠𐴊𐴠 𐴒𐴝𐴔𐴁𐴞𐴘𐴝𐴌 𐴀𐴟𐴑𐴞𐴓 𐴀𐴥𐴡𐴑𐴧𐴡𐴓𐴠 𐴱 𐴁𐴡𐴌𐴔𐴤𐴝𐴌 𐴔𐴠𐴓𐴠𐴄𐴠𐴌𐴞 𐴀𐴝𐴌 𐴉𐴟𐴓𐴞𐴆𐴡𐴌 𐴉𐴠𐴀𐴏𐴢 𐴁𐴦𐴟𐴑𐴡𐴌𐴃𐴟 𐴅𐴝𐴕𐴑𐴝𐴌𐴞 𐴀𐴥𐴡𐴑𐴧𐴡𐴓 𐴕𐴠𐴓𐴝𐴘 𐴊𐴞𐴃𐴡 𐴉𐴠𐴀𐴏𐴢 𐴁𐴦𐴟𐴑 𐴑𐴟𐴔𐴂𐴝𐴕𐴞 𐴌𐴠 𐴈𐴡𐴘𐴁𐴡𐴌𐴓𐴝 𐴱 𐴀𐴝𐴔𐴠𐴌𐴞𐴑𐴝𐴌 𐴖𐴝𐴐𐴞𐴚𐴄𐴡𐴕 𐴋𐴞𐴏𐴞𐴃 𐴀𐴝𐴏𐴠𐴊𐴠 𐴋𐴞𐴐𐴄𐴥𐴞𐴑 𐴀𐴝𐴊𐴝𐴓𐴡𐴃𐴡𐴌𐴠 𐴸 / 𐴃𐴝𐴌𐴞𐴑 𐴅𐴟𐴕𐴔𐴝𐴐𐴡𐴃 𐴈𐴦𐴡𐴘 𐴌𐴝𐴙𐴑𐴧𐴙𐴠 𐴱 𐴒𐴝𐴔𐴁𐴞𐴘𐴝𐴌 𐴀𐴟𐴑𐴞𐴓 𐴀𐴥𐴡𐴑𐴧𐴡𐴓𐴠 𐴖𐴝𐴐𐴞𐴚𐴄𐴡𐴕 𐴋𐴞𐴏𐴞𐴌 𐴋𐴞𐴐𐴄𐴥𐴞𐴑 𐴀𐴝𐴊𐴝𐴓𐴡𐴃𐴡 𐴌𐴠 𐴈𐴡𐴘𐴧𐴠𐴊𐴠 𐴘𐴥𐴝𐴕 𐴉𐴠𐴀𐴏𐴢 𐴁𐴦𐴟𐴑 𐴑𐴟𐴔𐴂𐴝𐴕𐴞 𐴘𐴠 𐴎𐴝𐴙𐴕𐴧𐴙𐴠 𐴁𐴡𐴓𐴞 𐴈𐴡𐴘𐴧𐴠 𐴱 𐴔𐴡𐴕𐴃𐴡𐴌 𐴋𐴞𐴐𐴄𐴥𐴞𐴑 𐴀𐴝𐴊𐴝𐴓𐴡𐴃𐴠 𐴈𐴡𐴕𐴥𐴡 𐴉𐴝𐴘𐴏𐴠𐴓𐴝𐴌 𐴁𐴝𐴁𐴡𐴃𐴠 𐴀𐴝𐴙𐴅𐴀𐴥𐴡 𐴑𐴠𐴙𐴏𐴧𐴟 𐴕𐴥𐴡 𐴈𐴡𐴀 𐴱𐴱

𐴌𐴠𐴚𐴒𐴟𐴕𐴡𐴃 𐴀𐴝𐴏𐴠𐴊𐴠 𐴐𐴥𐴝𐴕𐴃𐴞 𐴀𐴝𐴌 𐴑𐴡𐴖𐴔𐴞 𐴉𐴥𐴝𐴘𐴊𐴝 𐴏𐴝𐴀𐴊𐴠 𐴏𐴠𐴕𐴄𐴝𐴌𐴡𐴌𐴑𐴝𐴕𐴟𐴕𐴞 𐴁𐴟𐴊𐴧𐴞 𐴊𐴝𐴃𐴝 / 𐴋𐴝𐴑𐴄𐴡𐴌 𐴀𐴞𐴚 𐴋𐴡𐴌𐴟𐴚 𐴚𐴗𐴠𐴕 𐴆𐴥𐴙𐴟𐴚 𐴓𐴙𐴠𐴕𐴠 𐴈𐴡𐴘𐴧𐴠𐴊𐴠 , 𐴀𐴝𐴀𐴛 , 𐴒𐴝𐴔𐴁𐴞𐴘𐴝𐴌 𐴀𐴟𐴑𐴞𐴓 𐴀𐴥𐴡𐴑𐴧𐴡𐴓𐴠 , 𐴁𐴡𐴌𐴔𐴤𐴝𐴌 𐴔𐴠𐴓𐴠𐴄𐴠𐴌𐴞 𐴀𐴝𐴌 𐴉𐴟𐴓𐴞𐴆𐴡𐴌 𐴉𐴠𐴀𐴏𐴢 𐴁𐴦𐴟𐴑𐴡𐴌𐴃𐴟 𐴅𐴠𐴕𐴟𐴏𐴥𐴝𐴙𐴋 𐴂𐴟𐴌𐴟𐴉𐴢 𐴀𐴥𐴡𐴘𐴁𐴡𐴊𐴠 𐴀𐴥𐴠𐴕𐴋𐴞𐴓𐴧𐴝 𐴔𐴡𐴎𐴁𐴟𐴃 𐴈𐴡𐴕𐴥𐴡 𐴏𐴥𐴝𐴁𐴟𐴃 𐴉𐴝𐴘𐴁𐴡 𐴁𐴡𐴓𐴞 𐴕𐴡 𐴁𐴟𐴎𐴞𐴌 𐴱 𐴎𐴝𐴣𐴀 𐴇𐴥𐴡𐴑 𐴀𐴠𐴑𐴧𐴝𐴕 𐴔𐴝𐴀𐴕𐴠𐴓𐴝𐴌 𐴁𐴝𐴁𐴡𐴃𐴠 𐴎𐴠𐴃𐴡 𐴁𐴠𐴐𐴥𐴞 𐴅𐴝𐴕𐴑𐴝𐴌𐴞 𐴊𐴞𐴉𐴝𐴌𐴠 𐴃𐴡𐴃𐴡 𐴁𐴤𐴝𐴓𐴝 , 𐴘𐴥𐴝𐴕 𐴁𐴝𐴊𐴠 𐴀𐴝𐴌 𐴑𐴠𐴙𐴏𐴧𐴟 𐴕𐴥𐴝𐴘 𐴁𐴡𐴓𐴞 𐴀𐴝𐴌 𐴀𐴠𐴉𐴢 𐴀𐴠 𐴌𐴠 𐴈𐴡𐴘𐴧𐴠 𐴱 𐴔𐴠𐴓𐴠𐴄𐴠𐴌𐴞 𐴀𐴥𐴡𐴑𐴧𐴡𐴓𐴡𐴌 𐴉𐴠𐴀𐴏𐴢 𐴁𐴦𐴟𐴑𐴡𐴃 𐴓𐴠𐴑𐴤𐴝 𐴀𐴝𐴏𐴠𐴊𐴠 𐴅𐴝𐴕𐴑𐴝𐴌𐴞 𐴀𐴥𐴡𐴑𐴧𐴡𐴓 𐴅𐴠𐴕𐴡𐴏𐴥𐴝𐴙𐴋 𐴏𐴥𐴝𐴁𐴠𐴃 𐴒𐴡𐴌𐴞𐴁𐴡𐴌𐴓𐴝 𐴱 𐴎𐴡𐴌𐴟𐴌𐴞 𐴁𐴟𐴙𐴅𐴧𐴙𐴠 𐴊𐴠 𐴀𐴥𐴠𐴃𐴡𐴓𐴧𐴝 𐴒𐴝𐴔𐴁𐴞𐴘𐴝𐴌 𐴀𐴟𐴑𐴞𐴓 𐴀𐴥𐴡𐴑𐴧𐴡𐴓𐴠 𐴔𐴝𐴙𐴒𐴧𐴙𐴠𐴊 𐴁𐴡𐴓𐴞 𐴱𐴁𐴥𐴟𐴏𐴞𐴊𐴡𐴚𐴡𐴌 𐴉𐴟𐴌𐴝𐴕 𐴀𐴠𐴔𐴂𐴞 𐴀𐴥𐴟𐴀 𐴆𐴗𐴠 𐴔𐴡𐴚𐴠 𐴈𐴡𐴘𐴧𐴠 𐴱𐴱

Sources : https://www.rfa.org/burmese/program_2/gambia-myanmar-facebook-06162020203848.html