𐴎𐴝𐴃 𐴉𐴡𐴌𐴡𐴑 𐴒𐴡𐴌𐴞 𐴋𐴝𐴑𐴝𐴌 𐴁𐴠𐴌𐴟𐴊𐴧𐴡 𐴒𐴡𐴙𐴅𐴧𐴙𐴠 , 𐴏𐴟𐴆𐴙𐴠𐴓 𐴔𐴠𐴋𐴞𐴘𐴝𐴃 𐴱𐴱

𐴒𐴡𐴃𐴡 𐴇𐴥𐴝𐴉𐴃𐴝𐴃 𐴁𐴡𐴌𐴔𐴤𐴝𐴃 𐴀𐴞𐴕𐴋𐴞𐴘𐴠𐴕 𐴕𐴡𐴏𐴡𐴓 𐴱 𐴁𐴡𐴌𐴔𐴝𐴌 𐴊𐴠𐴐𐴡𐴙𐴃𐴧𐴝 𐴔𐴟𐴏𐴡𐴓𐴔𐴝𐴕 𐴅𐴟𐴖𐴝𐴕 𐴈𐴡𐴊𐴟𐴕𐴠 ( 𐴋𐴥𐴡𐴣𐴄 𐴑𐴦𐴡𐴓 𐴔𐴞 𐴑𐴡𐴓𐴥𐴝 ) ( 𐴀𐴝𐴣𐴀𐴌𐴠 𐴑𐴡𐴓𐴥𐴝 𐴕𐴡 𐴋𐴝𐴑𐴞𐴏𐴢 ) 𐴈𐴦𐴡𐴘 𐴏𐴟𐴆𐴠𐴙𐴓 𐴔𐴠𐴋𐴞𐴘𐴝𐴃 𐴈𐴝𐴔 𐴒𐴡𐴌𐴥𐴝 𐴐𐴥𐴟𐴌𐴟 𐴒𐴡𐴙𐴅𐴧𐴙𐴠 𐴱 𐴀𐴠𐴈𐴥𐴡𐴕 𐴀𐴠𐴈𐴥𐴡𐴕 𐴀𐴝𐴔𐴠𐴌𐴞𐴑𐴝𐴃 𐴎𐴝𐴃 𐴉𐴡𐴌𐴡𐴑 𐴒𐴡𐴌𐴥𐴝 ( 𐴁𐴠𐴓𐴥𐴠𐴑 𐴓𐴝𐴙𐴁𐴏𐴢 𐴔𐴠𐴄𐴥𐴝𐴌𐴏𐴢 ) 𐴏𐴟𐴓𐴟𐴒𐴦𐴝𐴕 𐴓𐴡𐴘 𐴏𐴡𐴓𐴠𐴌𐴊𐴠 𐴇𐴥𐴡𐴌𐴃𐴝𐴓 ( 𐴁𐴠𐴌𐴟𐴊𐴧𐴡𐴃𐴝 ) 𐴃𐴧𐴟 𐴕𐴡𐴔𐴟𐴕𐴝 𐴓𐴡𐴘 𐴱 𐴀𐴝𐴣𐴀𐴌𐴝 𐴌𐴠 𐴎𐴝𐴃 𐴉𐴡𐴌𐴡𐴑 𐴀𐴝𐴌 𐴀𐴥𐴞𐴕𐴆𐴝 𐴒𐴡𐴌𐴞 𐴑𐴡𐴓𐴥𐴝 𐴋𐴝𐴑𐴡𐴕 𐴀𐴝𐴣𐴀𐴌𐴝 𐴉𐴡𐴏𐴡𐴕 𐴕𐴡 𐴒𐴡𐴌𐴞𐴊𐴠 𐴘𐴥𐴝𐴕 𐴎𐴝𐴕𐴝𐴘𐴊𐴞𐴁𐴝𐴌 𐴔𐴡𐴑𐴏𐴡𐴊 𐴓𐴡𐴘 𐴏𐴟𐴆𐴠𐴙𐴓 𐴔𐴠𐴋𐴞𐴘𐴝𐴃 𐴈𐴝𐴔 𐴐𐴥𐴟𐴌𐴟 𐴒𐴡𐴙𐴅𐴧𐴙𐴠 𐴁𐴡𐴓𐴞 𐴅𐴟𐴖𐴝𐴕 𐴀𐴥𐴡𐴑𐴧𐴡𐴓𐴠 𐴈𐴡𐴘𐴧𐴠 𐴱 𐴑𐴠𐴏𐴧𐴟 𐴊𐴞𐴕 𐴀𐴝𐴒𐴠 𐴁𐴡𐴌𐴔𐴤𐴝𐴌 𐴊𐴠𐴐𐴡𐴙𐴃𐴧𐴝 𐴔𐴟𐴏𐴡𐴓𐴔𐴝𐴕 𐴅𐴟𐴖𐴝𐴕 𐴈𐴡𐴊𐴟𐴕𐴠 𐴉𐴠𐴀𐴏𐴢 ( Don’t Call Me Kalar , Don’t Call Me Kalarma )

𐴁𐴟𐴑𐴡𐴌 𐴂𐴡𐴌𐴡𐴉𐴥𐴝𐴙𐴓𐴡𐴃 𐴉𐴡𐴄𐴟𐴌 𐴁𐴡𐴊𐴡𐴓𐴝 𐴖𐴡𐴌𐴠 𐴓𐴠𐴑𐴤𐴝 𐴒𐴞𐴘𐴠𐴊𐴠 𐴱 𐴀𐴥𐴠𐴕𐴋𐴞𐴓𐴧𐴝 𐴓𐴠𐴑𐴤𐴝 𐴓𐴡𐴘 𐴉𐴡𐴄𐴟 𐴱𐴱

𐴁𐴝𐴕𐴝𐴘 𐴉𐴠𐴀𐴏𐴢 𐴁𐴟𐴑𐴡𐴃 𐴊𐴞𐴘𐴠𐴊𐴠 𐴀𐴥𐴞𐴀𐴕 𐴏𐴦𐴝𐴘 𐴀𐴥𐴞𐴃𐴝𐴌𐴝𐴌 𐴃𐴝𐴙𐴊 𐴒𐴡𐴌𐴞 𐴀𐴝𐴌𐴀𐴥𐴡 𐴁𐴡𐴖𐴃 𐴔𐴝𐴙𐴕𐴐𐴠 𐴒𐴡𐴙𐴅𐴧𐴙𐴠𐴊𐴠 𐴊𐴠𐴈𐴥𐴝 𐴒𐴞𐴘𐴠 𐴱 𐴀𐴠 𐴈𐴝𐴔 𐴘𐴦𐴝𐴕 𐴐𐴥𐴟𐴌𐴟 𐴒𐴡𐴙𐴅𐴧𐴙𐴠𐴊𐴠 𐴅𐴟𐴖𐴝𐴕 𐴀𐴥𐴞𐴁𐴝 𐴀𐴥𐴡𐴙𐴓 𐴊𐴠 𐴌𐴠𐴚𐴒𐴟𐴕𐴡𐴃 𐴃𐴥𐴝𐴑𐴠𐴊𐴠 / 𐴑𐴟 𐴎𐴠 𐴓𐴥𐴝𐴚 𐴔𐴗𐴠𐴣 𐴘𐴠 𐴱 𐴀𐴞𐴕𐴋𐴞𐴘𐴠𐴕 𐴕𐴡𐴏𐴡𐴓 𐴔𐴟𐴏𐴡𐴓𐴔𐴝𐴕 𐴀𐴥𐴡𐴑𐴧𐴡𐴓𐴡𐴌𐴠 𐴀𐴥𐴞𐴕𐴆𐴝 𐴒𐴡𐴌𐴞 𐴀𐴝𐴌 𐴎𐴝𐴃 𐴉𐴡𐴌𐴡𐴑 𐴒𐴡𐴌𐴞 𐴑𐴡𐴓𐴥𐴝 𐴋𐴝𐴑𐴠𐴌𐴊𐴠 𐴘𐴥𐴝𐴕 𐴀𐴦𐴝𐴛 𐴔𐴟𐴄𐴠 𐴘𐴥𐴡 𐴉𐴡𐴏𐴡𐴕 𐴕𐴡 𐴒𐴡𐴌𐴞 𐴊𐴠 𐴀𐴥𐴠𐴃𐴡𐴓𐴧𐴝 𐴈𐴝𐴔 𐴘𐴦𐴝𐴕 𐴐𐴥𐴟𐴌𐴟 𐴒𐴡𐴙𐴅𐴧𐴞 𐴊𐴠 𐴁𐴡𐴓𐴞 𐴈𐴡𐴘𐴧𐴠 𐴱 𐴑𐴡𐴓𐴥𐴝 𐴋𐴝𐴑𐴡𐴕𐴡𐴌 𐴖𐴡𐴌𐴠 𐴌𐴝𐴎𐴞 𐴕𐴡𐴃𐴥𐴝𐴑𐴞 𐴱 𐴈𐴝𐴔 𐴘𐴝𐴕 𐴐𐴥𐴌𐴟 𐴒𐴡𐴌𐴡𐴕𐴡𐴌 𐴎𐴡𐴌𐴞𐴘𐴝 𐴔𐴝𐴙𐴕𐴐𐴡𐴌 𐴁𐴥𐴟𐴃𐴡𐴌𐴠 𐴀𐴠𐴑𐴧𐴝𐴕 𐴂𐴡𐴎𐴞𐴄𐴥𐴞𐴁 𐴑𐴥𐴙𐴝𐴓 𐴕𐴠𐴓𐴞 𐴀𐴦𐴝𐴙𐴃 𐴉𐴝𐴌𐴠 𐴁𐴡𐴓𐴞 𐴀𐴞𐴕𐴏𐴝𐴕𐴞 𐴇𐴥𐴡𐴑𐴧𐴡𐴌 𐴈𐴝𐴔 𐴒𐴡𐴌𐴠𐴊𐴠 / 𐴑𐴟 𐴕𐴤𐴝𐴘 𐴑𐴞 𐴋𐴥𐴝𐴙𐴚 𐴔𐴗𐴠𐴣 𐴘𐴠 𐴈𐴡𐴘𐴧𐴠 𐴱 𐴁𐴤𐴡𐴊𐴧𐴡𐴌𐴡 𐴔𐴕𐴙𐴕𐴐𐴡𐴌 𐴋𐴦𐴝𐴙𐴃 𐴕𐴞𐴎𐴠 𐴉𐴡𐴏𐴡𐴕 𐴕𐴡 𐴒𐴡𐴌𐴠 𐴊𐴠 𐴀𐴥𐴠𐴕𐴋𐴞𐴓𐴧𐴝 𐴕𐴝𐴔 𐴓𐴡𐴘 𐴋𐴝𐴑𐴝 𐴀𐴠𐴏𐴃𐴠𐴔𐴝𐴓 𐴒𐴡𐴌𐴝 𐴌𐴠 𐴉𐴡𐴏𐴡𐴕 𐴕𐴡 𐴒𐴡𐴌𐴞 𐴊𐴠 𐴘𐴥𐴝𐴕 𐴊𐴠𐴈𐴥𐴝𐴘 𐴏𐴥𐴝𐴔𐴧𐴠 𐴕𐴡𐴋𐴝𐴑𐴠 𐴉𐴦𐴝𐴕 𐴑𐴠𐴙𐴏𐴧𐴟 𐴒𐴡𐴌𐴞𐴁𐴝𐴌 𐴎𐴞𐴔𐴧𐴝 𐴀𐴝𐴏𐴠 𐴁𐴡𐴓𐴞 / 𐴑𐴟 𐴎𐴠 𐴓𐴥𐴝𐴚 𐴔𐴗𐴠𐴣 𐴘𐴠 𐴈𐴡𐴘𐴧𐴠 𐴱𐴱

Sources : https://www.rfa.org/burmese/news/dont-call-me-kalar-campaign-06122020124502.html