𐴁𐴡𐴌𐴔𐴤𐴝𐴌 𐴔𐴠𐴓𐴠𐴄𐴠𐴌𐴞 𐴀𐴝𐴌 𐴉𐴟𐴓𐴞𐴆𐴡𐴌 𐴉𐴠𐴀𐴏𐴢 𐴁𐴟𐴑𐴡𐴌 𐴅𐴝𐴕𐴑𐴝𐴌𐴞 𐴊𐴞𐴁𐴡𐴌𐴓𐴝 𐴒𐴝𐴔𐴁𐴞𐴘𐴝 𐴘𐴠 𐴀𐴝𐴔𐴠𐴌𐴞𐴑𐴝 𐴌𐴠 𐴈𐴡𐴘𐴧𐴠 𐴱𐴱

𐴒𐴝𐴔𐴁𐴞𐴘𐴝 𐴘𐴠 𐴁𐴡𐴌𐴔𐴤𐴝 𐴇𐴥𐴡𐴑𐴟𐴔𐴡𐴃𐴡𐴌𐴓𐴝 ( 𐴀𐴝𐴘 𐴏𐴞 𐴅𐴠 ) 𐴃 𐴔𐴡𐴀𐴊𐴧𐴞𐴔𐴝 𐴑𐴤𐴟𐴙𐴓𐴧𐴙𐴠𐴊𐴠 𐴱 𐴀𐴥𐴠 𐴑𐴠𐴙𐴏𐴡𐴌 𐴁𐴝𐴁𐴡𐴃𐴠 𐴁𐴡𐴌𐴔𐴤𐴝𐴌 𐴔𐴠𐴓𐴠𐴄𐴠𐴌𐴞 𐴀𐴝𐴌 𐴉𐴟𐴓𐴞𐴆𐴡𐴌 𐴉𐴠𐴀𐴏𐴢 𐴁𐴟𐴑 𐴉𐴥𐴝𐴙𐴓 𐴀𐴝𐴌 𐴉𐴡𐴌𐴔𐴝𐴕𐴥𐴞𐴑 𐴀𐴥𐴡𐴑𐴧𐴡𐴓 𐴉𐴠𐴀𐴏𐴢 𐴁𐴟𐴑𐴡𐴌𐴃𐴟 𐴕𐴠𐴓𐴝𐴘 𐴘𐴡𐴌𐴠 𐴊𐴞𐴃𐴡 𐴀𐴡𐴋𐴝𐴌 𐴊𐴞𐴁𐴡𐴌𐴓𐴝 𐴒𐴝𐴔𐴁𐴞𐴘𐴝𐴌 𐴀𐴟𐴑𐴞𐴓 𐴀𐴥𐴡𐴑𐴧𐴡𐴓𐴠 𐴀𐴝𐴔𐴠𐴌𐴞𐴑𐴝𐴌𐴠 𐴀𐴝𐴂𐴞𐴓 𐴒𐴡𐴙𐴅𐴧𐴙𐴠 𐴱 𐴁𐴡𐴌𐴔𐴤𐴝 𐴘𐴠 𐴅𐴠𐴕𐴡𐴏𐴥𐴝𐴙𐴋 𐴕𐴡𐴒𐴡𐴌𐴡𐴕𐴡𐴌 𐴌𐴝𐴎𐴞𐴕𐴝𐴔𐴝𐴃 𐴏𐴥𐴝𐴙𐴕 𐴒𐴡𐴌𐴞 𐴁𐴝𐴊𐴠 𐴱 𐴕𐴡𐴔𐴝𐴕𐴞 𐴀𐴟𐴓𐴋𐴝 𐴒𐴡𐴙𐴅𐴧𐴙𐴠𐴊𐴠 𐴀𐴥𐴠𐴃𐴡𐴌𐴓𐴝 𐴊𐴠𐴐𐴁𐴞𐴊𐴠𐴐𐴞 𐴀𐴞𐴕𐴏𐴝𐴉𐴢 𐴑𐴦𐴟𐴄 ( 𐴀𐴝𐴘 𐴏𐴞 𐴅𐴠 ) 𐴃 𐴔𐴡𐴀𐴊𐴧𐴞𐴔𐴝 𐴏𐴡𐴓𐴠𐴌 𐴊𐴠 𐴘𐴥𐴝𐴕𐴡𐴌𐴓𐴝 𐴱 𐴒𐴝𐴔𐴁𐴞𐴘𐴝 𐴘𐴠 𐴉𐴡𐴌𐴔𐴝𐴕𐴡𐴌𐴓𐴧𐴝 𐴱 𐴉𐴠𐴀𐴏𐴢 𐴁𐴟𐴑𐴡𐴌 𐴅𐴝𐴕𐴑𐴝𐴌𐴞 𐴔𐴝𐴙𐴒𐴧𐴙𐴠𐴊𐴠 𐴁𐴡𐴓𐴞 / 𐴌𐴗𐴠𐴄𐴝𐴌 𐴈𐴥𐴡𐴁𐴡𐴌 𐴀𐴠𐴅𐴠𐴕𐴏𐴞 𐴘𐴠 𐴈𐴡𐴘𐴧𐴠 𐴱 𐴏𐴡𐴓𐴠𐴌𐴊𐴠 𐴅𐴟𐴕𐴔𐴝𐴐𐴡𐴌 𐴸 𐴃𐴝𐴌𐴞𐴑𐴡𐴃 𐴀𐴝𐴔𐴠𐴌𐴞𐴑𐴝𐴌 𐴑𐴟𐴓𐴠𐴔𐴁𐴞𐴘𐴝 𐴋𐴞𐴐𐴄𐴞𐴑𐴡𐴌 𐴀𐴝𐴊𐴝𐴓𐴡𐴃𐴡𐴌 𐴈𐴝𐴣𐴏𐴝𐴌𐴞𐴃 𐴀𐴥𐴞𐴕𐴡𐴌 𐴁𐴝𐴁𐴡𐴃𐴠 𐴀𐴝𐴂𐴞𐴓 𐴒𐴡𐴙𐴅𐴧𐴙𐴠𐴊𐴠 𐴱 𐴁𐴡𐴌𐴔𐴤𐴝𐴌 𐴔𐴠𐴓𐴠𐴄𐴠𐴌𐴞 𐴀𐴝𐴌 𐴉𐴟𐴓𐴞𐴆𐴡𐴌 𐴉𐴠𐴀𐴏𐴢 𐴁𐴟𐴑 𐴉𐴥𐴝𐴙𐴓 𐴀𐴥𐴡𐴑𐴧𐴡𐴓 , 𐴉𐴡𐴌𐴔𐴝𐴕𐴥𐴞𐴑 𐴀𐴥𐴡𐴑𐴧𐴡𐴓 𐴱𐴱

𐴅𐴝𐴕𐴑𐴝𐴌𐴞 𐴀𐴥𐴡𐴑𐴧𐴡𐴓 𐴕𐴠𐴓𐴝𐴘 𐴊𐴞𐴘𐴠 𐴘𐴝 𐴕𐴡𐴀𐴊𐴠 𐴱 𐴁𐴠𐴙𐴒𐴧𐴞𐴕 𐴕𐴠𐴓𐴝𐴘 𐴊𐴞𐴁𐴡𐴌𐴓𐴝 𐴒𐴝𐴔𐴁𐴞𐴘𐴝𐴌 𐴀𐴟𐴑𐴞𐴓 𐴀𐴥𐴡𐴑𐴧𐴡𐴓𐴠 𐴀𐴝𐴂𐴞𐴓 𐴒𐴡𐴙𐴅𐴧𐴙𐴠𐴊𐴠 𐴱 𐴒𐴝𐴔𐴁𐴞𐴘𐴝𐴌 𐴀𐴟𐴑𐴞𐴓 𐴀𐴥𐴡𐴑𐴧𐴡𐴓𐴠 𐴅𐴝𐴕𐴑𐴝𐴌𐴞 𐴔𐴝𐴙𐴒𐴧𐴙𐴠𐴊𐴠 𐴘𐴥𐴝𐴕 𐴉𐴠𐴀𐴏𐴢 𐴁𐴟𐴑 𐴑𐴟𐴔𐴂𐴝𐴕𐴞 𐴘𐴠 𐴎𐴝𐴕𐴞 𐴉𐴝𐴌𐴞 𐴘𐴡𐴌𐴠 𐴱 𐴏𐴥𐴡𐴔𐴁𐴡𐴊𐴤𐴞𐴃 𐴑𐴝𐴕𐴟𐴕 𐴔𐴡𐴎𐴞𐴕 𐴏𐴦𐴝𐴘 𐴱 𐴒𐴡𐴌𐴞 𐴎𐴝𐴘𐴁𐴡 𐴁𐴡𐴓𐴞 𐴌𐴂𐴠𐴄𐴝𐴌 𐴈𐴥𐴡𐴁𐴡𐴌 𐴀𐴠𐴅𐴠𐴕𐴏𐴞 𐴘𐴠 𐴓𐴠𐴙𐴑𐴧𐴙𐴠 𐴱 𐴒𐴝𐴔𐴁𐴞𐴘𐴝 𐴘𐴠 𐴔𐴝𐴙𐴒𐴧𐴙𐴠𐴊𐴠 𐴉𐴠𐴀𐴏𐴢 𐴁𐴟𐴑 𐴅𐴝𐴕𐴑𐴝𐴌𐴞𐴌 𐴁𐴥𐴟𐴃𐴡𐴌𐴠 𐴁𐴟𐴔𐴤𐴟 𐴆𐴥𐴙𐴟𐴑 / 𐴔𐴥𐴞𐴚 𐴀𐴡𐴚 𐴓𐴝𐴙𐴚𐴌 𐴉𐴠𐴀𐴏𐴢 𐴁𐴟𐴑𐴡𐴌 𐴅𐴝𐴕𐴑𐴝𐴌𐴞 𐴘𐴥𐴡 𐴀𐴝𐴏𐴠 / 𐴸 𐴱 𐴰 𐴲 𐴐𐴡𐴕𐴡𐴃 𐴉𐴠𐴀𐴏𐴢 𐴁𐴟𐴑 𐴀𐴠𐴑𐴦𐴡𐴣𐴄 𐴁𐴡𐴕 𐴒𐴡𐴙𐴅𐴧𐴞𐴀𐴓 𐴊𐴠 𐴰 𐴲 𐴖𐴥𐴝 𐴉𐴠𐴀𐴏𐴢 𐴁𐴟𐴑 𐴀𐴠𐴑𐴦𐴡𐴣𐴄𐴧𐴡𐴌 𐴅𐴝𐴕𐴑𐴝𐴌𐴞 𐴘𐴥𐴡 𐴀𐴝𐴏𐴠 𐴱 𐴀𐴥𐴞𐴃𐴝𐴌𐴝𐴌 𐴉𐴠𐴀𐴏𐴢 𐴁𐴟𐴑𐴡𐴌 𐴅𐴝𐴕𐴑𐴝𐴌𐴞 𐴀𐴥𐴡𐴑𐴧𐴡𐴓 𐴅𐴠𐴕𐴟𐴏𐴥𐴝𐴙𐴋𐴡𐴌 𐴁𐴝𐴁𐴡𐴃𐴠 𐴑𐴝𐴕𐴟𐴕𐴞 𐴏𐴥𐴝𐴁𐴟𐴃 𐴀𐴥𐴡𐴘𐴁𐴡 𐴁𐴡𐴓𐴞 𐴀𐴟𐴑𐴞𐴓 𐴀𐴥𐴡𐴑𐴧𐴡𐴓𐴠 𐴈𐴡𐴘𐴧𐴠 𐴱 𐴅𐴠𐴕𐴟𐴏𐴥𐴝𐴙𐴋 𐴏𐴥𐴝𐴁𐴟𐴃 𐴀𐴥𐴡𐴘𐴁𐴡𐴌𐴓𐴝 𐴱 𐴌𐴟𐴇𐴝𐴙𐴚𐴒𐴙𐴝 𐴑𐴡𐴖𐴔 𐴁𐴠𐴙𐴒𐴧𐴟𐴕𐴡𐴌𐴠 𐴘𐴝 𐴑𐴠𐴙𐴏𐴧𐴟𐴌𐴠 𐴉𐴥𐴟𐴌𐴝𐴘 𐴉𐴥𐴠𐴓𐴝𐴘𐴁𐴝𐴌 𐴕𐴙𐴡𐴃 𐴓𐴡𐴘 𐴎𐴟𐴓𐴟𐴔 𐴒𐴡𐴙𐴅𐴧𐴙𐴠𐴊𐴠 𐴀𐴥𐴠𐴀𐴕 𐴖𐴝𐴉𐴡𐴌𐴞𐴁𐴡 𐴱 𐴔𐴡𐴀𐴊𐴧𐴞𐴔𐴝 𐴏𐴥𐴝𐴉𐴢 𐴒𐴡𐴌𐴞 𐴉𐴥𐴟𐴕𐴝 𐴉𐴥𐴟𐴕𐴞 𐴀𐴥𐴡 𐴉𐴡𐴙𐴅𐴧𐴡𐴕𐴃𐴡 𐴱 𐴌𐴟𐴇𐴝𐴙𐴚𐴒𐴙𐴝𐴌𐴠 𐴅𐴠𐴕𐴡𐴏𐴥𐴝𐴙𐴋 𐴕𐴡𐴒𐴡𐴌𐴡𐴕 𐴀𐴝𐴌 𐴀𐴡𐴙𐴕𐴧𐴡 𐴈𐴡𐴕𐴥𐴡 𐴋𐴡𐴙𐴓𐴧𐴝 𐴀𐴝𐴃𐴡𐴚𐴁𐴝𐴊𐴞 𐴒𐴞𐴌𐴞 𐴘𐴥𐴡 𐴕𐴡 𐴒𐴡𐴌𐴡𐴕 𐴱 𐴀𐴝𐴘 𐴏𐴞 𐴅𐴠 𐴘𐴠 𐴁𐴡𐴌𐴔𐴤𐴝 𐴌𐴠 𐴐𐴡𐴌𐴡𐴃 𐴊𐴞𐴀𐴓𐴊𐴠 𐴏𐴝𐴙𐴌𐴒𐴥𐴝𐴕𐴡𐴌 𐴁𐴥𐴟𐴃𐴡𐴌 𐴀𐴝𐴏𐴠 𐴱𐴱

Sources : https://www.bbc.com/burmese/burma-53007480