𐴒𐴝𐴔𐴁𐴞𐴘𐴝 𐴘𐴠 𐴌𐴟𐴇𐴝𐴙𐴚𐴒𐴙𐴝𐴌 𐴔𐴝𐴀𐴔𐴠𐴓𐴝 𐴒𐴡𐴙𐴅𐴧𐴙𐴠𐴊𐴠 𐴘𐴥𐴝𐴕𐴡𐴃 𐴀𐴝𐴔𐴠𐴌𐴞𐴑𐴝 𐴘𐴠 𐴔𐴟𐴁𐴝𐴌𐴡𐴑 𐴁𐴝𐴊 𐴎𐴝𐴕𐴝𐴘𐴧𐴠 𐴱𐴱

𐴁𐴡𐴌𐴔𐴤𐴝 𐴇𐴥𐴡𐴑𐴟𐴔𐴡𐴃𐴠 𐴊𐴠𐴐𐴢 𐴏𐴥𐴡𐴉𐴝𐴙𐴌 𐴕𐴝𐴔𐴊𐴞 𐴷 𐴱 𐴰 𐴲 𐴐𐴡𐴕𐴡𐴃 𐴁𐴡𐴔𐴤𐴝𐴌 𐴊𐴠𐴐𐴡𐴙𐴃𐴧𐴝 𐴱 𐴈𐴡𐴔𐴐𐴡𐴙𐴚𐴒𐴙𐴝 𐴑𐴡𐴖𐴔 𐴌𐴟𐴇𐴝𐴙𐴚𐴒𐴙𐴝 𐴌𐴠 ( 𐴅𐴠𐴕𐴡𐴏𐴥𐴝𐴙𐴋 ) 𐴕𐴡𐴏𐴡𐴓 𐴉𐴥𐴟𐴌𐴝 𐴑𐴝𐴌𐴖𐴝𐴘 𐴒𐴡𐴙𐴅𐴧𐴙𐴠𐴊𐴠 𐴘𐴥𐴝𐴕𐴡𐴌𐴓𐴝 𐴱 𐴒𐴝𐴔𐴁𐴞𐴘𐴝 𐴘𐴠 , 𐴀𐴠 𐴎𐴟𐴓𐴟𐴔 𐴈𐴥𐴝𐴘𐴧𐴝 𐴑𐴡𐴖𐴔 𐴌𐴟𐴇𐴝𐴙𐴚𐴒𐴙𐴝𐴌 𐴃𐴡𐴌𐴉𐴡𐴌𐴃𐴟 𐴃𐴥𐴞𐴘𐴝𐴘 𐴱 𐴊𐴠𐴐𐴁𐴞𐴊𐴠𐴐𐴞 𐴀𐴞𐴕𐴏𐴝𐴉𐴢 𐴑𐴦𐴟𐴄 ( 𐴀𐴝𐴘 𐴏𐴞 𐴅𐴠 ) 𐴃 𐴁𐴡𐴌𐴔𐴤𐴝 𐴌𐴠 𐴀𐴝𐴐𐴥𐴝𐴔𐴞 𐴁𐴝𐴕𐴝𐴘 𐴔𐴡𐴀𐴊𐴧𐴞𐴔𐴝 𐴑𐴤𐴟𐴓𐴞 𐴱 𐴁𐴡𐴌𐴔𐴤𐴝 𐴇𐴥𐴡𐴑𐴟𐴔𐴡𐴃𐴡𐴌𐴠 𐴑𐴦𐴟𐴍𐴡𐴃 𐴁𐴞𐴏𐴝𐴌 𐴒𐴡𐴌𐴞𐴁𐴡𐴌𐴓𐴝 𐴃𐴟𐴓𐴞 𐴉𐴝𐴙𐴅𐴧𐴙𐴠𐴊𐴠 𐴘𐴥𐴝𐴕 𐴱 𐴉𐴝𐴑𐴧𐴝 𐴑𐴝𐴔𐴞𐴘𐴝𐴁𐴞 𐴁𐴡𐴓𐴞 , 𐴒𐴡𐴃𐴡 𐴈𐴝𐴙𐴓𐴧𐴝 𐴊𐴠𐴐𐴁𐴞𐴊𐴠𐴐𐴞 𐴊𐴤𐴡𐴌𐴔𐴡𐴌 𐴀𐴝𐴎𐴝𐴊𐴞𐴌 𐴁𐴝𐴁𐴡𐴃𐴠 𐴒𐴡𐴙𐴅𐴧𐴙𐴠𐴊𐴠 𐴈𐴥𐴡𐴁𐴡𐴌𐴞 𐴔𐴡𐴅𐴓𐴞𐴏𐴡𐴌 𐴌𐴠𐴂𐴟𐴄𐴡𐴃 𐴱 𐴀𐴝𐴔𐴠𐴌𐴞𐴑𐴝𐴌 𐴁𐴡𐴘𐴊𐴠𐴐𐴢 𐴀𐴟𐴎𐴞𐴌 / 𐴔𐴥𐴝𐴙𐴑 𐴂𐴗𐴠𐴕 𐴂𐴞𐴘𐴟 𐴘𐴠 𐴈𐴡𐴘𐴧𐴠 𐴱𐴱

𐴀𐴝𐴌 𐴌𐴠𐴂𐴟𐴄 𐴘𐴥𐴝𐴕𐴡𐴃 𐴁𐴡𐴌𐴔𐴤𐴝 𐴔𐴟𐴓𐴧𐴟𐴑 𐴈𐴡𐴊𐴠 𐴊𐴠𐴐𐴢 𐴘𐴥𐴝𐴕 𐴊𐴤𐴡𐴌𐴔𐴡𐴌 𐴀𐴝𐴎𐴝𐴊𐴞 𐴕𐴥𐴝𐴘𐴊𐴠 𐴊𐴠𐴐𐴢 𐴁𐴡𐴓𐴞 𐴔𐴝𐴕𐴞 𐴓𐴡𐴘𐴧𐴠𐴊𐴠 𐴘𐴥𐴝𐴕𐴀𐴥𐴡 𐴓𐴡𐴃 𐴉𐴝𐴒𐴞𐴘𐴠 𐴱 𐴀𐴝𐴔𐴠𐴌𐴞𐴑𐴝𐴌 𐴁𐴡𐴘𐴊𐴠𐴐𐴢 𐴀𐴟𐴎𐴞𐴌𐴡𐴌 𐴀𐴡𐴉𐴞𐴏𐴡𐴌𐴃𐴟 𐴹 𐴱 𐴰 𐴲 𐴐𐴡𐴕𐴡𐴌 𐴊𐴤𐴡𐴌𐴔𐴡𐴌 𐴀𐴝𐴎𐴝𐴊𐴞𐴌 𐴐𐴥𐴡𐴔𐴁𐴡𐴕𐴊𐴠 𐴕𐴠𐴓𐴝𐴘𐴧𐴠𐴊𐴠 𐴌𐴠𐴂𐴄𐴡𐴃 𐴱 𐴓𐴠𐴙𐴑𐴧𐴙𐴠𐴊𐴠 , 𐴹 𐴱 𐴰 𐴲 𐴐𐴡𐴕𐴡𐴃 𐴒𐴟𐴣𐴍𐴝 𐴊𐴟𐴕𐴞𐴘𐴝𐴙𐴃 𐴊𐴤𐴡𐴌𐴔𐴞𐴘𐴡 𐴀𐴝𐴎𐴝𐴊𐴞𐴌 𐴇𐴥𐴡𐴑 𐴔𐴝𐴍𐴞 𐴀𐴥𐴡𐴘𐴧𐴠 𐴱 𐴀𐴠 𐴁𐴡𐴏𐴡𐴌 𐴑𐴡𐴌𐴟𐴕𐴝 𐴖𐴝𐴘𐴌𐴠𐴏𐴡𐴌 𐴁𐴥𐴝𐴀𐴕𐴝 𐴓𐴡𐴘 𐴊𐴤𐴡𐴌𐴔𐴞𐴘𐴡 𐴀𐴝𐴎𐴝𐴊𐴞𐴌 𐴇𐴥𐴡𐴑 𐴀𐴝𐴌𐴀𐴥𐴡 𐴁𐴠𐴐𐴥𐴞 𐴔𐴝𐴍𐴞 𐴀𐴥𐴡𐴘𐴧𐴠 𐴁𐴡𐴓𐴞 𐴀𐴝𐴔𐴠𐴌𐴞𐴑𐴝𐴌 𐴁𐴡𐴘𐴊𐴠𐴐𐴢 𐴀𐴟𐴎𐴞𐴌 / 𐴔𐴥𐴝𐴙𐴑 𐴂𐴗𐴠𐴕 𐴂𐴞𐴘𐴟 𐴘𐴠 𐴈𐴡𐴘𐴧𐴠 𐴱 𐴀𐴠 𐴁𐴡𐴏𐴡𐴌 𐴀𐴝𐴔𐴠𐴌𐴞𐴑𐴝𐴌 𐴇𐴥𐴡𐴑𐴟𐴔𐴡𐴃𐴠 𐴊𐴤𐴡𐴌𐴔𐴞𐴘𐴡 𐴀𐴝𐴎𐴝𐴊𐴞𐴌 𐴁𐴝𐴁𐴡𐴃𐴠 𐴊𐴠𐴐𐴁𐴞𐴊𐴠𐴐𐴢 𐴔𐴞𐴓𐴝𐴘 𐴁𐴝𐴕𐴝𐴘𐴧𐴠𐴊𐴠 𐴃𐴡𐴕𐴎𐴞𐴔𐴡𐴌 𐴱 𐴔𐴞𐴔𐴁𐴡𐴌 𐴊𐴠𐴐𐴢 𐴒𐴝𐴔𐴁𐴞𐴘𐴝 𐴘𐴠 𐴌𐴟𐴇𐴝𐴙𐴚𐴒𐴙𐴝𐴌 𐴔𐴝𐴀𐴔𐴠𐴓𐴝 𐴓𐴡𐴘 𐴁𐴡𐴌𐴔𐴤𐴝 𐴌𐴠 𐴀𐴝𐴐𐴥𐴝𐴔𐴞 𐴁𐴝𐴕𐴝𐴘 𐴊𐴠𐴐𐴁𐴞𐴊𐴠𐴐𐴞 𐴀𐴞𐴕𐴏𐴝𐴉𐴢 𐴑𐴦𐴟𐴄 ( 𐴀𐴝𐴘 𐴏𐴞 𐴅𐴠 ) 𐴃 𐴔𐴡𐴀𐴊𐴧𐴞𐴔𐴝 𐴑𐴤𐴟𐴓𐴞 𐴁𐴡𐴌𐴔𐴤𐴝 𐴌𐴠 𐴑𐴦𐴟𐴍𐴡𐴃 𐴃𐴟𐴙𐴓𐴧𐴙𐴠𐴊𐴠 𐴘𐴥𐴝𐴕 𐴋𐴦𐴡𐴣𐴌 𐴁𐴦𐴝𐴊𐴟𐴌𐴞 𐴈𐴝𐴔 𐴁𐴡𐴓𐴞 𐴈𐴡𐴘𐴧𐴠 𐴱𐴱

𐴀𐴝𐴔𐴠𐴌𐴞𐴑𐴝𐴌 𐴁𐴡𐴘𐴊𐴞𐴐𐴢 𐴀𐴟𐴎𐴞𐴌 / 𐴔𐴥𐴝𐴙𐴑 𐴂𐴗𐴠𐴕 𐴂𐴞𐴘𐴟 𐴘𐴠 𐴒𐴝𐴔𐴁𐴞𐴘𐴝 𐴌𐴠 𐴔𐴟𐴌𐴡 𐴁𐴝𐴊 𐴎𐴝𐴕𐴝𐴘𐴧𐴠 𐴱 𐴊𐴟𐴕𐴞𐴘𐴝𐴙𐴃 𐴊𐴤𐴡𐴌𐴔𐴞𐴘𐴡 𐴀𐴝𐴎𐴝𐴊𐴞 𐴀𐴥𐴡𐴘 𐴉𐴝𐴌𐴞𐴁𐴡𐴌𐴓𐴝 𐴀𐴠𐴑𐴧𐴝𐴕 𐴖𐴝𐴊𐴝𐴕𐴝𐴔𐴝𐴃 𐴏𐴥𐴝𐴙𐴕 𐴒𐴡𐴌𐴥𐴝 𐴀𐴥𐴡𐴘𐴧𐴠 𐴱 𐴀𐴥𐴠 𐴔𐴡𐴎𐴞𐴕 𐴀𐴝𐴔𐴠𐴌𐴞𐴑𐴝𐴌 𐴏𐴥𐴡𐴉𐴞𐴌 𐴀𐴥𐴡𐴑𐴧𐴡𐴓𐴡𐴌𐴠 𐴊𐴤𐴡𐴌𐴔𐴡𐴌 𐴁𐴝𐴁𐴡𐴃𐴠 𐴁𐴠𐴐𐴥𐴞 𐴒𐴡𐴌𐴞 𐴐𐴥𐴞𐴑𐴧𐴝 𐴊𐴞𐴘𐴝𐴎𐴝𐴌 𐴱 𐴁𐴡𐴌𐴔𐴤𐴝 𐴒𐴟𐴣𐴍𐴝𐴃 𐴹 𐴱 𐴰 𐴲 𐴐𐴡𐴕𐴡𐴌 𐴌𐴠𐴂𐴟𐴄 𐴔𐴡𐴎𐴞𐴕 𐴊𐴤𐴡𐴌𐴔𐴞𐴘𐴡 𐴀𐴝𐴎𐴝𐴊𐴞𐴌 𐴇𐴥𐴡𐴑 𐴁𐴠𐴐𐴥𐴞 𐴔𐴝𐴍𐴞 𐴀𐴥𐴡𐴘𐴧𐴠 𐴱 𐴌𐴟𐴇𐴝𐴙𐴚𐴒𐴙𐴝 𐴔𐴟𐴏𐴡𐴓𐴔𐴝𐴕𐴡𐴌 𐴊𐴤𐴡𐴌𐴔𐴞𐴘𐴡 𐴀𐴝𐴎𐴝𐴊𐴞 𐴇𐴥𐴡𐴑 𐴔𐴝𐴍𐴞 𐴀𐴥𐴡𐴕𐴠 𐴆𐴥𐴡𐴚𐴑𐴡𐴄 𐴐𐴥𐴟𐴌𐴟 𐴀𐴥𐴡𐴘𐴧𐴠 𐴱 𐴀𐴥𐴠𐴕𐴋𐴞𐴓𐴧𐴝 𐴑𐴞𐴌𐴞𐴏𐴃𐴝𐴕 𐴀𐴥𐴡𐴑𐴧𐴡𐴓 𐴓𐴡𐴘𐴀𐴥𐴡 𐴐𐴥𐴟𐴌𐴟 𐴀𐴥𐴡𐴘𐴧𐴠 𐴱 𐴁𐴡𐴌𐴔𐴤𐴝 𐴇𐴥𐴡𐴑𐴟𐴔𐴡𐴃 𐴀𐴝𐴌 𐴈𐴡𐴙𐴔𐴐𐴡𐴙𐴚𐴒𐴙𐴝 𐴑𐴡𐴖𐴔𐴡𐴌 𐴀𐴥𐴝𐴣𐴃𐴞𐴘𐴝𐴌𐴞 𐴋𐴦𐴝𐴙𐴌 𐴔𐴝𐴎𐴠 𐴓𐴝𐴌𐴥𐴝𐴘 𐴏𐴡𐴓𐴡𐴕𐴠 𐴑𐴡𐴖𐴔 𐴀𐴥𐴡𐴑𐴧𐴡𐴓𐴡𐴌 𐴖𐴡𐴌𐴠 𐴁𐴠𐴐𐴥𐴞 𐴏𐴞𐴂𐴢 𐴉𐴡𐴙𐴅𐴧𐴙𐴠 𐴱 𐴁𐴡𐴌𐴔𐴤𐴝𐴃 𐴀𐴞𐴕𐴄𐴝𐴌𐴕𐴥𐴠𐴄 𐴀𐴝𐴌 𐴏𐴟𐴆𐴠𐴙𐴓 𐴔𐴠𐴋𐴞𐴘𐴝𐴌 𐴎𐴡𐴌𐴞𐴘𐴝 𐴈𐴡𐴔𐴐𐴡𐴙𐴚𐴒𐴙𐴝 𐴑𐴡𐴖𐴔𐴡𐴌 𐴁𐴝𐴁𐴡𐴃𐴠 𐴔𐴞𐴏𐴥𐴝 𐴈𐴥𐴡𐴁𐴡𐴌 𐴀𐴝𐴌 𐴃𐴥𐴠𐴐𐴠𐴌𐴝𐴙𐴕𐴧𐴝 𐴈𐴥𐴡𐴁𐴡𐴌 𐴀𐴥𐴡𐴑𐴧𐴡𐴓 𐴓𐴝𐴒𐴝𐴃𐴝𐴌 𐴓𐴡𐴃 𐴉𐴝𐴎𐴝𐴌 𐴱 𐴱

Sources : https://www.rfa.org/burmese/news/us-praised-gambia-over-rohingya-issue-06102020192547.html