𐴀𐴝𐴣𐴀𐴌𐴝 𐴀𐴝𐴌𐴀𐴥𐴡𐴁𐴠𐴐𐴥𐴞 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴒𐴡𐴏𐴥𐴞 𐴕𐴡 𐴉𐴝𐴙𐴅𐴧𐴙𐴟𐴔 𐴁𐴡𐴓𐴞 𐴀𐴟𐴏𐴡𐴓 𐴃𐴡𐴑𐴧𐴝𐴌 𐴀𐴟𐴎𐴞𐴌𐴠 𐴈𐴡𐴘𐴧𐴠 𐴱𐴱

𐴔𐴡𐴓𐴠𐴆𐴥𐴙𐴝𐴌 𐴇𐴥𐴡𐴑𐴟𐴔𐴡𐴃𐴠 𐴈𐴡𐴘𐴧𐴠𐴊𐴠 𐴱 𐴀𐴝𐴣𐴀𐴌𐴝𐴌 𐴊𐴠𐴐𐴡𐴃 𐴌𐴟𐴇𐴝𐴣𐴚𐴒𐴙𐴝 𐴌𐴞𐴉𐴟𐴎𐴞 𐴃𐴥𐴝𐴑𐴞𐴁𐴡𐴌 𐴓𐴝 𐴀𐴝𐴌 𐴀𐴠𐴅𐴝𐴎𐴡𐴃 𐴊𐴞 𐴕𐴡 𐴉𐴝𐴙𐴅𐴧𐴙𐴟𐴔 𐴈𐴥𐴝𐴀𐴏𐴒𐴡𐴌𐴞 𐴁𐴝𐴚𐴓𐴝𐴊𐴠𐴐𐴢 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴌𐴃𐴟 𐴀𐴝𐴘𐴧𐴠𐴊𐴠 𐴀𐴥𐴞𐴃𐴝𐴌𐴝𐴌𐴠 𐴱 𐴉𐴟𐴏𐴥𐴝𐴌 𐴀𐴥𐴝𐴏𐴝𐴌 𐴒𐴡𐴌𐴠𐴌 𐴊𐴠 𐴀𐴥𐴠𐴍𐴠 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴀𐴥𐴡𐴑𐴧𐴡𐴓𐴠 𐴏𐴝𐴓𐴝𐴘𐴧𐴠𐴊𐴠 𐴎𐴟𐴑𐴃𐴞 , 𐴑𐴟𐴐𐴥𐴡𐴓 𐴀𐴥𐴞𐴕𐴡𐴌 𐴎𐴡𐴌𐴞𐴘𐴝 𐴱 𐴔𐴡𐴓𐴠𐴆𐴥𐴙𐴝𐴌 𐴇𐴥𐴡𐴑𐴟𐴔𐴡𐴃𐴡𐴌𐴃𐴟 𐴀𐴥𐴞𐴃𐴝𐴌𐴝𐴌𐴠 𐴌𐴝𐴑𐴡𐴕 𐴔𐴡𐴐𐴑𐴞𐴓 𐴀𐴥𐴡𐴘𐴧𐴠 𐴁𐴡𐴓𐴞 𐴱 𐴀𐴟𐴏𐴡𐴓 𐴃𐴡𐴑𐴧𐴝𐴌 𐴇𐴠𐴉𐴝𐴎𐴡𐴃𐴞 𐴀𐴟𐴎𐴞𐴌 / 𐴀𐴞𐴏𐴔𐴝𐴀𐴞𐴓 𐴏𐴝𐴁𐴠𐴌𐴞 𐴘𐴝𐴑𐴟𐴁𐴠 𐴈𐴡𐴘𐴧𐴠 𐴱 𐴀𐴞𐴏𐴔𐴝𐴀𐴞𐴓𐴠 𐴀𐴝𐴌𐴀𐴥𐴡 𐴈𐴡𐴘𐴧𐴠𐴊𐴠 , 𐴌𐴞𐴉𐴟𐴎𐴞 𐴀𐴟𐴕𐴡𐴌𐴠 𐴀𐴥𐴡𐴘𐴓𐴠 𐴑𐴡𐴑𐴆 𐴁𐴝𐴎𐴝𐴌 𐴀𐴠𐴓𐴝𐴑𐴝𐴌 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃 𐴱 𐴕𐴡𐴀𐴥𐴘𐴓𐴠 𐴁𐴤𐴝𐴐𐴡𐴕 𐴏𐴡𐴌𐴡𐴃 𐴉𐴦𐴡𐴣𐴏𐴝𐴘 𐴊𐴞𐴁𐴝𐴌 𐴁𐴝𐴁𐴡𐴃𐴠 𐴁𐴝𐴚𐴓𐴝𐴊𐴠𐴐𐴢 𐴓𐴡𐴘 𐴔𐴡𐴐𐴖𐴝𐴌𐴝 𐴒𐴡𐴌𐴞𐴁𐴡𐴌𐴓𐴝 𐴱 𐴔𐴡𐴓𐴠𐴆𐴥𐴙𐴝𐴌 𐴁𐴞𐴊𐴠𐴐𐴢 𐴀𐴟𐴎𐴞𐴌 𐴀𐴡𐴉𐴞𐴏𐴡𐴌𐴠 𐴈𐴟𐴖𐴝 𐴒𐴞𐴘𐴠 𐴱𐴱

𐴘𐴝𐴃𐴡 𐴎𐴠𐴈𐴡𐴕𐴥𐴡 𐴃𐴞𐴕𐴀𐴡𐴔 𐴔𐴟𐴓𐴧𐴟𐴑𐴡𐴃 𐴉𐴦𐴡𐴣𐴏𐴝𐴘 𐴊𐴞𐴁𐴡𐴌𐴓𐴝 ( 𐴘𐴟 𐴀𐴠𐴕 𐴀𐴠𐴆 𐴏𐴞 𐴀𐴝𐴌 ) 𐴓𐴡𐴘 𐴔𐴡𐴐𐴖𐴝𐴌𐴝 𐴒𐴡𐴌𐴞𐴁𐴡 𐴁𐴡𐴓𐴞 𐴘𐴥𐴡 𐴀𐴞𐴏𐴔𐴝𐴀𐴞𐴓𐴠 𐴈𐴡𐴘𐴧𐴠 𐴱 𐴁𐴡𐴖𐴃 𐴊𐴠𐴐 𐴀𐴥𐴡𐴑𐴧𐴡𐴓𐴠 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞𐴌 𐴁𐴝𐴁𐴡𐴃𐴠 𐴔𐴡𐴓𐴠𐴆𐴥𐴙𐴝𐴌 𐴉𐴝𐴘𐴏𐴠𐴓𐴝𐴌𐴠 𐴀𐴞𐴕𐴏𐴝𐴕𐴙𐴡𐴃𐴞 𐴕𐴦𐴡 𐴈𐴡𐴘 𐴀𐴠𐴓𐴎𐴝𐴔 𐴊𐴞𐴘𐴠 𐴱 𐴀𐴥𐴠𐴃𐴡𐴓𐴧𐴝 𐴊𐴠𐴐𐴢 𐴀𐴥𐴞𐴕𐴡𐴃 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴌𐴠 𐴕𐴞𐴁𐴡𐴌𐴓𐴝 𐴈𐴗𐴝𐴈𐴦𐴡𐴘 𐴒𐴡𐴙𐴃𐴧𐴡 𐴔𐴡𐴓𐴠𐴆𐴥𐴙𐴌 𐴇𐴥𐴡𐴑𐴟𐴔𐴡𐴃𐴠 𐴔𐴡𐴓𐴠𐴆𐴥𐴙𐴝𐴌 𐴁𐴞𐴊𐴠𐴐𐴢 𐴀𐴟𐴎𐴞𐴌 𐴀𐴡𐴉𐴞𐴏𐴡𐴌𐴠 𐴈𐴡𐴘𐴁𐴡 𐴁𐴡𐴓𐴞 𐴘𐴥𐴡 𐴀𐴞𐴏𐴔𐴝𐴀𐴞𐴓𐴠 𐴈𐴡𐴘𐴧𐴠 𐴱 𐴁𐴡𐴖𐴃 𐴊𐴠𐴐𐴢 𐴀𐴥𐴡𐴑𐴧𐴡𐴓𐴠 𐴱 𐴵 𐴹 𐴱 𐴀𐴞𐴚𐴌𐴝𐴎𐴞 𐴳 𐴶 𐴱 𐴱 𐴌𐴟𐴇𐴝𐴙𐴚𐴒𐴙𐴝 𐴐𐴡𐴕𐴡𐴃 𐴱 𐴌𐴞𐴉𐴟𐴎𐴞 𐴑𐴡𐴕𐴖𐴠𐴕𐴆𐴠𐴕𐴡𐴃 𐴏𐴥𐴝𐴙𐴕 𐴒𐴡𐴙𐴅𐴧𐴙𐴠 𐴊𐴠 𐴀𐴝𐴏𐴠 𐴀𐴥𐴞𐴃𐴝𐴌𐴝 𐴀𐴝𐴣𐴀𐴌𐴝𐴌 𐴖𐴡𐴌𐴠 𐴑𐴙𐴥𐴝 𐴉𐴟𐴣𐴎𐴥𐴝𐴃𐴟𐴓𐴞𐴊𐴞 𐴌𐴝𐴙𐴑𐴧𐴙𐴠 𐴱 𐴀𐴥𐴞𐴃𐴝𐴌𐴝𐴌𐴃𐴟 𐴘𐴥𐴡 𐴌𐴟𐴇𐴝𐴙𐴚𐴒𐴙𐴝 𐴌𐴠 𐴌𐴝𐴑𐴡𐴕 𐴏𐴥𐴝𐴀 𐴱 𐴀𐴝𐴣𐴀𐴌𐴝 𐴀𐴝𐴌𐴀𐴥𐴡 𐴁𐴠𐴐𐴥𐴞 𐴌𐴞𐴉𐴟𐴎𐴞 𐴌𐴝𐴑𐴤𐴞 𐴉𐴝𐴙𐴃𐴧𐴝𐴔 𐴕𐴦𐴡 𐴱 𐴎𐴡𐴊𐴞 𐴌𐴞𐴉𐴟𐴎𐴞 𐴑𐴡𐴕𐴖𐴠𐴕𐴆𐴥𐴠𐴕𐴡𐴃 𐴏𐴥𐴝𐴙𐴕 𐴒𐴡𐴙𐴅𐴧𐴙𐴠𐴊𐴠 𐴊𐴠𐴐𐴢 𐴀𐴥𐴡𐴑𐴧𐴡𐴓 𐴉𐴥𐴟𐴣𐴖𐴝𐴣𐴃𐴞 𐴁𐴠𐴙𐴒𐴧𐴞𐴕𐴠 𐴔𐴝𐴃𐴥𐴞𐴃𐴡 𐴌𐴟𐴇𐴝𐴙𐴚𐴒𐴙𐴝𐴌 𐴀𐴞𐴐𐴥𐴟𐴌 𐴀𐴟𐴉𐴥𐴝𐴘 𐴕𐴠𐴓𐴞 𐴎𐴝𐴘𐴃𐴡 𐴒𐴥𐴡𐴘 𐴁𐴡𐴓𐴞 𐴀𐴞𐴏𐴔𐴝𐴀𐴞𐴓𐴠 𐴈𐴡𐴘𐴧𐴠 𐴱𐴱 

Sources : https://www.freemalaysiatoday.com/category/nation/2020/06/09/we-cant-accept-any-more-rohingya-refugees-says-senior-minister/