𐴹 𐴶 𐴲 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴁𐴟𐴍𐴡𐴌𐴃𐴟 𐴃𐴟𐴓𐴞 𐴓𐴡𐴚𐴑𐴝𐴖𐴞𐴃 𐴁𐴡𐴕 𐴒𐴡𐴙𐴅𐴧𐴙𐴠 𐴱𐴱

𐴀𐴠𐴑𐴧𐴝𐴕 𐴁𐴟𐴄 𐴎𐴞𐴘𐴝𐴕𐴡𐴃 𐴀𐴠𐴑 𐴎𐴡𐴕 𐴔𐴡𐴌𐴝 𐴔𐴝𐴕𐴙𐴐𐴢 𐴀𐴝𐴌 𐴹 𐴶 𐴲 𐴎𐴡𐴕 𐴎𐴞𐴛𐴝𐴃𐴝 𐴌𐴟𐴇𐴝𐴙𐴚𐴒𐴙𐴝 𐴓𐴡𐴘 𐴁𐴤𐴡𐴌𐴝𐴘𐴧𐴝 𐴱 𐴔𐴡𐴓𐴠𐴆𐴥𐴙𐴝𐴌 𐴓𐴡𐴚𐴑𐴝𐴖𐴞 𐴀𐴠𐴓𐴝𐴑𐴝𐴌 𐴊𐴡𐴙𐴅𐴧𐴙𐴝 𐴏𐴦𐴡𐴛 𐴉𐴟𐴓𐴞𐴆𐴠 𐴓𐴦𐴡𐴃 𐴉𐴝𐴘 𐴱 𐴉𐴥𐴞𐴌𐴝𐴘 𐴊𐴞𐴁𐴡𐴌𐴓𐴝 𐴁𐴠𐴐𐴥𐴞 𐴑𐴟𐴐𐴞𐴐𐴢 𐴒𐴡𐴙𐴅𐴧𐴙𐴠 𐴔𐴡𐴕𐴃𐴡𐴌 𐴁𐴟𐴍𐴡𐴌 𐴀𐴞𐴕𐴅𐴞𐴓 𐴈𐴥𐴡𐴌𐴝𐴉𐴢 𐴀𐴥𐴡𐴕𐴠 𐴉𐴥𐴞𐴌𐴥𐴝𐴘 𐴊𐴞 𐴕𐴦𐴡 𐴉𐴝𐴌𐴠 𐴱 𐴌𐴟𐴇𐴝𐴙𐴚𐴒𐴙𐴝 𐴀𐴥𐴟𐴀𐴕 𐴁𐴠𐴙𐴒𐴧𐴟𐴕 𐴕𐴞𐴎𐴝𐴘 𐴓𐴡𐴚𐴑𐴝𐴖𐴞𐴌 𐴀𐴠𐴔𐴠𐴒𐴞𐴌𐴞𐴆𐴥𐴠𐴕𐴡𐴌 𐴎𐴙𐴡𐴓𐴡𐴃 𐴁𐴡𐴕 𐴒𐴡𐴌𐴞 𐴌𐴝𐴙𐴑𐴧𐴙𐴠 𐴱 𐴁𐴟𐴄 𐴘𐴥𐴝𐴕 𐴷 𐴃𐴝𐴌𐴑 𐴅𐴟𐴕 𐴔𐴝𐴐𐴢 𐴌𐴦𐴡𐴘 𐴁𐴝𐴌𐴠 𐴰 𐴳 : 𐴰 𐴱 𐴀𐴥𐴝𐴣 𐴓𐴡𐴚𐴑𐴝𐴖𐴞𐴌 𐴀𐴟𐴎𐴟 𐴔𐴟𐴑 𐴊𐴞𐴘𐴝 𐴀𐴝𐴐𐴧𐴞𐴀𐴓 𐴊𐴠 𐴘𐴥𐴝𐴕 𐴁𐴡𐴖𐴋𐴝𐴌 𐴏𐴦𐴡𐴛 𐴉𐴟𐴓𐴞𐴆𐴡𐴌 𐴁𐴡𐴌𐴡 𐴘𐴠 𐴌𐴠𐴂𐴟𐴄 𐴊𐴞𐴘𐴠 𐴁𐴡𐴓𐴞 𐴱 𐴒𐴝𐴙𐴌 𐴑𐴝𐴕𐴟𐴕𐴞 𐴏𐴟𐴌𐴒𐴡𐴌𐴞 𐴊𐴠𐴐𐴡𐴌 𐴁𐴥𐴟𐴃𐴡𐴌𐴠 𐴒𐴥𐴡𐴓𐴠𐴊𐴠 𐴀𐴥𐴞𐴃𐴝𐴌𐴝𐴌𐴠 𐴊𐴤𐴡𐴌𐴠𐴊𐴠 𐴋𐴞𐴂𐴦𐴝𐴌𐴔𐴠𐴕𐴠 𐴈𐴡𐴘𐴧𐴠 𐴱 𐴀𐴝𐴙𐴅𐴧𐴙𐴝 𐴰𐴰 : 𐴵 𐴁𐴢𐴕 𐴊𐴡𐴙𐴅𐴧𐴙𐴝𐴌 𐴇𐴠𐴉𐴝𐴎𐴡𐴃𐴞 𐴉𐴟𐴓𐴞𐴆𐴡𐴌 𐴐𐴥𐴝𐴀𐴉𐴢 𐴀𐴝𐴌 𐴉𐴟𐴓𐴞𐴆 𐴀𐴥𐴡𐴑𐴧𐴡𐴓 𐴃𐴝𐴌𐴝𐴌 𐴕𐴠𐴁𐴥𐴞 𐴓𐴡𐴘 𐴌𐴟𐴇𐴝𐴙𐴚𐴒𐴙𐴝𐴌 𐴁𐴟𐴍𐴡𐴌 𐴋𐴥𐴝𐴑𐴠 𐴎𐴝𐴘 𐴱𐴱

𐴁𐴟𐴄 𐴀𐴡𐴓𐴝 𐴌𐴠 𐴃𐴟𐴣𐴖𐴝𐴣𐴌𐴝 𐴀𐴝𐴣𐴀𐴌𐴝𐴌 𐴐𐴥𐴞𐴔𐴝𐴕𐴃𐴡 𐴊𐴡𐴙𐴅𐴧𐴙𐴝𐴌𐴃𐴟 𐴕𐴠𐴓𐴞 𐴊𐴠𐴁𐴞𐴊𐴠𐴐𐴞 𐴊𐴡𐴙𐴅𐴧𐴙𐴝𐴃 𐴎𐴡𐴒𐴥𐴡𐴘 𐴁𐴡𐴓𐴞 𐴈𐴡𐴘𐴧𐴠 𐴱 𐴀𐴥𐴠 𐴕𐴠𐴁𐴥𐴞 𐴘𐴥𐴝𐴕 𐴌𐴟𐴇𐴝𐴙𐴚𐴒𐴙𐴝𐴌 𐴁𐴟𐴍𐴡𐴌 𐴀𐴥𐴞𐴑𐴧𐴙𐴝 𐴀𐴝𐴘𐴧𐴠𐴌𐴊𐴠 𐴊𐴠𐴑𐴤𐴞 𐴱 𐴁𐴟𐴍𐴡𐴌 𐴈𐴡𐴌𐴃𐴟 𐴳 𐴵 𐴎𐴡𐴕 𐴔𐴝𐴕𐴟𐴙𐴐𐴢 𐴊𐴡𐴙𐴅𐴧𐴙𐴝𐴃 𐴎𐴥𐴝𐴂𐴢 𐴔𐴝𐴌𐴞 𐴑𐴟𐴓𐴡𐴌 𐴀𐴟𐴎𐴟 𐴎𐴝𐴌 𐴱 𐴁𐴦𐴝𐴊𐴠 𐴔𐴝𐴕𐴟𐴙𐴐𐴢 𐴀𐴥𐴟𐴀𐴕 𐴐𐴥𐴡𐴣𐴀 𐴁𐴟𐴍𐴡𐴃 𐴀𐴝𐴏𐴠𐴊𐴠 𐴀𐴥𐴟𐴀𐴕 𐴀𐴥𐴟𐴊𐴧𐴝 𐴀𐴝𐴕𐴞 𐴎𐴙𐴡𐴓𐴡𐴃 𐴁𐴡𐴕 𐴒𐴡𐴙𐴅𐴧𐴙𐴠 𐴁𐴡𐴓𐴞 𐴐𐴥𐴝𐴀𐴉𐴠 𐴈𐴡𐴘𐴧𐴠 𐴱 𐴌𐴟𐴇𐴝𐴙𐴚𐴒𐴙𐴝𐴌 𐴁𐴟𐴄 𐴘𐴥𐴝𐴕𐴡𐴌 𐴀𐴞𐴕𐴅𐴞𐴓 𐴀𐴥𐴡𐴌𐴒𐴡𐴌𐴥𐴝 𐴕𐴡 𐴎𐴥𐴝𐴘𐴁𐴡𐴊𐴠 𐴀𐴥𐴠𐴕𐴋𐴞𐴓𐴧𐴝 𐴈𐴥𐴡𐴌𐴝𐴉𐴢 𐴀𐴥𐴡𐴘𐴧𐴠 𐴱 𐴃𐴦𐴡𐴘 𐴊𐴡𐴙𐴅𐴧𐴙𐴝 𐴏𐴦𐴡𐴛 𐴉𐴟𐴓𐴞𐴆 𐴀𐴥𐴡𐴑𐴧𐴡𐴓𐴠 𐴀𐴥𐴞𐴃𐴝𐴌𐴝𐴌𐴠 𐴈𐴥𐴝𐴕𐴝 𐴀𐴝𐴌 𐴏𐴥𐴝𐴉𐴢 𐴉𐴝𐴕𐴞 𐴊𐴞 𐴄𐴠𐴓𐴟𐴑 𐴀𐴞𐴖𐴝 𐴅𐴠𐴍𐴥𐴞𐴃 𐴃𐴟𐴓𐴥𐴞 𐴀𐴝𐴌𐴀𐴥𐴡 𐴆𐴠𐴑 𐴒𐴡𐴌𐴞𐴁𐴡𐴌𐴓𐴝 𐴀𐴥𐴠 𐴋𐴞𐴂𐴦𐴝𐴌𐴔𐴠𐴕𐴡𐴌 𐴉𐴟𐴓𐴞𐴆𐴡𐴌𐴠 𐴒𐴡𐴏𐴥𐴝𐴘 𐴊𐴞𐴘𐴠 𐴱 𐴌𐴟𐴇𐴝𐴙𐴚𐴒𐴙𐴝 𐴀𐴥𐴟𐴕𐴡𐴌𐴠 𐴀𐴝𐴌𐴔𐴥𐴞 , 𐴉𐴟𐴓𐴞𐴆 , 𐴁𐴡𐴖𐴋𐴝𐴌 𐴏𐴦𐴡𐴛 𐴉𐴟𐴓𐴞𐴆 , 𐴀𐴝𐴌𐴀𐴥𐴡 𐴀𐴡𐴙𐴕𐴧𐴡 𐴋𐴞𐴂𐴦𐴝𐴌𐴔𐴠𐴕𐴠 𐴀𐴥𐴟𐴊𐴧𐴝 𐴁𐴠𐴙𐴒𐴧𐴟𐴕𐴠 𐴔𐴞𐴓𐴞 𐴊𐴡𐴙𐴅𐴧𐴙𐴠𐴊𐴠 𐴱 𐴀𐴠 𐴁𐴡𐴏𐴡𐴌 𐴉𐴡𐴙𐴅𐴧𐴡𐴕𐴃𐴡 𐴶 𐴹 𐴳 𐴎𐴡𐴕 𐴒𐴝𐴙𐴌𐴑𐴝𐴕𐴟𐴕𐴞 𐴔𐴡𐴓𐴠𐴆𐴥𐴙𐴝𐴃 𐴒𐴥𐴡𐴙𐴓𐴧𐴙𐴠𐴊𐴠 𐴔𐴝𐴕𐴟𐴙𐴐𐴢 𐴀𐴝𐴌 𐴀𐴠𐴒𐴝𐴌𐴡 𐴎𐴡𐴕 𐴊𐴝𐴓𐴝𐴓 𐴁𐴡𐴕 𐴒𐴡𐴙𐴅𐴧𐴙𐴠 𐴀𐴝𐴌 𐴲 𐴲 𐴐𐴥𐴝𐴕 𐴁𐴟𐴄 𐴊𐴠𐴐𐴁𐴞𐴊𐴠𐴐𐴞 𐴊𐴡𐴙𐴅𐴧𐴙𐴝𐴌 𐴀𐴟𐴎𐴟 𐴖𐴝𐴉𐴠𐴏𐴢 𐴒𐴡𐴌𐴞 𐴊𐴞𐴘𐴠 𐴁𐴡𐴓𐴞 𐴎𐴞𐴔𐴧𐴝𐴊𐴝𐴌 𐴀𐴥𐴡𐴑𐴧𐴡𐴓𐴠 𐴈𐴡𐴘𐴧𐴠 𐴱𐴱

Sources : https://www.freemalaysiatoday.com/category/nation/2020/06/08/216-rohingya-boat-people-detained-in-langkawi/