𐴔𐴠𐴌𐴠𐴁𐴟𐴚 𐴀𐴠𐴓𐴝𐴑𐴝𐴌 𐴰 𐴵 𐴎𐴡𐴕 𐴀𐴥𐴟𐴑 𐴆𐴥𐴙𐴟𐴑 𐴌𐴥𐴠𐴔𐴤𐴟 𐴘𐴠 𐴃𐴙𐴝𐴒𐴢 𐴕𐴝𐴔𐴝 𐴃𐴟𐴓𐴞 𐴊𐴞𐴘𐴠 𐴱𐴱

𐴀𐴟𐴃𐴧𐴡𐴌 𐴀𐴝𐴌𐴑𐴝𐴕𐴡𐴌 𐴔𐴠𐴌𐴠𐴁𐴟𐴚𐴡𐴌 𐴀𐴠𐴓𐴝𐴑𐴝𐴃 𐴱 𐴔𐴡𐴒𐴁𐴝𐴒𐴞 ( 𐴀𐴠 𐴀𐴠 ) 𐴓𐴡𐴘 𐴃𐴝𐴀𐴓𐴧𐴟𐴑 𐴌𐴠𐴑𐴤𐴠 𐴁𐴡𐴓𐴞 𐴈𐴦𐴡𐴘 𐴱 𐴇𐴥𐴡𐴑𐴟𐴔𐴡𐴃𐴠 𐴃𐴞𐴕 𐴎𐴡𐴕 𐴀𐴥𐴟𐴑 𐴆𐴥𐴙𐴟𐴑 𐴌𐴥𐴔𐴤𐴟 𐴀𐴝𐴌 𐴀𐴠𐴑 𐴎𐴡𐴕 𐴊𐴠𐴐𐴡𐴙𐴃𐴧𐴝 𐴂𐴝𐴂𐴓𐴞𐴑𐴡𐴌𐴠 𐴁𐴡𐴕𐴒𐴡𐴌𐴞 𐴐𐴥𐴝𐴎𐴝 𐴊𐴞𐴁𐴝𐴌 𐴏𐴡𐴌𐴞𐴆𐴃𐴡𐴌𐴡 𐴒𐴡𐴌𐴠𐴌 𐴊𐴠 𐴘𐴥𐴝𐴕𐴡𐴌𐴓𐴝 𐴱 𐴀𐴠𐴓𐴝𐴑𐴝𐴌 𐴀𐴥𐴟𐴑 𐴆𐴥𐴙𐴟𐴑 𐴌𐴥𐴠 𐴔𐴤𐴟 𐴀𐴥𐴡𐴑𐴧𐴡𐴓𐴠 𐴃𐴙𐴝𐴒𐴢 𐴕𐴝𐴔𐴝 ( 𐴃𐴙𐴝𐴒𐴢 𐴎𐴝 ) 𐴊𐴞𐴁𐴝𐴌 𐴉𐴝𐴘𐴏𐴠𐴓𐴝 𐴒𐴡𐴌𐴞 𐴀𐴝𐴙𐴅𐴧𐴙𐴝 𐴱 𐴵 𐴎𐴡𐴕 𐴀𐴥𐴟𐴑 𐴆𐴥𐴙𐴟𐴑 𐴌𐴥𐴠 𐴔𐴤𐴟 𐴘𐴠 𐴇𐴥𐴡𐴑𐴟𐴔𐴡𐴃𐴡𐴌 𐴈𐴝𐴣𐴏𐴠 𐴃𐴙𐴝𐴒 𐴕𐴝𐴔𐴝 𐴉𐴦𐴡𐴣𐴏𐴝𐴘 𐴊𐴞𐴘𐴠 𐴱 𐴅𐴟𐴕 𐴔𐴝𐴐𐴡𐴌 𐴳 𐴃𐴝𐴌𐴞𐴑𐴡𐴃 𐴔𐴠𐴌𐴠𐴁𐴟𐴚 𐴐𐴥𐴡𐴀𐴌𐴡𐴌 𐴀𐴟𐴃𐴧𐴡𐴌 𐴋𐴥𐴝𐴑𐴡𐴌 𐴌𐴥𐴠𐴑𐴧𐴗𐴥𐴝𐴌 𐴀𐴥𐴟𐴑 𐴆𐴥𐴙𐴟𐴑 𐴌𐴥𐴠 𐴔𐴤𐴟 / 𐴀𐴥𐴟𐴀 𐴀𐴡𐴚 𐴏𐴥𐴠𐴚 𐴀𐴝𐴌 𐴀𐴠𐴑 𐴎𐴡𐴕 𐴊𐴠𐴐𐴡𐴙𐴃𐴧𐴝 / 𐴀𐴥𐴟𐴀 𐴃𐴝𐴚 𐴄𐴥𐴗𐴠𐴚 𐴊𐴟𐴕𐴞 𐴎𐴡𐴕𐴡𐴌𐴠 𐴱 𐴔𐴠𐴓𐴠𐴄𐴠𐴌𐴞 𐴀𐴝𐴌 𐴉𐴟𐴓𐴞𐴆𐴠 𐴔𐴞𐴓𐴞 𐴁𐴡𐴕 𐴒𐴡𐴌𐴞 𐴕𐴞𐴎𐴝𐴘 𐴔𐴡𐴀𐴊𐴧𐴞𐴔𐴝 𐴑𐴤𐴟𐴙𐴓𐴞𐴁𐴝𐴌 𐴀𐴦𐴝𐴁𐴡 𐴁𐴡𐴓𐴞 𐴀𐴠𐴔 𐴂𐴞 / 𐴀𐴥𐴟𐴀 𐴂𐴠 𐴏𐴥𐴠𐴚𐴠 𐴈𐴡𐴘𐴧𐴠 𐴱 𐴔𐴠 𐴔𐴝𐴐𐴡𐴌 𐴰 𐴳 𐴃𐴝𐴌𐴞𐴑𐴡𐴃𐴀𐴥𐴡 𐴌𐴥𐴠𐴑𐴧𐴗𐴥𐴝 𐴀𐴥𐴟𐴑 𐴆𐴥𐴙𐴟𐴑 𐴌𐴥𐴠 𐴔𐴤𐴟 𐴲 𐴎𐴡𐴕 ( 𐴱 ) 𐴀𐴥𐴟𐴀 𐴔𐴡𐴚 𐴎𐴡 ( 𐴲 ) 𐴀𐴥𐴟𐴀 𐴆𐴙𐴡 𐴔𐴡𐴌𐴥𐴝𐴚 𐴱𐴱

𐴀𐴞𐴃𐴝𐴌𐴝𐴌𐴠 𐴁𐴡𐴕 𐴒𐴡𐴌𐴞 𐴕𐴞𐴎𐴝𐴘 𐴔𐴡𐴀𐴊𐴧𐴞𐴔𐴝 𐴑𐴤𐴟𐴓𐴧𐴞𐴀𐴓 𐴱 𐴊𐴤𐴡𐴙𐴅𐴧𐴙𐴠𐴊𐴠 𐴀𐴥𐴟𐴀𐴕 𐴁𐴠𐴙𐴒𐴧𐴟𐴕𐴡𐴌𐴠 𐴅𐴟𐴕 𐴔𐴝𐴐𐴡𐴌 𐴳 𐴃𐴝𐴌𐴞𐴑𐴡𐴃 𐴔𐴠𐴌𐴠𐴁𐴟𐴚𐴡𐴌 𐴀𐴝𐴊𐴝𐴓𐴡𐴃𐴠 𐴱 𐴀𐴝𐴃𐴡𐴚𐴁𐴝𐴊𐴞 𐴔𐴡𐴒𐴁𐴝𐴒𐴞 𐴓𐴡𐴘 𐴃𐴝𐴀𐴓𐴧𐴟𐴑 𐴌𐴝𐴑𐴤𐴠 𐴊𐴠 𐴀𐴥𐴠𐴃𐴡𐴌𐴓𐴝 𐴊𐴤𐴝𐴌𐴝 𐴓𐴡𐴔𐴁𐴡𐴌 ( 𐴰 𐴵 ) 𐴛𐴝 𐴲 𐴵 ( 𐴑𐴝𐴑𐴗𐴠 ) 𐴓𐴡𐴘 𐴔𐴡𐴀𐴊𐴧𐴞𐴔𐴝 𐴑𐴤𐴟𐴓𐴞 𐴌𐴞𐴔𐴦𐴝𐴕𐴋𐴤𐴡𐴃 𐴉𐴦𐴡𐴣𐴏𐴝𐴘 𐴊𐴞𐴘𐴠 𐴱 𐴉𐴝𐴌𐴝𐴃 𐴀𐴝𐴌 𐴌𐴥𐴑𐴧𐴗𐴥𐴝 𐴀𐴥𐴡𐴑𐴧𐴡𐴓𐴡𐴃 𐴀𐴥𐴟𐴑 𐴆𐴥𐴙𐴟𐴑 𐴌𐴥𐴠 𐴔𐴤𐴟 𐴕𐴡𐴃𐴥𐴝𐴑𐴞𐴓𐴠 𐴊𐴠𐴐𐴡𐴌 𐴀𐴠𐴕𐴃𐴠𐴎𐴝𐴔 𐴈𐴥𐴌𐴝𐴉𐴢 𐴀𐴥𐴡𐴘 𐴎𐴝𐴘𐴁𐴡 𐴒𐴥𐴘 𐴁𐴡𐴓𐴞 𐴀𐴠𐴔 𐴂𐴞 / 𐴀𐴥𐴟𐴀 𐴂𐴠 𐴏𐴥𐴠𐴚𐴠 𐴈𐴡𐴘𐴧𐴠 𐴱 𐴀𐴠 𐴀𐴥𐴟𐴑 𐴆𐴥𐴙𐴟𐴑 𐴌𐴥𐴠 𐴔𐴤𐴟 𐴀𐴟𐴕𐴡𐴌𐴠 𐴁𐴤𐴝𐴓𐴝 𐴒𐴡𐴌𐴞 𐴀𐴞𐴚𐴑𐴗𐴝𐴌𐴞 𐴒𐴡𐴙𐴅𐴧𐴙𐴠𐴊𐴠 𐴀𐴥𐴠𐴍𐴠 𐴔𐴡𐴒𐴁𐴝𐴒𐴞 𐴀𐴠 𐴀𐴠 𐴓𐴡𐴘 𐴃𐴝𐴀𐴓𐴧𐴟𐴑 𐴀𐴝𐴏𐴠𐴊𐴠 𐴘𐴥𐴝𐴕 𐴉𐴝𐴒𐴞𐴘𐴠 𐴀𐴥𐴠𐴃𐴡𐴌𐴓𐴝 𐴇𐴥𐴡𐴑𐴟𐴔𐴡𐴃𐴡𐴌 𐴀𐴟𐴑𐴞𐴓 𐴀𐴥𐴡𐴑𐴧𐴡𐴓𐴡𐴌 𐴉𐴝𐴘𐴏𐴠𐴓𐴝 𐴔𐴡𐴎𐴞𐴕 𐴀𐴝𐴃𐴡𐴚𐴁𐴝𐴊𐴞𐴌 𐴊𐴤𐴝𐴌𐴝 𐴓𐴡𐴘 𐴔𐴡𐴀𐴊𐴧𐴞𐴔𐴝 𐴑𐴤𐴟𐴓𐴝 𐴒𐴞𐴘𐴠 𐴁𐴡𐴓𐴞 𐴱 𐴔𐴠𐴓𐴠𐴄𐴠𐴌𐴞𐴌 𐴃𐴡𐴌𐴉𐴡𐴌 𐴈𐴡𐴃𐴥𐴝 𐴈𐴡𐴙𐴕𐴧𐴝 / 𐴁𐴟 𐴔𐴤𐴟 𐴆𐴥𐴙𐴟𐴑 𐴎𐴡 𐴔𐴥𐴞𐴚 𐴄𐴟𐴚𐴠 𐴀𐴝𐴌 𐴀𐴠𐴉𐴢 𐴀𐴠 𐴌𐴠 𐴅𐴟𐴕 𐴔𐴝𐴐𐴡𐴌 𐴳 𐴃𐴝𐴌𐴞𐴑𐴡𐴃 𐴈𐴡𐴘𐴧𐴠 𐴱 𐴔𐴠𐴌𐴠𐴁𐴟𐴚𐴡𐴃 𐴴 𐴱 𐴖𐴝 𐴌𐴥𐴠𐴑𐴧𐴗𐴥𐴝 𐴀𐴝𐴌 𐴹 𐴵 𐴖𐴝 𐴒𐴥𐴗𐴥𐴝𐴚 𐴀𐴝𐴏𐴠 𐴱𐴱

Sources : https://www.rfa.org/burmese/news/myaypone-village-administrators-resigned-06052020055636.html