𐴌𐴟𐴇𐴝𐴙𐴚𐴒𐴙𐴝𐴌 𐴏𐴡𐴓𐴞𐴃𐴡 𐴇𐴥𐴝𐴓𐴡𐴃 𐴀𐴠𐴈𐴥𐴡𐴕 𐴁𐴝𐴚𐴓𐴝𐴊𐴠𐴐𐴠 𐴏𐴥𐴡𐴣𐴀𐴓𐴞 𐴕𐴡𐴉𐴝𐴌𐴞 𐴉𐴦𐴝𐴕 𐴀𐴥𐴡𐴘𐴧𐴠 / 𐴀𐴁𐴊𐴟𐴓 𐴔𐴥𐴟𐴔𐴠𐴕 𐴱𐴱

𐴁𐴝𐴚𐴓𐴝𐴊𐴠𐴐𐴞 𐴁𐴡𐴘𐴊𐴠𐴐𐴢 𐴀𐴟𐴎𐴞𐴌 / 𐴀𐴠 𐴑𐴠 𐴀𐴝𐴁𐴊𐴟𐴓 𐴔𐴥𐴟𐴔𐴠𐴕𐴠 𐴀𐴦𐴝𐴙𐴌 𐴓𐴥𐴠𐴕𐴡𐴌 𐴊𐴟𐴘𐴀𐴡𐴔 𐴁𐴡𐴌 𐴀𐴟𐴎𐴞𐴌 𐴀𐴝𐴌 𐴁𐴡𐴘𐴊𐴠𐴐𐴢 𐴀𐴟𐴎𐴞𐴌 / 𐴏𐴞𐴔𐴡𐴕 𐴑𐴡𐴖𐴞𐴕𐴞𐴌 𐴓𐴡𐴘 𐴄𐴠𐴓𐴞𐴉𐴟𐴕𐴠 𐴈𐴡𐴃𐴥𐴝 𐴈𐴦𐴡𐴌𐴊𐴠 𐴀𐴥𐴠𐴍𐴠 𐴈𐴡𐴘𐴧𐴠𐴊𐴠 , 𐴘𐴟𐴌𐴟𐴂𐴡𐴌 𐴊𐴠𐴐𐴢 𐴀𐴥𐴡𐴑𐴧𐴡𐴓𐴡𐴌𐴃𐴟 𐴁𐴡𐴌𐴔𐴤𐴝 𐴌𐴠 𐴀𐴝𐴌𐴀𐴥𐴡 𐴁𐴠𐴐𐴥𐴞 𐴒𐴡𐴌𐴞 𐴏𐴞𐴂𐴢 𐴊𐴞𐴘𐴝 𐴉𐴡𐴌𐴞𐴁𐴡 𐴱 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞𐴌 𐴇𐴥𐴝𐴓𐴡𐴃 𐴀𐴝𐴣𐴀𐴌𐴝 𐴇𐴠𐴉𐴝𐴎𐴡𐴃𐴞 𐴊𐴞𐴉𐴝𐴌𐴞 𐴁𐴝𐴌 𐴁𐴦𐴝𐴌𐴠 𐴀𐴥𐴡𐴘𐴒𐴞𐴘𐴡𐴘 𐴱 𐴁𐴡𐴌𐴔𐴤𐴝 𐴘𐴠 𐴕𐴞𐴎𐴡𐴌 𐴊𐴠𐴐𐴡𐴙𐴃𐴧𐴝 𐴌𐴟𐴇𐴝𐴙𐴚𐴒𐴙𐴝 𐴌𐴠 𐴖𐴝𐴉𐴠𐴏𐴢 𐴕𐴞𐴁𐴡𐴌𐴓𐴝 𐴊𐴟𐴕𐴞𐴘𐴝𐴘𐴧𐴠 𐴁𐴞𐴐𐴧𐴝𐴐𐴢 𐴒𐴡𐴌𐴞 𐴉𐴝𐴌𐴠𐴊𐴠 𐴀𐴥𐴠𐴕𐴋𐴞𐴓𐴧𐴝 𐴑𐴠𐴙𐴏𐴧𐴟 𐴒𐴡𐴌𐴠𐴌𐴊𐴠 𐴊𐴠𐴈𐴥𐴝𐴕𐴡𐴎𐴝𐴌 𐴱 𐴀𐴥𐴠𐴃𐴡𐴓𐴧𐴝 𐴘𐴟𐴌𐴟𐴂𐴡𐴌 𐴊𐴠𐴐𐴢 𐴀𐴥𐴡𐴑𐴧𐴡𐴓𐴡𐴌𐴃𐴟 𐴕𐴞𐴎𐴡𐴌 𐴎𐴞𐴔𐴧𐴝𐴊𐴝𐴌𐴞 𐴀𐴝𐴊𐴝𐴘 𐴒𐴡𐴌𐴡𐴕 𐴏𐴝𐴀 𐴱 𐴀𐴠𐴑 𐴔𐴡𐴓𐴞𐴘𐴟𐴕𐴡𐴌 𐴖𐴡𐴌𐴠 𐴁𐴡𐴌𐴔𐴤𐴝𐴘𐴠 𐴅𐴠𐴕𐴡𐴏𐴥𐴝𐴙𐴋 𐴒𐴡𐴌𐴞 𐴕𐴝𐴔 𐴕𐴞𐴐𐴥𐴝𐴕 𐴉𐴥𐴟𐴌𐴝𐴘 𐴉𐴥𐴠𐴓𐴝𐴘𐴃𐴡 𐴏𐴝𐴀𐴌𐴊𐴠 𐴁𐴡𐴌𐴔𐴤𐴝𐴌 𐴊𐴠𐴐𐴡𐴙𐴃𐴧𐴝 𐴈𐴡𐴔𐴐𐴡𐴙𐴚𐴒𐴙𐴝 𐴑𐴡𐴖𐴔 𐴌𐴟𐴇𐴝𐴙𐴚𐴒𐴙𐴝 𐴌𐴠 𐴏𐴥𐴝𐴀𐴌𐴝 𐴊𐴞𐴘𐴡𐴌𐴠 𐴱𐴱

𐴀𐴞𐴕𐴏𐴝𐴕𐴞 𐴊𐴡𐴌𐴡𐴃 𐴀𐴝𐴌 𐴁𐴤𐴡𐴊𐴧𐴡𐴌𐴡𐴃𐴝 𐴊𐴠𐴈𐴥𐴝𐴘𐴧𐴠 𐴁𐴡𐴓𐴞 𐴀𐴦𐴝𐴙𐴌 𐴓𐴠𐴕𐴡𐴌 𐴊𐴟𐴘𐴀𐴡𐴔 𐴁𐴡𐴌𐴡 𐴀𐴟𐴎𐴞𐴌 𐴀𐴝𐴌 𐴁𐴡𐴘𐴊𐴠𐴐𐴢 𐴀𐴟𐴎𐴞𐴌 / 𐴏𐴞𐴔𐴡𐴕 𐴑𐴡𐴖𐴞𐴕𐴞 𐴈𐴡𐴘𐴧𐴠 𐴱 𐴀𐴝𐴌 𐴁𐴝𐴚𐴓𐴝𐴊𐴠𐴐𐴢 𐴇𐴥𐴡𐴑𐴟𐴔𐴡𐴃𐴠 𐴀𐴞𐴕𐴏𐴝𐴕𐴙𐴡𐴃 𐴊𐴠𐴈𐴥𐴝𐴘𐴧𐴠𐴊𐴠 𐴘𐴥𐴝𐴕𐴡𐴌 𐴁𐴠𐴐𐴥𐴞 𐴃𐴝𐴌𐴞𐴉𐴀𐴥𐴡 𐴒𐴡𐴙𐴅𐴧𐴙𐴠 𐴱 𐴁𐴝𐴚𐴓𐴝𐴊𐴠𐴐𐴠 𐴓𐴡𐴒𐴁𐴤𐴡𐴒𐴢 𐴀𐴦𐴝𐴙𐴌 𐴓𐴠𐴕𐴡𐴌 𐴀𐴝𐴁𐴝𐴊𐴞𐴌 𐴏𐴝𐴙𐴌 𐴁𐴡𐴌𐴝𐴃𐴡𐴌 𐴀𐴠𐴑 𐴁𐴡𐴌𐴝𐴃𐴡𐴌 𐴉𐴥𐴟𐴖𐴝𐴙𐴕𐴧𐴝 𐴀𐴥𐴡𐴊𐴠 𐴀𐴥𐴠𐴊𐴦𐴟𐴕 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞𐴌𐴠 𐴱 𐴑𐴥𐴟𐴀𐴂𐴢 𐴋𐴦𐴣𐴌 𐴒𐴡𐴌𐴞 𐴃𐴡𐴙𐴃𐴧𐴝 𐴑𐴠𐴀𐴠𐴔 𐴁𐴝𐴕𐴝𐴘 𐴏𐴥𐴝𐴀𐴌𐴝 𐴊𐴞𐴘𐴠𐴊𐴠 𐴘𐴥𐴝𐴕𐴡𐴌𐴠 𐴘𐴥𐴡 𐴏𐴗𐴝𐴒𐴡𐴃 𐴒𐴡𐴙𐴅𐴧𐴙𐴠 𐴱 𐴋𐴝𐴑𐴄𐴡𐴌 𐴀𐴝𐴁𐴊𐴟𐴓 𐴔𐴥𐴟𐴔𐴠𐴕𐴠 , 𐴌𐴟𐴇𐴝𐴙𐴚𐴒𐴙𐴝𐴌 𐴔𐴝𐴀𐴔𐴠𐴓𐴝 𐴌𐴠 𐴃𐴝𐴙𐴃 𐴒𐴡𐴙𐴅𐴧𐴙𐴠𐴊𐴠 𐴘𐴥𐴝𐴕𐴡𐴃 , 𐴀𐴦𐴝𐴙𐴌 𐴓𐴠𐴕𐴡𐴌 𐴀𐴟𐴎𐴞𐴌𐴡𐴌 𐴁𐴠𐴐𐴥𐴞 𐴐𐴥𐴟𐴑𐴟𐴌𐴞𐴘𐴝 𐴒𐴡𐴙𐴅𐴧𐴙𐴠 𐴱 𐴀𐴝𐴌 𐴑𐴡𐴖𐴔𐴞 𐴏𐴥𐴡𐴔𐴡𐴒𐴝𐴌 𐴔𐴞𐴔𐴁𐴡𐴌 𐴁𐴡𐴕𐴠𐴊𐴠 𐴀𐴡𐴑𐴃𐴡𐴃 𐴌𐴟𐴇𐴝𐴙𐴚𐴒𐴙𐴝𐴌 𐴔𐴝𐴀𐴔𐴠𐴓𐴝 𐴌𐴠 𐴊𐴡𐴌𐴤𐴡 𐴒𐴡𐴌𐴞 𐴃𐴝𐴙𐴃 𐴒𐴡𐴌𐴞 𐴎𐴝𐴘𐴁𐴡 𐴁𐴡𐴓𐴞 𐴀𐴝𐴐𐴥𐴝 𐴘𐴥𐴡 𐴒𐴡𐴙𐴅𐴧𐴙𐴠 𐴱 𐴀𐴦𐴝𐴙𐴌 𐴓𐴠𐴕𐴡𐴌 𐴀𐴟𐴎𐴞𐴌𐴠 𐴌𐴟𐴇𐴝𐴙𐴚𐴒𐴙𐴝𐴌 𐴔𐴝𐴀𐴔𐴠𐴓𐴝 𐴏𐴥𐴡𐴀𐴞 𐴒𐴡𐴌𐴞 𐴁𐴡𐴕𐴞 𐴀𐴝𐴘𐴧𐴠 𐴉𐴦𐴝𐴕 𐴁𐴥𐴟𐴃𐴡𐴌𐴠 𐴒𐴤𐴡𐴓𐴞 𐴓𐴝𐴒𐴝𐴃𐴝𐴌 𐴏𐴥𐴝𐴂𐴟𐴄 𐴒𐴡𐴌𐴞 𐴎𐴝𐴘𐴁𐴡𐴊𐴠 𐴘𐴥𐴝𐴕 𐴁𐴞𐴐𐴧𐴝𐴐𐴢 𐴊𐴞𐴘𐴠 𐴱𐴱

Sources : https://www.dhakatribune.com/bangladesh/rohingya-crisis/2020/06/03/momen-rohingya-situation-is-now-untenable-for-bangladesh