𐴌𐴝𐴏𐴞𐴊𐴡𐴚𐴡𐴃 𐴔𐴠𐴓𐴠𐴄𐴠𐴌𐴞𐴌 𐴒𐴟𐴓𐴞𐴌 𐴎𐴡𐴌𐴞𐴘𐴝 𐴵 𐴎𐴡𐴕 𐴊𐴠𐴐𐴡𐴙𐴃𐴧𐴝 𐴒𐴥𐴝𐴙𐴓 𐴱𐴱

𐴀𐴝𐴌𐴑𐴝𐴕𐴡𐴃 𐴌𐴝𐴏𐴞𐴊𐴡𐴚 𐴀𐴠𐴓𐴝𐴑𐴝𐴃 𐴔𐴠𐴘𐴥𐴟 𐴈𐴥𐴝𐴓 𐴁𐴦𐴝𐴘 𐴁𐴟𐴄 𐴏𐴝𐴓𐴝𐴘 𐴀𐴝𐴘𐴧𐴠𐴌 𐴊𐴠 𐴔𐴠𐴓𐴠𐴄𐴠𐴌𐴞 𐴀𐴥𐴡𐴑𐴧𐴡𐴓𐴠 𐴱 𐴈𐴥𐴝𐴓𐴡𐴌 𐴈𐴝𐴣𐴏𐴝𐴃 𐴀𐴝𐴏𐴠𐴊𐴠 𐴉𐴝𐴌𐴝𐴌 𐴀𐴥𐴞𐴑𐴧𐴙𐴝 𐴒𐴟𐴓𐴞 𐴔𐴝𐴌𐴡𐴕𐴡𐴌 𐴎𐴡𐴌𐴞𐴘𐴝 𐴉𐴝𐴙𐴅𐴧𐴙𐴝 𐴔𐴝𐴕𐴟𐴙𐴐𐴢 𐴉𐴝𐴣𐴏𐴢 𐴎𐴡𐴕 𐴒𐴥𐴝𐴙𐴓 𐴀𐴥𐴡𐴘𐴧𐴠 𐴱 𐴔𐴠 𐴔𐴝𐴐𐴡𐴌 𐴰 𐴳 𐴃𐴝𐴌𐴡𐴑 𐴐𐴥𐴡𐴕𐴞 𐴁𐴝𐴌𐴠 𐴀𐴥𐴝𐴣𐴎𐴡𐴙𐴕𐴧𐴝 𐴔𐴠𐴘𐴥𐴟 𐴈𐴥𐴝𐴓 𐴁𐴦𐴝𐴘 𐴁𐴟𐴄 𐴏𐴝𐴓𐴝𐴘 𐴀𐴝𐴘𐴧𐴠𐴌 𐴊𐴠 𐴔𐴠𐴓𐴠𐴄𐴠𐴌𐴞 𐴀𐴥𐴡𐴑𐴧𐴡𐴓𐴠 𐴱 𐴏𐴥𐴡𐴚 𐴋𐴝𐴌𐴝 𐴉𐴝𐴌𐴝𐴌 𐴀𐴥𐴠𐴊𐴧𐴟𐴌𐴡𐴃 𐴀𐴦𐴝𐴘 𐴄𐴠𐴑𐴠 𐴁𐴝𐴑𐴠 𐴈𐴥𐴝𐴓𐴡𐴌 𐴉𐴡𐴏𐴞𐴔 𐴑𐴟𐴓𐴠 𐴈𐴝𐴣𐴏𐴝𐴃 𐴀𐴝𐴏𐴠𐴊𐴠 𐴉𐴝𐴌𐴝𐴌 𐴀𐴥𐴞𐴑𐴧𐴙𐴝 𐴒𐴟𐴓𐴞 𐴔𐴝𐴌𐴡𐴕𐴡𐴌 𐴎𐴡𐴌𐴞𐴘𐴝 𐴱 𐴀𐴟𐴒𐴧𐴗𐴝 𐴕𐴡𐴀𐴡𐴔 𐴑𐴠𐴓𐴝𐴏𐴡𐴌 𐴉𐴡𐴌𐴡𐴙𐴕𐴧𐴝 𐴉𐴟𐴖𐴝 𐴐𐴥𐴡𐴣𐴀 𐴵 𐴎𐴡𐴕 𐴉𐴝𐴙𐴅𐴧𐴙𐴝 𐴔𐴝𐴕𐴟𐴙𐴐𐴢 𐴒𐴥𐴝𐴙𐴓 𐴀𐴥𐴡𐴘𐴧𐴠 𐴁𐴡𐴓𐴞 𐴔𐴡𐴒𐴡𐴌 𐴐𐴥𐴡𐴔𐴝𐴎𐴞 𐴉𐴝𐴄𐴞𐴌 𐴏𐴠𐴒𐴠𐴄𐴠𐴌𐴞 / 𐴑𐴟 𐴎𐴡 𐴎𐴡 𐴄𐴥𐴗𐴠𐴚𐴠 𐴀𐴝𐴌 𐴀𐴠𐴉𐴢 𐴀𐴠 𐴌𐴠 𐴈𐴡𐴘𐴧𐴠 𐴱 𐴔𐴠𐴓𐴠𐴄𐴠𐴌𐴞 𐴀𐴥𐴡𐴑𐴧𐴡𐴓𐴠 𐴔𐴝𐴙𐴅𐴧𐴙𐴠𐴊𐴠 𐴒𐴟𐴓𐴞 𐴀𐴥𐴟𐴀𐴕 𐴉𐴡𐴏𐴞𐴔 𐴔𐴞𐴑𐴧𐴙𐴝 𐴉𐴝𐴣𐴏𐴢 𐴉𐴝𐴌𐴝 𐴉𐴡𐴙𐴅𐴧𐴡𐴕𐴃𐴡 𐴏𐴥𐴠𐴣𐴊𐴞 𐴊𐴟𐴌𐴠 𐴒𐴞𐴘𐴠 𐴱𐴱

𐴀𐴥𐴠𐴃𐴡𐴓𐴧𐴝 𐴑𐴠𐴚 𐴂𐴡𐴌𐴝𐴚 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴌𐴃𐴟 𐴀𐴠𐴑 𐴎𐴡𐴕 , 𐴏𐴡𐴂𐴧𐴟 𐴆𐴥𐴗𐴥𐴠𐴚 𐴉𐴝𐴌𐴝𐴌𐴃𐴟 𐴀𐴠𐴑𐴎𐴡𐴕 , 𐴀𐴡𐴚 𐴎𐴠 𐴒𐴥𐴟𐴚 𐴉𐴝𐴌𐴝𐴌𐴃𐴟 𐴀𐴠𐴑𐴎𐴡𐴕 , 𐴋𐴥𐴟𐴀 𐴖𐴠 𐴆𐴥𐴙𐴡𐴚 𐴉𐴝𐴌𐴝𐴌𐴃𐴟 𐴊𐴟𐴘 𐴎𐴡𐴕 𐴁𐴠𐴙𐴒𐴧𐴟𐴕𐴠 𐴔𐴞𐴓𐴝𐴘 𐴉𐴝𐴣𐴏𐴢 𐴎𐴡𐴕 𐴒𐴥𐴝𐴙𐴓 𐴀𐴥𐴡𐴘𐴧𐴠 𐴱 𐴎𐴡𐴈𐴡𐴔 𐴈𐴡𐴔 𐴀𐴥𐴡𐴘𐴧𐴠𐴊𐴠 𐴀𐴥𐴞𐴃𐴠 𐴁𐴝𐴊𐴠 𐴀𐴝𐴌 𐴏𐴥𐴝𐴙𐴌𐴀𐴥𐴡 𐴎𐴡𐴕𐴡𐴌𐴠 𐴎𐴠𐴋𐴞 𐴂𐴡𐴌𐴝𐴚𐴡𐴌 𐴋𐴝𐴑𐴄𐴡𐴌 𐴈𐴥𐴝𐴕𐴝𐴃 𐴉𐴦𐴡𐴣𐴏𐴝𐴘 𐴊𐴞𐴘𐴠 𐴁𐴡𐴓𐴞 𐴱 𐴎𐴠𐴋𐴞 𐴂𐴡𐴌𐴝𐴚𐴡𐴌 𐴈𐴡𐴙𐴆𐴧𐴙𐴝 𐴉𐴟𐴖𐴝𐴙𐴕𐴊𐴡𐴌 𐴐𐴥𐴡𐴔𐴞𐴃𐴞𐴌 𐴃𐴡𐴌𐴉𐴡𐴌𐴃𐴟 𐴈𐴡𐴘𐴧𐴠 𐴱 𐴉𐴝𐴌𐴝 𐴀𐴥𐴞𐴕𐴡𐴃 𐴈𐴡𐴕𐴥𐴡 𐴓𐴝𐴌𐴥𐴝𐴘 𐴏𐴥𐴝𐴌𐴝 𐴐𐴟𐴊𐴥𐴠 𐴀𐴠𐴑 𐴃𐴡𐴌𐴉𐴝 𐴔𐴠𐴓𐴠𐴄𐴠𐴌𐴞 𐴀𐴥𐴡𐴑𐴧𐴡𐴓𐴠 𐴒𐴟𐴓𐴞𐴔𐴝𐴌𐴞 𐴉𐴝𐴙𐴅𐴧𐴙𐴝 𐴔𐴝𐴕𐴟𐴙𐴐𐴢 𐴒𐴥𐴝𐴙𐴓 𐴒𐴡𐴙𐴅𐴧𐴙𐴠𐴊𐴠 𐴘𐴥𐴝𐴕 𐴀𐴝𐴣𐴀𐴌𐴝 𐴁𐴡𐴊𐴧𐴝𐴐𐴢 𐴕𐴡 𐴒𐴡𐴙𐴅𐴧𐴙𐴟𐴔 𐴁𐴡𐴓𐴞 𐴌𐴝𐴏𐴞𐴊𐴡𐴚𐴡𐴌 𐴀𐴠𐴔𐴂𐴞 / 𐴋𐴡 𐴑𐴞𐴚 𐴏𐴥𐴡 𐴖𐴠 𐴘𐴠 𐴈𐴡𐴘𐴧𐴠 𐴱 𐴓𐴝𐴌𐴥𐴝𐴘 𐴀𐴥𐴡𐴑 𐴘𐴝 𐴕𐴡 𐴀𐴥𐴡𐴑 𐴉𐴡𐴙𐴃𐴧𐴡 𐴊𐴞𐴕 𐴔𐴠𐴓𐴠𐴄𐴠𐴌𐴞𐴌 𐴒𐴟𐴓𐴞𐴌 𐴎𐴡𐴌𐴞𐴘𐴝 𐴉𐴝𐴙𐴅𐴧𐴙𐴝 𐴔𐴝𐴕𐴟𐴙𐴐𐴢 𐴒𐴥𐴝𐴙𐴓 𐴖𐴥𐴝𐴃 𐴀𐴝𐴌 𐴔𐴡𐴌𐴝𐴃 𐴀𐴝𐴏𐴠 𐴱𐴱

Sources : https://www.rfa.org/burmese/news/rathedaung-villagers-injured-05312020071257.html