𐴀𐴠 𐴀𐴠 𐴘𐴠 𐴊𐴤𐴡𐴌𐴞 𐴕𐴞𐴎𐴦𐴝𐴙𐴓𐴊𐴠 𐴉𐴟𐴓𐴞𐴆𐴡𐴌 𐴁𐴠𐴍𐴠 𐴊𐴟𐴘 𐴎𐴡𐴕 𐴀𐴝𐴌 𐴉𐴟𐴖𐴝 𐴀𐴟𐴒𐴧𐴗𐴝 𐴀𐴠𐴌𐴞𐴊𐴞𐴘𐴠 𐴱𐴱

𐴔𐴡𐴒𐴁𐴝𐴒𐴞 𐴀𐴠 𐴀𐴠 𐴘𐴠 𐴔𐴠 𐴔𐴝𐴐𐴡𐴌 𐴹 𐴲 𐴃𐴝𐴌𐴞𐴑 𐴌𐴝𐴙𐴃𐴧𐴃 𐴌𐴝𐴏𐴞𐴊𐴡𐴚 𐴀𐴠𐴓𐴝𐴑𐴝𐴌 𐴏𐴝 𐴎𐴝𐴚 𐴔𐴠𐴌𐴝𐴙𐴚 𐴉𐴟𐴓𐴞𐴆𐴡𐴌 𐴒𐴥𐴝𐴣𐴄𐴞 𐴔𐴝𐴌𐴞 𐴱 𐴉𐴟𐴓𐴞𐴆 𐴶 𐴎𐴡𐴕 𐴀𐴝𐴌 𐴊𐴟𐴘 𐴎𐴡𐴕 𐴁𐴠𐴍𐴞 𐴀𐴝𐴌 𐴀𐴟𐴒𐴧𐴗𐴝 𐴒𐴟𐴌𐴝 𐴉𐴟𐴖𐴝 𐴁𐴡𐴕 𐴒𐴡𐴌𐴞 𐴕𐴞𐴎𐴦𐴝𐴙𐴓 𐴒𐴥𐴡𐴘 𐴱 𐴉𐴟𐴓𐴞𐴆 𐴶 𐴎𐴡𐴕𐴡𐴌𐴠 𐴓𐴝𐴌𐴝𐴙𐴌 𐴈𐴡𐴊𐴞 𐴀𐴥𐴞𐴏𐴝𐴉𐴠 𐴁𐴡𐴕 𐴌𐴝𐴑𐴤𐴞 𐴱 𐴁𐴠𐴍𐴞 𐴊𐴟𐴕𐴥𐴡 𐴎𐴡𐴕 𐴀𐴝𐴌 𐴉𐴟𐴖𐴝 𐴖𐴥𐴝𐴌𐴠 , 𐴎𐴡𐴕 𐴉𐴞𐴏𐴠 𐴰 𐴰 𐴰 𐴰 𐴴 𐴇𐴥𐴝𐴎𐴝𐴌𐴡𐴌 𐴊𐴡𐴌𐴠 𐴄𐴞𐴛𐴝 𐴊𐴞𐴘𐴡𐴌𐴠 𐴱 𐴀𐴥𐴠 𐴊𐴞𐴕 𐴀𐴥𐴝𐴣𐴎𐴡𐴙𐴕𐴧𐴝 𐴰 𐴰 : 𐴵 𐴁𐴝𐴎𐴠 𐴇𐴠𐴉𐴝𐴎𐴡𐴃 𐴎𐴝𐴒𐴝𐴃 𐴉𐴦𐴡𐴣𐴏𐴝𐴘 𐴊𐴞𐴘𐴠 𐴁𐴡𐴓𐴞 𐴀𐴠 𐴀𐴠 𐴔𐴡𐴒𐴁𐴝𐴒𐴞𐴌 𐴖𐴠𐴁𐴏𐴥𐴝𐴙𐴄𐴡𐴃 𐴓𐴠𐴙𐴑𐴧𐴙𐴠 𐴱 𐴊𐴤𐴡𐴌𐴞 𐴕𐴞𐴎𐴦𐴝𐴙𐴓𐴊𐴠 𐴁𐴠𐴍𐴞𐴘𐴝𐴙𐴕 𐴀𐴥𐴟𐴕𐴡𐴌 𐴁𐴥𐴟𐴃𐴡𐴌𐴠 𐴒𐴟𐴌𐴝 𐴉𐴟𐴖𐴝 𐴖𐴥𐴝𐴌 𐴔𐴝𐴣𐴀𐴃𐴧𐴟 𐴱 𐴊𐴠𐴐𐴡𐴙𐴃𐴧𐴝 𐴀𐴥𐴡𐴑𐴧𐴡𐴓𐴠 𐴉𐴥𐴟𐴕 𐴒𐴡𐴌𐴞 𐴀𐴠𐴌𐴞 𐴊𐴞𐴘𐴠𐴊𐴠 𐴘𐴥𐴝𐴕 𐴈𐴥𐴝𐴄𐴞 𐴊𐴠 𐴎𐴝𐴕𐴞 𐴉𐴝𐴙𐴅𐴧𐴙𐴠 𐴁𐴡𐴓𐴞 𐴔𐴠 𐴔𐴝𐴐𐴡𐴌 𐴰 𐴳 𐴃𐴝𐴌𐴞𐴑𐴡𐴃 𐴏𐴝 𐴎𐴝𐴚 𐴔𐴠𐴌𐴝𐴙𐴚 𐴉𐴝𐴙𐴅𐴧𐴙𐴝 𐴀𐴠𐴑 𐴎𐴡𐴕𐴠 𐴕𐴝𐴔 𐴕𐴡 𐴈𐴡𐴘𐴁𐴝𐴌 𐴐𐴡𐴌𐴡𐴃 𐴓𐴡𐴘 𐴁𐴞 𐴁𐴞 𐴏𐴞 𐴌𐴠 𐴈𐴡𐴘𐴧𐴠 𐴱 𐴀𐴥𐴠 𐴁𐴠𐴍𐴞 𐴊𐴟𐴕𐴥𐴞 𐴎𐴡𐴕𐴡 𐴌𐴠 𐴕𐴞𐴏𐴢 𐴑𐴥𐴙𐴡𐴚 𐴊𐴡𐴚 𐴉𐴝𐴌𐴝𐴌 𐴀𐴥𐴟𐴑 𐴆𐴥𐴙𐴟𐴑 𐴌𐴥𐴠𐴔𐴤𐴟𐴌 𐴈𐴝𐴣𐴏𐴠 𐴀𐴝𐴌𐴝𐴔𐴡𐴌 𐴏𐴥𐴝𐴣𐴀𐴃𐴠 𐴀𐴝𐴏𐴠 𐴁𐴡𐴓𐴞 𐴀𐴥𐴟𐴑 𐴆𐴥𐴙𐴟𐴑 𐴌𐴥𐴠𐴔𐴤𐴟 / 𐴀𐴥𐴟𐴀 𐴀𐴡𐴚 𐴏𐴥𐴠𐴚 𐴄𐴗𐴠𐴚𐴠 𐴁𐴞 𐴁𐴞 𐴏𐴞 𐴌𐴠 𐴈𐴡𐴘𐴧𐴠 𐴱𐴱

Sources : https://www.bbc.com/burmese/burma-52833426

𐴑𐴡𐴌𐴟𐴕𐴝𐴌 𐴀𐴝𐴓𐴝𐴔𐴡𐴃 𐴓𐴡𐴘 𐴀𐴠𐴑 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝𐴌 𐴔𐴡𐴗𐴃 𐴱 𐴉𐴟𐴌𐴝 𐴑𐴠𐴀𐴠𐴔𐴡𐴌 𐴁𐴥𐴟𐴃𐴡𐴌𐴠 𐴋𐴡𐴌 𐴱𐴱

𐴉𐴟𐴌𐴝𐴕 𐴑𐴟𐴃𐴥𐴟𐴉𐴝𐴓𐴡𐴚 𐴌𐴠𐴅𐴞𐴏𐴄𐴝𐴌 𐴒𐴡𐴙𐴅𐴧𐴙𐴝 𐴑𐴠𐴀𐴠𐴔 𐴅𐴞 𐴁𐴡𐴓𐴡𐴑𐴡𐴃 𐴃𐴥𐴝𐴑𐴠𐴊𐴠 𐴱 𐴀𐴟𐴔𐴡𐴌 𐴉𐴝𐴌𐴟𐴑 𐴁𐴝𐴉𐴢 𐴐𐴡𐴔𐴏𐴟𐴓 𐴀𐴝𐴓𐴡𐴔 𐴁𐴡𐴐𐴢 𐴵 𐴲 𐴁𐴡𐴏𐴡𐴌 𐴱 𐴎𐴞𐴁𐴝 𐴑𐴡𐴑𐴆 𐴁𐴝𐴎𐴝𐴌𐴡𐴌 𐴀𐴞𐴕𐴄𐴝𐴌 𐴕𐴠𐴆𐴕𐴠𐴓 𐴂𐴠𐴌𐴝𐴘𐴁𐴥𐴠𐴄 𐴓𐴦𐴡 𐴘𐴟𐴕𐴞𐴖𐴝𐴌𐴏𐴞𐴄𐴞𐴃 𐴀𐴠𐴒𐴝𐴌𐴡𐴀𐴡𐴔 𐴑𐴠𐴓𐴝𐴏𐴡𐴃 𐴉𐴡𐴌𐴠𐴌𐴊𐴠 𐴉𐴟𐴖𐴝 𐴱 𐴀𐴝𐴌 𐴌𐴟𐴖𐴠𐴄𐴝𐴌 𐴈𐴥𐴡𐴁𐴡𐴌𐴞 𐴈𐴝𐴁𐴡𐴏𐴡 𐴑𐴟𐴂𐴝𐴕𐴞𐴃 𐴶 𐴱 𐴰 𐴲 𐴐𐴡𐴕 𐴀𐴥𐴡𐴘𐴃𐴠 𐴊𐴟𐴖𐴥𐴐𐴞 𐴀𐴥𐴞𐴏𐴝𐴉𐴠 𐴈𐴝𐴔 𐴒𐴡𐴌𐴠𐴌 𐴱 𐴀𐴠 𐴉𐴟𐴖𐴝 𐴀𐴞𐴁𐴥𐴝 𐴑𐴡𐴌𐴟𐴕𐴝 𐴁𐴙𐴝𐴌𐴝𐴔𐴡𐴌 𐴀𐴝𐴓𐴝𐴔𐴡𐴃𐴡𐴌 𐴋𐴦𐴡𐴙𐴓𐴧𐴝 𐴐𐴥𐴝𐴔𐴝𐴙𐴕𐴧𐴝 𐴎𐴡𐴌 𐴓𐴡𐴘 𐴱 𐴃𐴝𐴌 𐴊𐴟𐴏𐴃𐴡 𐴌𐴡𐴁𐴞𐴘𐴟𐴓 𐴇𐴟𐴏𐴝𐴙𐴕 𐴔𐴞𐴌𐴝𐴅 𐴀𐴝𐴌 𐴁𐴝𐴉𐴢 𐴔𐴝𐴣 𐴌𐴠 𐴈𐴦𐴡𐴘 𐴒𐴥𐴟𐴔 𐴎𐴝𐴘𐴃𐴡 𐴒𐴞𐴘𐴠𐴊𐴠 𐴀𐴥𐴠𐴍𐴠 𐴱 𐴒𐴤𐴟𐴔𐴡𐴌𐴃𐴟 𐴀𐴝𐴌 𐴏𐴠𐴃𐴡𐴕 𐴕𐴦𐴡 𐴀𐴥𐴡 𐴀𐴥𐴠 𐴒𐴟𐴔𐴡𐴃 𐴔𐴡𐴌𐴞 𐴒𐴞𐴘𐴡𐴘 𐴱 𐴔𐴠 𐴔𐴝𐴐𐴡𐴌 𐴹 𐴲 𐴃𐴝𐴌𐴞𐴑 𐴁𐴠𐴙𐴕𐴧𐴝 𐴀𐴡𐴓𐴉𐴡 𐴔𐴝𐴙𐴕𐴐𐴠 𐴅𐴡𐴕𐴝𐴎𐴤𐴝 𐴉𐴡𐴌𐴞 𐴑𐴠𐴀𐴠𐴔𐴡𐴌 𐴈𐴡𐴁𐴡𐴌𐴡𐴏𐴃𐴝𐴕𐴡𐴃 𐴊𐴡𐴉𐴥𐴡𐴕 𐴒𐴡𐴌𐴞 𐴉𐴥𐴠𐴓𐴝𐴘𐴧𐴠 𐴱 𐴑𐴟𐴃𐴥𐴟𐴉𐴝𐴓𐴡𐴚 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴑𐴠𐴀𐴠𐴔 𐴑𐴡𐴔𐴞𐴄𐴞𐴌 𐴏𐴥𐴡𐴊𐴡𐴌 / 𐴇𐴝𐴉𐴠𐴎 𐴅𐴡𐴓𐴝𐴓 𐴀𐴝𐴇𐴔𐴡𐴊𐴠 𐴈𐴦𐴡𐴌𐴊𐴠 , 𐴑𐴡𐴌𐴟𐴕𐴝𐴌 𐴀𐴡𐴑𐴃𐴡𐴃 𐴀𐴝𐴃𐴥𐴞𐴑𐴧𐴙𐴝 𐴀𐴠𐴑𐴧𐴝𐴕𐴝 𐴒𐴡𐴌𐴞 𐴎𐴡𐴌 𐴓𐴡𐴘 𐴀𐴦𐴠𐴕 𐴕𐴡𐴣𐴀𐴓𐴝 𐴏𐴥𐴟𐴐𐴃𐴡 𐴈𐴡𐴙𐴆𐴧𐴙𐴝 𐴉𐴟𐴖𐴝𐴌 𐴔𐴡𐴌𐴝𐴌 𐴈𐴥𐴡𐴁𐴡𐴌 𐴑𐴠𐴀𐴠𐴔𐴡𐴃 𐴏𐴥𐴡𐴌𐴝𐴘 𐴎𐴡𐴕𐴠 𐴔𐴝𐴕𐴟𐴙𐴐𐴢 𐴁𐴠𐴙𐴒𐴧𐴟𐴕 𐴋𐴡𐴌𐴡𐴃 𐴉𐴡𐴌𐴞 𐴒𐴞𐴘𐴡𐴘 𐴱𐴱

Sources : http://en.ukhiyanews.com/the-death-of-a-rohingya-youth-with-corona-symptoms-panic-in-the-camp/