𐴑𐴥𐴡𐴑𐴆 𐴁𐴝𐴎𐴝𐴌 𐴀𐴠𐴓𐴝𐴑𐴝𐴌 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃 𐴑𐴡𐴖𐴥𐴞𐴋- 𐴹 𐴱 𐴁𐴙𐴝𐴌𐴝𐴙𐴔𐴧𐴙𐴝 𐴹 𐴲 𐴎𐴡𐴕 𐴉𐴝𐴒𐴞𐴘𐴠 𐴱𐴱

𐴈𐴡𐴔𐴐𐴥𐴡𐴙𐴚𐴒𐴙𐴝 𐴌𐴟𐴇𐴝𐴙𐴚𐴒𐴙𐴝 𐴑𐴡𐴖𐴔𐴡𐴌𐴠 𐴕𐴞𐴎𐴡𐴌 𐴊𐴠𐴐𐴢 𐴀𐴝𐴌𐴑𐴝𐴕 𐴁𐴡𐴌𐴔𐴤𐴝𐴌𐴃𐴟 𐴱 𐴉𐴥𐴟𐴌𐴝𐴘 𐴉𐴥𐴠𐴓𐴝𐴘𐴁𐴝𐴌 𐴕𐴙𐴡𐴃 𐴓𐴡𐴘 𐴅𐴠𐴕𐴡𐴏𐴥𐴝𐴙𐴋 𐴒𐴡𐴌𐴠𐴌 𐴊𐴠 𐴀𐴥𐴠𐴃𐴧𐴟 𐴱 𐴔𐴡𐴓𐴞𐴘𐴟𐴕 𐴓𐴡𐴃𐴞 𐴌𐴟𐴇𐴝𐴙𐴚𐴒𐴙𐴝 𐴊𐴤𐴝𐴘𐴧𐴡𐴌𐴠 𐴁𐴝𐴚𐴓𐴝𐴊𐴠𐴐𐴡𐴃 𐴏𐴥𐴝𐴀𐴌𐴝 𐴓𐴡𐴘𐴧𐴠𐴊𐴠 𐴀𐴥𐴞𐴃𐴝𐴌𐴝𐴌𐴠 𐴱 𐴁𐴝𐴚𐴓𐴝𐴊𐴠𐴐𐴢 𐴇𐴥𐴡𐴑𐴟𐴔𐴡𐴃𐴠 𐴑𐴥𐴡𐴑𐴆 𐴁𐴝𐴎𐴝𐴌 𐴀𐴠𐴓𐴝𐴑𐴝𐴃 𐴑𐴟𐴃𐴥𐴟𐴉𐴝𐴓𐴡𐴚 𐴀𐴝𐴌 𐴑𐴟𐴃𐴥𐴟𐴉𐴝𐴓𐴡𐴚𐴡𐴌 𐴀𐴝𐴃𐴠 𐴈𐴝𐴣𐴏𐴠 𐴴 𐴳 𐴐𐴥𐴝𐴕 𐴑𐴠𐴀𐴠𐴔 𐴁𐴝𐴕𐴝𐴘 𐴌𐴝𐴙𐴑𐴧𐴙𐴠 𐴊𐴠 𐴱 𐴀𐴥𐴠𐴍𐴠 𐴁𐴥𐴟𐴃𐴡𐴌𐴠 𐴑𐴟𐴃𐴥𐴟𐴉𐴝𐴓𐴡𐴚 𐴑𐴠𐴀𐴠𐴔 𐴱 𐴊𐴟𐴕𐴞𐴘𐴝𐴙𐴌 𐴌𐴞𐴉𐴟𐴎𐴞𐴌 𐴑𐴠𐴀𐴠𐴔 𐴀𐴥𐴡𐴑𐴧𐴡𐴓𐴡𐴌 𐴁𐴥𐴟𐴃𐴡𐴌𐴠 𐴀𐴥𐴡𐴑𐴧𐴡𐴓𐴡𐴌𐴃𐴟 𐴁𐴥𐴝𐴌𐴥𐴡 𐴋𐴦𐴡𐴣𐴌 𐴑𐴠𐴀𐴠𐴔 𐴱 𐴎𐴝𐴒𐴝 𐴐𐴥𐴡𐴣𐴍𐴡 𐴀𐴥𐴡𐴕𐴠 𐴔𐴝𐴕𐴟𐴙𐴐𐴢 𐴁𐴠𐴐𐴥𐴞 𐴒𐴤𐴡𐴕𐴡 𐴱 𐴀𐴠𐴑 𐴔𐴝𐴙𐴓𐴡𐴃 𐴰 𐴰 𐴰 𐴰 𐴱 𐴎𐴡𐴕 𐴀𐴥𐴞𐴏𐴝𐴉𐴠 𐴃𐴥𐴝𐴑𐴠𐴌 𐴁𐴡𐴓𐴞 𐴀𐴝𐴕𐴊𐴝𐴎 𐴒𐴡𐴌𐴝 𐴒𐴞𐴘𐴠 𐴱 𐴀𐴥𐴠𐴃𐴡𐴓𐴧𐴝 𐴁𐴙𐴝𐴌𐴝𐴔 𐴈𐴥𐴝𐴌𐴝 𐴏𐴥𐴡𐴌𐴝𐴘 𐴎𐴝𐴘𐴁𐴡𐴒𐴥𐴡𐴘 𐴁𐴡𐴓𐴞 𐴌𐴞𐴉𐴟𐴎𐴞 𐴀𐴥𐴡𐴑𐴧𐴡𐴓𐴠 𐴉𐴠𐴌𐴠𐴐𐴝𐴕𐴞𐴎𐴦𐴝𐴙𐴌 𐴒𐴡𐴌𐴠𐴌 𐴱𐴱

𐴑𐴟𐴃𐴥𐴟𐴉𐴝𐴓𐴡𐴚 𐴑𐴠𐴀𐴠𐴔𐴡𐴃 𐴒𐴡𐴃𐴡 𐴇𐴥𐴝𐴉𐴃𐴝𐴃𐴧𐴟 𐴓𐴡𐴃𐴞 𐴀𐴝𐴙𐴅𐴧𐴙𐴝 𐴉𐴡𐴙𐴅𐴧𐴡𐴕𐴃𐴡 𐴰 𐴲 𐴎𐴡𐴕𐴡𐴌 𐴖𐴡𐴌𐴠 𐴁𐴙𐴝𐴌𐴝𐴙𐴔𐴧𐴙𐴝 𐴉𐴝𐴒𐴞𐴘𐴠 𐴱 𐴁𐴙𐴝𐴌𐴝𐴙𐴔𐴧𐴙𐴝𐴌 𐴕𐴝𐴔 𐴓𐴡𐴘 𐴀𐴠𐴓𐴝𐴕 𐴕𐴡 𐴒𐴡𐴌𐴠𐴊𐴠 𐴀𐴥𐴠𐴃𐴡𐴓𐴧𐴝 𐴕𐴝𐴔 𐴊𐴤𐴡𐴌𐴞 𐴈𐴦𐴡𐴘 𐴕𐴡𐴉𐴝𐴌𐴠𐴌 𐴁𐴡𐴓𐴞 𐴷 𐴓𐴡𐴔𐴁𐴡𐴌 𐴑𐴠𐴀𐴠𐴔𐴡𐴃 𐴃𐴥𐴝𐴑𐴠𐴊𐴠 / 𐴀𐴥𐴟𐴀 𐴀𐴡𐴚 𐴔𐴠 𐴌𐴝𐴙𐴚𐴠 ( 𐴀𐴝𐴌 𐴀𐴠𐴉𐴢 𐴀𐴠 ) 𐴌𐴠 𐴈𐴡𐴘𐴧𐴠 𐴱 𐴁𐴙𐴝𐴌𐴝𐴙𐴔𐴧𐴙𐴝 𐴈𐴡𐴊𐴦𐴟𐴕𐴡𐴌𐴠 𐴇𐴥𐴡𐴑𐴟𐴔𐴡𐴃𐴞 𐴎𐴞𐴔𐴧𐴝𐴊𐴝𐴌 𐴀𐴥𐴡𐴑𐴧𐴡𐴓𐴠 𐴔𐴝𐴃𐴝𐴘 𐴓𐴡𐴘 𐴒𐴞𐴘𐴥𐴡𐴘 𐴁𐴡𐴓𐴞 𐴵 𐴓𐴡𐴔𐴁𐴡𐴌 𐴑𐴠𐴀𐴠𐴔𐴡𐴌 / 𐴀𐴥𐴟𐴀 𐴔𐴡𐴚 𐴔𐴡𐴚𐴠 𐴈𐴡𐴘𐴧𐴠 𐴱 𐴁𐴙𐴝𐴌𐴝𐴙𐴔𐴧𐴙𐴝 𐴀𐴝𐴌 𐴀𐴥𐴞𐴃𐴝𐴌 𐴒𐴤𐴡𐴌 𐴒𐴟𐴐𐴧𐴞 𐴌𐴠 ( 𐴘𐴟 𐴀𐴠𐴕 𐴀𐴠𐴆 𐴏𐴞 𐴀𐴝𐴌𐴠 ) 𐴀𐴝𐴌 𐴊𐴝𐴁𐴝𐴘 𐴒𐴡𐴌𐴠𐴊𐴠 𐴋𐴦𐴝𐴘 𐴀𐴥𐴡𐴑𐴧𐴡𐴓𐴠 𐴔𐴝𐴃𐴝𐴘 𐴓𐴡𐴘𐴎𐴝𐴘 𐴱 𐴁𐴙𐴝𐴌𐴝𐴙𐴔𐴧𐴙𐴝 𐴌𐴠 ( 𐴑𐴡𐴌𐴠𐴕𐴄𐴥𐴝𐴙𐴕𐴡𐴃 ) 𐴌𐴝𐴑𐴤𐴞 𐴒𐴤𐴡𐴌𐴒𐴟𐴐𐴧𐴞 𐴌𐴠 𐴀𐴝𐴓𐴡𐴒𐴢 𐴎𐴝𐴒𐴝𐴃 𐴌𐴝𐴙𐴑𐴧𐴙𐴠 𐴱 𐴑𐴠𐴀𐴠𐴔𐴡𐴃 𐴊𐴝𐴁𐴝𐴘 𐴀𐴡𐴐𐴥𐴟𐴃 , 𐴎𐴝𐴕𐴝𐴘 𐴊𐴦𐴡𐴙𐴕𐴧𐴝 𐴔𐴝𐴕𐴟𐴙𐴐𐴢 𐴀𐴝𐴌 𐴏𐴥𐴝𐴀 𐴏𐴝𐴔𐴝𐴕 𐴈𐴡𐴔𐴊𐴠 𐴘𐴥𐴝𐴕𐴡𐴌 𐴁𐴝𐴁𐴡𐴃𐴠 𐴔𐴝𐴕𐴟𐴙𐴐𐴢 𐴁𐴠𐴐𐴥𐴞 𐴏𐴞𐴕𐴃𐴝𐴃 𐴀𐴝𐴏𐴠 𐴁𐴡𐴓𐴞 𐴎𐴝𐴕𐴝𐴒𐴞𐴘𐴠 𐴱𐴱

Sources : https://www.rfa.org/burmese/news/coronavirus-cases-in-rohingya-camps-05262020195901.html