𐴀𐴝𐴙𐴑𐴧𐴙𐴝𐴁𐴡𐴌 𐴌𐴥𐴠𐴑𐴧𐴗𐴥𐴝 𐴀𐴥𐴟𐴑𐴆𐴥𐴟𐴑 𐴌𐴥𐴠𐴔𐴤𐴟 𐴀𐴠𐴑 𐴎𐴡𐴕𐴡𐴌𐴠 𐴌𐴝𐴏𐴧𐴝𐴌 𐴖𐴡𐴌𐴠 𐴈𐴝𐴍𐴞 𐴉𐴥𐴠𐴓𐴝𐴘𐴧𐴠 𐴱𐴱

𐴀𐴝𐴌𐴑𐴝𐴕𐴡𐴌 𐴌𐴝𐴎𐴊𐴝𐴕𐴞 𐴀𐴝𐴙𐴑𐴧𐴙𐴝𐴁𐴡𐴃 𐴌𐴟𐴇𐴝𐴙𐴚𐴒𐴙𐴝 𐴔𐴟𐴏𐴡𐴓𐴔𐴝𐴕 𐴀𐴥𐴡𐴑𐴧𐴡𐴓𐴡𐴌 𐴉𐴝𐴌𐴝 ( 𐴕𐴝𐴎𐴞𐴌 𐴉𐴝𐴌𐴝 ) 𐴀𐴠𐴈𐴥𐴡𐴕𐴡𐴌 𐴇𐴥𐴡𐴑𐴟𐴔𐴡𐴃𐴠 𐴔𐴟𐴏𐴡𐴓𐴔𐴝𐴕 𐴀𐴥𐴡𐴑𐴧𐴡𐴓𐴡𐴌 𐴕𐴝𐴔 𐴕𐴞𐴐𐴥𐴝𐴕 𐴁𐴥𐴟𐴎𐴝𐴘 𐴉𐴥𐴠𐴓𐴝𐴘𐴁𐴝𐴌 𐴔𐴡𐴕𐴐𐴥𐴝 𐴓𐴡𐴘 𐴕𐴝𐴎𐴞𐴌 𐴉𐴝𐴌𐴝𐴌 𐴕𐴝𐴔 𐴁𐴡𐴊𐴡𐴓𐴞 ( 𐴏𐴥𐴝 𐴌𐴟𐴚 𐴎𐴥𐴟 𐴌𐴥𐴠𐴑𐴧𐴗𐴥𐴝 ) 𐴈𐴡𐴘 𐴕𐴝𐴔 𐴊𐴞𐴘𐴠 𐴱 𐴎𐴠 𐴉𐴝𐴌𐴝 𐴒𐴥𐴝𐴕𐴡𐴌𐴠 𐴲 𐴱 𐴰 𐴲 𐴐𐴥𐴡𐴕𐴡𐴃 𐴌𐴟𐴇𐴝𐴙𐴚𐴒𐴙𐴝 𐴅𐴠𐴕𐴡𐴏𐴥𐴝𐴙𐴋 𐴂𐴡𐴌𐴟𐴒𐴠𐴌𐴝𐴔𐴡𐴌 𐴐𐴥𐴟𐴌𐴟𐴃 𐴱 𐴉𐴝𐴙𐴅𐴧𐴝 𐴀𐴥𐴡𐴑𐴧𐴡𐴓𐴡𐴌𐴠 𐴈𐴝𐴍𐴞 𐴔𐴝𐴌𐴞 ( 𐴀𐴝𐴘 𐴋𐴞 𐴂𐴞 ) 𐴑𐴠𐴀𐴠𐴔𐴡𐴃 𐴊𐴟𐴣𐴌𐴝𐴘𐴊𐴞 𐴇𐴥𐴡𐴑𐴟𐴔𐴡𐴃 𐴀𐴝𐴌 𐴔𐴡𐴒𐴠 𐴔𐴞𐴓𐴞 𐴉𐴟𐴌𐴝 𐴊𐴞𐴉𐴥𐴠𐴓𐴝𐴘𐴧𐴠 𐴱 𐴁𐴝𐴊𐴠 𐴀𐴝𐴏𐴧𐴠 𐴀𐴝𐴏𐴧𐴠 𐴐𐴥𐴡𐴀𐴌𐴡𐴌 𐴁𐴝𐴀𐴝𐴌𐴃𐴟 𐴔𐴡𐴒𐴢 𐴀𐴥𐴡𐴑𐴧𐴡𐴓 𐴀𐴦𐴝𐴘 𐴀𐴥𐴠 𐴕𐴝𐴎𐴞𐴌 𐴉𐴝𐴌𐴝𐴃 𐴒𐴤𐴡𐴌 𐴁𐴝𐴕𐴝𐴘 𐴃𐴥𐴝𐴙𐴑𐴧𐴙𐴠 𐴱 𐴈𐴥𐴡𐴁𐴡𐴌 𐴔𐴡𐴎𐴞𐴕 𐴓𐴡𐴒𐴢 𐴁𐴤𐴡𐴒𐴢 𐴰 𐴰 𐴰 𐴴 𐴓𐴡𐴃𐴞 𐴒𐴤𐴡𐴌 𐴀𐴝𐴌 𐴁𐴝𐴣𐴐𐴥𐴝 𐴀𐴝𐴏𐴠 𐴱 𐴎𐴞𐴃𐴝𐴌𐴝 𐴌𐴟𐴇𐴝𐴙𐴚𐴒𐴙𐴝𐴌 𐴀𐴥𐴝𐴃𐴡𐴌 𐴈𐴝𐴔 𐴈𐴝𐴌𐴥𐴞 𐴓𐴡𐴘 𐴔𐴡𐴒𐴢 𐴀𐴥𐴟𐴕𐴠 𐴒𐴡𐴌𐴠𐴌 𐴱 𐴔𐴠 𐴔𐴥𐴝𐴐𐴡𐴌 𐴴 𐴱 𐴃𐴝𐴌𐴞𐴑𐴡𐴃 𐴇𐴥𐴡𐴑𐴟𐴔𐴡𐴃𐴠 𐴀𐴡𐴒𐴥𐴡𐴏𐴄𐴡𐴌 𐴴 𐴱 𐴃𐴝𐴌𐴞𐴑 𐴉𐴡𐴙𐴅𐴧𐴡𐴕𐴃𐴡 𐴃𐴞𐴕 𐴔𐴝𐴐𐴡𐴌 𐴄𐴝𐴙𐴔 𐴊𐴞 𐴔𐴡𐴒𐴡𐴌 𐴒𐴤𐴡𐴌 𐴀𐴥𐴞𐴀𐴕 𐴁𐴥𐴝𐴚𐴞 𐴉𐴥𐴠𐴓𐴝𐴘 𐴁𐴡𐴌𐴓𐴝 𐴀𐴡𐴋𐴝𐴌 𐴕𐴠𐴓𐴝𐴘 𐴊𐴞𐴘𐴠 𐴱𐴱

𐴎𐴠 𐴀𐴡𐴋𐴝𐴌 𐴕𐴝𐴔𐴝 𐴒𐴥𐴝𐴕 𐴕𐴝𐴎𐴞𐴌 𐴉𐴝𐴌𐴝𐴌 𐴏𐴥𐴡𐴀𐴡𐴔 𐴌𐴥𐴠𐴑𐴧𐴗𐴥𐴝𐴌 ( 𐴏𐴥𐴝 𐴌𐴟𐴚 𐴎𐴥𐴟 𐴌𐴥𐴠𐴑𐴧𐴗𐴥𐴝𐴌 ) 𐴀𐴥𐴟𐴑 𐴆𐴥𐴟𐴑 𐴌𐴥𐴠𐴔𐴤𐴟 / 𐴀𐴥𐴟𐴀 𐴏𐴥𐴞𐴚 𐴓𐴝𐴙𐴚𐴠 𐴉𐴝𐴌𐴝𐴃 𐴁𐴠𐴙𐴒𐴧𐴟𐴕𐴠 𐴎𐴝𐴕𐴞𐴉𐴝𐴌𐴠 𐴉𐴦𐴝𐴕 𐴈𐴝𐴣𐴏𐴝𐴌𐴞𐴃 𐴓𐴡𐴄𐴑𐴝𐴘 𐴊𐴞𐴘𐴠 𐴱 𐴀𐴥𐴠 𐴘𐴥𐴝𐴕𐴡𐴌𐴓𐴝 𐴁𐴡𐴓𐴞 𐴀𐴥𐴠 𐴀𐴥𐴟𐴑 𐴆𐴥𐴙𐴑 𐴌𐴥𐴠𐴔𐴤𐴟 𐴏𐴥𐴞𐴚 𐴓𐴝𐴙𐴚𐴡𐴌𐴠 𐴔𐴡𐴒𐴢 𐴀𐴥𐴡𐴑𐴧𐴡𐴓𐴠 𐴀𐴝𐴙𐴑𐴧𐴙𐴝𐴁 𐴐𐴥𐴡𐴀𐴌𐴡𐴌 𐴑𐴟𐴚 𐴏𐴗𐴠 𐴌𐴦𐴟𐴋 𐴀𐴝𐴌 𐴂𐴥𐴠𐴚 𐴑𐴠𐴌𐴠𐴚 𐴌𐴦𐴟𐴋𐴡𐴌 𐴑𐴟𐴕𐴡𐴃 𐴀𐴠𐴑𐴧𐴝𐴕 𐴃𐴞𐴕𐴄𐴝𐴓𐴝 𐴑𐴟𐴄𐴥𐴝𐴌 𐴋𐴤𐴝𐴑𐴠 𐴉𐴝𐴕𐴡𐴌 𐴊𐴟𐴖𐴝𐴕𐴡𐴃 𐴉𐴝𐴕 𐴑𐴞𐴕𐴠𐴌𐴊𐴠 𐴐𐴥𐴡𐴣𐴀𐴃 𐴱 𐴔𐴡𐴒𐴢 𐴈𐴡𐴊𐴟𐴕𐴠 𐴊𐴡 𐴓𐴡𐴘 𐴈𐴝𐴙𐴄𐴧𐴙𐴠 𐴊𐴠 𐴘𐴥𐴝𐴕 𐴱 𐴀𐴥𐴞𐴁𐴝𐴌𐴠 𐴋𐴝𐴑𐴄𐴡𐴌 𐴈𐴥𐴝𐴕𐴝𐴃 𐴉𐴦𐴡𐴣𐴏𐴝𐴘𐴧𐴠𐴃𐴠 𐴀𐴥𐴞𐴃𐴝𐴌𐴝 𐴈𐴡𐴘𐴧𐴠 𐴱 𐴋𐴝𐴑𐴄𐴡𐴌 𐴈𐴥𐴝𐴕𐴝𐴃 𐴀𐴥𐴞𐴁𐴝𐴌 𐴒𐴦𐴝𐴃 𐴷 𐴃𐴥𐴝𐴕 𐴎𐴝𐴒𐴝𐴃 𐴊𐴡𐴌 𐴑𐴟𐴂𐴢 𐴉𐴝𐴘𐴧𐴠 , 𐴏𐴥𐴞𐴕𐴝𐴃 , 𐴉𐴞𐴍𐴡𐴃 , 𐴒𐴡𐴓𐴝𐴃 , 𐴋𐴟𐴣𐴖𐴥𐴝𐴣𐴃 , 𐴑𐴗𐴝𐴓𐴡𐴃 , 𐴉𐴠𐴍𐴡𐴃 𐴱 𐴀𐴠 𐴎𐴡𐴈𐴡𐴔𐴌 𐴎𐴡𐴌𐴞𐴘𐴝 / 𐴀𐴥𐴟𐴀 𐴏𐴥𐴞𐴚 𐴓𐴝𐴙𐴚 𐴔𐴡𐴌𐴞 𐴒𐴞𐴘𐴥𐴡𐴘 𐴁𐴡𐴓𐴞 ( 𐴆𐴗𐴠 𐴌𐴡𐴚 𐴔𐴥𐴠𐴃𐴧𐴝 𐴉𐴡𐴗𐴕 𐴋𐴞𐴆𐴥𐴠𐴕𐴡𐴌 ) 𐴔𐴝𐴙𐴕𐴐𐴡𐴌𐴠 𐴔𐴡𐴊𐴡𐴊 𐴒𐴡𐴌𐴠𐴊𐴠 𐴉𐴝𐴄𐴞𐴌 𐴀𐴥𐴟𐴑𐴧𐴝𐴄𐴝 / 𐴑𐴟 𐴔𐴥𐴝𐴚 𐴄𐴞𐴖𐴝 𐴘𐴠 𐴈𐴡𐴘𐴧𐴠 𐴱𐴱

𐴇𐴥𐴡𐴑𐴟𐴔𐴡𐴃𐴡𐴌 𐴀𐴡𐴋𐴝𐴌𐴡𐴌𐴠 𐴀𐴥𐴟𐴑 𐴆𐴥𐴙𐴟𐴑 𐴌𐴥𐴠 𐴔𐴤𐴟𐴌 𐴉𐴞𐴍𐴡𐴌 𐴖𐴡𐴌𐴠 𐴃𐴟𐴓𐴞 𐴊𐴞 𐴱 𐴀𐴟𐴑 𐴆𐴥𐴟𐴑 𐴌𐴥𐴠𐴔𐴤𐴟 𐴘𐴠 𐴉𐴝𐴌𐴝𐴌𐴃𐴟 𐴔𐴝𐴙𐴕𐴐𐴡𐴌𐴠 𐴕𐴠𐴓𐴝𐴘𐴁𐴝𐴌 𐴎𐴦𐴟 𐴒𐴡𐴌𐴠𐴌𐴊𐴠 𐴁𐴡𐴓𐴞 𐴈𐴦𐴡𐴘 𐴀𐴥𐴠 𐴔𐴡𐴒𐴢 𐴀𐴥𐴡𐴑𐴧𐴡𐴓𐴠 𐴱 𐴀𐴥𐴞𐴃𐴝𐴌𐴠 𐴔𐴝𐴌𐴞𐴁𐴝𐴌 𐴑𐴠𐴙𐴏𐴧𐴟 𐴊𐴞𐴕 𐴀𐴝𐴒𐴠 𐴉𐴝𐴌𐴝𐴃 𐴔𐴡𐴐𐴦𐴟𐴌 𐴒𐴡𐴙𐴅𐴧𐴙𐴠 𐴱 𐴘𐴝𐴌 𐴀𐴝𐴒𐴠 𐴘𐴥𐴡 𐴀𐴥𐴠 𐴉𐴝𐴌𐴝𐴃 𐴁𐴦𐴝𐴌𐴡𐴌 𐴈𐴥𐴡𐴁𐴡𐴌𐴞 𐴈𐴝𐴁𐴡𐴏𐴡𐴃 𐴀𐴝𐴌𐴄𐴞𐴑𐴠𐴓 𐴓𐴠𐴑𐴠𐴊𐴠 / 𐴀𐴥𐴟𐴀 𐴆𐴙𐴡 𐴓𐴥𐴝𐴚𐴠 𐴀𐴥𐴞𐴃𐴝𐴌 𐴒𐴤𐴡𐴌𐴡𐴌 𐴔𐴦𐴟𐴕𐴃𐴟 𐴃𐴥𐴞𐴘𐴝𐴘 𐴄𐴠𐴓𐴞𐴉𐴥𐴟𐴕 𐴓𐴡𐴘 𐴈𐴡𐴃𐴥𐴝 𐴈𐴦𐴡𐴌𐴊𐴠 𐴀𐴡𐴑𐴃𐴡𐴃 𐴱 𐴏𐴝𐴙𐴑𐴧𐴙𐴥𐴝 𐴓𐴡𐴘 𐴔𐴡𐴒𐴢 𐴊𐴟𐴘 𐴎𐴡𐴕 𐴀𐴦𐴝𐴘 𐴀𐴥𐴞𐴃𐴝𐴌𐴠 𐴔𐴝𐴙𐴅𐴧𐴙𐴠 𐴱 𐴀𐴥𐴠 𐴔𐴝𐴙𐴌𐴡𐴌 𐴎𐴡𐴈𐴡𐴔𐴡𐴌 𐴎𐴡𐴌𐴞𐴘𐴝 𐴋𐴝𐴑𐴄𐴡𐴌 𐴈𐴥𐴝𐴕𐴝𐴃 𐴎𐴝𐴘 𐴊𐴝𐴁𐴝𐴘 𐴒𐴡𐴌𐴥𐴝 𐴉𐴡𐴙𐴅𐴧𐴙𐴠 𐴱 𐴘𐴝𐴌 𐴀𐴝𐴒𐴠 𐴸 𐴱 𐴰 𐴲 𐴐𐴡𐴕 𐴏𐴠𐴃𐴡𐴔𐴁𐴡𐴌 𐴔𐴝𐴐𐴡𐴃 𐴖𐴝𐴚 𐴑𐴡𐴁𐴧𐴝𐴃 𐴱 𐴒𐴤𐴡𐴌𐴒𐴟𐴐𐴧𐴞 𐴀𐴟𐴒𐴧𐴗𐴝 𐴘𐴠 𐴔𐴝𐴓 𐴑𐴞𐴕𐴠𐴌𐴊𐴠 𐴐𐴥𐴡𐴣𐴀𐴃 / 𐴑𐴟 𐴂𐴥𐴟 𐴓𐴥𐴟𐴚 𐴕𐴝𐴔𐴡𐴌 𐴔𐴠𐴓𐴠𐴄𐴠𐴌𐴞 𐴀𐴠𐴑 𐴎𐴡𐴕𐴡𐴌𐴠 𐴒𐴟𐴓𐴞𐴔𐴝𐴌𐴞 𐴔𐴝𐴌𐴞𐴉𐴥𐴠𐴙𐴓𐴧𐴙𐴠𐴊𐴠 𐴑𐴠𐴙𐴏𐴡𐴃 𐴔𐴡𐴒𐴡𐴌 𐴉𐴟𐴖𐴝 𐴴 𐴎𐴡𐴕𐴡𐴌 𐴖𐴡𐴌𐴠 𐴔𐴡𐴀𐴊𐴧𐴞𐴔𐴝 𐴏𐴡𐴓𐴦𐴠𐴌 𐴱𐴱

sOURCES : https://myanmar-now.org/mm/news/3801