𐴖𐴝𐴆𐴞𐴚𐴄𐴡𐴕𐴡𐴃 𐴅𐴠𐴕𐴡𐴏𐴥𐴝𐴙𐴋𐴡𐴌 𐴀𐴥𐴞𐴏𐴄𐴟𐴌𐴞 𐴊𐴠𐴈𐴥𐴝𐴊𐴠 𐴇𐴥𐴡𐴀𐴓𐴡𐴃 𐴌𐴟𐴇𐴝𐴙𐴚𐴒𐴙𐴝𐴌 𐴅𐴠𐴕𐴡𐴏𐴥𐴝𐴙𐴋𐴡𐴌𐴥𐴠 𐴘𐴥𐴡 𐴊𐴠𐴈𐴥𐴝𐴘𐴧𐴠 𐴱𐴱

𐴅𐴠𐴕𐴡𐴏𐴥𐴝𐴙𐴋𐴡𐴌 𐴌𐴝𐴏𐴧𐴝𐴌 𐴖𐴡𐴌𐴠 𐴀𐴥𐴝𐴣𐴍𐴠𐴌 𐴊𐴠 𐴁𐴡𐴌𐴔𐴝 ” 𐴕𐴝𐴔𐴡𐴌 𐴀𐴡𐴀𐴕𐴓𐴥𐴝𐴙𐴕 𐴉𐴥𐴞𐴓𐴞𐴔 𐴀𐴟𐴒𐴧𐴗𐴝 𐴱 𐴘𐴟𐴇𐴥𐴟𐴊𐴞 𐴀𐴥𐴡𐴑𐴧𐴡𐴓𐴡𐴌𐴠 𐴅𐴝𐴌𐴔𐴡𐴕𐴡𐴌 𐴕𐴝𐴎𐴞 𐴑𐴡𐴖𐴔𐴠 𐴅𐴠𐴕𐴡𐴏𐴥𐴝𐴙𐴋 𐴒𐴡𐴙𐴅𐴧𐴞𐴀𐴓𐴊𐴠 𐴀𐴥𐴞𐴕𐴡𐴌 𐴘𐴝𐴊𐴒𐴝𐴌𐴞 𐴊𐴠𐴈𐴥𐴝𐴊𐴠 𐴱 𐴀𐴝𐴔𐴠𐴌𐴞𐴑𐴝𐴃 𐴀𐴝𐴏𐴠𐴊𐴠 ” 𐴇𐴡𐴓𐴡𐴑𐴦𐴡𐴏𐴄 ” 𐴇𐴥𐴡𐴀𐴓𐴡𐴃 𐴔𐴠 𐴔𐴝𐴐𐴡𐴌 𐴹 𐴱 𐴃𐴝𐴌𐴞𐴑𐴡𐴌 𐴊𐴞𐴕 𐴓𐴝𐴒𐴝𐴃𐴝𐴌 𐴊𐴠𐴈𐴥𐴝𐴘𐴧𐴠 𐴱 𐴁𐴠𐴙𐴐𐴢 𐴐𐴥𐴡𐴙𐴚𐴒𐴙𐴝 𐴁𐴟𐴋𐴧𐴞𐴇𐴏𐴢 𐴊𐴤𐴡𐴌𐴔𐴡 𐴀𐴡𐴓𐴝 𐴁𐴡𐴌𐴔𐴝 𐴊𐴠𐴐𐴡𐴃 𐴃𐴥𐴝𐴑𐴠𐴊𐴠 𐴌𐴟𐴇𐴝𐴙𐴚𐴒𐴙𐴝 𐴔𐴟𐴏𐴡𐴓𐴔𐴝𐴕 𐴀𐴥𐴡𐴑𐴧𐴡𐴓𐴡𐴌𐴠 𐴱 𐴁𐴡𐴌𐴔𐴝 𐴇𐴥𐴡𐴑𐴟𐴔𐴡𐴃𐴠 𐴁𐴡𐴖𐴃 𐴁𐴡𐴏𐴥𐴡𐴌 𐴓𐴡𐴃𐴞 𐴎𐴟𐴓𐴟𐴔 𐴒𐴡𐴌𐴝𐴃 𐴀𐴝𐴏𐴠𐴊𐴠 𐴱 𐴀𐴝𐴌 𐴔𐴠𐴓𐴠𐴄𐴠𐴌𐴞 𐴀𐴥𐴡𐴑𐴧𐴡𐴓𐴠 𐴀𐴥𐴠𐴣𐴃𐴠 𐴊𐴤𐴡𐴌𐴞 𐴊𐴤𐴡𐴌𐴞 𐴔𐴝𐴌𐴞 𐴉𐴥𐴠𐴓𐴝𐴘𐴧𐴠𐴊𐴠 𐴀𐴥𐴞𐴕𐴡𐴌𐴠 𐴐𐴥𐴟𐴕𐴊𐴡𐴌 𐴒𐴡𐴌𐴞 𐴁𐴟𐴎𐴥𐴝𐴘 𐴊𐴞𐴘𐴠 𐴊𐴠 𐴀𐴥𐴠𐴕𐴋𐴞𐴓𐴧𐴝 𐴀𐴟𐴒𐴧𐴗𐴝 𐴉𐴥𐴞𐴓𐴞𐴔 𐴱 𐴁𐴡𐴌𐴔𐴝𐴌 𐴔𐴠𐴓𐴠𐴄𐴠𐴌𐴞 𐴀𐴥𐴡𐴑𐴧𐴡𐴓𐴠 𐴌𐴟𐴇𐴝𐴙𐴚𐴒𐴙𐴝 𐴑𐴡𐴖𐴔𐴡𐴌𐴠 𐴏𐴥𐴝𐴉𐴢 𐴒𐴡𐴌𐴞 𐴉𐴥𐴟𐴌𐴥𐴝𐴘 𐴉𐴥𐴠𐴓𐴥𐴝𐴘𐴁𐴝𐴌 𐴕𐴞𐴘𐴡𐴃𐴠 𐴴 𐴱 𐴁𐴡𐴏𐴡𐴌𐴡𐴌 𐴁𐴥𐴟𐴃𐴡𐴌𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓 𐴃𐴥𐴝𐴑𐴠𐴊𐴠 𐴎𐴝𐴒𐴝 𐴀𐴥𐴡𐴑𐴧𐴡𐴓𐴡𐴃 𐴎𐴦𐴝𐴘 𐴶 𐴱 𐴁𐴝𐴌 𐴌𐴠𐴑𐴝𐴀𐴌𐴋 𐴒𐴡𐴙𐴅𐴧𐴙𐴠 𐴊𐴠 𐴘𐴥𐴝𐴕 𐴱 𐴇𐴡𐴓𐴡𐴑𐴦𐴡𐴏𐴄 𐴇𐴥𐴡𐴀𐴓𐴡𐴌 𐴎𐴞𐴔𐴧𐴝𐴊𐴝𐴌 / 𐴒𐴠𐴌𐴠𐴒𐴢 𐴑𐴡𐴣𐴏𐴄𐴠𐴕 𐴄𐴥𐴝𐴙𐴕𐴠 𐴈𐴡𐴘𐴧𐴠 𐴱 𐴀𐴠 𐴌𐴟𐴇𐴝𐴙𐴚𐴒𐴙𐴝 𐴑𐴡𐴖𐴔 𐴀𐴝𐴌 𐴀𐴥𐴞𐴃𐴝𐴌𐴝𐴌 𐴇𐴥𐴑𐴧𐴡𐴌 𐴁𐴝𐴁𐴡𐴃𐴠 𐴊𐴠𐴈𐴥𐴝𐴌 𐴊𐴠 𐴉𐴥𐴞𐴓𐴞𐴔 𐴀𐴞𐴁𐴥𐴝𐴃 𐴱𐴱

𐴓𐴡𐴕𐴋𐴡𐴕𐴡𐴃 𐴃𐴥𐴝𐴑𐴠𐴊𐴠 𐴌𐴟𐴇𐴝𐴙𐴚𐴒𐴙𐴝 𐴑𐴡𐴖𐴔𐴡𐴌 𐴉𐴝𐴄𐴞 𐴀𐴟𐴒𐴧𐴗𐴝𐴌 𐴀𐴥𐴟𐴑𐴧𐴝𐴄𐴝 / 𐴀𐴥𐴟𐴀 𐴄𐴥𐴟𐴚 𐴑𐴞𐴚𐴠 , 𐴊𐴠𐴐𐴁𐴞𐴊𐴠𐴐𐴡𐴌𐴠 𐴌𐴟𐴇𐴝𐴙𐴚𐴒𐴙𐴝𐴌𐴠 𐴕𐴡 𐴉𐴦𐴡𐴌𐴝𐴘 𐴁𐴡𐴌𐴓𐴝 𐴉𐴥𐴞𐴓𐴞𐴔 𐴀𐴞𐴁𐴥𐴝𐴃 𐴈𐴡𐴘𐴧𐴠 𐴀𐴝𐴌 𐴀𐴠𐴒𐴥𐴡𐴙𐴐𐴢 𐴐𐴥𐴡𐴃𐴡𐴑𐴡𐴃 𐴌𐴟𐴇𐴝𐴙𐴚𐴒𐴙𐴝𐴌𐴠 𐴁𐴡𐴌𐴔𐴝 𐴘𐴠 𐴅𐴠𐴕𐴡 𐴏𐴥𐴝𐴙𐴋 𐴒𐴡𐴌𐴠𐴌 𐴊𐴠 𐴘𐴥𐴝𐴕𐴀𐴥𐴡 𐴊𐴠𐴐𐴁𐴞𐴊𐴠𐴐𐴡𐴌𐴠 𐴎𐴝𐴕𐴝𐴀𐴡𐴕 𐴎𐴡𐴌𐴟𐴌𐴞 𐴁𐴡𐴓𐴞 𐴈𐴡𐴘𐴧𐴠 𐴱 𐴁𐴡𐴌𐴔𐴝𐴌 𐴔𐴠𐴓𐴠𐴄𐴠𐴌𐴞 𐴀𐴥𐴡𐴑𐴧𐴡𐴓𐴠 𐴲 𐴱 𐴰 𐴲 𐴀𐴝𐴌 𐴷 𐴱 𐴰 𐴲 𐴐𐴡𐴕𐴡𐴃 𐴌𐴟𐴇𐴝𐴙𐴚𐴒𐴙𐴝𐴌𐴠 𐴔𐴝𐴌𐴡𐴀𐴕 𐴈𐴝𐴍𐴡𐴀𐴕𐴡𐴌 𐴎𐴡𐴌𐴞𐴘𐴝 𐴁𐴠𐴐𐴥𐴞 𐴌𐴟𐴇𐴝𐴙𐴚𐴒𐴙𐴝𐴌 𐴃𐴟 𐴁𐴝𐴚𐴓𐴝𐴊𐴠𐴐𐴡𐴃 𐴏𐴥𐴝𐴀𐴌𐴝 𐴓𐴟𐴖𐴝 𐴉𐴡𐴙𐴅𐴧𐴙𐴠 𐴱 𐴈𐴥𐴝𐴏𐴢 𐴒𐴡𐴌𐴞 𐴷 𐴱 𐴰 𐴲 𐴐𐴡𐴕𐴡𐴃 𐴇𐴥𐴝𐴓𐴡𐴃 𐴁𐴠𐴐𐴥𐴞 𐴈𐴥𐴡𐴌𐴝𐴉𐴢 𐴀𐴥𐴡𐴘𐴧𐴠 𐴱 𐴀𐴝𐴌 𐴏𐴝 𐴘𐴠 𐴁𐴡𐴌𐴔𐴝𐴌 𐴁𐴡𐴖𐴋𐴝𐴌 𐴏𐴡𐴀𐴛 𐴉𐴟𐴓𐴞𐴐𐴡𐴌 𐴒𐴥𐴝𐴣𐴄𐴞 𐴔𐴝𐴙𐴅𐴧𐴙𐴠 𐴊𐴠 𐴘𐴥𐴝𐴕 𐴃𐴟 𐴓𐴡𐴃𐴞 𐴱 𐴔𐴠𐴓𐴠𐴄𐴠𐴌𐴞 𐴀𐴥𐴡𐴑𐴧𐴡𐴓𐴠 𐴌𐴟𐴇𐴝𐴙𐴚𐴒𐴙𐴝 𐴌𐴠 𐴅𐴡𐴕𐴡𐴏𐴥𐴝𐴙𐴋 𐴒𐴡𐴌𐴞𐴁𐴝𐴌 𐴀𐴠𐴑𐴧𐴝𐴕 𐴁𐴡𐴌𐴡 𐴆𐴝𐴣𐴀𐴏𐴢 𐴀𐴝𐴌 𐴔𐴡𐴖𐴑𐴝 𐴉𐴝𐴘 𐴱 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌𐴠 𐴈𐴝𐴙𐴄𐴧𐴙𐴠 , 𐴔𐴝𐴙𐴅𐴧𐴙𐴠 , 𐴁𐴡𐴓𐴡𐴃𐴑𐴝𐴌 𐴒𐴡𐴙𐴅𐴧𐴙𐴠 𐴀𐴝𐴌 𐴒𐴤𐴡𐴌𐴁𐴝𐴌𐴞 𐴉𐴟𐴌𐴝 𐴊𐴞 𐴉𐴥𐴠𐴓𐴥𐴝𐴘𐴧𐴠 𐴱 𐴎𐴞𐴀𐴕𐴡𐴌 𐴎𐴡𐴌𐴞 𐴘𐴝 𐴓𐴝𐴑𐴤𐴝 𐴓𐴝𐴑𐴤𐴞 𐴌𐴟𐴇𐴝𐴙𐴚𐴒𐴙𐴝 𐴉𐴡𐴌𐴝𐴕 𐴁𐴝𐴏𐴝𐴘 𐴁𐴝𐴚𐴓𐴝𐴊𐴠𐴐𐴡𐴃 𐴏𐴥𐴝𐴀𐴌𐴝 𐴓𐴡𐴕𐴡𐴃 𐴔𐴡𐴅𐴁𐴟𐴌 𐴀𐴥𐴡𐴘𐴧𐴠 𐴱 𐴁𐴝𐴚𐴓𐴝𐴊𐴠𐴐𐴡𐴃 𐴕𐴡 𐴀𐴦𐴝𐴘 𐴱 𐴀𐴝𐴌𐴑𐴝𐴕𐴡𐴃 𐴃𐴥𐴝𐴑𐴞 𐴒𐴞𐴘𐴥𐴡𐴘𐴊𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴟𐴀𐴕𐴀𐴥𐴡 𐴁𐴠𐴐𐴥𐴞 𐴋𐴡𐴌𐴡𐴃 𐴎𐴞𐴕𐴊𐴞𐴒𐴞 𐴒𐴡𐴌𐴦𐴠𐴌 𐴱𐴱

Sources : https://www.rfa.org/burmese/news/online-exhibition-rohingya-Holocaust-05192020194748.html