𐴁𐴟𐴔 𐴉𐴥𐴟𐴍𐴞 𐴘𐴡𐴌𐴠 𐴁𐴥𐴟𐴏𐴞𐴊𐴡𐴚𐴡𐴃 𐴉𐴟𐴖𐴝𐴙𐴕 𐴃𐴞𐴕 𐴎𐴡𐴕 𐴔𐴡𐴌𐴞 𐴒𐴞𐴘𐴡𐴘 𐴱𐴱

𐴁𐴥𐴟𐴏𐴞𐴊𐴡𐴚 𐴀𐴠𐴓𐴝𐴑𐴝𐴃 𐴏𐴥𐴠𐴌𐴥𐴝𐴂𐴧𐴝𐴌𐴝𐴚 ( 𐴔𐴡𐴒𐴉𐴝𐴌𐴝 ) 𐴀𐴝𐴌 𐴏𐴥𐴠𐴌𐴥𐴝𐴂𐴧𐴝𐴌𐴝𐴚 ( 𐴔𐴟𐴏𐴡𐴓𐴔𐴝𐴕 𐴉𐴝𐴌𐴝 ) 𐴊𐴟𐴘 𐴕𐴝𐴔𐴡𐴌 𐴀𐴝𐴓𐴡𐴒𐴢 𐴀𐴝𐴓𐴡𐴒𐴢 𐴊𐴟𐴘𐴧𐴝𐴕 𐴉𐴝𐴌𐴝 𐴀𐴝𐴏𐴠 𐴱 𐴔𐴡𐴒𐴁𐴝𐴒𐴞 𐴀𐴝𐴌 𐴔𐴠𐴓𐴠𐴄𐴠𐴌𐴞𐴌 𐴔𐴝𐴎𐴠 𐴏𐴡𐴓𐴠𐴌𐴊𐴠 𐴓𐴝𐴌𐴝𐴙𐴌 𐴎𐴡𐴌𐴞𐴘𐴝 𐴏𐴥𐴠𐴌𐴝𐴂𐴧𐴝𐴌𐴝𐴚 ( 𐴔𐴡𐴒𐴉𐴝𐴌𐴝𐴌 ) 𐴔𐴡𐴒𐴢 𐴁𐴠𐴙𐴒𐴧𐴟𐴕 𐴉𐴝𐴌𐴝 𐴏𐴥𐴝𐴌𐴞 𐴁𐴥𐴏𐴞𐴊𐴡𐴚 𐴄𐴡𐴀𐴕𐴡𐴃 𐴒𐴥𐴡𐴙𐴓𐴧𐴙𐴠 𐴒𐴥𐴝𐴘𐴊𐴠 𐴶 𐴔𐴝𐴐𐴢 𐴓𐴡𐴃𐴞 𐴀𐴥𐴡𐴘𐴧𐴠 𐴱 𐴀𐴥𐴠 𐴔𐴝𐴕𐴟𐴙𐴐𐴢 𐴎𐴡𐴕 𐴕𐴥𐴝𐴘𐴊𐴠 𐴏𐴥𐴝𐴌𐴥𐴝 𐴏𐴥𐴠𐴌𐴝𐴂𐴧𐴝𐴌𐴝𐴚 𐴔𐴡𐴒𐴉𐴝𐴌𐴝𐴃 𐴱 𐴋𐴥𐴝𐴑𐴡𐴌 𐴔𐴟𐴏𐴡𐴓𐴔𐴝𐴕 𐴏𐴥𐴠𐴌𐴥𐴝𐴂𐴧𐴝𐴌𐴝𐴚𐴡𐴌 𐴉𐴟𐴖𐴝 𐴊𐴟𐴘 𐴎𐴡𐴕 ( 𐴱 ) 𐴀𐴝𐴁𐴊𐴟𐴓 𐴇𐴝𐴔𐴞𐴊 𐴁𐴡𐴐𐴢 𐴲 𐴱 𐴁𐴡𐴏𐴡𐴌 ( 𐴲 ) 𐴌𐴝𐴇𐴠𐴕𐴝 𐴁𐴠𐴒𐴡𐴔 𐴁𐴡𐴐𐴢 𐴵 𐴱 𐴁𐴡𐴏𐴡𐴌 𐴱 𐴀𐴝𐴌 𐴉𐴟𐴛𐴔𐴝𐴓𐴞𐴌 𐴀𐴠𐴑 𐴎𐴡𐴕 𐴕𐴝𐴔 𐴀𐴥𐴡𐴙𐴓𐴊𐴠 / 𐴏𐴝𐴊𐴠𐴑𐴝 𐴁𐴞𐴁𐴞 𐴁𐴡𐴐𐴢 𐴰 𐴱 𐴁𐴡𐴏𐴡𐴌 𐴱 𐴀𐴠 𐴉𐴟𐴖𐴝𐴙𐴕 𐴃𐴞𐴕𐴥𐴡𐴎𐴡𐴕 𐴲 𐴱 𐴃𐴝𐴌𐴞𐴑 𐴔𐴠𐴔𐴥𐴝𐴐𐴢 𐴰 𐴲 𐴰 𐴲 𐴀𐴞𐴚 𐴸 𐴲 𐴃𐴝𐴌𐴞𐴑 𐴁𐴡𐴘𐴐𐴥𐴝𐴑 𐴔𐴝𐴐𐴢 𐴲 𐴳 𐴲 𐴱 𐴌𐴟𐴇𐴝𐴙𐴚𐴒𐴘𐴝 𐴔𐴡𐴚𐴒𐴡𐴓 𐴁𐴝𐴌𐴠 𐴁𐴠𐴙𐴕𐴧𐴙𐴝 𐴓𐴡𐴒𐴁𐴡𐴒𐴢 𐴱 𐴱 𐴁𐴝𐴎𐴠 𐴱𐴱

𐴀𐴝𐴔 𐴓𐴡𐴘𐴃𐴡 𐴒𐴞𐴘𐴠𐴊𐴠 𐴀𐴥𐴠𐴍𐴠 𐴁𐴟𐴔𐴉𐴥𐴟𐴍𐴝𐴃 𐴉𐴡𐴌𐴞 𐴏𐴥𐴠𐴌𐴥𐴝𐴂𐴧𐴝𐴌𐴝𐴚𐴡𐴌 𐴉𐴟𐴖𐴝 𐴊𐴟𐴕𐴥𐴞 𐴎𐴡𐴕 𐴀𐴥𐴡𐴊𐴡𐴃 𐴔𐴡𐴌𐴞 𐴒𐴞𐴘𐴦𐴡𐴘 𐴀𐴝𐴌 𐴉𐴟𐴛𐴔𐴝𐴓𐴞𐴌 𐴉𐴟𐴖𐴝 𐴖𐴥𐴝 𐴋𐴝𐴑𐴄𐴡𐴌 𐴈𐴥𐴝𐴕𐴝𐴃 𐴉𐴦𐴡𐴣𐴏𐴞 𐴉𐴝𐴣𐴏𐴢 𐴒𐴤𐴡𐴕𐴄𐴝 𐴀𐴥𐴝𐴕𐴞𐴑 𐴁𐴝𐴊𐴠 𐴔𐴡𐴌𐴞 𐴒𐴞𐴘𐴦𐴡𐴘 𐴱 𐴉𐴝𐴌𐴝𐴃 𐴎𐴠𐴈𐴡𐴕 𐴔𐴝𐴕𐴟𐴙𐴐𐴢 𐴕𐴥𐴝𐴘 𐴃𐴦𐴡𐴘 𐴋𐴥𐴝𐴑𐴡𐴌 𐴉𐴝𐴌𐴝𐴌 𐴉𐴟𐴖𐴝𐴙𐴕 𐴀𐴥𐴡𐴑𐴧𐴡𐴓 𐴇𐴥𐴝𐴔𐴞𐴐𐴝 𐴀𐴦𐴝𐴘 𐴎𐴦𐴝𐴘 𐴃𐴥𐴝𐴑𐴠 𐴁𐴡𐴓𐴞 𐴱 𐴁𐴥𐴟𐴏𐴞𐴊𐴡𐴚𐴡𐴃 𐴀𐴦𐴝𐴘 𐴃𐴥𐴝𐴙𐴑𐴧𐴙𐴠𐴊𐴠 𐴀𐴥𐴠 𐴉𐴝𐴌𐴝𐴌 / 𐴀𐴥𐴟𐴀 𐴏𐴥𐴞𐴚 𐴓𐴝𐴙𐴚𐴠 𐴈𐴡𐴘𐴧𐴠 𐴱 𐴌𐴟𐴇𐴝𐴙𐴚𐴒𐴙𐴝𐴌 𐴉𐴟𐴖𐴝𐴙𐴕 𐴃𐴞𐴕𐴎𐴡𐴕 𐴁𐴟𐴔 𐴉𐴥𐴟𐴍𐴞 𐴔𐴡𐴌𐴞 𐴒𐴞𐴘𐴥𐴡𐴘𐴊𐴠 𐴘𐴥𐴝𐴕 𐴏𐴥𐴡𐴀𐴥𐴞 𐴁𐴡𐴓𐴞 𐴁𐴥𐴟𐴏𐴞𐴊𐴡𐴚𐴡𐴌 ( 𐴀𐴠𐴔 𐴂𐴞 ) 𐴀𐴥𐴟𐴀 𐴔𐴡𐴚 𐴆𐴙𐴡𐴎𐴠𐴚𐴠 𐴈𐴡𐴘𐴧𐴠 𐴱 𐴏𐴥𐴠𐴌𐴥𐴝𐴂𐴧𐴝𐴌𐴝𐴚𐴡𐴌 𐴉𐴟𐴖𐴝 𐴊𐴟𐴕𐴥𐴞 𐴎𐴡𐴕𐴡𐴌𐴠 𐴉𐴝𐴌𐴝𐴃 𐴊𐴡𐴉𐴥𐴡𐴕 𐴒𐴡𐴙𐴅𐴧𐴙𐴠 𐴀𐴝𐴌 𐴋𐴝𐴑𐴄𐴡𐴌 𐴈𐴥𐴝𐴕𐴝𐴃 𐴔𐴡𐴙𐴅𐴧𐴙𐴠𐴊𐴠 𐴀𐴥𐴞𐴁𐴝𐴌𐴠 𐴉𐴝𐴌𐴝𐴃 𐴓𐴡𐴘𐴎𐴝𐴘𐴁𐴝𐴌 𐴁𐴡𐴕𐴊𐴟𐴁𐴡𐴏𐴢 𐴒𐴡𐴌𐴥𐴠𐴌 𐴁𐴡𐴓𐴞 𐴉𐴝𐴙𐴅𐴧𐴙𐴝 𐴀𐴥𐴡𐴑𐴧𐴡𐴓𐴠 𐴈𐴡𐴘𐴧𐴠 𐴱

𐴲 𐴱 / 𐴔𐴠𐴔𐴝𐴐𐴢 𐴰 𐴲 𐴰 𐴲 𐴀𐴞𐴚 𐴸 𐴲 / 𐴁𐴡𐴘𐴐𐴥𐴝𐴑 𐴔𐴝𐴐𐴢 𐴲 𐴳 𐴲 𐴱 𐴌𐴟𐴇𐴝𐴙𐴚𐴒𐴙𐴝 𐴔𐴡𐴚𐴒𐴡𐴓 𐴁𐴝𐴌𐴠 𐴱 𐴁𐴝𐴚𐴓𐴝𐴊𐴠𐴐𐴡𐴌 𐴑𐴡𐴑𐴆𐴁𐴝𐴎𐴝𐴌 𐴀𐴠𐴓𐴝𐴑𐴝𐴃 𐴀𐴝𐴏𐴥𐴠𐴊𐴥𐴠 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴑𐴠𐴀𐴠𐴔 𐴑𐴟𐴃𐴟𐴉𐴝𐴓𐴡𐴚 𐴓𐴝𐴔𐴁𐴝 𐴆𐴥𐴙𐴥𐴝𐴌 𐴀𐴠𐴑 𐴓𐴡𐴔𐴁𐴡𐴌 𐴑𐴠𐴀𐴠𐴔𐴡𐴃 𐴀𐴦𐴡𐴙𐴕 𐴊𐴤𐴡𐴌𐴞 𐴓𐴡𐴒𐴢 𐴁𐴥𐴡𐴒𐴢 𐴰 𐴰 𐴵 𐴃𐴥𐴝𐴕 𐴉𐴡𐴙𐴅𐴧𐴡𐴕𐴃𐴡 𐴒𐴤𐴡𐴌 𐴉𐴟𐴌𐴞 𐴒𐴞𐴘𐴥𐴡𐴘 𐴁𐴡𐴓𐴞 𐴈𐴥𐴡𐴁𐴡𐴌 𐴉𐴝𐴒𐴞𐴘𐴠 𐴱 𐴀𐴡𐴕𐴡𐴌𐴝 𐴀𐴥𐴞𐴃𐴝𐴌𐴝𐴌𐴓𐴝 𐴊𐴟𐴀𐴝 𐴒𐴡𐴙𐴅𐴧𐴙𐴡 𐴀𐴝𐴌 𐴉𐴝𐴙𐴓𐴧𐴙𐴠 𐴔𐴡𐴊𐴡𐴊 𐴒𐴡𐴙𐴅𐴧𐴙𐴡 𐴱 𐴀𐴝𐴓𐴧𐴝𐴇 𐴃𐴝𐴀𐴝𐴓𐴝 𐴀𐴡𐴕𐴡𐴌𐴝𐴌𐴠 𐴊𐴞𐴕 𐴊𐴟𐴕𐴞𐴘𐴝𐴙𐴃 𐴁𐴤𐴝𐴓𐴘 𐴊𐴞𐴁𐴡𐴦𐴡 𐴱𐴱

Sources : https://myanmar-now.org/mm/news/3710