𐴓𐴡𐴑𐴋𐴦𐴡𐴕𐴡𐴌 𐴀𐴡𐴑𐴃𐴡𐴃 𐴊𐴥𐴠𐴇𐴓𐴞𐴌 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃 𐴀𐴠𐴑 𐴐𐴥𐴟𐴑𐴧𐴟𐴌 𐴁𐴝𐴌𐴡𐴌 𐴀𐴞𐴏𐴧𐴝𐴌 𐴑𐴠𐴀𐴕 𐴓𐴝𐴒𐴠 𐴏𐴡𐴀 𐴱𐴱

𐴊𐴟𐴕𐴞𐴘𐴝𐴙𐴃 𐴏𐴡𐴓𐴠𐴌𐴊𐴠 𐴑𐴡𐴌𐴟𐴕𐴝𐴌 𐴎𐴡𐴌𐴞𐴘𐴝 𐴱 𐴊𐴠𐴐𐴢 𐴀𐴥𐴡𐴑𐴧𐴡𐴓𐴡𐴃 ( 𐴓𐴡𐴑𐴋𐴦𐴡𐴕 ) 𐴒𐴡𐴌𐴞 𐴕𐴠𐴓𐴝𐴒𐴤𐴡𐴓𐴝 𐴓𐴡𐴌𐴝𐴏𐴡𐴌𐴝 𐴁𐴡𐴕 𐴒𐴡𐴌𐴞 𐴊𐴞𐴘𐴠𐴊𐴠 𐴐𐴥𐴡𐴔𐴡𐴃 𐴱 𐴌𐴡𐴔𐴎𐴝𐴕𐴡𐴌 𐴀𐴞𐴏𐴧𐴝𐴌 𐴒𐴡𐴌𐴞𐴁𐴡𐴌𐴓𐴝 𐴱 𐴀𐴞𐴕𐴋𐴞𐴘𐴝𐴌 𐴊𐴥𐴠𐴇𐴓𐴞𐴃 𐴑𐴠𐴀𐴠𐴔 𐴁𐴝𐴕𐴝𐴘 𐴃𐴥𐴝𐴙𐴑𐴧𐴙𐴠𐴊𐴠 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴀𐴥𐴡𐴑𐴧𐴡𐴓𐴡𐴌𐴃𐴟 𐴒𐴟𐴓𐴝𐴒𐴝𐴓𐴝 𐴁𐴠𐴏𐴠𐴊𐴠 𐴄𐴥𐴠𐴓𐴝 𐴒𐴝𐴌𐴞𐴌 𐴀𐴥𐴞𐴑𐴧𐴙𐴝 𐴏𐴦𐴝𐴘 𐴃𐴥𐴝𐴑𐴝 𐴉𐴡𐴌𐴠 𐴱 𐴀𐴠 𐴁𐴡𐴏𐴡𐴌𐴡𐴌 𐴌𐴡𐴔𐴎𐴝𐴕 𐴀𐴥𐴞𐴃𐴝𐴌𐴝𐴌𐴃𐴟 𐴁𐴠𐴐𐴥𐴞 𐴔𐴦𐴡𐴚𐴒𐴝 𐴉𐴡𐴙𐴅𐴧𐴙𐴠 𐴁𐴡𐴓𐴞 𐴌𐴞𐴉𐴟𐴎𐴞 𐴀𐴥𐴡𐴑𐴧𐴡𐴓𐴠 𐴈𐴡𐴘𐴧𐴠 𐴱 𐴐𐴥𐴡𐴔𐴝𐴎𐴥𐴞𐴑 𐴊𐴟𐴌𐴞 𐴘𐴠 𐴔𐴝𐴕𐴟𐴙𐴐𐴌𐴠 𐴀𐴦𐴝𐴔 𐴃𐴡𐴌𐴠 𐴀𐴠𐴑 𐴎𐴝𐴒𐴝𐴃 𐴎𐴡𐴔𐴝 𐴀𐴥𐴡𐴘 𐴉𐴝𐴙𐴃𐴧𐴡𐴊𐴠 𐴀𐴥𐴠𐴃𐴧𐴟 𐴌𐴟𐴑𐴥𐴞 𐴉𐴥𐴠𐴓𐴝𐴘𐴧𐴠 𐴱 𐴅𐴥𐴡𐴁𐴑𐴥𐴞 𐴈𐴝𐴔 𐴏𐴥𐴝𐴌𐴥𐴝 𐴃𐴡𐴓𐴡𐴂𐴢 𐴏𐴥𐴝𐴌𐴥𐴝 𐴀𐴦𐴡𐴕𐴠 𐴒𐴤𐴡𐴌𐴒𐴟𐴐𐴧𐴞 𐴌𐴠 𐴀𐴡𐴐𐴥𐴝𐴕𐴃𐴞𐴃 𐴉𐴥𐴠𐴓𐴝𐴘𐴊𐴞𐴘𐴠 𐴱𐴱

𐴊𐴥𐴠𐴇𐴓𐴞𐴌 𐴀𐴟𐴑𐴓𐴝𐴃 𐴀𐴝𐴏𐴠𐴊𐴠 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴀𐴥𐴡𐴑𐴧𐴡𐴓𐴠 ( 𐴊𐴞 𐴂𐴞𐴌𐴥𐴞𐴕𐴄 𐴈𐴥𐴡𐴁𐴡𐴌𐴞 𐴈𐴝𐴁𐴡𐴏𐴡𐴌 ) 𐴌𐴠𐴂𐴟𐴄𐴝𐴌𐴡𐴌𐴠 𐴈𐴡𐴘𐴧𐴠𐴊𐴠 𐴱 𐴓𐴡𐴑𐴋𐴦𐴡𐴕 𐴀𐴥𐴡𐴕𐴠 𐴀𐴝𐴣𐴀𐴌𐴝 𐴌𐴡𐴔𐴎𐴝𐴕𐴡𐴌 𐴎𐴡𐴌𐴟𐴌𐴞 𐴏𐴞𐴏𐴢 𐴀𐴥𐴡𐴑𐴧𐴡𐴓𐴡𐴌𐴓𐴝 𐴀𐴥𐴟𐴊𐴧𐴝 𐴈𐴡𐴕𐴥𐴞𐴑𐴧𐴙𐴝 𐴎𐴝𐴘 𐴕𐴡𐴉𐴝𐴌𐴦𐴞𐴌 𐴱 𐴊𐴟𐴖𐴝𐴕𐴡𐴃 𐴎𐴝𐴘 𐴀𐴞𐴏𐴧𐴝𐴌𐴞 𐴀𐴝𐴌 𐴓𐴝𐴒𐴠𐴊𐴠 𐴏𐴞𐴏𐴢 𐴑𐴞𐴕𐴞 𐴕𐴡𐴉𐴝𐴌𐴠𐴌 𐴓𐴡𐴃𐴞 𐴱 𐴑𐴠𐴀𐴠𐴔𐴡𐴃 𐴒𐴟𐴓𐴝𐴒𐴝𐴓𐴝 𐴁𐴠𐴏𐴞𐴃𐴡 𐴀𐴝𐴘𐴧𐴠𐴊𐴠 𐴄𐴥𐴠𐴓𐴝 𐴒𐴝𐴌𐴞𐴌 𐴀𐴥𐴞𐴑𐴧𐴙𐴝 𐴏𐴦𐴝𐴘 𐴃𐴥𐴝𐴑𐴝 𐴉𐴡𐴌𐴠 𐴱 𐴀𐴥𐴠 𐴄𐴥𐴠𐴓𐴝 𐴒𐴝𐴌𐴞 𐴀𐴡𐴓𐴝 𐴊𐴟𐴖𐴝𐴕𐴡𐴌𐴃𐴟 𐴁𐴤𐴝𐴌𐴥𐴡 𐴔𐴦𐴡𐴚𐴒𐴝 𐴁𐴠𐴏𐴠𐴊𐴠 𐴀𐴥𐴠𐴃𐴡𐴓𐴧𐴝 𐴌𐴞𐴉𐴟𐴎𐴞 𐴀𐴥𐴡𐴑𐴧𐴡𐴓𐴠 𐴑𐴞𐴕𐴞 𐴘𐴥𐴡 𐴕𐴡 𐴉𐴝𐴌𐴠 𐴱 𐴑𐴠𐴀𐴠𐴔𐴡𐴌 𐴁𐴥𐴟𐴃𐴡𐴌𐴠 𐴔𐴡𐴏𐴡𐴙𐴃 𐴁𐴡𐴕𐴒𐴡𐴌𐴞 𐴊𐴡𐴕𐴠 𐴔𐴝𐴙𐴕𐴐𐴡𐴌𐴃𐴟 𐴕𐴟𐴖𐴝𐴎𐴀𐴥𐴡 𐴒𐴤𐴡𐴌𐴡𐴌 𐴁𐴥𐴟𐴃𐴡𐴌𐴠 𐴉𐴡𐴌𐴥𐴝𐴉𐴡𐴌𐴦𐴠𐴌 𐴱𐴱

Sources : https://theprint.in/in-pictures/what-a-friday-iftar-looks-like-at-a-delhi-rohingya-refugee-camp-during-lockdown/417495/