𐴔𐴠𐴓𐴠𐴄𐴠𐴌𐴞 𐴀𐴥𐴡𐴑𐴧𐴡𐴓 𐴉𐴝𐴌𐴝𐴌 𐴁𐴥𐴟𐴃𐴡𐴌𐴠 𐴒𐴥𐴡𐴓𐴞 𐴎𐴝𐴒𐴝 𐴓𐴦𐴡𐴕𐴠 , 𐴔𐴥𐴝𐴔𐴁𐴡𐴌𐴥𐴝𐴌 𐴉𐴝𐴌𐴝𐴌 𐴰 𐴰 𐴰 𐴴 𐴎𐴡𐴕𐴡𐴌 𐴖𐴡𐴌𐴠 𐴔𐴝𐴕𐴟𐴙𐴐𐴢 𐴉𐴝𐴌𐴝 𐴏𐴥𐴝𐴌𐴞 𐴒𐴞𐴘𐴥𐴡𐴘 𐴱𐴱

𐴀𐴝𐴌𐴑𐴝𐴕𐴡𐴃 𐴔𐴥𐴝𐴔𐴁𐴡𐴌𐴥𐴝 𐴀𐴠𐴓𐴝𐴑𐴝𐴌 𐴔𐴥𐴝𐴚𐴉𐴝𐴌𐴝 , 𐴄𐴥𐴡𐴚𐴆𐴙𐴠 𐴉𐴝𐴌𐴝 , 𐴔𐴠𐴌𐴥𐴝𐴘𐴕𐴥𐴝 𐴉𐴝𐴌𐴝 𐴱 𐴀𐴠 𐴃𐴞𐴕 𐴉𐴝𐴌𐴝𐴃 𐴔𐴠 𐴔𐴥𐴝𐴐𐴡𐴌 𐴵 𐴃𐴝𐴌𐴞𐴑𐴡𐴌𐴃𐴟 𐴓𐴡𐴃𐴞 𐴱 𐴔𐴠𐴓𐴠𐴄𐴠𐴌𐴞 𐴀𐴥𐴡𐴑𐴧𐴡𐴓 𐴒𐴤𐴡𐴓𐴞 𐴒𐴥𐴝𐴣𐴄𐴞 𐴁𐴝𐴕𐴝𐴘𐴧𐴠 𐴉𐴦𐴝𐴕 𐴒𐴡𐴌𐴞 𐴎𐴝𐴒𐴝 𐴓𐴦𐴡𐴘 𐴱 𐴔𐴡𐴒𐴁𐴝𐴒𐴞𐴌 𐴓𐴡𐴘 𐴓𐴝𐴌𐴥𐴝𐴘 𐴀𐴥𐴡𐴙𐴀𐴓𐴊𐴠 𐴱 𐴉𐴝𐴌𐴝 𐴀𐴥𐴞𐴕𐴡𐴌 𐴉𐴟𐴒𐴠 𐴉𐴦𐴝𐴌 𐴀𐴝𐴌 𐴀𐴡𐴙𐴕𐴧𐴡 𐴎𐴝𐴒𐴝 𐴀𐴥𐴡𐴑𐴧𐴡𐴓𐴡𐴌 𐴀𐴥𐴞𐴑𐴧𐴙𐴝 𐴋𐴦𐴡𐴣𐴌 𐴀𐴝𐴌 𐴐𐴥𐴡𐴣𐴍𐴡 𐴀𐴥𐴝𐴣𐴃𐴞𐴘𐴝𐴌 𐴔𐴝𐴌𐴠𐴌𐴊𐴠 𐴀𐴥𐴠𐴃𐴡𐴌𐴓𐴝 𐴀𐴠 𐴃𐴞𐴕𐴥𐴡 𐴉𐴝𐴌𐴝𐴌 𐴰 𐴰 𐴰 𐴴 𐴎𐴡𐴕𐴡𐴌 𐴖𐴡𐴌𐴠 𐴖𐴡𐴌𐴠 𐴔𐴝𐴕𐴟𐴙𐴐𐴢 𐴉𐴝𐴌𐴝 𐴏𐴥𐴝𐴌𐴞 𐴱 𐴎𐴠 𐴐𐴥𐴡𐴌𐴞 𐴎𐴞𐴀𐴞𐴑𐴧𐴙𐴝 𐴉𐴝𐴙𐴅𐴧𐴙 𐴀𐴥𐴞𐴑𐴧𐴙𐴝 𐴐𐴥𐴡𐴌𐴞 𐴒𐴞𐴘𐴦𐴡𐴘 𐴁𐴡𐴓𐴞 𐴉𐴝𐴙𐴅𐴧𐴙𐴝 𐴀𐴥𐴡𐴑𐴧𐴡𐴓𐴠 ( 𐴀𐴝𐴌 𐴀𐴠𐴉 𐴀𐴠 ) 𐴌𐴠 𐴈𐴡𐴘𐴧𐴠 𐴱𐴱

𐴔𐴠𐴓𐴠𐴄𐴠𐴌𐴞 𐴀𐴥𐴡𐴑𐴧𐴡𐴓 𐴔𐴥𐴝𐴚𐴌𐴗𐴝𐴌 𐴉𐴥𐴗𐴝𐴕 𐴔𐴝𐴎𐴠 𐴀𐴝𐴏𐴠𐴊𐴠 𐴀𐴞𐴐𐴑𐴟𐴓𐴡𐴃 𐴊𐴟𐴖𐴝 𐴃𐴟𐴂𐴢 𐴔𐴝𐴌𐴡𐴕𐴞 𐴁𐴟𐴖𐴝𐴘 𐴓𐴝𐴌𐴥𐴝𐴘 𐴀𐴥𐴡𐴙𐴀𐴓𐴊𐴠 𐴉𐴦𐴝𐴌𐴡𐴌 𐴀𐴥𐴞𐴑𐴧𐴙𐴝 𐴃𐴟𐴂𐴢 𐴔𐴝𐴌𐴝𐴃 𐴀𐴝𐴏𐴠 𐴔𐴠𐴓𐴠𐴄𐴠𐴌𐴞 𐴀𐴥𐴡𐴑𐴧𐴡𐴓 𐴀𐴞𐴐𐴑𐴟𐴓𐴡𐴌 𐴏𐴝𐴘𐴌𐴥𐴡 𐴋𐴥𐴝𐴑𐴡𐴌 𐴒𐴤𐴡𐴌 𐴀𐴥𐴡𐴑𐴧𐴡𐴓𐴡𐴃 𐴀𐴝𐴌 𐴑𐴙𐴝𐴚 𐴀𐴥𐴡𐴑𐴧𐴡𐴓𐴡𐴃 𐴃𐴥𐴝𐴑𐴠𐴊𐴠 𐴁𐴡𐴓𐴞 𐴱 𐴕𐴝𐴔 𐴕𐴡 𐴈𐴡𐴘𐴁𐴝𐴌 𐴐𐴡𐴌𐴡𐴃 𐴓𐴡𐴘 𐴉𐴝𐴙𐴅𐴧𐴙𐴝 𐴀𐴠𐴑𐴎𐴡𐴕𐴠 𐴈𐴡𐴘𐴧𐴠 𐴱 𐴔𐴠 𐴔𐴥𐴝𐴐𐴡𐴌 𐴵 𐴃𐴝𐴌𐴞𐴑𐴡𐴌 𐴊𐴞𐴕 𐴔𐴠𐴓𐴠𐴄𐴠𐴌𐴞 𐴀𐴥𐴡𐴑𐴧𐴡𐴓𐴠 𐴉𐴝𐴙𐴅𐴧𐴙𐴝 𐴔𐴝𐴕𐴟𐴙𐴐𐴢 𐴈𐴡𐴊𐴦𐴟𐴕 𐴋𐴝𐴑𐴞𐴘𐴡𐴌𐴠 𐴈𐴡𐴘𐴧𐴠𐴊𐴠 , 𐴀𐴠 𐴀𐴡𐴐𐴥𐴝𐴕𐴃𐴞𐴌 𐴇𐴥𐴝𐴓𐴡𐴃𐴡𐴌𐴃𐴟 𐴏𐴥𐴡𐴁𐴡𐴑 𐴇𐴝𐴏𐴞𐴓 𐴒𐴡𐴌𐴞 𐴀𐴝𐴎𐴞𐴘𐴝𐴃𐴧𐴟 𐴔𐴦𐴟𐴔𐴧𐴞𐴑𐴧𐴙𐴝 𐴈𐴡𐴕𐴥𐴡𐴊𐴞𐴕 ( 𐴀𐴠 𐴀𐴠 ) 𐴌 𐴏𐴥𐴝𐴣𐴃 𐴕𐴡𐴊𐴞𐴁𐴥𐴝 𐴁𐴡𐴓𐴞 𐴕𐴞𐴘𐴡𐴃𐴡𐴌𐴠 𐴉𐴝𐴑𐴧𐴝 𐴒𐴡𐴌𐴞 𐴉𐴥𐴠𐴓𐴦𐴡 𐴱 𐴉𐴝𐴌𐴝 𐴀𐴥𐴞𐴕𐴡𐴃 𐴉𐴝𐴌𐴝 𐴏𐴦𐴡𐴛 𐴀𐴥𐴞𐴏𐴝𐴉𐴠 𐴈𐴡𐴊𐴦𐴟𐴕 𐴁𐴟𐴌𐴥𐴝 𐴔𐴝𐴕𐴟𐴙𐴐𐴢 𐴁𐴝𐴊𐴠 𐴁𐴠𐴙𐴒𐴧𐴟𐴕 𐴐𐴥𐴡𐴌𐴞 𐴒𐴞𐴘𐴠 𐴒𐴥𐴡𐴘 𐴱𐴱

sources : https://www.rfa.org/burmese/news/400-minbya-villagers-flee-05072020083556.html