𐴊𐴡𐴙𐴅𐴧𐴙𐴝𐴃 𐴁𐴡𐴓𐴡𐴃𐴑𐴝𐴌𐴞 𐴓𐴡𐴘 𐴔𐴝𐴘𐴧𐴝 𐴇𐴥𐴝𐴔𐴠𐴓 , 𐴄𐴞𐴛𐴝 𐴋𐴝𐴈𐴝𐴣𐴃𐴞 𐴱𐴱

𐴊𐴡𐴙𐴅𐴧𐴙𐴝𐴃 𐴓𐴡𐴄𐴑𐴞 𐴌𐴡𐴘𐴧𐴠𐴊𐴠 𐴐𐴥𐴡𐴃𐴝 𐴐𐴥𐴡𐴃𐴞 𐴌𐴟𐴇𐴝𐴙𐴚𐴒𐴙𐴝 𐴔𐴝𐴘𐴧𐴝 𐴀𐴥𐴡𐴑𐴧𐴡𐴓 𐴱 𐴁𐴟𐴍𐴡𐴃 𐴀𐴝𐴏𐴥𐴠𐴊𐴠 𐴀𐴝𐴊𐴡𐴔 𐴁𐴙𐴝𐴌𐴞𐴌 𐴋𐴦𐴝𐴙𐴌 𐴒𐴟𐴕𐴋𐴝 𐴀𐴥𐴡𐴑𐴧𐴡𐴓𐴡𐴌 𐴁𐴡𐴓𐴡𐴃𐴑𐴝𐴌𐴞𐴌 𐴎𐴡𐴌𐴞𐴘𐴝 𐴇𐴥𐴝𐴔𐴠𐴓 𐴀𐴥𐴡𐴘𐴧𐴠 𐴱 𐴀𐴥𐴠𐴍𐴠 𐴖𐴡𐴌𐴠 , 𐴀𐴝𐴊𐴡𐴔𐴁𐴙𐴝𐴌𐴞 𐴀𐴥𐴡𐴑𐴧𐴡𐴓𐴠 𐴁𐴝𐴚𐴓𐴝𐴊𐴠𐴐𐴡𐴌 𐴑𐴟𐴓𐴡𐴃 𐴉𐴦𐴡𐴣𐴏𐴧𐴞 𐴘𐴦𐴝𐴃𐴡 𐴔𐴡𐴓𐴠𐴆𐴙𐴥𐴝𐴌 𐴑𐴟𐴓𐴡𐴃 𐴉𐴦𐴡𐴣𐴏𐴧𐴞 𐴁𐴡𐴓𐴞 𐴈𐴦𐴡𐴘 𐴈𐴦𐴡𐴘 𐴔𐴝𐴙𐴕𐴐𐴡𐴌𐴃𐴟 𐴄𐴞𐴛𐴝 𐴋𐴝𐴈𐴝𐴣𐴃𐴞 𐴒𐴡𐴌𐴦𐴠𐴌 𐴱 𐴁𐴟𐴍𐴡𐴌 𐴔𐴡𐴏𐴞𐴁𐴡𐴃𐴡𐴌𐴃𐴟 𐴁𐴝𐴏𐴞 𐴑𐴟𐴓𐴡𐴃 𐴀𐴟𐴙𐴄𐴧𐴙𐴠𐴊𐴠 / 𐴕𐴟𐴌 𐴀𐴞𐴏𐴓𐴝𐴔𐴠 𐴈𐴡𐴘𐴧𐴠𐴊𐴠 , 𐴀𐴝𐴊𐴡𐴔𐴁𐴙𐴝𐴌𐴞 𐴊𐴝𐴓𐴝𐴓 𐴀𐴥𐴡𐴑𐴧𐴡𐴓𐴠 𐴁𐴟𐴍𐴡𐴌 𐴖𐴡𐴌𐴠 𐴔𐴝𐴘𐴧𐴝 𐴀𐴥𐴡𐴑𐴧𐴡𐴓𐴡𐴌𐴠 𐴁𐴡𐴓𐴡𐴃𐴑𐴝𐴌𐴞 𐴒𐴡𐴙𐴅𐴧𐴙𐴠𐴊𐴠 𐴀𐴥𐴠𐴕𐴋𐴞𐴓𐴧𐴝 𐴁𐴡𐴖𐴃 𐴔𐴝𐴘𐴧𐴝 𐴇𐴥𐴝𐴔𐴠𐴓 𐴀𐴥𐴡𐴘𐴧𐴠 𐴱 𐴀𐴝𐴌 𐴏𐴥𐴡𐴊𐴔𐴝 , 𐴁𐴥𐴟𐴑𐴠 , 𐴃𐴞𐴌𐴝𐴐𐴠 𐴀𐴝𐴌 𐴈𐴥𐴡𐴌𐴝𐴁 𐴈𐴥𐴝𐴕𐴝 𐴘𐴠 𐴁𐴠𐴐𐴥𐴞 𐴔𐴝𐴕𐴟𐴙𐴐𐴢 𐴔𐴡𐴌𐴞 𐴒𐴞𐴘𐴦𐴡𐴘 𐴱𐴱

𐴁𐴟𐴍𐴡𐴃 𐴁𐴥𐴝𐴐𐴠𐴌𐴃𐴠 𐴀𐴥𐴠𐴕𐴋𐴞𐴓𐴧𐴝 𐴔𐴝𐴙𐴕𐴐𐴡𐴌 𐴁𐴤𐴝𐴘 𐴀𐴥𐴡𐴑𐴧𐴡𐴓𐴠 ( 𐴀𐴝𐴌 𐴖𐴞𐴐𐴡𐴕𐴡𐴃 ) 𐴈𐴡𐴘𐴧𐴠𐴊𐴠 , 𐴀𐴝𐴣𐴀𐴌𐴝 𐴈𐴡𐴀𐴠𐴑 𐴊𐴞𐴕𐴡𐴌 𐴁𐴥𐴟𐴃𐴡𐴌 𐴁𐴝𐴚𐴓𐴝𐴊𐴠𐴐𐴡𐴌 𐴑𐴟𐴓𐴡𐴃 𐴀𐴟𐴍𐴥𐴞 𐴎𐴝𐴘𐴧𐴟𐴔 𐴁𐴡𐴘 𐴱 𐴃𐴡𐴌 𐴁𐴤𐴝𐴘𐴧𐴡𐴌𐴓𐴝 𐴃𐴡𐴌𐴝 𐴃𐴡𐴌𐴞 (—- 𐴸 𐴱 𐴰 ) 𐴓𐴡𐴔𐴁𐴡𐴌 𐴀𐴞𐴁𐴥𐴝𐴃 ( 𐴰 𐴰 𐴰 , 𐴰 ) 𐴀𐴠𐴊𐴦𐴟𐴕 𐴁𐴝𐴚𐴓𐴝 𐴄𐴞𐴛𐴝 𐴁𐴞𐴑𐴝𐴆 𐴒𐴡𐴌𐴞𐴊𐴠 𐴱 𐴁𐴤𐴝𐴘𐴧𐴡𐴌 𐴉𐴟𐴌𐴝𐴕𐴞 𐴘𐴠 𐴄𐴞𐴛𐴝 𐴁𐴞𐴑𐴝𐴆𐴡𐴃 𐴁𐴤𐴡𐴌𐴞 𐴊𐴞𐴓𐴝𐴔 𐴱 𐴁𐴦𐴝𐴊𐴠 𐴊𐴝𐴓𐴝𐴓𐴠 𐴀𐴝𐴁𐴝𐴌 𐴉𐴥𐴟𐴕 𐴒𐴡𐴌𐴠𐴌𐴊𐴠 , 𐴀𐴠 𐴈𐴡𐴃𐴥𐴝 𐴎𐴡𐴃𐴊𐴞 𐴈𐴡𐴕𐴥𐴡 𐴑𐴙𐴡𐴌𐴠 𐴈𐴡𐴘𐴓𐴠 𐴃𐴡𐴌 𐴁𐴤𐴝𐴘𐴧𐴡𐴌 𐴈𐴥𐴡𐴁𐴡𐴌 𐴀𐴝𐴏𐴥𐴠 𐴈𐴦𐴡𐴘 𐴊𐴤𐴡𐴔𐴑𐴞 𐴊𐴦𐴠𐴌 𐴱 𐴈𐴥𐴡𐴁𐴡𐴌 𐴔𐴡𐴎𐴞𐴕 𐴹 𐴲 𐴎𐴡𐴕 𐴎𐴠𐴀𐴕 𐴒𐴡𐴌𐴞 𐴑𐴟𐴓𐴡𐴃 𐴀𐴟𐴙𐴄𐴧𐴙𐴠 𐴀𐴥𐴠𐴀𐴕 𐴒𐴡𐴌𐴞 𐴊𐴡𐴙𐴅𐴧𐴙𐴝𐴃 𐴁𐴥𐴝𐴐𐴠𐴌𐴊𐴠 𐴀𐴥𐴞𐴃𐴝𐴌𐴥𐴝 𐴘𐴡 𐴀𐴥𐴟𐴍𐴞𐴘𐴥𐴝𐴘 𐴉𐴝𐴙𐴃𐴧𐴡 𐴱 𐴔𐴡𐴕𐴃𐴡𐴌 𐴄𐴞𐴛𐴝 𐴋𐴝𐴈𐴣𐴝𐴃𐴞 𐴒𐴡𐴌𐴞𐴁𐴡𐴌𐴓𐴝 𐴎𐴝𐴕𐴞 𐴉𐴥𐴟𐴕𐴞 𐴑𐴟𐴓𐴡𐴃 𐴕𐴡 𐴁𐴥𐴞𐴌𐴠𐴌𐴊𐴠 𐴱 𐴀𐴝𐴌𐴀𐴥𐴡 𐴎𐴝𐴕𐴝 𐴒𐴞𐴘𐴠𐴊𐴠 , 𐴎𐴝𐴌 𐴀𐴠𐴒𐴝𐴕𐴝 𐴒𐴟𐴐𐴧𐴞 𐴘𐴠 𐴊𐴝𐴓𐴝𐴓 𐴀𐴥𐴡𐴑𐴧𐴡𐴓𐴠 𐴔𐴝𐴒𐴠𐴌𐴊𐴠 𐴄𐴞𐴛𐴝 𐴀𐴥𐴟𐴀𐴕 𐴊𐴦𐴠 , 𐴀𐴥𐴞𐴃𐴝𐴌𐴝𐴌𐴥𐴠 𐴐𐴥𐴡𐴣𐴍𐴡 𐴁𐴟𐴄 𐴓𐴡𐴘 𐴑𐴟𐴓𐴡𐴃 𐴃𐴥𐴟𐴓𐴞 𐴊𐴠𐴌𐴊𐴠 𐴱𐴱

sources : https://rohingyavision.com/rohingya-at-sea-women-pregnant-from-rape-money-being-extorted/