𐴓𐴝𐴌𐴥𐴝𐴙𐴌 𐴎𐴡𐴌𐴞𐴘𐴝 𐴁𐴥𐴟𐴏𐴞𐴊𐴡𐴚 𐴀𐴠𐴓𐴝𐴑𐴝𐴌 𐴑𐴠𐴚𐴑𐴡 𐴔𐴠𐴌𐴝𐴙𐴚 𐴉𐴝𐴙𐴅𐴧𐴙𐴝 𐴄𐴥𐴞𐴘𐴝 𐴉𐴝𐴌𐴝 𐴏𐴥𐴝𐴌𐴞 𐴊𐴤𐴝𐴘𐴧𐴠 𐴒𐴥𐴡𐴘 𐴱𐴱

𐴀𐴝𐴌𐴑𐴝𐴕𐴡𐴃 𐴔𐴠𐴘𐴥𐴟 𐴉𐴦𐴝𐴌𐴡𐴌 𐴏𐴥𐴞𐴓𐴏𐴞𐴓𐴥𐴝 𐴓𐴡𐴘 𐴔𐴠𐴓𐴠𐴄𐴠𐴌𐴞 𐴀𐴝𐴌 𐴔𐴡𐴒𐴁𐴝𐴒𐴞 ( 𐴀𐴠 𐴀𐴠 ) 𐴌 𐴔𐴝𐴎𐴠 𐴓𐴝𐴌𐴥𐴝𐴘 𐴏𐴡𐴓𐴠𐴌𐴊𐴠 𐴘𐴥𐴝𐴕𐴡𐴌𐴓𐴝 𐴱 𐴁𐴥𐴟𐴏𐴞𐴊𐴡𐴚 𐴀𐴠𐴓𐴝𐴑𐴝𐴌 𐴑𐴠𐴚𐴑𐴡 𐴔𐴠𐴌𐴝𐴙𐴚 𐴉𐴝𐴌𐴝𐴌 𐴔𐴝𐴕𐴙𐴐𐴢 𐴁𐴠𐴙𐴒𐴧𐴟𐴕 𐴉𐴝𐴌𐴝 𐴏𐴥𐴝𐴌𐴞 𐴊𐴤𐴝𐴘 𐴒𐴞𐴘𐴦𐴡𐴘 𐴱 𐴀𐴠𐴂𐴌𐴞𐴓𐴡𐴌 𐴷 𐴲 𐴃𐴝𐴌𐴞𐴑𐴡𐴃 𐴔𐴠𐴓𐴠𐴄𐴠𐴌𐴞 𐴀𐴥𐴡𐴑𐴧𐴡𐴓𐴠 𐴲 𐴘𐴥𐴝𐴕 𐴇𐴠𐴓𐴞𐴑𐴠𐴂𐴄𐴝𐴌 𐴓𐴡𐴘 𐴔𐴝𐴅𐴧𐴙𐴠𐴊𐴠 𐴀𐴥𐴀𐴕 𐴁𐴝𐴊𐴠 𐴘𐴥𐴡 𐴁𐴥𐴟𐴏𐴞𐴊𐴡𐴚 𐴀𐴠𐴓𐴝𐴑𐴝𐴌 𐴔𐴠𐴓𐴠𐴄𐴠𐴌𐴞𐴌 𐴒𐴥𐴝𐴣𐴄𐴞 ( 𐴏𐴥𐴝𐴀𐴓𐴥𐴟𐴚 𐴑𐴥𐴝𐴑𐴗𐴠 𐴑𐴥𐴝𐴑𐴗𐴠 𐴵 𐴱 ) 𐴓𐴡𐴔𐴁𐴡𐴌𐴡𐴌𐴃𐴟 𐴁𐴠𐴐𐴥𐴞 𐴋𐴦𐴡𐴣𐴌 𐴀𐴥𐴝𐴣𐴃𐴞𐴘𐴝𐴌 𐴔𐴝𐴌𐴦𐴡𐴕𐴠 𐴁𐴡𐴌𐴊𐴝𐴐𐴢 𐴒𐴡𐴌𐴞 𐴕𐴡𐴉𐴝𐴌𐴥𐴞 𐴱 𐴑𐴠𐴚𐴑𐴡 𐴔𐴠𐴌𐴝𐴙𐴚 𐴉𐴝𐴌𐴝𐴌 𐴔𐴝𐴙𐴕𐴐𐴡𐴌𐴃𐴟 𐴉𐴝𐴌𐴝 𐴏𐴥𐴝𐴌𐴞 𐴊𐴤𐴝𐴒𐴡𐴘 𐴉𐴡𐴙𐴅𐴧𐴙𐴠 𐴁𐴡𐴓𐴞 𐴀𐴥𐴠 𐴉𐴝𐴌𐴝𐴌 𐴀𐴥𐴟𐴑𐴆𐴙𐴟𐴑 𐴌𐴥𐴠𐴔𐴤𐴟 / 𐴀𐴥𐴟𐴀 𐴆𐴙𐴡 𐴏𐴥𐴞𐴚 𐴖𐴝𐴚𐴠 𐴈𐴡𐴘𐴧𐴠 𐴱𐴱

𐴓𐴝𐴌𐴥𐴝𐴘 𐴎𐴟𐴌𐴠 𐴐𐴥𐴟𐴌𐴠 𐴏𐴡𐴓𐴠𐴌 𐴀𐴝𐴌 𐴒𐴟𐴓𐴞 𐴔𐴝𐴌𐴝 𐴔𐴝𐴌𐴞 𐴘𐴥𐴡 𐴁𐴠𐴐𐴥𐴞 𐴀𐴥𐴡𐴕𐴠 𐴱 𐴀𐴦𐴝𐴛 𐴀𐴝𐴣𐴀𐴌 𐴎𐴥𐴠𐴌 𐴉𐴟𐴖𐴝 𐴖𐴥𐴝 𐴀𐴥𐴝𐴃𐴡𐴃 𐴓𐴡𐴘 𐴒𐴤𐴡𐴌𐴡𐴌𐴃𐴟 𐴕𐴠𐴓𐴞 𐴄𐴡𐴖𐴌𐴡𐴌 𐴑𐴙𐴝𐴚𐴡𐴌 𐴀𐴟𐴎𐴟 𐴎𐴝𐴙𐴌 𐴒𐴥𐴡𐴘𐴊𐴠 𐴉𐴡𐴣𐴃𐴡𐴃 𐴱 𐴎𐴥𐴠𐴌 𐴉𐴟𐴖𐴝 𐴖𐴥𐴝𐴌 𐴈𐴝𐴣𐴊𐴥𐴡𐴃 𐴒𐴟𐴓𐴞 𐴉𐴡𐴌𐴞 𐴎𐴡𐴈𐴥𐴡𐴔 𐴀𐴥𐴡𐴘𐴧𐴠 𐴱 𐴀𐴠𐴈𐴥𐴡𐴕 𐴁𐴥𐴟𐴏𐴞𐴊𐴡𐴚𐴡𐴌 𐴋𐴝𐴑𐴄𐴡𐴌 𐴈𐴥𐴝𐴕𐴝𐴃 𐴊𐴝𐴁𐴝𐴘 𐴒𐴡𐴌𐴠𐴌𐴊𐴠 𐴋𐴝𐴑𐴄𐴡𐴌 𐴀𐴥𐴡𐴑𐴧𐴡𐴓𐴠 𐴀𐴥𐴟𐴊𐴧𐴝 𐴉𐴠𐴌𐴠𐴆𐴝𐴕𐴞 𐴎𐴦𐴝𐴙𐴌 𐴒𐴡𐴌𐴠𐴌 𐴁𐴡𐴓𐴞 𐴎𐴥𐴠𐴌 𐴉𐴟𐴖𐴝 𐴖𐴥𐴝𐴌 𐴔𐴝𐴣 / 𐴋𐴦𐴡 𐴔𐴥𐴝 𐴄𐴞𐴚 𐴓𐴤𐴝 𐴘𐴠 𐴈𐴡𐴘𐴧𐴠 𐴱 𐴒𐴥𐴝𐴙𐴓 𐴀𐴥𐴡𐴘𐴧𐴠𐴊𐴠 𐴔𐴝𐴘𐴧𐴝 𐴀𐴥𐴞𐴁𐴝 / 𐴔𐴥𐴝 𐴏𐴥𐴠𐴣 𐴏𐴥𐴠𐴣 𐴁𐴡𐴐𐴢 𐴳 𐴱 𐴁𐴡𐴏𐴡𐴌 𐴱 𐴏𐴥𐴡𐴀𐴡𐴔 𐴑𐴠𐴓𐴝𐴏𐴡𐴃 𐴉𐴡𐴌𐴠 𐴱 𐴀𐴥𐴠 𐴑𐴠𐴚𐴑𐴡 𐴔𐴠𐴌𐴝𐴙𐴚 𐴉𐴝𐴌𐴝 𐴘𐴥𐴝𐴕𐴡𐴃 𐴰 𐴲 𐴱 𐴘𐴥𐴝𐴕𐴡𐴌 𐴖𐴡𐴌𐴠 𐴒𐴤𐴡𐴌 𐴀𐴝𐴏𐴥𐴠 𐴀𐴝𐴌 𐴰 𐴰 𐴴 𐴐𐴥𐴡𐴃𐴡𐴌 𐴖𐴡𐴌𐴠 𐴔𐴝𐴕𐴟𐴙𐴐𐴢 𐴀𐴝𐴏𐴠 𐴱𐴱

sources : http://burmese.dvb.no/archives/384945