𐴰 𐴰 𐴵 𐴎𐴡𐴕𐴓𐴡𐴃 𐴌𐴟𐴇𐴝𐴙𐴚𐴒𐴙𐴝 𐴁𐴤𐴡𐴌𐴝 𐴁𐴟𐴄 𐴲 𐴘𐴥𐴝𐴕 𐴁𐴝𐴚𐴓𐴝𐴊𐴠𐴐𐴡𐴃 𐴃𐴟𐴓𐴞 𐴓𐴡𐴘𐴁𐴝𐴌 𐴘𐴟 𐴀𐴠𐴕𐴡𐴌 𐴀𐴝𐴌𐴡𐴎 𐴱𐴱

𐴁𐴝𐴚𐴓𐴝𐴊𐴠𐴐𐴡𐴌 𐴁𐴡𐴘𐴊𐴠𐴐𐴢 𐴀𐴟𐴎𐴞𐴌𐴠 𐴒𐴡𐴃𐴡 𐴁𐴟𐴙𐴃 𐴁𐴝𐴌𐴠 𐴈𐴡𐴘𐴧𐴠𐴊𐴠 𐴱 𐴁𐴝𐴚𐴓𐴝𐴊𐴠𐴐𐴠 𐴀𐴝𐴌 𐴈𐴡𐴕𐴥𐴡 𐴌𐴟𐴇𐴝𐴙𐴚𐴒𐴙𐴝 𐴕𐴡 𐴒𐴡𐴏𐴥𐴞𐴁𐴡 𐴱 𐴃𐴡𐴁𐴠 𐴘𐴥𐴡 𐴀𐴠𐴈𐴥𐴡𐴕 𐴁𐴝𐴚𐴓𐴝 𐴐𐴥𐴝𐴘𐴒𐴡𐴌𐴡𐴃 𐴁𐴥𐴝𐴐𐴠𐴌𐴊𐴠 𐴊𐴟𐴘𐴧𐴝𐴕 𐴁𐴟𐴄 𐴉𐴟𐴌𐴝𐴘𐴧𐴝 𐴰 𐴰 𐴵 𐴎𐴡𐴕 𐴓𐴡𐴃𐴞 𐴌𐴟𐴇𐴝𐴙𐴚𐴒𐴙𐴝 𐴀𐴥𐴟𐴕𐴡𐴌𐴥𐴠 𐴃𐴟𐴓𐴞 𐴓𐴡𐴘𐴁𐴡𐴌𐴓𐴝 ( 𐴘𐴟 𐴀𐴠𐴕 𐴀𐴠𐴆 𐴏𐴞 𐴀𐴠𐴆 𐴀𐴝𐴌 ) 𐴌𐴠 𐴁𐴝𐴚𐴓𐴝𐴊𐴠𐴐𐴡𐴌𐴠 𐴀𐴝𐴌𐴡𐴎 𐴒𐴡𐴙𐴅𐴧𐴙𐴠 𐴱 𐴀𐴥𐴠 𐴁𐴟𐴄 𐴊𐴟𐴕𐴥𐴞 𐴘𐴥𐴝𐴕 𐴒𐴡𐴃𐴡 𐴐𐴥𐴡𐴔𐴁𐴝𐴌𐴠 𐴓𐴡𐴃𐴞 𐴁𐴝𐴚𐴓𐴝𐴊𐴠𐴐𐴡𐴌 𐴅𐴠𐴍𐴥𐴞𐴃 𐴁𐴥𐴞𐴌𐴞 𐴁𐴡𐴌𐴓𐴝 𐴑𐴟𐴐𐴥𐴞𐴐𐴢 𐴒𐴡𐴌𐴠𐴌 𐴔𐴡𐴕𐴃𐴡𐴌 𐴁𐴝𐴚𐴓𐴝𐴊𐴠𐴐𐴡𐴌 𐴕𐴠𐴁𐴞 𐴀𐴝𐴌 𐴊𐴡𐴙𐴅𐴧𐴙𐴝 𐴏𐴦𐴡𐴛 𐴉𐴟𐴓𐴞𐴐𐴠 𐴀𐴠𐴅𐴝𐴎𐴡𐴃 𐴕𐴡 𐴊𐴦𐴠𐴌 𐴱𐴱

𐴇𐴥𐴝𐴘 𐴑𐴡𐴔𐴞𐴐𐴕𐴝𐴌 / 𐴔𐴞𐴆𐴠𐴓 𐴁𐴝𐴆𐴠𐴓𐴠𐴄𐴠 𐴈𐴡𐴘𐴧𐴠𐴊𐴠 𐴱 𐴀𐴦𐴝𐴛 𐴊𐴡𐴙𐴅𐴧𐴙𐴝𐴃 𐴓𐴡𐴄𐴑𐴞 𐴌𐴡𐴘𐴧𐴠𐴊𐴠 𐴐𐴥𐴡𐴃𐴝 𐴐𐴥𐴡𐴃𐴞 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌𐴠 𐴀𐴡𐴑𐴃𐴡𐴌 𐴖𐴡𐴌𐴠 𐴃𐴡𐴌𐴝𐴃𐴡𐴌𐴥𐴞 𐴔𐴝𐴇𐴉𐴦𐴟𐴎 𐴄𐴤𐴞𐴑𐴝𐴕𐴝𐴃 𐴀𐴝𐴕𐴞𐴁𐴡𐴌𐴓𐴝 𐴱 𐴁𐴝𐴚𐴓𐴝𐴊𐴠𐴐𐴡𐴌 𐴁𐴡𐴘𐴊𐴠𐴐𐴢 𐴀𐴟𐴎𐴞𐴌 𐴀𐴠 𐴑𐴠 / 𐴀𐴝𐴁𐴊𐴟𐴓 𐴔𐴥𐴟𐴔𐴠𐴕𐴡𐴌 𐴈𐴝𐴣𐴏𐴠 𐴓𐴠𐴑𐴞𐴘𐴡𐴌𐴠 𐴐𐴞𐴣𐴍𐴞 𐴉𐴦𐴡𐴣𐴏𐴝𐴘𐴧𐴞 𐴱 𐴀𐴥𐴠 𐴁𐴟𐴄 𐴓𐴡𐴘 𐴁𐴥𐴝𐴐𐴠𐴌𐴊𐴠 𐴘𐴦𐴝𐴕 𐴀𐴠𐴑𐴧𐴝𐴕 𐴀𐴞𐴏𐴝𐴕𐴞 𐴔𐴡𐴏𐴞𐴁𐴡𐴃 𐴱 𐴎𐴞𐴘𐴝𐴕 𐴏𐴝𐴘𐴓𐴠 𐴑𐴦𐴟𐴁 𐴁𐴠𐴐𐴥𐴞 𐴈𐴥𐴡𐴃𐴡𐴌𐴤𐴝 𐴱 𐴀𐴥𐴠𐴃𐴡𐴓𐴧𐴝 𐴁𐴤𐴝𐴘 𐴁𐴤𐴝𐴘 𐴊𐴞𐴓𐴡𐴌 𐴏𐴥𐴝𐴣𐴀𐴃𐴠 𐴀𐴝𐴌 𐴔𐴟𐴁𐴝𐴌𐴡𐴑 𐴀𐴝𐴌 𐴌𐴝𐴇𐴔𐴡𐴃𐴡𐴌 𐴔𐴝𐴐𐴢 𐴌𐴡𐴔𐴎𐴝𐴕𐴡𐴌 𐴐𐴥𐴟𐴌𐴟 𐴓𐴡𐴘 𐴁𐴟𐴄 𐴊𐴟𐴕𐴥𐴞 𐴘𐴝𐴕 𐴁𐴥𐴞𐴌𐴞 𐴉𐴝𐴌𐴠𐴉𐴦𐴝𐴕 𐴃𐴟𐴣𐴖𐴝𐴣𐴌𐴝𐴌 𐴒𐴤𐴝𐴣𐴄 𐴑𐴤𐴟𐴓𐴞 𐴊𐴦𐴡 𐴱𐴱

sources: https://www.dhakatribune.com/bangladesh/rohingya-crisis/2020/04/25/un-requests-bangladesh-to-let-in-2-boats-carrying-500-rohingyas