𐴂𐴡𐴓𐴥𐴝𐴖𐴥𐴝𐴌 𐴓𐴝𐴌𐴥𐴝𐴙𐴃 𐴊𐴠𐴐𐴡𐴙𐴃𐴧𐴝 𐴸 𐴎𐴡𐴕 𐴒𐴥𐴝𐴙𐴓 𐴀𐴥𐴡𐴘𐴧𐴠 𐴷 𐴎𐴡𐴕 𐴔𐴡𐴙𐴅𐴧𐴙𐴠 𐴱𐴱

𐴀𐴠𐴂𐴌𐴞 𐴓𐴡𐴌 𐴷 𐴃𐴝𐴌𐴞𐴑 𐴆𐴙𐴥𐴝𐴚 𐴋𐴞𐴐𐴄𐴞𐴑𐴡𐴌 𐴂𐴡𐴓𐴥𐴝𐴖𐴥𐴝 𐴐𐴥𐴡𐴀𐴌𐴡𐴌 𐴕𐴥𐴠𐴕 𐴆𐴥𐴡𐴚 𐴖𐴥𐴝 𐴉𐴝𐴌𐴝𐴌 𐴃𐴟 𐴀𐴠𐴑 𐴔𐴝𐴙𐴓 𐴀𐴥𐴝𐴕𐴞𐴑 𐴊𐴟𐴌𐴥𐴠 𐴁𐴠𐴙𐴕𐴧𐴝 𐴸 𐴁𐴝𐴎𐴠 𐴓𐴡𐴃𐴞 𐴰 𐴱 𐴁𐴝𐴎𐴠 𐴉𐴡𐴙𐴅𐴧𐴡𐴕𐴃𐴡 𐴔𐴠𐴓𐴠𐴄𐴠𐴌𐴞 𐴀𐴝𐴌 𐴔𐴡𐴒𐴁𐴝𐴒𐴞𐴌 𐴔𐴝𐴎𐴠 𐴑𐴦𐴟𐴁 𐴎𐴟𐴌𐴠 𐴐𐴥𐴟𐴌𐴠 𐴓𐴝𐴌𐴥𐴝𐴘 𐴏𐴡𐴙𐴓𐴧𐴙𐴠 𐴱 𐴘𐴥𐴝𐴌 𐴁𐴝𐴊𐴠 𐴀𐴥𐴝𐴣𐴎𐴡𐴙𐴕𐴧𐴝 𐴴 𐴁𐴝𐴎𐴠 𐴔𐴠𐴓𐴠𐴄𐴠𐴌𐴞𐴘𐴠 𐴇𐴥𐴝𐴁𐴝𐴌 𐴓𐴝𐴘𐴕𐴠 𐴊𐴟𐴘𐴧𐴝𐴕 𐴎𐴦𐴝𐴣𐴏𐴢 𐴓𐴡𐴘 𐴔𐴡𐴒𐴁𐴝𐴒𐴞𐴌𐴠 𐴎𐴡𐴁𐴡𐴌𐴊𐴥𐴡𐴏𐴢 𐴒𐴡𐴌𐴞 𐴔𐴝𐴙𐴅𐴧𐴙𐴠𐴊𐴠 𐴀𐴥𐴠𐴍𐴠 𐴱 𐴕𐴥𐴠𐴕 𐴆𐴥𐴡𐴚 𐴖𐴥𐴝 𐴉𐴝𐴌𐴝𐴌 𐴁𐴥𐴟𐴃𐴡𐴌𐴥𐴠 𐴀𐴥𐴟𐴊𐴧𐴝 𐴔𐴝𐴙𐴅𐴧𐴙𐴠 𐴱 𐴀𐴥𐴠 𐴔𐴝𐴌𐴝𐴃 𐴔𐴠𐴓𐴠𐴄𐴠𐴌𐴞 𐴀𐴥𐴡𐴑𐴧𐴡𐴓𐴠 𐴋𐴦𐴡𐴣𐴌 𐴀𐴥𐴝𐴣𐴃𐴞𐴘𐴝𐴌 𐴔𐴝𐴌𐴦𐴡𐴕𐴠 𐴉𐴝𐴙𐴅𐴧𐴙𐴝 𐴔𐴝𐴕𐴟𐴙𐴐𐴢 𐴸 𐴎𐴡𐴕 𐴒𐴥𐴝𐴙𐴓 𐴀𐴥𐴡𐴘𐴧𐴠 𐴀𐴝𐴌 𐴷 𐴎𐴡𐴕 𐴔𐴡𐴌𐴞 𐴒𐴞𐴘𐴥𐴡𐴘 𐴀𐴝𐴌 𐴒𐴤𐴡𐴌 𐴀𐴥𐴡 𐴁𐴡𐴗𐴃 𐴉𐴟𐴌𐴞 𐴒𐴞𐴘𐴥𐴡𐴘 𐴱𐴱

𐴔𐴡𐴌𐴞 𐴒𐴞𐴘𐴥𐴡𐴘𐴊𐴠 𐴀𐴥𐴠𐴍𐴠 𐴳 𐴎𐴡𐴕 𐴔𐴝𐴘𐴧𐴝 𐴴 𐴎𐴡𐴕 𐴔𐴡𐴌𐴡𐴊 𐴱 𐴒𐴥𐴝𐴙𐴓 𐴀𐴥𐴡𐴘𐴧𐴠𐴊𐴠 𐴀𐴥𐴞𐴃𐴝𐴌𐴝𐴌𐴠 𐴂𐴡𐴓𐴥𐴝𐴖𐴥𐴝𐴌 𐴋𐴝𐴑𐴄𐴡𐴌 𐴈𐴥𐴝𐴕𐴝𐴃 𐴊𐴝𐴁𐴝𐴘 𐴒𐴡𐴌𐴦𐴠𐴌 𐴱 𐴒𐴥𐴝𐴙𐴓 𐴀𐴥𐴡𐴘𐴧𐴠𐴊𐴠 𐴀𐴥𐴟𐴕𐴡𐴌 𐴁𐴥𐴟𐴃𐴡𐴌𐴠 𐴀𐴟𐴒𐴧𐴗𐴝 𐴳 𐴁𐴡𐴏𐴡𐴌 𐴁𐴡𐴐𐴢 𐴀𐴡𐴓𐴝 𐴒𐴟𐴌𐴝 𐴉𐴟𐴖𐴝 𐴘𐴥𐴡 𐴀𐴝𐴏𐴠 𐴱 𐴒𐴥𐴝𐴙𐴓 𐴀𐴥𐴡𐴘𐴧𐴠𐴊𐴠 𐴀𐴥𐴟𐴕𐴡𐴌 𐴁𐴥𐴟𐴃𐴡𐴌𐴠 𐴴 𐴎𐴡𐴕 𐴉𐴟𐴌𐴞 𐴒𐴥𐴝𐴙𐴓 𐴀𐴥𐴡𐴘𐴧𐴠 𐴀𐴝𐴌 𐴴 𐴎𐴡𐴕 𐴀𐴥𐴝𐴣𐴃𐴞𐴘𐴝𐴌 𐴉𐴡𐴌𐴞 𐴒𐴥𐴝𐴙𐴓 𐴀𐴥𐴡𐴘𐴧𐴠 𐴱 𐴔𐴠𐴓𐴠𐴄𐴠𐴌𐴞𐴌 𐴃𐴡𐴌𐴉𐴡𐴌 𐴈𐴡𐴃𐴥𐴝 𐴈𐴦𐴡𐴙𐴕𐴧𐴝 / 𐴁𐴟𐴔𐴤𐴟 𐴆𐴥𐴙𐴟𐴑 𐴎𐴡𐴔𐴥𐴞𐴚 𐴄𐴟𐴚𐴠 𐴓𐴝𐴌𐴥𐴝𐴘 𐴀𐴥𐴡𐴘𐴧𐴠𐴊𐴠 𐴎𐴝𐴕𐴠 𐴁𐴡𐴓𐴞 𐴈𐴡𐴘𐴧𐴠 𐴔𐴡𐴕𐴃𐴡𐴌 𐴔𐴝𐴕𐴟𐴙𐴐𐴢 𐴔𐴡𐴙𐴅𐴧𐴙𐴠𐴊𐴠 𐴀𐴝𐴌 𐴒𐴥𐴝𐴙𐴓 𐴀𐴥𐴡𐴘𐴧𐴠𐴊𐴠 𐴀𐴥𐴠 𐴁𐴝𐴁𐴡𐴃𐴠 𐴕𐴡𐴎𐴝𐴕𐴠 𐴁𐴡𐴓𐴞 𐴈𐴡𐴘𐴧𐴠 𐴱 𐴔𐴠𐴓𐴠𐴄𐴠𐴌𐴞 𐴀𐴥𐴡𐴑𐴧𐴡𐴓𐴠 𐴀𐴠𐴕𐴋𐴞𐴓𐴧𐴝 𐴔𐴞𐴏𐴥𐴝 𐴈𐴡𐴃𐴥𐴝 𐴈𐴦𐴡𐴘 𐴉𐴝𐴌𐴠 𐴉𐴝𐴀𐴕 𐴀𐴝𐴌 𐴊𐴠𐴐𐴡𐴙𐴃𐴧𐴝 𐴀𐴥𐴡𐴑𐴧𐴡𐴓𐴠 𐴈𐴡𐴕𐴥𐴡 𐴈𐴥𐴡𐴁𐴡𐴌 𐴊𐴠𐴐𐴡𐴌 𐴁𐴦𐴝𐴌𐴠 𐴉𐴦𐴡𐴣𐴏𐴝𐴘 𐴕𐴡 𐴉𐴝𐴌𐴥𐴠 𐴉𐴝𐴀𐴕 𐴁𐴡𐴌𐴔𐴝 𐴇𐴥𐴡𐴑𐴟𐴔𐴡𐴃𐴠 𐴀𐴟𐴃𐴧𐴡𐴌 𐴀𐴝𐴌𐴑𐴝𐴕𐴡𐴃 𐴸 𐴖𐴥𐴝𐴕 𐴐𐴥𐴡𐴀𐴌 𐴀𐴝𐴌 𐴂𐴡𐴓𐴥𐴝𐴖𐴥𐴝𐴃 𐴀𐴞𐴕𐴄𐴝𐴌𐴕𐴥𐴠𐴄 𐴁𐴡𐴕 𐴒𐴡𐴌𐴞 𐴌𐴝𐴙𐴑𐴧𐴙𐴠𐴊𐴠 𐴱𐴱