𐴰 𐴵 𐴀𐴠𐴕 𐴅𐴞 𐴀𐴡 𐴘𐴠 𐴁𐴝𐴚𐴓𐴝𐴊𐴠𐴝 𐴇𐴥𐴡𐴑𐴟𐴔𐴡𐴃𐴡𐴌𐴠 𐴌𐴟𐴇𐴝𐴙𐴚𐴒𐴙𐴝𐴌 𐴑𐴠𐴀𐴠𐴔𐴡𐴃 𐴀𐴞𐴕𐴄𐴝𐴌𐴕𐴥𐴠𐴄 𐴀𐴝𐴌 𐴓𐴡𐴌𐴝𐴏𐴡𐴌𐴝 𐴑𐴤𐴟𐴓𐴞𐴊𐴞𐴃𐴡 𐴈𐴡𐴘𐴧𐴠 𐴱𐴱

𐴁𐴠𐴐𐴥𐴡𐴌𐴑𐴝𐴌𐴞 𐴰 𐴵 𐴐𐴥𐴗𐴥𐴝 ( 𐴀𐴠𐴕 𐴅𐴞 𐴀𐴡 ) 𐴘𐴠 𐴏𐴥𐴝𐴙𐴕 𐴒𐴡𐴌𐴞 𐴀𐴠𐴑𐴧𐴝𐴕 𐴏𐴞𐴣𐴍𐴞 𐴁𐴝𐴚𐴓𐴝𐴊𐴠𐴐𐴡𐴌 𐴁𐴡𐴌 𐴀𐴟𐴎𐴞𐴌 / 𐴐𐴠𐴙𐴑 𐴇𐴥𐴝𐴏𐴞𐴕𐴝𐴌 𐴈𐴝𐴣𐴏𐴠 𐴉𐴦𐴡𐴣𐴏𐴥𐴝𐴘𐴧𐴠 𐴱 𐴀𐴥𐴠𐴍𐴠 𐴓𐴠𐴙𐴑𐴧𐴙𐴠𐴊𐴠 𐴱 𐴀𐴝𐴣𐴀𐴌𐴝 𐴁𐴝𐴚𐴓𐴝𐴊𐴠𐴐𐴢 𐴇𐴥𐴡𐴑𐴟𐴔𐴡𐴃𐴡𐴌 𐴁𐴠𐴐𐴥𐴞 𐴐𐴥𐴟𐴑𐴟𐴌𐴞𐴘𐴝 𐴀𐴝𐴊𐴝𐴘 𐴒𐴡𐴌𐴦𐴞𐴌 𐴱 𐴎𐴠 𐴇𐴥𐴡𐴑𐴟𐴔𐴡𐴃𐴠 𐴷 𐴱 𐴰 𐴲 𐴐𐴡𐴕𐴡𐴃 𐴁𐴡𐴌𐴔𐴝 𐴘𐴠 𐴕𐴡𐴏𐴥𐴡𐴓 𐴉𐴥𐴟𐴌𐴝 𐴑𐴝𐴌𐴖𐴝𐴘 𐴒𐴡𐴌𐴞 𐴀𐴠𐴑 𐴔𐴡𐴓𐴞𐴘𐴟𐴕𐴡𐴌 𐴖𐴡𐴌𐴠 𐴁𐴡𐴌𐴔𐴝𐴌 𐴊𐴠𐴐𐴡𐴙𐴃𐴧𐴝 𐴱 𐴈𐴡𐴔𐴐𐴥𐴡𐴙𐴚𐴒𐴙𐴝 𐴑𐴡𐴈𐴔 𐴌𐴟𐴇𐴝𐴙𐴚𐴒𐴙𐴝 𐴌𐴠 𐴁𐴡𐴓𐴝𐴎𐴟𐴌𐴞 𐴁𐴝𐴚𐴓𐴝𐴊𐴠𐴐𐴡𐴃 𐴉𐴝𐴌𐴒𐴝𐴌𐴝𐴘 𐴊𐴞𐴘𐴠𐴊𐴠 𐴀𐴥𐴟𐴕𐴡𐴌𐴠 𐴱𐴱

𐴑𐴡𐴑𐴆𐴁𐴝𐴎𐴝𐴌 𐴀𐴠𐴓𐴝𐴑𐴝𐴃 𐴑𐴠𐴀𐴠𐴔 𐴁𐴝𐴕𐴝𐴘 𐴌𐴝𐴑𐴞 𐴀𐴝𐴙𐴅𐴧𐴙𐴝 𐴉𐴡𐴙𐴅𐴧𐴡𐴕𐴃𐴡 𐴑𐴟𐴓𐴥𐴠 𐴀𐴞𐴕𐴏𐴝𐴕𐴞 𐴎𐴡𐴌𐴟𐴌𐴡𐴃 𐴀𐴥𐴡𐴑𐴧𐴡𐴓 𐴉𐴟𐴌𐴝 𐴒𐴡𐴌𐴦𐴠𐴌 𐴱 𐴀𐴠𐴈𐴥𐴡𐴕 𐴏𐴡𐴓𐴠𐴌𐴊𐴠 𐴇𐴥𐴝𐴓𐴡𐴃𐴡 𐴌𐴠 𐴏𐴦𐴝𐴘 𐴑𐴥𐴡𐴑𐴆 𐴁𐴝𐴎𐴝𐴌 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃 𐴀𐴞𐴕𐴄𐴝𐴌𐴕𐴥𐴠𐴄 𐴑𐴤𐴟𐴓𐴞 𐴊𐴦𐴡 𐴀𐴝𐴌 𐴑𐴠𐴀𐴠𐴔𐴡𐴌 𐴏𐴝𐴙𐴌𐴀𐴥𐴡 𐴋𐴥𐴝𐴑𐴡𐴌 𐴏𐴙𐴡𐴓𐴡𐴌 𐴒𐴥𐴞𐴌𐴝𐴌 𐴈𐴝𐴔 𐴁𐴡𐴕 𐴒𐴡𐴌𐴦𐴡 𐴱 𐴃𐴦𐴡𐴘𐴓𐴠 𐴀𐴥𐴞 𐴌𐴞𐴉𐴟𐴎𐴞 𐴀𐴥𐴡𐴑𐴧𐴡𐴓𐴠 𐴏𐴡𐴓𐴠𐴌𐴊𐴠 𐴑𐴡𐴌𐴟𐴕𐴝 𐴁𐴙𐴝𐴌𐴝𐴔𐴡𐴌 𐴃𐴟 𐴁𐴝𐴏𐴞 𐴉𐴝𐴌𐴠𐴁𐴝𐴌 𐴔𐴝𐴓𐴟𐴔𐴦𐴝𐴃 𐴀𐴥𐴡𐴑𐴧𐴡𐴓 𐴇𐴥𐴝𐴏𐴞𐴓 𐴒𐴡𐴌𐴞 𐴉𐴝𐴌𐴞𐴁𐴦𐴡 𐴱𐴱

” 𐴀𐴝𐴓𐴧𐴝𐴇𐴢 𐴃𐴝𐴀𐴝𐴓𐴀 𐴁𐴝𐴏𐴝𐴘 𐴌 𐴝𐴑𐴦𐴡𐴑 ” 𐴎𐴡𐴊𐴞 𐴀𐴝𐴃𐴥𐴞𐴑𐴧𐴙𐴝 𐴑𐴠𐴀𐴠𐴔𐴡𐴌 𐴁𐴥𐴟𐴃𐴡𐴌𐴠 𐴉𐴦𐴝𐴒𐴞𐴓𐴠 𐴱 𐴁𐴠𐴐𐴥𐴞 𐴔𐴝𐴕𐴟𐴙𐴐𐴢 𐴀𐴥𐴡𐴊𐴡𐴃 𐴄𐴝𐴓𐴝𐴘𐴧𐴝 𐴊𐴠 𐴀𐴥𐴠𐴃𐴡𐴓𐴧𐴝 𐴀𐴝𐴏𐴥𐴝𐴕𐴞𐴌 𐴏𐴥𐴝𐴣𐴀𐴃𐴠 𐴑𐴠𐴀𐴠𐴔 𐴁𐴠𐴙𐴒𐴧𐴞𐴕𐴡𐴃 𐴀𐴥𐴡𐴘 𐴎𐴝𐴘𐴁𐴡𐴒𐴦𐴡𐴘 𐴱 𐴀𐴥𐴠𐴃𐴡𐴓𐴧𐴝 𐴀𐴝𐴒𐴡𐴌𐴞 𐴁𐴠𐴁𐴡𐴏𐴃𐴝 𐴒𐴡𐴌𐴦𐴡𐴕 𐴁𐴠𐴐𐴥𐴞 𐴎𐴡𐴌𐴟𐴌𐴞 𐴱 𐴀𐴥𐴠 𐴏𐴥𐴝𐴙𐴕 𐴒𐴡𐴙𐴅𐴧𐴙𐴝 𐴏𐴞𐴣𐴍𐴞 𐴘𐴦𐴝𐴕 𐴀𐴟𐴎𐴞𐴌 / 𐴀𐴠𐴕𐴝𐴔𐴟𐴌 𐴌𐴝𐴇𐴔𐴝𐴕 𐴀𐴝𐴌 𐴌𐴞𐴉𐴟𐴎𐴞𐴌 𐴖𐴝𐴉𐴠𐴏𐴞𐴌 𐴎𐴞𐴔𐴧𐴝𐴊𐴝𐴌 𐴑𐴡𐴔𐴞𐴆𐴕𐴝𐴌 / 𐴔𐴝𐴇𐴁𐴟𐴁 𐴀𐴝𐴓𐴡𐴔 𐴃𐴝𐴓𐴟𐴑𐴊𐴝𐴌 𐴀𐴞𐴃𐴝𐴌𐴝𐴌 𐴈𐴝𐴣𐴏𐴠 𐴘𐴥𐴡 𐴉𐴦𐴡𐴣𐴏𐴝 𐴒𐴞𐴘𐴠 𐴱𐴱