𐴔𐴠𐴓𐴠𐴄𐴠𐴌𐴞 𐴘𐴠 𐴀𐴥𐴝𐴁𐴝𐴌 𐴎𐴦𐴝𐴣𐴏𐴢 𐴓𐴡𐴘 𐴔𐴝𐴌𐴡𐴕𐴠 𐴔𐴥𐴝𐴔𐴁𐴡𐴌𐴥𐴝𐴃 𐴊𐴟𐴘 𐴎𐴡𐴕 𐴒𐴥𐴝𐴙𐴓 𐴱 𐴊𐴟𐴘 𐴎𐴡𐴕𐴡𐴌 𐴔𐴡𐴗𐴃 𐴱𐴱

𐴀𐴝𐴌𐴑𐴝𐴕𐴡𐴃 𐴔𐴥𐴝𐴔𐴁𐴡𐴌𐴥𐴝𐴌 𐴀𐴠𐴓𐴝𐴑𐴝𐴃 𐴔𐴠𐴓𐴠𐴄𐴠𐴌𐴞 𐴀𐴝𐴌 𐴔𐴡𐴒𐴁𐴝𐴒𐴞𐴌 𐴔𐴝𐴎𐴠 𐴱 𐴓𐴝𐴒𐴝𐴃𐴝𐴌 𐴖𐴥𐴝𐴃 𐴀𐴝𐴏𐴠𐴊𐴠 𐴓𐴝𐴌𐴥𐴝𐴙𐴃 𐴱 𐴒𐴡𐴃𐴡 𐴈𐴝𐴓𐴞𐴘𐴝 𐴔𐴠𐴓𐴠𐴄𐴠𐴌𐴞 𐴀𐴥𐴡𐴑𐴧𐴡𐴓𐴠 𐴀𐴥𐴝𐴁𐴝𐴌 𐴎𐴦𐴝𐴣𐴏𐴢 𐴓𐴡𐴘 𐴔𐴝𐴌𐴦𐴡𐴕𐴠 𐴱 𐴉𐴝𐴌𐴝𐴌 𐴔𐴝𐴕𐴟𐴙𐴐𐴢 𐴊𐴟𐴘 𐴎𐴡𐴕 𐴔𐴡𐴌𐴞 𐴒𐴞𐴘𐴦𐴡𐴘 𐴀𐴝𐴌 𐴊𐴟𐴘 𐴎𐴡𐴕 𐴁𐴠𐴐𐴥𐴞 𐴒𐴥𐴝𐴙𐴓 𐴀𐴥𐴡𐴘𐴧𐴠 𐴱 𐴔𐴡𐴕𐴃𐴡𐴌 𐴔𐴠𐴓𐴠𐴄𐴠𐴌𐴞𐴌 𐴃𐴡𐴌𐴉𐴡𐴌 𐴈𐴡𐴃𐴥𐴝 𐴈𐴦𐴡𐴙𐴕𐴧𐴝 / 𐴁𐴟 𐴔𐴤𐴟 𐴆𐴥𐴙𐴟𐴑 𐴎𐴡𐴔𐴥𐴞𐴚 𐴄𐴟𐴚𐴠 𐴀𐴞𐴚𐴑𐴝𐴌 𐴒𐴡𐴙𐴅𐴧𐴙𐴠 𐴱𐴱

𐴔𐴡𐴒𐴁𐴝𐴒𐴞 𐴀𐴝𐴌 𐴔𐴠𐴓𐴠𐴄𐴠𐴌𐴞𐴌 𐴔𐴝𐴎𐴠 𐴏𐴡𐴓𐴠𐴌𐴊𐴠 𐴓𐴝𐴌𐴥𐴝𐴙𐴌 𐴏𐴥𐴞𐴓𐴏𐴞𐴓𐴝𐴃 𐴱 𐴈𐴥𐴡𐴁𐴡𐴌 𐴓𐴠𐴑𐴤𐴞 𐴁𐴡𐴌𐴓𐴝 𐴔𐴡𐴒𐴁𐴝𐴒𐴞𐴌 𐴃𐴡𐴌𐴉𐴡𐴌 𐴈𐴡𐴃𐴥𐴝 𐴈𐴦𐴡𐴙𐴕𐴧𐴝 𐴓𐴡𐴘 𐴃𐴝𐴀𐴓𐴧𐴟𐴑 𐴒𐴡𐴙𐴅𐴧𐴙𐴠𐴊𐴠 𐴀𐴥𐴠𐴃𐴡𐴓𐴧𐴝 ( 𐴁𐴗𐴝𐴙𐴏𐴢 𐴀𐴥𐴡𐴉𐴢 𐴔𐴙𐴝𐴕𐴔𐴝𐴌 ) 𐴈𐴥𐴡𐴁𐴡𐴌𐴞 𐴈𐴝𐴁𐴡𐴏𐴢 𐴄𐴝𐴕𐴥𐴝𐴌 𐴁𐴝𐴕𐴞 / 𐴑𐴟 𐴕𐴠 𐴔𐴙𐴥𐴟 𐴓𐴥𐴝𐴚𐴡𐴌𐴠 𐴱 𐴔𐴥𐴝𐴕 𐴋𐴠𐴓𐴠 𐴋𐴞𐴐𐴄𐴞𐴑𐴡𐴌 𐴈𐴥𐴡𐴁𐴡𐴌𐴞 𐴄𐴝𐴕𐴥𐴝𐴌 𐴔𐴠𐴓𐴠𐴄𐴠𐴌𐴞 𐴀𐴥𐴡𐴑𐴧𐴡𐴓𐴠 𐴱 𐴀𐴝𐴃𐴡𐴚𐴁𐴝𐴊𐴞 – 𐴀𐴟𐴓𐴋𐴝 𐴑𐴝𐴕𐴟𐴕 𐴓𐴡𐴘 𐴁𐴡𐴕 𐴒𐴡𐴌𐴞 𐴉𐴥𐴠𐴓𐴝𐴘𐴧𐴠 𐴱𐴱

𐴔𐴡𐴚𐴋𐴥𐴟𐴃 𐴀𐴞𐴐𐴑𐴟𐴓𐴡𐴌𐴠 ( 𐴑𐴡𐴌𐴡𐴕𐴃𐴞𐴕𐴤𐴝 ) 𐴋𐴝𐴑𐴄𐴡𐴌𐴞 𐴎𐴙𐴡𐴓 𐴈𐴥𐴝𐴕𐴝 𐴁𐴝𐴕𐴝𐴘𐴧𐴠 𐴱𐴱

𐴔𐴡𐴚𐴋𐴥𐴟 𐴄𐴡𐴀𐴕𐴡𐴌 𐴊𐴦𐴡𐴙𐴕 𐴌𐴥𐴠𐴑𐴗𐴥𐴝 𐴁𐴠𐴐𐴥𐴞 𐴌𐴟𐴇𐴝𐴙𐴚𐴒𐴙𐴝 𐴃𐴥𐴝𐴑𐴠𐴊𐴠 ( 𐴇𐴦𐴝𐴣𐴌𐴞𐴉𐴝𐴌𐴝 ) 𐴌 𐴊𐴟𐴘𐴧𐴝𐴕 𐴇𐴦𐴝𐴘 𐴀𐴞𐴐𐴑𐴟𐴓 ( 𐴖𐴡𐴌𐴡𐴌 𐴀𐴞𐴐𐴑𐴟𐴓 ) 𐴈𐴥𐴝𐴓𐴞 𐴒𐴡𐴌𐴞 ( 𐴑𐴡𐴌𐴡𐴕𐴃𐴞𐴕𐴤𐴝 ) 𐴋𐴝𐴑𐴄𐴡𐴌𐴞 𐴎𐴙𐴡𐴓 𐴈𐴥𐴝𐴕𐴝 𐴁𐴝𐴕𐴝𐴘𐴧𐴠 𐴱 𐴎𐴦𐴞𐴕𐴡𐴃 𐴄𐴥𐴝𐴘𐴓𐴠𐴕𐴋𐴡𐴃 𐴈𐴝𐴔 𐴒𐴡𐴙𐴌𐴃𐴡 𐴒𐴦𐴞𐴓𐴊𐴠 𐴀𐴥𐴠𐴃𐴧𐴟 𐴖𐴝𐴉𐴠𐴏𐴢 𐴀𐴝𐴘𐴧𐴠𐴌𐴊𐴠 𐴔𐴡𐴒𐴢 𐴀𐴥𐴡𐴑𐴧𐴡𐴓𐴡𐴌𐴠 𐴑𐴡𐴌𐴟𐴕𐴝 𐴁𐴙𐴝𐴌𐴝𐴔 𐴓𐴡𐴀𐴃 𐴉𐴝 𐴉𐴡𐴙𐴅𐴧𐴡𐴕𐴃𐴡 𐴴 𐴱 𐴊𐴞𐴕 𐴌𐴝𐴑𐴦𐴠𐴌 𐴱𐴱

𐴎𐴞𐴘𐴝𐴕𐴡𐴌𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴠 𐴁𐴠𐴐𐴥𐴞 𐴋𐴡𐴌𐴝𐴌 𐴁𐴡𐴓𐴞 𐴊𐴟𐴕𐴞𐴘𐴝𐴌𐴠 𐴎𐴝𐴕𐴦𐴝𐴌 𐴱 𐴑𐴙𐴡𐴓𐴧𐴝 𐴈𐴡𐴘𐴓𐴠 𐴇𐴥𐴡𐴑𐴟𐴔𐴡𐴃𐴡𐴌 𐴂𐴠𐴓𐴝𐴕 𐴔𐴡𐴎𐴞𐴕 𐴔𐴡𐴒𐴢 𐴀𐴥𐴡𐴑𐴧𐴡𐴓𐴡𐴌𐴠 𐴀𐴥𐴠𐴃𐴧𐴟 𐴕𐴠𐴓𐴝𐴘 𐴔𐴟𐴏𐴡𐴓𐴔𐴝𐴕 𐴀𐴥𐴡𐴑𐴧𐴡𐴓𐴡𐴌 𐴓𐴡𐴘 𐴔𐴞𐴓𐴎𐴟𐴓 𐴒𐴡𐴌𐴥𐴝 𐴁𐴝𐴘 𐴁𐴦𐴡 𐴱 𐴎𐴞𐴘𐴝𐴕𐴡𐴌 𐴎𐴡𐴌𐴞𐴘𐴝 𐴔𐴡𐴒𐴡𐴌𐴃𐴟 𐴁𐴙𐴝𐴌𐴝𐴔 𐴌𐴟𐴇𐴝𐴙𐴚𐴒𐴙𐴝 𐴔𐴟𐴏𐴡𐴓𐴔𐴝𐴕𐴡𐴌 𐴀𐴥𐴠𐴍𐴠 𐴉𐴝𐴌𐴝𐴘𐴁𐴡 𐴱𐴱