𐴔𐴠𐴓𐴠𐴄𐴠𐴌𐴞 𐴘𐴠 𐴈𐴡𐴘𐴧𐴠𐴊𐴠 𐴐𐴥𐴝𐴕𐴃𐴞𐴌 𐴔𐴝𐴀𐴔𐴠𐴓𐴝𐴃 𐴔𐴡𐴒𐴁𐴝𐴒𐴞 𐴒𐴥𐴡𐴓𐴞 𐴉𐴝𐴌𐴦𐴡𐴕 𐴔𐴡𐴐𐴑𐴞𐴓 𐴱𐴱

𐴔𐴡𐴒𐴁𐴝𐴒𐴞 ( 𐴀𐴠 𐴀𐴠 ) 𐴘𐴠 𐴊𐴠𐴐𐴡𐴃 𐴐𐴥𐴝𐴕𐴃𐴞 𐴕𐴡 𐴏𐴦𐴝𐴌𐴊𐴠 𐴀𐴥𐴠𐴃𐴡𐴓𐴧𐴝 𐴱 𐴀𐴠𐴒𐴡𐴎𐴝 𐴀𐴝𐴃𐴡𐴚𐴖𐴝𐴊𐴞 𐴇𐴥𐴝𐴔𐴓𐴝 𐴀𐴥𐴡𐴑𐴧𐴡𐴓 𐴒𐴡𐴌𐴠𐴌𐴊𐴠 𐴱 𐴎𐴞𐴘𐴝𐴕𐴡𐴌 𐴎𐴡𐴌𐴞𐴘𐴝 𐴁𐴡𐴌𐴔𐴝 𐴇𐴥𐴡𐴑𐴟𐴔𐴡𐴃𐴠 ( 𐴀𐴠 𐴀𐴠 ) 𐴌𐴠 𐴀𐴝𐴃𐴡𐴚𐴖𐴝𐴊𐴞𐴌 𐴓𐴞𐴐𐴄𐴥𐴞𐴃 𐴀𐴠𐴓𐴝𐴕 𐴒𐴡𐴌𐴞 𐴊𐴞𐴘𐴠 𐴱 𐴎𐴞𐴘𐴝𐴕𐴠 𐴓𐴝𐴌𐴥𐴝𐴘 𐴁𐴡𐴕𐴒𐴡𐴌𐴞 𐴊𐴠𐴐𐴡𐴃 𐴐𐴥𐴝𐴕𐴃𐴞𐴌 𐴁𐴝𐴁𐴡𐴃𐴠 𐴌𐴝𐴎𐴞𐴕𐴝𐴔𐴝 𐴈𐴝𐴁𐴡𐴎 𐴒𐴡𐴌𐴡𐴕𐴡𐴌 𐴑𐴟𐴐𐴥𐴞𐴐𐴡𐴌𐴠 𐴁𐴝𐴊𐴝 𐴊𐴞𐴃 𐴉𐴝𐴌𐴠 𐴀𐴝𐴌 ( 𐴀𐴠 𐴀𐴠 ) 𐴓𐴡𐴘 𐴁𐴝𐴎𐴝 𐴀𐴝𐴏𐴠 𐴁𐴡𐴓𐴞 𐴈𐴦𐴡𐴘 𐴊𐴠𐴐𐴡𐴙𐴃𐴧𐴝 𐴈𐴡𐴊𐴦𐴟𐴕 𐴊𐴤𐴡𐴌𐴞 𐴱 𐴀𐴝𐴃𐴡𐴚𐴖𐴝𐴊𐴞𐴌 𐴊𐴤𐴝𐴌𐴝 ( 𐴂𐴥𐴟𐴀𐴔𐴥𐴝 ) 𐴓𐴝𐴒𐴝𐴘 𐴁𐴡𐴕𐴒𐴡𐴌𐴞 𐴌𐴝𐴙𐴑𐴧𐴙𐴠𐴊𐴠 𐴀𐴥𐴞𐴃𐴝𐴌𐴝𐴌 𐴔𐴝𐴀𐴔𐴠𐴓𐴝 𐴘𐴥𐴡 𐴁𐴠𐴐𐴥𐴞 𐴒𐴥𐴡𐴍 𐴁𐴡𐴥𐴡𐴍 𐴀𐴥𐴡𐴙𐴃 𐴉𐴝𐴌𐴠 𐴁𐴡𐴓𐴞 𐴔𐴡𐴒𐴁𐴝𐴒𐴞𐴌 𐴁𐴡𐴌𐴡 / 𐴁𐴟𐴆𐴙𐴟𐴑 𐴄𐴥𐴗𐴥𐴠𐴚 𐴔𐴠𐴌𐴥𐴠 𐴕𐴝𐴙𐴚𐴠 𐴈𐴡𐴘𐴧𐴠 𐴱𐴱

𐴘𐴥𐴝𐴕𐴡𐴌 𐴅𐴟𐴖𐴝𐴁𐴡𐴃 𐴔𐴠𐴓𐴠𐴄𐴠𐴌𐴞𐴌 𐴃𐴡𐴌𐴉𐴡𐴌 𐴈𐴡𐴃𐴥𐴝 𐴈𐴦𐴡𐴙𐴕𐴧𐴝 𐴁𐴟𐴔𐴤𐴟𐴆𐴙𐴟𐴑 𐴎𐴡𐴔𐴥𐴞𐴚 𐴄𐴟𐴚𐴠 𐴈𐴡𐴘𐴧𐴠𐴊𐴠 𐴱 𐴁𐴡𐴕 𐴀𐴝𐴏𐴠𐴊𐴠 𐴔𐴝𐴙𐴕𐴐𐴡𐴌 𐴁𐴥𐴟𐴃𐴡𐴌𐴠 𐴎𐴞𐴃𐴝𐴌𐴝 𐴐𐴥𐴝𐴊𐴝 𐴐𐴥𐴞𐴊𐴝 𐴀𐴝𐴏𐴠 𐴀𐴥𐴞𐴃𐴝𐴌𐴝𐴌 𐴓𐴝 𐴈𐴡𐴕𐴥𐴡 𐴀𐴡𐴐𐴥𐴟𐴁𐴞𐴊𐴝 𐴕𐴡 𐴀𐴥𐴡𐴘𐴁𐴡 𐴱 𐴊𐴟𐴕𐴞𐴘𐴝𐴘 𐴁𐴠𐴙𐴒𐴧𐴗𐴥𐴝𐴃 𐴔𐴝𐴕𐴟𐴙𐴐𐴢 𐴑𐴡𐴌𐴟𐴕𐴝 𐴖𐴝𐴘𐴌𐴠𐴏𐴡𐴌 𐴋𐴡𐴌𐴡𐴃 𐴉𐴡𐴌𐴞 𐴒𐴞𐴘𐴡𐴘𐴊𐴠 𐴀𐴡𐴑𐴃𐴡 𐴀𐴝𐴌𐴑𐴝𐴕𐴡𐴃 𐴓𐴝𐴌𐴥𐴝𐴘 𐴎𐴠𐴃𐴦𐴡𐴃𐴥𐴡 𐴁𐴝𐴌𐴥𐴠𐴌 𐴁𐴡𐴓𐴞 𐴈𐴦𐴡𐴘 𐴔𐴡𐴒𐴁𐴝𐴒𐴞 𐴘𐴠 𐴔𐴠𐴓𐴠𐴄𐴠𐴌𐴞𐴌 𐴖𐴡𐴌𐴠 𐴀𐴠𐴓𐴎𐴝𐴔 𐴊𐴞𐴘𐴠𐴊𐴠 𐴘𐴥𐴝𐴕𐴡𐴌 𐴅𐴟𐴖𐴝𐴁𐴡𐴃 𐴔𐴠𐴓𐴠𐴄𐴠𐴌𐴞 𐴘𐴠 𐴈𐴡𐴘𐴧𐴠𐴊𐴠 ” 𐴀𐴠 𐴀𐴠 𐴉𐴝𐴄𐴞𐴌 𐴈𐴡𐴃𐴥𐴝 𐴀𐴝𐴌 𐴈𐴝𐴔 𐴉𐴥𐴟𐴖𐴝𐴕 𐴕𐴦𐴡 ” 𐴱𐴱

𐴁𐴡𐴌𐴔𐴝𐴌 𐴁𐴥𐴟𐴃𐴡𐴌𐴠 𐴌𐴞𐴉𐴟𐴎𐴞 𐴑𐴠𐴀𐴠𐴔 𐴀𐴥𐴡𐴑𐴧𐴡𐴓𐴡𐴃 𐴔𐴟𐴑𐴁𐴡𐴕 𐴀𐴝𐴌 𐴏𐴥𐴝𐴁𐴟𐴕𐴡𐴌 𐴁𐴠𐴐𐴥𐴞 𐴈𐴡𐴔𐴞 𐴱𐴱

𐴁𐴡𐴌𐴔𐴝𐴌 𐴁𐴥𐴟𐴃𐴡𐴌𐴠 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃 𐴃𐴥𐴝𐴑𐴠𐴌𐴊𐴠 𐴔𐴝𐴕𐴟𐴙𐴐𐴢 𐴀𐴥𐴟𐴕𐴡𐴌 𐴒𐴦𐴝𐴌 𐴐𐴥𐴟𐴏𐴃𐴡𐴌 𐴁𐴝𐴁𐴡𐴃𐴠 𐴱 𐴁𐴦𐴝𐴌𐴠 𐴀𐴝𐴏𐴠𐴊𐴠 𐴔𐴝𐴕𐴟𐴙𐴐𐴢 𐴀𐴥𐴟𐴕𐴡𐴌𐴃𐴟 𐴁𐴥𐴝𐴌𐴥𐴡 𐴌𐴡𐴑𐴧𐴝𐴀 𐴐𐴥𐴡𐴑𐴃𐴞 𐴈𐴡𐴔 𐴱 𐴀𐴝𐴌𐴀𐴥𐴡 𐴀𐴠𐴑𐴎𐴝𐴒𐴝𐴃 𐴄𐴝𐴓𐴝𐴘𐴧𐴝 𐴱 𐴀𐴝𐴌 𐴉𐴝𐴕𐴥𐴞𐴌 𐴁𐴠𐴁𐴡𐴏𐴃𐴝 𐴘𐴥𐴡 𐴈𐴡𐴔 𐴊𐴥𐴠 𐴀𐴥𐴠𐴃𐴡𐴓𐴧𐴝 𐴇𐴥𐴠𐴓𐴃𐴡𐴌 ( 𐴐𐴥𐴟𐴏𐴃𐴡𐴌 ) 𐴐𐴥𐴝𐴑𐴝 𐴘𐴠 𐴈𐴡𐴘𐴧𐴠𐴊𐴠 𐴔𐴡𐴎𐴠𐴕 𐴀𐴠𐴒𐴡𐴎𐴝 𐴇𐴤𐴝𐴃 𐴊𐴤𐴟𐴖𐴡𐴕𐴀𐴥𐴡 𐴔𐴡𐴐𐴑𐴞𐴓 𐴀𐴥𐴡𐴘𐴧𐴠 𐴱 𐴉𐴝𐴕𐴞 𐴀𐴝𐴌 𐴏𐴥𐴝𐴁𐴟𐴕𐴡𐴌 𐴈𐴡𐴔𐴞 𐴘𐴠 𐴊𐴞𐴕𐴠 𐴏𐴥𐴡𐴁𐴝𐴌 𐴇𐴤𐴝𐴃 𐴊𐴤𐴟𐴖𐴝 𐴉𐴡𐴌𐴠𐴌𐴊𐴠 𐴎𐴝𐴒𐴝𐴃 𐴃𐴞𐴕 𐴁𐴝𐴌𐴀𐴥𐴡 𐴊𐴤𐴟𐴘 𐴕𐴡𐴉𐴝𐴌𐴞𐴓𐴠 ( 𐴔𐴥𐴝𐴏𐴑 ) 𐴔𐴟𐴑𐴁𐴡𐴕 𐴀𐴥𐴡 𐴉𐴞𐴣𐴊𐴞 𐴕𐴡 𐴉𐴝𐴌𐴞𐴓𐴠 𐴱 𐴐𐴥𐴝𐴌𐴝 𐴊𐴟𐴕𐴞𐴘𐴝𐴘 𐴉𐴥𐴡𐴘𐴓𐴝𐴘 𐴒𐴞𐴘𐴡𐴘𐴊𐴠 𐴑𐴡𐴌𐴟𐴕𐴝𐴌 𐴁𐴝𐴁𐴡𐴃𐴠 𐴃𐴝𐴌𐴝𐴌 𐴈𐴡𐴕 𐴀𐴝𐴁𐴡𐴏𐴃𐴝 𐴀𐴥𐴡𐴘𐴁𐴦𐴡 𐴁𐴡𐴓𐴞 𐴔𐴡𐴒𐴐𐴥𐴡𐴔𐴝𐴎 ( 𐴀𐴝𐴌 𐴀𐴞 𐴏𐴞 ) 𐴌 𐴏𐴠𐴒𐴠𐴄𐴠𐴌𐴞 / 𐴀𐴥𐴟𐴀 𐴎𐴡 𐴎𐴡 𐴄𐴥𐴗𐴥𐴠𐴚𐴠 𐴈𐴡𐴘𐴧𐴠 𐴱𐴱