𐴑𐴙𐴡𐴑 𐴄𐴡𐴌 𐴀𐴠𐴓𐴝𐴑𐴝𐴃 𐴊𐴡𐴌𐴥𐴡𐴔𐴡𐴌𐴥𐴡 𐴓𐴝𐴌𐴥𐴝𐴘 𐴏𐴡𐴓𐴦𐴠𐴌 𐴱𐴱

𐴑𐴡𐴓𐴥𐴝𐴋𐴠𐴚 𐴈𐴥𐴝𐴓 𐴀𐴝𐴌𐴑𐴝𐴕𐴡𐴌𐴃𐴟 𐴆𐴥𐴙𐴝𐴚𐴥 𐴋𐴞𐴐𐴄𐴞𐴑𐴡𐴌𐴠 𐴏𐴞𐴌𐴞 𐴀𐴞𐴕𐴋𐴞𐴘𐴝𐴌 𐴁𐴡𐴗𐴋𐴝𐴌𐴡𐴌𐴓𐴡𐴘 𐴁𐴝𐴙𐴅𐴧𐴙𐴠 𐴒𐴡𐴥𐴘𐴊𐴠 𐴀𐴥𐴠𐴕𐴋𐴞𐴓𐴧𐴝 𐴀𐴠𐴑𐴧𐴝𐴕 𐴈𐴥𐴝𐴓 𐴱 𐴀𐴥𐴠𐴈𐴥𐴝𐴓 𐴘𐴥𐴝𐴕 𐴁𐴦𐴝𐴘 𐴕𐴞𐴏𐴡𐴌𐴃𐴟 𐴖𐴡𐴌𐴔𐴞𐴑𐴧𐴙𐴝 𐴀𐴟𐴎𐴝𐴕 𐴀𐴟𐴍𐴠𐴌𐴊𐴠 𐴱 𐴔𐴠𐴓𐴠𐴄𐴠𐴌𐴞𐴌 𐴎𐴦𐴝𐴣𐴏𐴡𐴌𐴃𐴟 𐴔𐴠𐴓𐴠𐴄𐴠𐴌𐴞 𐴀𐴥𐴡𐴑𐴧𐴡𐴓𐴠 𐴉𐴝𐴌𐴝𐴌 𐴀𐴥𐴞𐴑𐴧𐴙𐴝 𐴋𐴦𐴡𐴣𐴌 𐴀𐴥𐴝𐴣𐴃𐴞𐴘𐴝𐴌 𐴔𐴝𐴌𐴡𐴕𐴡𐴌 𐴎𐴡𐴌𐴞𐴘𐴝 𐴵 𐴎𐴡𐴕 𐴔𐴝𐴕𐴟𐴙𐴐𐴢 𐴒𐴥𐴝𐴙𐴓 𐴀𐴥𐴡𐴘𐴧𐴠 𐴱 𐴀𐴥𐴠𐴍𐴠 𐴁𐴥𐴟𐴃𐴡𐴌 𐴈𐴥𐴝𐴓𐴡𐴃 𐴔𐴝𐴏𐴢 𐴏𐴦𐴝𐴌𐴊𐴠 𐴳 𐴎𐴡𐴕 𐴌𐴟𐴇𐴙𐴚𐴒𐴙𐴝 𐴔𐴟𐴏𐴡𐴓𐴔𐴝𐴕 𐴀𐴠𐴑 𐴎𐴡𐴕 𐴏𐴡𐴙𐴓𐴡𐴌 𐴔𐴦𐴙𐴓𐴡𐴃 𐴈𐴝𐴔 𐴒𐴡𐴌𐴠𐴊𐴠 𐴈𐴥𐴡𐴚𐴑𐴝𐴌 𐴀𐴝𐴌𐴀𐴠𐴑 𐴎𐴡𐴕 𐴏𐴦𐴡𐴣𐴘𐴊𐴝𐴌 𐴱𐴱

𐴌𐴝𐴔𐴟𐴃 𐴊𐴝𐴓𐴝𐴓 𐴐𐴥𐴡𐴣𐴀 𐴴 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝𐴌 𐴔𐴝𐴘𐴧𐴝 𐴊𐴤𐴡𐴌𐴝 𐴉𐴡𐴙𐴅𐴧𐴙𐴠 𐴱𐴱

𐴔𐴝𐴌𐴠𐴆𐴡𐴌 𐴰 𐴲 𐴃𐴝𐴌𐴞𐴑 𐴰 𐴲 𐴰 𐴲 𐴐𐴥𐴟𐴑𐴧𐴟𐴌 𐴁𐴝𐴌𐴠 𐴒𐴟𐴂𐴃𐴡 𐴁𐴥𐴠𐴊𐴞 𐴀𐴥𐴡𐴑𐴧𐴡𐴓𐴡𐴌 𐴅𐴝𐴕𐴑𐴝𐴌𐴞 𐴓𐴡𐴘 𐴌𐴝𐴔𐴟 𐴀𐴟𐴉𐴡𐴎𐴞𐴓𐴝𐴌 𐴀𐴡𐴉𐴞𐴏𐴝𐴌𐴠 𐴱 𐴊𐴝𐴓𐴝𐴓 𐴐𐴥𐴡𐴣𐴀 𐴌𐴟𐴇𐴝𐴙𐴚𐴒𐴙𐴝 𐴔𐴝𐴘𐴧𐴝 𐴏𐴝𐴙𐴌 𐴎𐴡𐴕𐴡𐴌𐴠 𐴁𐴡𐴕𐴒𐴡𐴙𐴅𐴧𐴙𐴠 𐴱 𐴃𐴝𐴓𐴝𐴐𐴞 𐴓𐴡𐴘𐴧𐴠𐴊𐴠 𐴀𐴥𐴠𐴍𐴠 𐴀𐴥𐴞𐴃𐴝𐴌𐴝𐴌𐴃𐴟 𐴳 𐴕𐴗𐴥𐴝 𐴔𐴟𐴁𐴦𐴝𐴙𐴓𐴀𐴥𐴡 𐴉𐴝𐴘𐴧𐴠 𐴱 𐴔𐴝𐴘𐴧𐴝 𐴀𐴥𐴡𐴑𐴧𐴡𐴓𐴡𐴌𐴠 𐴉𐴥𐴝𐴓𐴡𐴚 𐴈𐴥𐴝𐴓𐴞𐴌 𐴎𐴝𐴔𐴃𐴡𐴓𐴞 𐴌𐴞𐴉𐴟𐴎𐴞 𐴑𐴠𐴀𐴠𐴔 ( 𐴏𐴞 ) 𐴁𐴡𐴓𐴡𐴑𐴡𐴃 𐴃𐴥𐴝𐴑𐴠𐴊𐴠 𐴏𐴟𐴓𐴠𐴔𐴝𐴕𐴡𐴌 𐴉𐴟𐴖𐴝 𐴊𐴝𐴓𐴝𐴓 / 𐴇𐴝𐴔𐴞𐴊𐴟𐴓𐴧𐴝𐴇𐴢 𐴹 𐴱 𐴁𐴡𐴏𐴡𐴌 𐴱 𐴀𐴞𐴃𐴠 𐴀𐴝𐴊𐴡𐴔 𐴁𐴙𐴝𐴌𐴞𐴌 𐴏𐴥𐴞𐴏𐴞𐴓𐴝𐴃 𐴌𐴝𐴔𐴟𐴃 𐴀𐴝𐴙𐴕𐴧𐴠𐴊𐴠 𐴱𐴱

𐴀𐴥𐴠 𐴔𐴝𐴘𐴧𐴝 𐴀𐴥𐴡𐴑𐴧𐴡𐴓 𐴀𐴥𐴡𐴙𐴓𐴊𐴠 𐴀𐴟𐴕𐴏𐴞 𐴉𐴝𐴌𐴝𐴚 𐴑𐴠𐴀𐴠𐴔 ( 𐴀𐴞 ) 𐴁𐴡𐴓𐴡𐴑𐴡𐴃 𐴃𐴥𐴝𐴑𐴡𐴙𐴕𐴧𐴝 𐴔𐴝𐴙𐴕𐴐𐴡𐴌 𐴎𐴥𐴞 𐴀𐴥𐴡𐴑𐴧𐴡𐴓 𐴱 𐴀𐴞𐴎𐴧𐴡𐴃𐴡𐴌 𐴓𐴠𐴇𐴝𐴎 𐴒𐴡𐴌𐴞 𐴕𐴝𐴔 𐴓𐴠𐴑𐴤𐴝 𐴕𐴦𐴡𐴎𐴝𐴊𐴠 𐴱 𐴊𐴝𐴓𐴝𐴓𐴡𐴌𐴠 𐴶 𐴶 𐴱 𐴓𐴡𐴔𐴁𐴡𐴌 𐴊𐴤𐴝𐴌𐴝 𐴓𐴡𐴘 𐴎𐴞𐴘𐴡𐴓𐴡𐴃 𐴊𐴞𐴘𐴠 𐴔𐴝𐴘𐴧𐴝 𐴀𐴥𐴡𐴑𐴧𐴡𐴓𐴡𐴌𐴠 𐴉𐴟𐴓𐴞𐴐𐴡𐴌 𐴇𐴠𐴉𐴝𐴎𐴡𐴃𐴡𐴃 𐴁𐴝𐴉𐴢 𐴔𐴝𐴣𐴌 𐴈𐴝𐴣𐴏𐴠 𐴉𐴦𐴡𐴣𐴏𐴝𐴘 𐴊𐴞𐴘𐴠 𐴁𐴡𐴓𐴞 / 𐴑𐴡𐴑𐴐𐴢 𐴁𐴝𐴎𐴝𐴌 𐴕𐴙𐴟𐴎 𐴋𐴦𐴡𐴄 𐴑𐴡𐴔𐴡𐴃 𐴓𐴠𐴙𐴑𐴧𐴙𐴠 𐴱𐴱

𐴀𐴝𐴙𐴅𐴧𐴙𐴝 𐴱 𐴲 𐴔𐴝𐴌𐴠𐴆 𐴰 𐴲 𐴰 𐴲 𐴉𐴡𐴙𐴅𐴧𐴡𐴕𐴃𐴡 𐴉𐴟𐴌𐴝 𐴊𐴟𐴕𐴞𐴘𐴝𐴙𐴃 𐴑𐴡𐴌𐴟𐴕𐴝 𐴖𐴝𐴙𐴌𐴠𐴏𐴢 𐴀𐴥𐴡𐴘𐴧𐴠𐴊𐴠 𐴁𐴙𐴝𐴌𐴝𐴙𐴔𐴧𐴝 𐴄𐴟𐴄𐴠𐴓 𐴲 𐴵 𐴴 𐴵 𐴷 𐴲 𐴎𐴡𐴕 𐴀𐴥𐴠𐴃𐴧𐴟 𐴀𐴝𐴌𐴝𐴔 𐴀𐴥𐴡𐴘𐴧𐴠𐴊𐴠 𐴸 𐴵 𐴲 𐴸 𐴸 𐴎𐴡𐴕 𐴔𐴡𐴌𐴞𐴒𐴞𐴘𐴡𐴘𐴊𐴠 𐴲 𐴰 𐴴 𐴱 𐴱 𐴎𐴡𐴕 𐴱𐴱