𐴁𐴡𐴌𐴔𐴝𐴌 𐴔𐴠𐴓𐴠𐴄𐴠𐴌𐴞𐴌 𐴔𐴦𐴝𐴙𐴕 𐴁𐴟𐴔𐴡𐴌 𐴎𐴡𐴌𐴞𐴘𐴝 𐴱 𐴎𐴞𐴌𐴟 𐴂𐴗𐴝𐴙𐴕𐴡𐴃 𐴀𐴠𐴑 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝𐴌 𐴔𐴡𐴗𐴃 𐴱𐴱

𐴁𐴡𐴌𐴔𐴝𐴌 𐴔𐴠𐴓𐴠𐴄𐴠𐴌𐴞 𐴀𐴥𐴡𐴑𐴧𐴡𐴓𐴡𐴌 𐴎𐴟𐴓𐴟𐴔 𐴁𐴡𐴊𐴧𐴝𐴐𐴢 𐴒𐴡𐴌𐴞 𐴕𐴡𐴉𐴝𐴌𐴞 𐴱 𐴁𐴝𐴚𐴓𐴝𐴊𐴠𐴐𐴡𐴃 𐴏𐴥𐴝𐴀𐴝𐴌𐴝 𐴓𐴡𐴘𐴧𐴠𐴊𐴠 𐴱 𐴁𐴡𐴌𐴔𐴝𐴌 𐴊𐴠𐴐𐴡𐴙𐴃𐴧𐴝 𐴈𐴡𐴔𐴐𐴥𐴡𐴙𐴚𐴒𐴙𐴝 𐴑𐴡𐴗𐴔 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓 𐴱 𐴁𐴝𐴚𐴓𐴝𐴊𐴠𐴐𐴥𐴡𐴃 𐴀𐴥𐴟𐴊𐴧𐴝 𐴁𐴡𐴌𐴔𐴝𐴌 𐴎𐴟𐴓𐴟𐴔𐴡𐴌𐴃𐴟 𐴁𐴝𐴏𐴞 𐴕𐴡𐴉𐴝𐴌𐴦𐴠𐴌 𐴱 𐴒𐴡𐴃𐴡 𐴌𐴦𐴡𐴘𐴁𐴝𐴌𐴠 𐴵 𐴱 / 𐴔𐴝𐴌𐴠𐴆 𐴰 𐴲 𐴰 𐴲 𐴃𐴝𐴌𐴞𐴑𐴡𐴃 𐴓𐴡𐴒𐴁𐴤𐴡𐴒𐴢 𐴊𐴦𐴟𐴣𐴅𐴧𐴙𐴝 𐴰 𐴳 : 𐴲 𐴱 𐴁𐴝𐴎𐴠 𐴎𐴞𐴌𐴟 𐴂𐴗𐴝𐴙𐴕𐴡𐴃 𐴁𐴡𐴌𐴔𐴝𐴌 𐴔𐴠𐴓𐴠𐴄𐴠𐴌𐴞 𐴘𐴠 𐴒𐴝𐴣𐴙𐴅𐴧𐴙𐴠𐴊𐴠 𐴔𐴦𐴝𐴙𐴕 𐴁𐴟𐴔 𐴉𐴥𐴟𐴍𐴞 𐴘𐴡𐴌𐴠 𐴌𐴟𐴇𐴝𐴙𐴚𐴒𐴙𐴝 𐴀𐴠𐴑 𐴎𐴡𐴕 𐴐𐴥𐴡𐴇𐴞𐴊 𐴀𐴥𐴡𐴘𐴒𐴞𐴘𐴡𐴘 𐴱𐴱

𐴔𐴝𐴕𐴟𐴙𐴐𐴢 𐴀𐴥𐴞𐴁𐴝𐴌 𐴕𐴝𐴔 𐴀𐴥𐴡𐴙𐴓𐴊𐴠 / 𐴔𐴟𐴕𐴞𐴌𐴟𐴓𐴧𐴝𐴇𐴢 𐴁𐴝𐴉𐴢 𐴇𐴝𐴓𐴝𐴔𐴞𐴛𐴝 𐴁𐴡𐴐𐴢 𐴵 𐴲 𐴁𐴡𐴏𐴡𐴌 𐴱 𐴀𐴥𐴊𐴞𐴕 𐴁𐴠𐴙𐴕𐴧𐴝 𐴕𐴞𐴎𐴡𐴌 𐴒𐴤𐴡𐴌𐴒𐴟𐴐𐴧𐴞 𐴘𐴠 𐴁𐴤𐴝𐴃 𐴏𐴥𐴝𐴓𐴡𐴕 𐴌𐴝𐴙𐴊𐴞𐴁𐴡𐴌𐴓𐴝 𐴊𐴝𐴌𐴒𐴗𐴥𐴝𐴌𐴓𐴝 𐴒𐴞𐴘𐴠𐴊𐴠 𐴀𐴥𐴠𐴕𐴃𐴟 𐴉𐴡𐴌𐴝𐴕 𐴓𐴡𐴘 𐴀𐴦𐴝𐴘 𐴕𐴦𐴡𐴉𐴝𐴌𐴠 𐴱 𐴁𐴠𐴙𐴕𐴧𐴝 𐴒𐴞𐴘𐴠𐴊𐴠 𐴔𐴝𐴕𐴟𐴙𐴐𐴢 𐴁𐴠𐴙𐴓 𐴋𐴟𐴉𐴥𐴞 𐴎𐴝𐴌 𐴒𐴥𐴡𐴘𐴊𐴠 𐴀𐴥𐴟𐴊𐴧𐴝 𐴎𐴠𐴈𐴡𐴕 𐴕𐴡𐴀𐴝𐴘𐴧𐴠𐴌 𐴱 𐴃𐴦𐴡𐴘 𐴔𐴟𐴕𐴞𐴌𐴟𐴓𐴧𐴝𐴇𐴌 𐴁𐴤𐴝𐴘 𐴁𐴡𐴕𐴊𐴟 𐴀𐴥𐴡𐴑𐴧𐴡𐴓 𐴊𐴝𐴌𐴒𐴥𐴗𐴝𐴌𐴓𐴝 𐴒𐴞𐴘𐴠𐴊𐴠 𐴎𐴦𐴡𐴣𐴓𐴡𐴌 𐴀𐴥𐴞𐴑𐴧𐴙𐴝 𐴃𐴟𐴖𐴝𐴘𐴃𐴡 𐴒𐴞𐴘𐴠 𐴱 𐴃𐴝𐴌𐴉𐴡𐴌 𐴊𐴞𐴕 𐴁𐴠𐴙𐴕𐴧𐴝 𐴇𐴥𐴝𐴃 𐴄𐴥𐴠𐴚 𐴏𐴥𐴞𐴌𐴝 𐴎𐴡𐴈𐴡𐴔𐴡𐴌 𐴇𐴥𐴝𐴓𐴡𐴃𐴡𐴃 𐴓𐴝𐴐𐴢 𐴉𐴝𐴘𐴓𐴦𐴡 𐴱 𐴁𐴦𐴝𐴊𐴠 𐴀𐴝𐴕𐴞 𐴅𐴡𐴕𐴝𐴎𐴝 𐴉𐴡𐴌𐴞 𐴊𐴡𐴉𐴡𐴕 𐴒𐴡𐴌𐴞 𐴉𐴥𐴠𐴓𐴝𐴘𐴧𐴠 𐴱𐴱