𐴔𐴥𐴝𐴔𐴁𐴡𐴌𐴥𐴝𐴃 𐴁𐴟𐴔 𐴉𐴥𐴟𐴍𐴞 𐴃𐴞𐴕 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝𐴌 𐴔𐴡𐴖𐴃 𐴀𐴠𐴑𐴎𐴡𐴕 𐴒𐴥𐴝𐴙𐴓 𐴱𐴱

𐴀𐴝𐴌𐴑𐴝𐴕𐴡𐴃 𐴔𐴥𐴝𐴔𐴁𐴡𐴌𐴥𐴝 𐴄𐴡𐴀𐴕𐴡𐴌 𐴀𐴠𐴓𐴝𐴑𐴝 𐴋𐴠𐴙𐴀𐴓 𐴉𐴝𐴌𐴝𐴃 𐴰 𐴱 / 𐴔𐴝𐴌𐴠𐴆 𐴰 𐴲 𐴰 𐴲 𐴀𐴞𐴚 𐴶 𐴲 / 𐴲 𐴱 / 𐴱 𐴳 𐴲 𐴱 𐴌𐴟𐴇𐴝𐴙𐴚 𐴱 𐴀𐴠 𐴃𐴝𐴌𐴞𐴑𐴡𐴃 𐴀𐴥𐴝𐴣𐴎𐴡𐴙𐴕𐴧𐴙𐴝 𐴰 𐴰 : 𐴳 𐴁𐴝𐴎𐴠 𐴁𐴟𐴔 𐴉𐴥𐴟𐴍𐴞 𐴃𐴞𐴕 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴐𐴥𐴡𐴇𐴞𐴊 𐴀𐴥𐴡𐴘𐴧𐴠 𐴀𐴝𐴌 𐴀𐴠𐴑 𐴎𐴡𐴕 𐴒𐴥𐴝𐴙𐴓 𐴀𐴥𐴡𐴘𐴧𐴠 𐴱 𐴐𐴥𐴡𐴇𐴞𐴊 𐴀𐴥𐴡𐴘𐴧𐴠𐴊𐴠 𐴀𐴥𐴞𐴃𐴝𐴌𐴝 𐴀𐴥𐴡𐴙𐴓𐴊𐴠 ( 𐴱 ) 𐴔𐴟𐴇𐴝𐴔𐴧𐴡𐴊 𐴑𐴝𐴏𐴞𐴔 𐴁𐴝𐴉𐴢 𐴕𐴟𐴌𐴟𐴓 𐴇𐴥𐴡𐴑 𐴁𐴡𐴐𐴢 𐴴 𐴲 𐴁𐴡𐴏𐴡𐴌 ( 𐴲 ) 𐴔𐴟𐴇𐴝𐴔𐴧𐴡𐴊 𐴌𐴡𐴉𐴞𐴑 𐴁𐴝𐴉 𐴑𐴟𐴌𐴁𐴝𐴕 𐴀𐴝𐴓𐴞 𐴁𐴡𐴐𐴢 𐴴 𐴱 𐴁𐴡𐴏𐴡𐴌 ( 𐴳 ) 𐴊𐴥𐴡𐴓𐴝𐴘𐴧𐴝 𐴁𐴝𐴉𐴢 𐴕𐴟𐴌 𐴇𐴟𐴏𐴡𐴕 𐴁𐴡𐴐𐴢 𐴲 𐴱 𐴁𐴡𐴏𐴡𐴌 𐴱 𐴒𐴥𐴝𐴙𐴓 𐴀𐴥𐴡𐴘𐴧𐴠𐴊𐴠 𐴀𐴥𐴞𐴁𐴝 𐴑𐴟𐴌𐴁𐴝𐴕 𐴀𐴝𐴓𐴞 𐴁𐴝𐴉𐴢 𐴏𐴥𐴟𐴓𐴃𐴝𐴕 𐴁𐴡𐴐𐴢 𐴰 𐴵 𐴁𐴡𐴏𐴡𐴌 𐴱𐴱

𐴀𐴝𐴌𐴑𐴝𐴕𐴡𐴃 𐴔𐴥𐴝𐴔𐴁𐴡𐴌𐴝 𐴉𐴝𐴃𐴧𐴡𐴌 𐴑𐴞𐴓𐴧𐴝 𐴑𐴙𐴡𐴑𐴄𐴡 𐴀𐴠𐴃𐴧𐴝𐴊𐴞 𐴎𐴃𐴒𐴝 𐴀𐴥𐴡𐴑𐴧𐴡𐴓𐴡𐴃 𐴔𐴠𐴓𐴠𐴄𐴠𐴌𐴞 𐴀𐴝𐴌 𐴔𐴡𐴒𐴁𐴝𐴒𐴞𐴌 𐴔𐴝𐴎𐴠 𐴓𐴝𐴌𐴥𐴝𐴘 𐴑𐴦𐴟𐴁 𐴊𐴡𐴌𐴥𐴡 𐴔𐴡𐴌𐴥𐴡 𐴒𐴡𐴌𐴞 𐴏𐴡𐴓𐴦𐴡𐴕𐴠 𐴱 𐴀𐴠𐴑 𐴉𐴦𐴝𐴄𐴞 𐴘𐴠 𐴀𐴡𐴉𐴡𐴌 𐴉𐴦𐴝𐴄𐴞𐴌 𐴓𐴟𐴑𐴏𐴝𐴕 𐴒𐴡𐴌𐴞𐴁𐴡𐴌𐴓𐴝 𐴱 𐴊𐴟𐴕𐴥𐴞 𐴋𐴦𐴝𐴘𐴧𐴠 𐴎𐴝𐴒𐴝 𐴎𐴝𐴒𐴝 𐴔𐴝𐴙𐴕 𐴁𐴟𐴔 𐴀𐴥𐴡𐴑𐴧𐴡𐴓 𐴒𐴝𐴣𐴌𐴝𐴘𐴧𐴠 𐴱 𐴀𐴥𐴠 𐴔𐴝𐴙𐴕 𐴁𐴟𐴔 𐴀𐴥𐴟𐴀𐴕 𐴉𐴥𐴟𐴍𐴞 𐴔𐴠𐴓𐴠𐴄𐴠𐴌𐴞 𐴀𐴝𐴌 𐴔𐴡𐴒𐴁𐴝𐴒𐴞𐴌 𐴃𐴥𐴟𐴁𐴝𐴌𐴥𐴡 𐴂𐴝𐴂𐴓𐴞𐴑 𐴁𐴠𐴐𐴥𐴞 𐴔𐴡𐴌𐴦𐴠𐴌 𐴱𐴱

𐴔𐴡𐴚𐴓𐴝 𐴂𐴦𐴟𐴌𐴄𐴡𐴃 𐴲 𐴱 𐴎𐴡𐴕 𐴌𐴟𐴇𐴝𐴙𐴕𐴒𐴙𐴝 𐴊𐴤𐴡𐴌𐴝 𐴉𐴡𐴙𐴅𐴧𐴙𐴠 𐴱𐴱

𐴁𐴝𐴚𐴓𐴝𐴊𐴠𐴐𐴡𐴌 𐴋𐴞𐴒𐴢 𐴌𐴝𐴎 𐴀𐴠𐴓𐴝𐴑𐴝𐴌 𐴔𐴡𐴚𐴓𐴝 𐴂𐴦𐴟𐴌𐴄𐴡𐴌 𐴁𐴝𐴒𐴞𐴌 𐴇𐴥𐴝𐴄𐴡𐴃 𐴹 𐴎𐴡𐴕 𐴉𐴟𐴖𐴝𐴙𐴕 𐴐𐴥𐴡𐴣𐴀 𐴲 𐴱 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴱 𐴌𐴝𐴏𐴧𐴝𐴌 𐴖𐴡𐴌𐴠 𐴑𐴠𐴙𐴏𐴧𐴟 𐴈𐴥𐴡𐴏𐴧𐴝 𐴁𐴞𐴏𐴧𐴝 𐴃𐴟𐴖𐴝𐴌𐴊𐴠 𐴀𐴥𐴠𐴍𐴠 𐴱 𐴀𐴥𐴠 𐴎𐴝𐴒𐴝𐴌 𐴔𐴝𐴕𐴟𐴙𐴐𐴢 𐴀𐴥𐴡𐴑𐴧𐴡𐴓𐴡𐴌 𐴈𐴡𐴃𐴥𐴝𐴁𐴝𐴃𐴧𐴝𐴌𐴝 𐴓𐴥𐴠𐴇𐴅𐴝 𐴕𐴡 𐴁𐴡𐴕𐴡𐴕𐴠 𐴊𐴠𐴐𐴥𐴡𐴙𐴃𐴧𐴝 𐴀𐴥𐴡𐴑𐴧𐴡𐴓𐴠 𐴉𐴟𐴓𐴞𐴆𐴡𐴌𐴠 𐴓𐴝𐴒𐴝𐴘 𐴊𐴠𐴘𐴠 𐴱 𐴃𐴦𐴡𐴘 𐴉𐴟𐴓𐴞𐴆 𐴃𐴝𐴌𐴝𐴌 𐴃𐴥𐴡𐴌𐴡𐴃 𐴀𐴦𐴝𐴘 𐴁𐴡𐴕𐴒𐴡𐴌𐴞 𐴔𐴡𐴚𐴓𐴝 𐴉𐴟𐴓𐴞𐴆 𐴃𐴥𐴝𐴕𐴝𐴃 𐴓𐴡𐴘 𐴒𐴞𐴘𐴡𐴘 𐴱 𐴀𐴥𐴠 𐴲 𐴱 𐴎𐴡𐴕𐴡𐴌 𐴁𐴥𐴟𐴃𐴡𐴌𐴠 / 𐴅𐴝𐴖𐴠𐴊 𐴀𐴝𐴌 𐴅𐴝𐴖𐴠𐴊𐴡𐴌 𐴁𐴠𐴍𐴞 / 𐴕𐴟𐴌 𐴁𐴠𐴒𐴡𐴔 𐴀𐴝𐴌 𐴅𐴝𐴖𐴠𐴊𐴡𐴌 𐴁𐴤𐴡𐴙𐴕 / 𐴉𐴝𐴃𐴠𐴔𐴝 𐴱𐴱

𐴕𐴡 𐴎𐴡𐴕 𐴉𐴟𐴖𐴝𐴙𐴕 𐴀𐴥𐴟𐴀𐴕 𐴃𐴝𐴌𐴝 𐴁𐴤𐴝𐴘 𐴁𐴤𐴡𐴙𐴕 𐴊𐴟𐴕𐴥𐴞 𐴎𐴡𐴕𐴌 𐴱 𐴉𐴟𐴓𐴞𐴆 𐴃𐴥𐴝𐴕𐴝𐴃 𐴅𐴝𐴖𐴠𐴊𐴠 𐴈𐴡𐴘𐴧𐴠𐴊𐴠 𐴱 𐴀𐴝𐴣𐴀𐴌𐴝 𐴁𐴡𐴌𐴔𐴝𐴌𐴃𐴟 𐴀𐴞𐴕𐴋𐴞𐴘𐴝𐴌 𐴃𐴟𐴌𐴥𐴟 𐴑𐴡𐴓𐴑𐴡𐴃𐴧𐴝 𐴁𐴦𐴝𐴘 𐴑𐴝𐴑𐴐𐴁𐴝𐴎𐴝𐴌 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃 𐴎𐴝𐴘𐴁𐴝𐴌 𐴑𐴟𐴐𐴞𐴐𐴡𐴃 𐴀𐴠𐴊𐴧𐴟𐴌 𐴉𐴦𐴡𐴣𐴏𐴧𐴞𐴊𐴠 𐴱 𐴉𐴥𐴟𐴕𐴧𐴞𐴊𐴠 𐴌𐴝𐴏𐴧𐴝 𐴀𐴞𐴁𐴥𐴝 𐴁𐴦𐴝𐴘 𐴑𐴠𐴀𐴠𐴔𐴡𐴃 𐴎𐴝𐴘𐴃𐴠 𐴁𐴠𐴐𐴥𐴞 𐴀𐴝𐴏𐴦𐴝𐴕 𐴱𐴱